ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆ ՔԱՂԱՔԻ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ԳՈՒՅՔՆ ՕԳՏԱԳՈՐԾՄԱՆ ՏՐԱՄԱԴՐԵԼՈՒ ԵՎ ՕՏԱՐՄԱՆ 2014 ԹՎԱԿԱՆԻ ԾՐԱԳՐԻ ՎԵՐԱԲԵՐՅԱԼ

«Երևան քաղաքում տեղական ինքնակառավարման մասին» Հայաստանի Հանրապետության օրենքի 12-րդ հոդվածի 1-ին մասի 18-րդ կետին համապատասխան`

Երևան քաղաքի ավագանին որոշում է.

1. Հաստատել Երևան քաղաքի սեփականություն համարվող գույքն օգտագործման տրամադրելու և օտարման 2014 թվականի ծրագիրը` համաձայն հավելվածի:

2. Ընդունել ի գիտություն, որ.

1) հողամասերն օգտագործման, այդ թվում` սահմանափակ օգտագործման (սերվիտուտ) տրամադրելու և օտարման հետ կապված հարաբերությունները ենթակա են կարգավորման Հայաստանի Հանրապետության հողային, Հայաստանի Հանրապետության քաղաքացիական օրենսգրքերին, Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշմանը և հողային հարաբերությունները կարգավորող այլ իրավական ակտերին համապատասխան.

2) հողամասերի կամ դրանց առանձին հատվածների աճուրդով վաճառքի մեկնարկային գինը չի կարող պակաս լինել հողամասի կադաստրային արժեքից.

3) ինքնակամ կառույցների օգտագործման տրամադրելու և օտարման հետ կապված հարաբերությունները ենթակա են կարգավորման Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմանը համապատասխան.

4) քանդման ենթակա վթարային բնակելի տների և հանրակացարանային բնակելի շենքերի բնակիչների բնակարանային խնդիրների լուծման նպատակով պետական բյուջեից հատկացված միջոցների հաշվին կառուցված բազմաբնակարան շենքերի բնակարանների հատկացման կամ այդ բնակարանների տնօրինման հետ կապված հարաբերությունները` համաձայն Երևան քաղաքի ավագանու 2009 թվականի սեպտեմբերի 23-ի «Երևան համայնքի վարչական տարածքում քանդման ենթակա վթարային հանրակացարանային բնակելի շենքերի բնակիչների բնակարանային խնդիրները լուծելու և Երևանի քաղաքապետին իրավասություններ վերապահելու մասին» N 23-Ա և «Երևան համայնքի վարչական տարածքում քանդման ենթակա վթարային բնակելի տների բնակիչների բնակարանային խնդիրները լուծելու և Երևանի քաղաքապետին իրավասություններ վերապահելու մասին» N 24-Ա որոշումների, ենթակա են կարգավորման Հայաստանի Հանրապետության կառավարության 2009 թվականի փետրվարի 5-ի «Երևան քաղաքի քանդման ենթակա վթարային հանրակացարանային բնակելի շենքերի բնակիչներին բնակարաններ հատկացնելու կարգը հաստատելու մասին» N 172-Ն և 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշումներին համապատասխան.

5) հողամասերն անհատույց օգտագործման կամ վարձակալության կամ կառուցապատման իրավունքով տրամադրվում են մինչև 99 տարի ժամկետով: Հողամասերի սահմանափակ օգտագործումը (սերվիտուտ) կարող է լինել ժամանակավոր` մինչև 99 տարի ժամկետով, կամ մշտական.

6) Հայաստանի Հանրապետության հողային օրենսգրքի 66-րդ հոդվածի 5-րդ կետին համապատասխան` Հայաստանի Հանրապետության կառավարության հավանությանն արժանացած ներդրումային ծրագրերի իրականացման համար հողամասերի ուղղակի վաճառքի դեպքում ձեռք բերողների համար կարող է սահմանվել նաև տարաժամկետ վճարման իրավունք.

7) հողամասերը սեփականության իրավունքով անհատույց տրամադրվում են «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով սահմանված կարգով:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Երևանի քաղաքապետ

Տ. Մարգարյան

Ծ Ր Ա Գ Ի Ր

ԵՐԵՎԱՆ ՔԱՂԱՔԻ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ԳՈՒՅՔՆ ՕԳՏԱԳՈՐԾՄԱՆ ՏՐԱՄԱԴՐԵԼՈՒ ԵՎ ՕՏԱՐՄԱՆ 2014 ԹՎԱԿԱՆԻ

I. ԸՆԴՀԱՆՈՒՐ ԴՐՈՒՅԹՆԵՐ

1. Երևան քաղաքի սեփականություն համարվող գույքի (հողամասեր, բնակարաններ, ոչ բնակելի տարածքներ, շենքեր և շինություններ, ինքնակամ կառույցներ և այլ անշարժ ու շարժական գույք, իրավաբանական անձանց կանոնադրական կապիտալում մասնակցություն) (այսուհետ` նաև Գույք) օգտագործման տրամադրելու և օտարման 2014 թվականի ծրագիրը (այսուհետ` Ծրագիր) նպատակաուղղված է Երևան համայնքի սոցիալ-տնտեսական զարգացման և բյուջետային քաղաքականության ուղղություններով սահմանված խնդիրների, ինչպես նաև Երևան համայնքի բնակիչների բնակարանային հարցերի լուծմանը:

2. 2014 թվականի ընթացքում Գույքի օգտագործման, այդ թվում` սահմանափակ օգտագործման (սերվիտուտ) տրամադրելու և օտարման հիմնական նպատակներն են.

1) Գույքի օգտագործման, այդ թվում` սահմանափակ օգտագործման (սերվիտուտ) արդյունավետության բարձրացումը.

2) Գույքի օտարումից, վարձակալության, կառուցապատման և սահմանափակ օգտագործման (սերվիտուտ) իրավունքով հանձնելուց ստացված միջոցների հաշվին Երևանի բյուջեում եկամուտների ապահովումն ու ավելացումը:

3. Գույքը կարող է տրամադրվել անհատույց օգտագործման կամ անհատույց օտարվել միայն Երևան քաղաքի ավագանու որոշմամբ` բացառությամբ Ծրագրի 4-րդ կետի և 39-րդ կետի 4-րդ ենթակետի:

4. Երևան քաղաքի սեփականություն համարվող բնակարանները, բնակելի տները և բնակելի տարածքները կարող են Երևանի քաղաքապետի որոշմամբ սեփականության իրավունքով անհատույց փոխանցվել այն անձին (անձանց) կամ ընտանիքներին, որոնք`

1) «Հայաստանի Հանրապետության պետական, հանրային և համայնքային բնակարանային ֆոնդի սեփականաշնորհման մասին» և «Պետական բնակարանային ֆոնդի բնակարանների անհատույց մասնավորեցման մասին» Հայաստանի Հանրապետության օրենքներին համապատասխան հանդիսացել են սեփականաշնորհման (մասնավորեցման) սուբյեկտ և (կամ) վարձակալ, դրանց գործողության ժամանակահատվածում չեն սեփականաշնորհել (մասնավորեցրել) իրենց բնակարանները կամ բնակելի տները, ներկայումս հաշվառված ու մշտապես (փաստացի) բնակվում են այդ բնակարաններում կամ բնակելի տներում.

2) Հայաստանի Հանրապետության կառավարության, պետական այլ մարմինների կամ Երևանի քաղաքապետի կամ Երևանի թաղային համայնքների տեղական ինքնակառավարման մարմինների որոշումների և կարգադրությունների կամ պետական մասնակցությամբ ընկերությունների (պետական ձեռնարկությունների) կողմից տրամադրված օրդերների (այլ փաստաթղթերի) կամ սահմանված կարգով ուժի մեջ մտած դատարանի վճիռների հիման վրա մշտապես (փաստացի) բնակվում են դրանցում.

3) վերաբնակեցվել են վթարային քանդման ենթակա շենքերից և նորակառույց շենքի բնակարանները տիրապետում և օգտագործում են վարձակալության իրավունքով.

4) բազմազավակ են, ունեն 6 և ավելի երեխաներ, չունեն սեփական բնակարան կամ ունեն բնակպայմանների բարելավման կարիք.

5) հանրապետության մշակութային և տնտեսական զարգացման բնագավառում մեծ ներդրում ունեցող արվեստի, մշակույթի և այլ ոլորտների ականավոր գործիչներ են, որոնք (նրանց ընտանիքների անդամները) չունեն սեփական բնակարան կամ ունեն բնակպայմանների բարելավման կարիք.

6) 1988-1992 թվականներին Ադրբեջանի Հանրապետությունից բռնագաղթված և Հայաստանի Հանրապետության քաղաքացիություն ստացած այն անձանց, ովքեր բնակարաններում, բնակելի տներում և բնակելի տարածքներում բնակվում և հաշվառված են (այդ թվում փաստացի) 10 տարվանից ավելի.

7) վերաբնակեցվում են քանդման ենթակա վթարային բնակելի տներից և հանրակացարանային բնակելի շենքերից Երևանի քաղաքային համայնքի բյուջեից հատկացված միջոցների հաշվին կառուցված բազմաբնակարան շենքերի բնակարաններ, ընդ որում` բնակարանների հատկացման կամ այդ բնակարանների տնօրինման հետ կապված հարաբերությունները ենթակա են կարգավորման Հայաստանի Հանրապետության կառավարության 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682, 2009 թվականի փետրվարի 5-ի «Երևան քաղաքի քանդման ենթակա վթարային հանրակացարանային բնակելի շենքերի բնակիչներին բնակարաններ հատկացնելու կարգը հաստատելու մասին» N 172-Ն որոշումներով ամրագրված սկզբունքներին համապատասխան:

5. Սույն ծրագրի իմաստով 4-րդ կետում նշված «բնակպայմանների բարելավման կարիք» ունեցող է համարվում այն անձը (անձինք) կամ ընտանիքը, որոնց ընդհանուր համատեղ կամ բաժնային սեփականություն հանդիսացող բնակելի տանը կամ բնակարանում կամ այլ բնակելի տարածքում մեկ անձին հասանելիք բնակելի տարածքի բաժնեմասը չի գերազանցում 9.0 քառ. մետր մակերեսը և իրենք կամ իրենց հետ համատեղ բնակվող անձինք (ծնողները, ամուսինը և երեխաները) վերջին հինգ տարվա ընթացքում Հայաստանի Հանրապետության տարածքում չեն օտարել բնակելի տուն կամ բնակարան կամ այլ բնակելի տարածք:

6. Երևանի քաղաքապետի Գույք օտարելու որոշմամբ այն ձեռք բերողին կարող է տրվել տարաժամկետ վճարման իրավունք:

7. Գույքի օտարումն իրականացվում է հետևյալ ձևերով`

1) աճուրդ.

2) մրցույթ.

3) ուղղակի վաճառք:

8. Գույքի օտարման ձևի մասին որոշումն ընդունում է Երևանի քաղաքապետը:

9. Գույքը հրապարակային սակարկություններով օտարման ներկայացնելիս ընտրվում է մրցույթով վաճառքի ձևը, եթե Գույքի գնորդը սեփականության իրավունքի ձեռքբերման հետ մեկտեղ Գույքի օգտագործման արդյունավետության բարձրացման հետ կապված պետք է ստանձնի որոշակի պարտավորություններ:

10. Գույքը հրապարակային սակարկություններով օտարման ներկայացնելիս ընտրվում է աճուրդով վաճառքի ձևը, եթե գնորդից չի պահանջվելու կատարել Ծրագրի 9-րդ կետում նշված պարտավորությունները:

11. Գույքը օտարվում է ուղղակի վաճառքի ձևով`

1) տվյալ Գույքի օգտագործողին.

2) ձեռք բերողներին` գերակա հանրային շահ ճանաչված տարածքներում.

3) այն ֆիզիկական և իրավաբանական անձանց, որոնք փաստացի տիրապետում և օգտագործում են իրենց բնակարաններին և տարածքներին անմիջապես կից ոչ բնակելի տարածքները, որոնց մուտքերը բացառապես բնակարաններից և տարածքներից են և դրանք այլ մուտք չունեն.

4) Ծրագրի 45-ին կետով նախատեսված դեպքում:

12. Գույքի օտարումից ստացված միջոցներն ուղղվում են Երևան համայնքի բյուջե:

II. ՕՏԱՐՄԱՆ ԵՆԹԱԿԱ ԳՈՒՅՔԻ ԳՆԱՀԱՏՈՒՄԸ ԵՎ ՕՏԱՐՄԱՆ ՄԱՍԻՆ ՈՐՈՇՈՒՄԸ

13. Գույքի գնահատումն իրականացվում է`

1) անշարժ Գույքի դեպքում`«Անշարժ գույքի գնահատման գործունեության մասին» Հայաստանի Հանրապետության օրենքին համապատասխան.

2) այլ Գույքի դեպքում` Հայաստանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային և շուկայական մեթոդով գնահատման կարգի մասին» N 209 որոշմամբ սահմանված կարգով կամ անկախ գնահատողի կողմից:

14. Երևան քաղաքի սեփականությունը համարվող գույքն օգտագործման տրամադրելու և օտարման նախորդ ծրագրերի շրջանակներում գնահատված անշարժ Գույքի գնահատման ժամկետը մեկ տարի գերազանցելու դեպքում անշարժ Գույքը ենթակա է կրկին գնահատման` Ծրագրի 13-րդ կետի 1-ին ենթակետով սահմանված կարգով:

15. Գույքի օտարման որոշումը պետք է ներառի տեղեկություններ`

1) Գույքի նկարագրության, դրա գնահատման տարեթվի և ամսաթվի մասին.

2) օտարման ձևի, այդ թվում` որպես Գույքի մեկ միավոր կամ որպես Գույքի առանձին տարրեր օտարելու մասին.

3) Գույքն աճուրդով (մրցույթով) վաճառքի ներկայացնելու ժամանակ` չվաճառվելու դեպքում հաջորդ աճուրդի (աճուրդների) կամ մրցույթի (մրցույթների) կազմակերպման նպատակահարմարության և յուրաքանչյուր հերթական աճուրդում (մրցույթում) Գույքը չվաճառվելու դեպքում հաջորդ աճուրդի (մրցույթի) ժամանակ մեկնարկային (վաճառքի նվազագույն) գնի իջեցման չափի մասին, որը պետք է լինի վերջին կազմակերպված աճուրդի (մրցույթի) մեկնարկային (վաճառքի նվազագույն) գնի 10 տոկոսի չափով.

4) Գույքն ուղղակի վաճառքի ներկայացնելու ժամանակ` գնորդի անունը կամ անվանումը, օտարվող Գույքի վաճառքի գնի, վճարման համար օգտագործվող միջոցների և վճարման ժամկետների մասին.

5) այլ տվյալների մասին:

16. Գույքի մրցույթով օտարման մասին Երևանի քաղաքապետի որոշմամբ կարող են սահմանվել նաև`

1) մրցույթի հաղթողին որոշելու պայմանների գնահատման կշռային գործակիցներ.

2) մրցույթի մասնակիցների նախնական որակավորման պահանջ:

III. ԳՈՒՅՔԻ ՕՏԱՐՄԱՆ ՆՊԱՏԱԿՈՎ ԱՃՈՒՐԴԻ ԵՎ ՄՐՑՈՒՅԹԻ ԱՆՑԿԱՑՈՒՄԸ

17. Գույքի վաճառքի նպատակով աճուրդը և մրցույթը կազմակերպում ու անցկացնում է Երևանի քաղաքապետի որոշմամբ ստեղծված հանձնաժողովը (այսուհետ` հանձնաժողով)` որոշմամբ հաստատված կարգի համաձայն:

18. Աճուրդով Գույքի օտարման դեպքում Երևանի քաղաքապետի որոշմամբ սահմանվում են աճուրդի ձևը, Գույքը ենթակա է օտարման ամբողջությամբ կամ առանձին լոտերով, օտարվող Գույքի մեկնարկային գինը և աճուրդի իրականացման ժամկետները:

19. Երևանի քաղաքապետի որոշմամբ մրցույթի հաղթողին որոշելու նպատակով կարող են առաջադրվել հետևյալ պայմանները`

1) գինը.

2) ներդրումների չափը.

3) այլ պայմաններ:

20. Երևանի քաղաքապետարանի աշխատակազմը և (կամ) Երևանի ենթակայության կազմակերպությունները հանձնաժողովին են ներկայացնում`

1) վաճառքի ենթակա Գույքի ցանկը, որտեղ պետք է նշված լինի յուրաքանչյուր Գույքի լրիվ անվանումը, գտնվելու վայրը, ձեռքբերման (շահագործման հանձնման) տարեթիվը, սկզբնական, հաշվեկշռային և գնահատված արժեքները` արտահայտված դրամով.

2) տեղեկություններ օտարվող Գույքի վիճակի մասին և այլ տեղեկություններ` Երևանի քաղաքապետարանի աշխատակազմի և (կամ) Երևանի ենթակայության կազմակերպությունների հայեցողությամբ:

21. Գույքն ուղղակի վաճառքով օտարման ներկայացվելու դեպքում Գույքի վաճառքի գինը սահմանվում է Ծրագրի 13-րդ կետով սահմանված կարգով գնահատված արժեքի 100 տոկոսի չափով: Գույքը սույն կետով չօտարվելու դեպքում ենթակա է օտարման` աճուրդով կամ մրցույթով` սույն գլխով սահմանված կարգով:

22. Գույքն աճուրդով կամ մրցույթով օտարման ներկայացվելու դեպքում Գույքի առաջին աճուրդով վաճառքի մեկնարկային կամ առաջին մրցույթով վաճառքի նվազագույն գինը սահմանվում է Ծրագրի 13-րդ կետով սահմանված կարգով գնահատված արժեքի 100 տոկոսի չափով, որը ներկայացվում է Երևանի քաղաքապետի հաստատմանը հանձնաժողովի կողմից:

23. Գույքի մեկնարկային (վաճառքի նվազագույն) գինը յուրաքանչյուր հաջորդ աճուրդի (մրցույթի) ժամանակ կարող է նվազեցվել նախորդ (վերջին) աճուրդի (մրցույթի) մեկնարկային գնի 10 տոկոսի չափով, սակայն ոչ ավելի, քան Գույքի գնահատված արժեքի 50 տոկոսի չափով:

24. Ծրագրի 16-րդ կետում նշված հանձնաժողովը Գույքի օտարման մասին որոշումն ուժի մեջ մտնելու օրվանից հետո 15 օրվա ընթացքում 1000 օրինակից ոչ պակաս տպաքանակ ունեցող մամուլում և (կամ) Երևանի քաղաքապետարանի պաշտոնական համացանցային կայքում հրապարակում է Գույքի աճուրդով (մրցույթով) վաճառքի մասին հայտարարությունը, ընդ որում, աճուրդն անցկացվում է հայտարարության հրապարակմանը հաջորդող 15-րդ օրվանից, իսկ մրցույթը` 30-րդ օրվանից ոչ շուտ:

25. Աճուրդին (մրցույթին) մասնակցելու համար մասնակցի կողմից վճարվում է`

1) նախավճար` մեկնարկային (վաճառքի նվազագույն) գնի 5 տոկոսի չափով, որը հաղթող մասնակցի համար համարվում է Գույքի վաճառքի գնի մաս և չի վերադարձվում, եթե հաղթող մասնակիցը հրաժարվում է հետագա վճարումները կատարելուց, իսկ չհաղթող մասնակցին վերադարձվում է վերջինիս դիմելուց հետո` եռօրյա ժամկետում.

2) մասնակցության վճար` 10000 դրամ չափով, որը Գույքի գնի մեջ չի ներառվում, անկախ աճուրդի (մրցույթի) արդյունքներից` չի վերադարձվում և օգտագործվում է աճուրդի (մրցույթի) կազմակերպման նպատակով:

26. Աճուրդի (մրցույթի) մասնակցության համար միայն մեկ հայտ ներկայացնելը հիմք չի հանդիսանում աճուրդը (մրցույթը) չկայացած համարելու համար:

27. Հրապարակային սակարկությունների (աճուրդ և մրցույթ) անցկացման, այդ թվում` Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ (այսուհետ` Որոշում) հաստատված կարգի 37-րդ կետով նախատեսված դեպքում ինքնակամ կառույցի հրապարակային սակարկություններով օտարման կամ օգտագործման տրամադրելու կարգերը, սահմանում է Երևանի քաղաքապետը:

IV. ԳՈՒՅՔԻ ՕԳՏԱԳՈՐԾՄԱՆ, ԱՅԴ ԹՎՈՒՄ` ՍԱՀՄԱՆԱՓԱԿ ՕԳՏԱԳՈՐԾՄԱՆ (ՍԵՐՎԻՏՈՒՏ) ԵՎ ԿԱՌՈՒՑԱՊԱՏՄԱՆ ՎԱՐՁԱՎՃԱՐՆԵՐԻ ՉԱՓԵՐ ԵՎ ՊԱՅՄԱՆՆԵՐ

28. Սույն գլխով կարգավորվում է Գույքի օգտագործման, այդ թվում` սահմանափակ օգտագործման (սերվիտուտ) տրամադրելու հարցերը, Գույքի վարձակալության, կառուցապատման և սահմանափակ օգտագործման (սերվիտուտ) վարձա(վճարների) չափերը:

29. Ծրագրի 28-րդ կետում նշված` վարձակալության տրամադրվող Գույքի (տարածքի) ամսական վարձավճարի չափը որոշվում է համաձայն` Հայաստանի Հանրապետության կառավարության 2001 թվականի փետրվարի 2-ի «Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնված (ամրացված) գույքի (տարածքի) վարձակալության կարգը հաստատելու մասին» N 125 որոշման:

30. Գույքը (տարածքը) վարձակալության է տրամադրվում ուղղակի կամ աճուրդի կամ մրցույթի ձևով:

31. Վարձակալության տրամադրվող Գույքի (տարածքի) վերաբերյալ հայտարարությունները պարբերաբար ներկայացվում են մամուլում և (կամ) Երևանի քաղաքապետարանի պաշտոնական համացանցային կայքում:

32. Գույքը (տարածքը) վարձակալության է տրամադրվում ուղղակի ձևով, եթե առկա է հետևյալ դեպքերից որևէ մեկը`

1) եթե` համայնքի ինչպես սեփականության իրավունքի պետական գրանցում ունեցող, այնպես էլ սեփականության իրավունքի գրանցում չունեցող անշարժ գույքի վարձակալները (որոնց հետ ստորագրված վարձակալության պայմանագրերը նոտարական վավերացում չեն ստացել, կամ այդ պայմանագրերը նոտարական վավերացում ստացել են, սակայն սահմանված ժամկետներում անշարժ գույքի օգտագործման իրավունքի պետական գրանցում չեն ստացել) ամբողջությամբ վճարել են կամ Երևանի քաղաքապետարանի աշխատակազմի կողմից հաշվարկված վճարները վճարելու և վարձակալական պայմանագիր կնքելու մասին գրավոր առաջարկություն ստանալուց հետո մեկամսյա ժամկետում կվճարեն հաշվարկված վճարները,

2) եթե տվյալ Գույքի վարձակալը պայմանագրի գործողության ամբողջ ժամկետում կատարել է պայմանագրով ստանձնած բոլոր պարտավորությունները` առանց խախտումների,

3) եթե մամուլում և (կամ) Երևանի քաղաքապետարանի պաշտոնական համացանցային կայքում հայտարարության հրապարակումից հետո առաջին հայտը ներկայացվելու օրվանից 10-օրյա ժամկետում այլ հայտեր չեն ներկայացվել և դիմողը միանվագ վճարում է առնվազն 3 ամսվա համար հաշվարկված վարձավճարը,

4) Ծրագրի 45-րդ կետով նախատեսված դեպքում:

33. Ծրագրի 32-րդ կետում նշված դեպքերում Գույքը (տարածքը) վարձակալության է տրամադրվում աճուրդով կամ մրցույթով, ընդ որում` վարձավճարի մեկնարկային նվազագույն գինը որոշվում է ծրագրի 29-րդ կետով սահմանված կարգի համաձայն որոշված վարձավճարի չափով:

34. Սահմանափակ օգտագործման իրավունքով (սերվիտուտ) հողամասերը տրամադրվում են սերվիտուտ պահանջող անձի և Երևան համայնքի` նոտարական կարգով վավերացված գրավոր համաձայնությամբ:

35. Վարձակալության կամ կառուցապատման իրավունքով տրամադրվող հողամասերի տարեկան վարձավճարի չափը սահմանվում է հողամասերի կադաստրային արժեքի`

1) հողի վարձակալության դեպքում`

ա. սրճարանների զբաղեցրած հողամասերի համար` 10 տոկոս.

բ. բենզալցման կայանների զբաղեցրած հողամասերի համար` 20 տոկոս.

գ. տաղավարների, կրպակների զբաղեցրած հողամասերի համար` 5 տոկոս.

դ. ավտոտնակների զբաղեցրած հողամասերի համար` 3 տոկոս.

ե. արտադրական նպատակային նշանակության տարածքների զբաղեցրած հողամասերի համար` 3 տոկոս.

զ. բակային տարածքներում հասարակական նպատակային նշանակության քարե կառույցների, ինչպես նաև քարե շինությունների զբաղեցրած հողամասերի համար` 5 տոկոս.

է. էներգետիկայի, կապի և այլ ենթակառուցվածքների զբաղեցրած հողամասերի համար` 5 տոկոս, բացառությամբ ««Երևանի էլեկտրացանց», «Հյուսիսային էլեկտրացանց», «Հարավային էլեկտրացանց» և «Կենտրոնական էլեկտրացանց» փակ բաժնետիրական ընկերությունների մասնավորեցման մասին» Հայաստանի Հանրապետության օրենքի 25-րդ հոդվածով նախատեսված դեպքի.

ը. հասարակական նպատակային նշանակության քարե շինությունների զբաղեցրած հողամասերի համար` 5 տոկոս.

թ. գովազդային վահանակներով զբաղեցված հողամասերի համար` 40 տոկոս.

ժ. ընդերքօգտագործման իրավունք ունեցող անձանց տրամադրված լեռնահատկացման ակտի սահմաններում գտնվող հողամասերի, բացառությամբ հանքավայրով (տեղամասով) զբաղեցրած հողամասի, համար` 3 տոկոս.

ժա. ընդերքօգտագործման իրավունք ունեցող և այն շահագործող անձանց լիցենզային (կոնցեսիոն) պայմանագրով տրամադրված ընդերքի տեղամասերի հանքավայրով (տեղամասով) զբաղեցրած հողամասերի համար` 7 տոկոս.

ժբ. այլ գործառական նշանակության հողերի դեպքում` 3 տոկոս,

2) կառուցապատման իրավունքով տրամադրելու դեպքում`

ա. սրճարանների զբաղեցրած հողամասերի համար` 10 տոկոս.

բ. բենզալցման կայանների զբաղեցրած հողամասերի համար` 20 տոկոս.

գ. տաղավարների, կրպակների զբաղեցրած հողամասերի համար` 5 տոկոս.

դ. ավտոտնակների զբաղեցրած հողամասերի համար` 3 տոկոս.

ե. արտադրական նպատակային նշանակության տարածքների զբաղեցրած հողամասերի համար` 3 տոկոս.

զ. բակային տարածքներում հասարակական նպատակային նշանակության կառույցների զբաղեցրած հողամասերի համար` 5 տոկոս.

է. էներգետիկայի, կապի և այլ ենթակառուցվածքների զբաղեցրած հողամասերի համար` 5 տոկոս.

ը. հասարակական նպատակային նշանակության քարե շինությունների զբաղեցրած հողամասերի համար` 5 տոկոս.

թ. գովազդային վահանակներով զբաղեցված հողամասերի համար` 40 տոկոս.

ժ. ընդերքօգտագործման իրավունք ունեցող անձանց տրամադրված լեռնահատկացման ակտի սահմաններում գտնվող հողամասերի, բացառությամբ հանքավայրով (տեղամասով) զբաղեցրած հողամասի, համար` 3 տոկոս.

ժա. ընդերքօգտագործման իրավունք ունեցող և այն շահագործող անձանց լիցենզային (կոնցեսիոն) պայմանագրով տրամադրված ընդերքի տեղամասերի հանքավայրով (տեղամասով) զբաղեցրած հողամասերի համար` 7 տոկոս.

ժբ. այլ գործառական նշանակության հողերի դեպքում` 3 տոկոս:

36. Սահմանել, որ սահմանափակ օգտագործման իրավունքով (սերվիտուտ) տրամադրվող հողամասերի տարեկան վարձավճարը հաշվարկվում է հողամասերի հողի հարկի տարեկան դրույքաչափին հավասարեցված վճարով:

37. Երևան համայնքին սեփականության իրավունքով պատկանող հենասյուների օգտագործման համար ամսական վարձավճարներ սահմանել`

1) մինչև 1 քմ ընդհանուր մակերեսով գովազդային միջոցների համար` 4000 ՀՀ դրամ.

2) 1 քմ-ից մինչև 2 քմ ընդհանուր մակերեսով գովազդային միջոցների համար` 3000 ՀՀ դրամ, յուրաքանչյուր 1 քմ մակերեսի համար.

3) 2 քմ-ից մինչև 3 քմ ներառյալ ընդհանուր մակերեսով գովազդային միջոցների համար` 2500 ՀՀ դրամ, յուրաքանչյուր 1 քմ մակերեսի համար.

4) 3 քմ և ավելի ընդհանուր մակերեսով գովազդային միջոցների համար` 1500 ՀՀ դրամ, յուրաքանչյուր 1 քմ մակերեսի համար.

5) յուրաքանչյուր մեկ միավոր օպտիկամանրաթելային մալուխ անցկացնելու համար` ամսական 720 ՀՀ դրամ:

38. Սույն որոշման 37-րդ կետի 1-4-րդ ենթակետերով նախատեսված վարձավճարները հաշվարկելիս կիրառել հետևյալ գործակիցները`

1) Աջափնյակ, Ավան, Դավթաշեն, Էրեբունի, Նորք-Մարաշ, Նուբարաշեն, Շենգավիթ և Քանաքեռ-Զեյթուն վարչական շրջանների տարածքում` 1 գործակից,

2) Նոր Նորք վարչական շրջանի տարածքում` 1 գործակից (Մյասնիկյան պողոտա` 2 գործակից),

3) Մալաթիա-Սեբաստիա վարչական շրջանի տարածքում` 1.5 գործակից (Իսակովի պողոտա, Էջմիածնի խճուղի, Զվարթնոց օդանավակայան` 2 գործակից),

4) Արաբկիր և Կենտրոն վարչական շրջանների տարածքում` 2 գործակից:

39. 2014 թվականի ընթացքում.

1) օգտագործման (վարձակալության կամ կառուցապատման) կարող են տրամադրվել այն հողամասերը, որոնք մինչև Ծրագրի հաստատվելը տրված են եղել վարձակալության և (կամ) կառուցապատման իրավունքով և 2014 թվականի ընթացքում ավարտվում է վարձակալության և (կամ) կառուցապատման պայմանագրերի գործողության ժամկետը, ինչպես նաև Հայաստանի Հանրապետության հողային օրենսգրքի 60-րդ հոդվածով սահմանված քաղաքացիներին և իրավաբանական անձանց չփոխանցվող հողամասերը.

2) վարձակալության կարող է տրամադրվել Երևանի Բուզանդի 1/3 հասցեում գտնվող շենքի տարածքները, Երևան քաղաքի ստորգետնյա անցումները, այլ շենքերն ու շինությունները.

3) օգտագործման (վարձակալության կամ կառուցապատման) կարող են տրամադրվել այն շենքերը, շինությունները կամ դրանց տարածքները, որոնք մինչև Ծրագրի հաստատվելը տրված են եղել վարձակալության և (կամ) կառուցապատման իրավունքով և 2014 թվականի ընթացքում ավարտվում է վարձակալության և (կամ) կառուցապատման պայմանագրերի գործողության ժամկետը.

4) Գույքը (տարածքը) անհատույց օգտագործման կարող է հանձնվել Երևանի քաղաքապետի որոշմամբ, բացառապես Երևանի ենթակայության կազմակերպություններին:

40. Գույքի օգտագործման, այդ թվում` սահմանափակ օգտագործման (սերվիտուտ) տրամադրելուց ստացված միջոցներն ուղղվում են Երևան համայնքի բյուջե:

41. Գույքն օգտագործման, այդ թվում` սահմանափակ օգտագործման (սերվիտուտ) իրավունքով տրամադրվում է մինչև 99 տարի ժամկետով:

42. Երևան քաղաքի սեփականություն համարվող գույքն օգտագործման տրամադրելու գործընթացը կանոնակարգվում է Երևանի քաղաքապետի որոշմամբ:

V. 2014 ԹՎԱԿԱՆԻՆ ՕՏԱՐՄԱՆ ԵՎ ՕԳՏԱԳՈՐԾՄԱՆ (ԿԱՌՈՒՑԱՊԱՏՄԱՆ) ՏՐԱՄԱԴՐՄԱՆ ԱՌԱՋԱՐԿՎՈՂ ԳՈՒՅՔ

43. 2014 թվականին օտարման և օգտագործման (կառուցապատման) տրամադրման է առաջարկվում.

1) Երևան քաղաքի ավագանու 2009 թվականի դեկտեմբերի 23-ի «Երևան քաղաքի սեփականություն համարվող գույքն օգտագործման տրամադրելու և օտարման 2010 թվականի ծրագրի վերաբերյալ» N 55-Ն, 2010 թվականի նոյեմբերի 26-ի «Երևան քաղաքի սեփականություն համարվող գույքն օգտագործման տրամադրելու և օտարման 2011 թվականի ծրագրի վերաբերյալ» N 162-Ն, 2011 թվականի դեկտեմբերի 9-ի «Երևան քաղաքի սեփականություն համարվող գույքն օգտագործման տրամադրելու և օտարման 2012 թվականի ծրագրի վերաբերյալ» և 2012 թվականի դեկտեմբերի 25-ի «Երևան քաղաքի սեփականություն համարվող գույքն օգտագործման տրամադրելու և օտարման 2013 թվականի ծրագրի վերաբերյալ» որոշումներով հաստատված Երևան քաղաքի սեփականություն համարվող գույքն օգտագործման տրամադրելու և օտարման 2010-2013 թվականների ծրագրերում ընդգրկված, սակայն դեռևս չօտարված Երևան համայնքին սեփականության իրավունքով պատկանող գույքը և հողամասերը:

44. 2014 թվականին օտարման և (կամ) օգտագործման տրամադրման համար առաջարկվող գույքի ցանկում ընդգրկված է համարվում 2010-2013 թվականների ծրագրերում չընդգրկված և մինչև սույն ծրագրի ընդունվելը և (կամ) ծրագրի գործողության ընթացքում Երևան համայնքի անվամբ գրանցված գույքը, այդ թվում` Երևան համայնքի սեփականությանն անցած անժառանգ գույքը, դրա բաժինը:

45. 2014 թվականին օտարման և (կամ) օգտագործման տրամադրման համար առաջարկվող գույքի ցանկում ընդգրկված է համարվում նաև Երևան համայնքի անվամբ գրանցման ենթակա կամ գրանցված այն շենքը (շինությունը), որի կառուցման կամ ստեղծման համար հատկացված անհրաժեշտ հողամասը տրամադրվել է կառուցապատման իրավունքով և այն օրենքով սահմանված կարգով դուրս է եկել Հայաստանի Հանրապետության հողային օրենսգրքի 60-րդ հոդվածով նախատեսված սահմանափակումների մեջ գտնվող հողամասերի ցանկից:

Տվյալ դեպքում շենքը (շինությունը) ու համապատասխան հողամասը կարող է ուղղակի ձևով օտարվել կամ տրամադրվել վարձակալության տվյալ հողամասի կառուցապատման իրավունք ունեցողին (կառուցապատողին), ընդ որում` ուղղակի վաճառքի դեպքում գույքի (շենք (շինություն) և հողամաս) օտարման գինը որոշվում է.

1) շենք (շինության) մասով Որոշման 4-րդ կետով և հավելվածի 35-րդ կետերի «ա», «բ» և «գ» ենթակետերով սահմանված գնի չափով, իսկ ավտոտնակների, կրպակների, տաղավարների և այլ համանման շինությունների մասով` Որոշման 4-րդ և հավելվածի 35-րդ կետի «դ» ենթակետով սահմանված գնի եռապատիկի չափով,

2) հողամասի մասով` կադաստրային արժեքի եռապատիկի չափով:

46. Հողամասերի հրապարակային սակարկություններով տրամադրման և օտարման գործընթացը կանոնակարգվում է Երևանի քաղաքապետի որոշմամբ հաստատված ընթացակարգերի համաձայն:

47. Սահմանել, որ սույն Ծրագրում ընդգրկված հողամասերը ենթակա են օտարման աճուրդային կարգով, բացառությամբ Հայաստանի Հանրապետության հողային օրենսգրքի 64-րդ, 65-րդ, 66-րդ և 72-րդ հոդվածներով, «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով և Հայաստանի Հանրապետության կառավարության 2001 թվականի ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286 որոշման III-րդ և IV-րդ գլուխներում նախատեսված հողամասերի սեփականության իրավունքով անհատույց փոխանցելու և ուղղակի վաճառքի դեպքերի:

48. Ծրագրում ընդգրկված օտարման ենթակա յուրաքանչյուր ծածկագրով հողամասերը կարող են օտարվել ինչպես ամբողջությամբ, այնպես էլ մաս առ մաս:

VI. 2014 ԹՎԱԿԱՆԻՆ ՕՏԱՐՄԱՆ ԱՌԱՋԱՐԿՎՈՂ ՀՈՂԱՄԱՍԵՐ
(գլուխը լրաց. 11.02.14 N 116-Ն)

ՑԱՆԿ

Հ/Հ	Վարչական շրջան	Ծածկագիր	Նպատակային նշանակություն	Գործառնական նշանակություն	Գտնվելու վայրը
1.	Մալաթիա-Սեբաստիա	01-007-345-174-098	Բնակավայրերի	խառը կառուցապ.	Սեբաստիայի փողոց
2.	Աջափնյակ	01-001-103-149	Բնակավայրերի	բնակելի կառուցապ.	Նազարբեկյան հ44/17
3.	Աջափնյակ	01-001-457-018	Բնակավայրերի	բնակելի կառուցապ.	Սիլիկյան թաղամասի 7-րդ փող.
4.	Աջափնյակ	01-001-1443-001	Բնակավայրերի	բնակելի կառուցապ.	Հաղթանակի 1-ին փողոց
5.	Աջափնյակ	01-001-006-095	Բնակավայրերի	բնակելի կառուցապ.	Ֆուչիկի 12շ.
6.	Աջափնյակ	01-001-421-023	Բնակավայրերի	տնամերձ	Սիլիկյան թաղամասի 7-րդ փող.
7.	Աջափնյակ	01-001-1054-001	Բնակավայրերի	ընդհ. օգտագործ.	Նազարբեկյան
8.	Աջափնյակ	01-001-136-002	Բնակավայրերի	ընդհ. օգտագործ.	Նազարբեկյան
9.	Աջափնյակ	01-001-315-280	Բնակավայրերի	հասարակ. կառուցապ.	Շիրազի փող.
10.	Աջափնյակ	01-001-315-281	Բնակավայրերի	հասարակ. կառուցապ.	Շիրազի փող.
11.	Աջափնյակ	01-001-023-137	Բնակավայրերի	հասարակ. կառուցապ.	Լենինգրադյան 4/2շ. առևտրի սրահ
12.	Աջափնյակ	01-001-542-044	Բնակավայրերի	հասարակ. կառուցապ.	Շահումյան 2 գերեզմ.գրասեն.հար.
13.	Աջափնյակ	01-001-651-006	Արդյունաբեր., ընդերքօգտագործման և այլ արտադրական նշանակության օբյեկտների	գյուղտնտ. արտադր.	Հաղթանակի 1-ին փողոց
14.	Աջափնյակ	01-001-212-045	Բնակավայրերի	հասարակ. կառուցապ.	Բաշինջաղյան 189շ. մոտ գրասենյա
15.	Աջափնյակ	01-001-355-018	Բնակավայրերի	տնամերձ	Լուկաշինի փող.
16.	Աջափնյակ	01-001-355-019	Բնակավայրերի	տնամերձ	Լուկաշինի փող.
17.	Աջափնյակ	01-001-222-031	Բնակավայրերի	հասարակ. կառուցապ.	Շիրազի փող.
18.	Աջափնյակ	01-001-222-030	Բնակավայրերի	հասարակ. կառուցապ.	Շիրազի փող.
19.	Աջափնյակ	01-001-222-056	Բնակավայրերի	հասարակ. կառուցապ.	Շիրազի փող.
20.	Աջափնյակ	01-001-222-035	Արդյունաբեր., ընդերքօգտագործման և այլ արտադրական նշանակության օբյեկտների	պահեստարանների	Շիրազի փող.
21.	Ավան	01-002-008-010-001	Բնակավայրերի	հասարակ. կառուցապ.	Մարշալ Խուդյակովի փող.
22.	Ավան	01-002-228-033	Բնակավայրերի	հասարակ. կառուցապ.	Ռուբինյանց փող.
23.	Ավան	01-002-034-003	Բնակավայրերի	հասարակ. կառուցապ.	Դուրյան թաղամաս
24.	Ավան	01-002-010-059-001	Բնակավայրերի	հասարակ. կառուցապ.	Ալմա-Աթայի փող.
25.	Ավան	01-002-221-141	Բնակավայրերի	ընդհ. օգտագործ.	Ծարավ աղբյուրի փող.
26.	Ավան	01-002-055-106	Բնակավայրերի	հասարակ. կառուցապ.	Մարշալ Խուդյակովի փող.
27.	Ավան	01-002-1095-001	Բնակավայրերի	ընդհ. օգտագործ.	Մարշալ Խուդյակովի փող.
28.	Ավան	01-002-005-174-001	Բնակավայրերի	հասարակ. կառուցապ.	Մարշալ Բաբաջանյան փող.
29.	Ավան	01-002-105-021	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Հ. Աճառյան փողոց
30.	Արաբկիր	01-003-122-095	Բնակավայրերի	հասարակ. կառուցապ.	Գյուլբենկյան , Հր. Քոչար հատմա
31.	Արաբկիր	01-003-224-418	Բնակավայրերի	հասարակ. կառուցապ.	Ազատության պող.
32.	Արաբկիր	01-003-032-029	Բնակավայրերի	տնամերձ	Սևաստոպոլյան 8/2
33.	Արաբկիր	01-003-032-028	Բնակավայրերի	տնամերձ	Սևաստոպոլյան 8
34.	Արաբկիր	01-003-311-089	Բնակավայրերի	տնամերձ	Ադոնցի փող. 5բ 3 տուն
35.	Արաբկիր	01-003-311-088	Բնակավայրերի	տնամերձ	Ադոնցի փող. 5բ 3 տուն
36.	Արաբկիր	01-003-311-057	Բնակավայրերի	տնամերձ	Ադոնցի փող. 5բ 3 տուն
37.	Արաբկիր	01-003-113-013	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Ա.Սերոբի փող. 112
38.	Արաբկիր	01-003-026-040	Բնակավայրերի	տնամերձ	Ն.Դումանի 29
39.	Արաբկիր	01-003-110-065	Բնակավայրերի	հասարակ. կառուցապ.	Կոմիտասի պողոտա
40.	Արաբկիր	01-003-117-039	Բնակավայրերի	հասարակ. կառուցապ.	Վ. Համբարձումյան փողոց
41.	Արաբկիր	01-003-113-012	Բնակավայրերի	տնամերձ	Ա.Սերոբի փող. 112
42.	Դավթաշեն	01-004-106-281	Բնակավայրերի	բնակելի կառուցապ.	4-րդ թաղամաս
43.	Դավթաշեն	01-004-317-003	Բնակավայրերի	տնամերձ	Ա. Միկոյան
44.	Դավթաշեն	01-004-110-208	Բնակավայրերի	հասարակ. կառուցապ.	Դավթ.3թ. 9շ.հարևան.
45.	Դավթաշեն	01-004-118-005	Բնակավայրերի	հասարակ. կառուցապ.	Եղվարդի խճուղի
46.	Դավթաշեն	01-004-106-281	Բնակավայրերի	հասարակ. կառուցապ.	4-րդ թաղամաս
47.	Էրեբունի	01-005-659-035	Բնակավայրերի	տնամերձ	Մուշական
48.	Էրեբունի	01-005-208-009	Բնակավայրերի	տնամերձ	Տիգրան Մեծի պողոտա, 1-ին նրբանցք
49.	Էրեբունի	01-005-343-077	Բնակավայրերի	հասարակ. կառուցապ.	Էրեբունու փող.
50.	Էրեբունի	01-005-643-037	Բնակավայրերի	տնամերձ	Այվազովսկու փողոց
51.	Էրեբունի	01-005-555-010	Բնակավայրերի	հասարակ. կառուցապ.	Այվազովսկու
52.	Էրեբունի	01-005-308-005	Բնակավայրերի	տնամերձ	Նոր Արեշ, 3
53.	Էրեբունի	01-005-259-027	Բնակավայրերի	տնամերձ	Երկաթուղ. 5 փ. 15
54.	Էրեբունի	01-005-351-009	Բնակավայրերի	ընդհ. օգտագործ.	Նոր Արեշի 11 - րդ փողոց
55.	Էրեբունի	01-005-555-010	Բնակավայրերի	հասարակ. կառուցապ.	Խաղաղ Դոնի փողոց
56.	Էրեբունի	01-005-529-034	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Արցախի պողոտա
57.	Էրեբունի	01-005-2203-001	Բնակավայրերի	ընդհ. օգտագործ.	Արցախի պողոտա
58.	Էրեբունի	01-005-2202-001	Բնակավայրերի	ընդհ. օգտագործ.	Արցախի պողոտա
59.	Էրեբունի	01-005-529-033	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Արցախի պողոտա
60.	Էրեբունի	01-005-529-024	Բնակավայրերի	ընդհ. օգտագործ.	Արցախի պողոտա
61.	Էրեբունի	01-005-529-001	Բնակավայրերի	ընդհ. օգտագործ.	Արցախի պողոտա
62.	Կենտրոն	01-006-529-009-002	Բնակավայրերի	տնամերձ	Արամի փող.
63.	Կենտրոն	01-006-529-027	Բնակավայրերի	ընդհ. օգտագործ.	Արամի փող.
64.	Կենտրոն	01-006-529-034	Բնակավայրերի	ընդհ. օգտագործ.	Արամի փող.
65.	Կենտրոն	01-006-211-156	Բնակավայրերի	ընդհ. օգտագործ.	Ֆիրդուսու փող.
66.	Կենտրոն	01-006-184-001	Բնակավայրերի	ընդհ. օգտագործ.	Ֆիրդուսու փող.
67.	Կենտրոն	01-006-510-009	Բնակավայրերի	տնամերձ	Ռուսթավելու փող
68.	Կենտրոն	01-006-510-011	Բնակավայրերի	ընդհ. օգտագործ.	Ռուսթավելու փող
69.	Կենտրոն	01-006-182-002	Բնակավայրերի	ընդհ. օգտագործ.	Ֆիրդուսու փող.
70.	Կենտրոն	01-006-211-001	Բնակավայրերի	ընդհ. օգտագործ.	Ֆիրդուսու փող.
71.	Կենտրոն	01-006-208-002	Բնակավայրերի	ընդհ. օգտագործ.	Ֆիրդուսու փող.
72.	Կենտրոն	01-006-207-031	Բնակավայրերի	ընդհ. օգտագործ.	Ֆիրդուսու փող.
73.	Կենտրոն	01-006-416-126-001	Բնակավայրերի	բնակելի կառուցապ.	Աղայան փող 19
74.	Կենտրոն	01-006-617-004	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Կորեական փող. 1
75.	Կենտրոն	01-006-529-016	Բնակավայրերի	տնամերձ	Արամի փող.
76.	Կենտրոն	01-006-512-001	Բնակավայրերի	տնամերձ	Ռուսթավելու փող
77.	Կենտրոն	01-006-184-001	Բնակավայրերի	ընդհ. օգտագործ.	Ֆիրդուսու փող.
78.	Կենտրոն	01-006-184-002	Բնակավայրերի	ընդհ. օգտագործ.	Ֆիրդուսու փող.
79.	Կենտրոն	01-006-211-156	Բնակավայրերի	ընդհ. օգտագործ.	Ֆիրդուսու փող.
80.	Կենտրոն	01-006-182-002	Բնակավայրերի	ընդհ. օգտագործ.	Ֆիրդուսու փող.
81.	Կենտրոն	01-006-211-002	Բնակավայրերի	ընդհ. օգտագործ.	Ֆիրդուսու փող.
82.	Կենտրոն	01-006-211-353	Բնակավայրերի	ընդհ. օգտագործ.	Ֆիրդուսու փող.
83.	Կենտրոն	01-006-211-352	Բնակավայրերի	ընդհ. օգտագործ.	Ֆիրդուսու փող.
84.	Կենտրոն	01-006-208-063	Բնակավայրերի	ընդհ. օգտագործ.	Ֆիրդուսու փող.
85.	Կենտրոն	01-006-208-002	Բնակավայրերի	ընդհ. օգտագործ.	Ֆիրդուսու փող.
86.	Կենտրոն	01-006-208-116	Բնակավայրերի	ընդհ. օգտագործ.	Ֆիրդուսու փող.
87.	Կենտրոն	01-006-211-001	Բնակավայրերի	ընդհ. օգտագործ.	Ֆիրդուսու փող.
88.	Կենտրոն	01-006-051-207	Բնակավայրերի	հասարակ. կառուցապ.	Մյասնիկյան պող. 5/1
89.	Կենտրոն	01-006-051-274	Բնակավայրերի	հասարակ. կառուցապ.	Մյասնիկյան պող. 5
90.	Կենտրոն	01-006-051-209	Բնակավայրերի	հասարակ. կառուցապ.	Մյասնիկյան պող. 5/3
91.	Կենտրոն	01-006-265-002	Բնակավայրերի	ընդհ. օգտագործ.	Տիգրան Մեծի փող.
92.	Կենտրոն	01-006-265-001	Բնակավայրերի	ընդհ. օգտագործ.	Տիգրան Մեծի փող.
93.	Կենտրոն	01-006-1202-001	Բնակավայրերի	ընդհ. օգտագործ.	Մ. Խորենացու փող. 3-րդ փակ.
94.	Կենտրոն	01-006-259-066	Բնակավայրերի	տնամերձ	Քրիստափորի փող. 24
95.	Կենտրոն	01-006-208-104	Բնակավայրերի	տնամերձ	Ֆիրդուսու փող.
96.	Կենտրոն	01-006-122-041-001	Բնակավայրերի	բնակելի կառուցապ.	Սայաթ Նովայի փող 29
97.	Կենտրոն	01-006-252-042	Բնակավայրերի	ընդհ. օգտագործ.	Չարենցի փող.
98.	Կենտրոն	01-006-996-001	Բնակավայրերի	ընդհ. օգտագործ.	Ծովակալ Իսակովի պողոտա
99.	Կենտրոն	01-006-502-010	Բնակավայրերի	հասարակ. կառուցապ.	Ձորագյուղ ազգագր. թաղ. 1
100.	Աջափնյակ	01-001-001-038	Բնակավայրերի	հասարակ. կառուցապ.	Մարգարյան փ. հարող տարածք
101.	Աջափնյակ	01-001-542-024	Արդյունաբեր., ընդերքօգտագործման և այլ արտադրական նշանակության օբյեկտների	պահեստարանների	Տիչինայի փ. հարող տարածք
102.	Էրեբունի	01-005-557-001	Բնակավայրերի	խառը կառուցապ.	Ավանեսովի 2-րդ նրբանցք. հարող տարածք
103.	Նորք-Մարաշ	01-009-083-037	Բնակավայրերի	տնամերձ	Նորքի Այգիներ փ. հարող տարածք
104.	Նորք-Մարաշ	01-009-083-034	Բնակավայրերի	ընդհ. օգտագործ.	Նորքի Այգիներ փ. հարող տարածք
105.	Նորք-Մարաշ	01-009-083-038	Բնակավայրերի	ընդհ. օգտագործ.	Նորքի Այգիներ փ. հարող տարածք
106.	Քանաքեռ-Զեյթուն	01-012-133-023	Բնակավայրերի	ընդհ. օգտագործ.	Զ. Քանաքեռցու(Սարկավագի)փող. հարող տարածք
107.	Մալաթիա-Սեբաստիա	01-007-282-071-001	Բնակավայրերի	հասարակ. կառուցապ.	Լենինգրադյան փողոց
108.	Մալաթիա-Սեբաստիա	01-007-552-096-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Տիչինայի փ. 125/6
109.	Մալաթիա-Սեբաստիա	01-007-212-059-001	Բնակավայրերի	տնամերձ	«Նոյ» թաղամաս
110.	Նոր Նորք	01-008-629-104	Բնակավայրերի	տնամերձ	Դ. Բեկի փող.
111.	Նոր Նորք	01-008-629-101	Բնակավայրերի	տնամերձ	Դ. Բեկի փող.
112.	Նոր Նորք	01-008-629-103-001	Բնակավայրերի	տնամերձ	Դ. Բեկի փող.
113.	Նոր Նորք	01-008-	Բնակավայրերի	տնամերձ	Գալշոյան փողոց
114.	Նոր Նորք	01-008-029-113-001	Բնակավայրերի	հասարակ. կառուցապ.	Գայի պող. թիվ 45/3,
115.	Նոր Նորք	01-008-010-076-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Ջուղայի փողոց
116.	Նոր Նորք	01-008-304-052-001	Բնակավայրերի	հասարակ. կառուցապ.	Նորքի 8մ/շ 25
117.	Նոր Նորք	01-008-010-086-001	Բնակավայրերի	հասարակ. կառուցապ.	Ջուղայի փողոց
118.	Նորք-Մարաշ	01-009-090-359	Բնակավայրերի	հասարակ. կառուցապ.	Նորքի Այգիներ 180
119.	Նորք-Մարաշ	01-009-064-052	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Ս. Խանզադյան փողոց
120.	Նորք-Մարաշ	01-009-090-014	Բնակավայրերի	հասարակ. կառուցապ.	Արմենակյան փ. 13
121.	Նուբարաշեն	01-010-332-001	Բնակավայրերի	բնակելի կառուցապ.	Նուբարաշեն, Գ-4թաղ
122.	Շենգավիթ	01-011-363-086	Բնակավայրերի	բնակելի կառուցապ.	Ֆրունզեի 8/1 տ.
123.	Շենգավիթ	01-011-467-039-001	Բնակավայրերի	հասարակ. կառուցապ.	Նորագավիթ 1փ.
124.	Շենգավիթ	01-011-075-003	Բնակավայրերի	տնամերձ	Կույբիշևի փող.
125.	Շենգավիթ	01-011-182-148-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Շիրակի փ. 14/7
126.	Շենգավիթ	01-011-355-005	Բնակավայրերի	տնամերձ	Արշակունյաց 286 տուն
127.	Շենգավիթ	01-011-023-051	Բնակավայրերի	տնամերձ	Նիզամու
128.	Շենգավիթ	01-011-400-028-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Արտ.խճուղի 1նրբ. 6/1
129.	Շենգավիթ	01-011-234-015	Բնակավայրերի	ընդհ. օգտագործ.	ՆԵՐՔԻՆ ՉԱՐԲԱԽ
130.	Շենգավիթ	01-011-028-069	Բնակավայրերի	հասարակ. կառուցապ.	Բագրատունյաց փող.
131.	Շենգավիթ	01-011-075-040	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Կույբիշևի փող.
132.	Շենգավիթ	01-011-075-005	Բնակավայրերի	տնամերձ	Կույբիշևի փող.
133.	Շենգավիթ	01-011-075-004	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Կույբիշևի փող.
134.	Շենգավիթ	01-011-075-039	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Կույբիշևի փող.
135.	Շենգավիթ	01-011-075-006	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Կույբիշևի փող.
136.	Շենգավիթ	01-011-1551-001	Բնակավայրերի	ընդհ. օգտագործ.	Արարատյան փող.
137.	Շենգավիթ	01-011-139-037-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Արարատյան փ. 90
138.	Շենգավիթ	01-011-693-071	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Հ. Հովսեփյան փող. թիվ 31 հասց
139.	Շենգավիթ	01-011-060-128	Բնակավայրերի	տնամերձ	Սևանի փող.
140.	Շենգավիթ	01-011-055-015	Բնակավայրերի	տնամերձ	Սևանի փ I նրբ. 1
141.	Շենգավիթ	01-011-028-068	Բնակավայրերի	հասարակ. կառուցապ.	Բագրատունյաց փող.
142.	Շենգավիթ	01-011-182-148-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Շիրակի փ. 14/7
143.	Շենգավիթ	01-011-049-115	Բնակավայրերի	հասարակ. կառուցապ.	Արտաշիսյան փող.
144.	Շենգավիթ	01-011-179-017-001	Արդյունաբեր., ընդերքօգտագործման և այլ արտադրական նշանակության օբյեկտների	արդյունաբ.	Շիրակի փ. 78
145.	Քանաքեռ-Զեյթուն	01-012-1121-001	Բնակավայրերի	ընդհ. օգտագործ.	Տոնոյան փող.
146.	Քանաքեռ-Զեյթուն	01-012-223-059	Բնակավայրերի	հասարակ. կառուցապ.	Պ. Սևակի փող.
147.	Քանաքեռ-Զեյթուն	01-012-231-031	Բնակավայրերի	տնամերձ	Բուսաբանական փող.
148.	Քանաքեռ-Զեյթուն	01-012-231-033	Բնակավայրերի	տնամերձ	Բուսաբանական փող.
149.	Քանաքեռ-Զեյթուն	01-012-231-034	Բնակավայրերի	տնամերձ	Բուսաբանական փող.
150.	Քանաքեռ-Զեյթուն	01-003-245-001	Բնակավայրերի	ընդհ. օգտագործ.	Ն. Զարյան փողոց
151.	Քանաքեռ-Զեյթուն	01-012-018-001	Բնակավայրերի	այլ հողեր	Զ.Քանաքեռցու 14-րդ փող.
152.	Քանաքեռ-Զեյթուն	01-012-242-001	Բնակավայրերի	տնամերձ	Գոգոլի փող.
153.	Քանաքեռ-Զեյթուն	01-012-341-001	Բնակավայրերի	այլ հողեր	Գոգոլի փող. նրբ
154.	Մալաթիա-Սեբաստիա	01-007-345-174-001	Բնակավայրերի	խառը կառուցապ.	Սեբաստիայի փողոց
155.	Շենգավիթ	01-011-075-312	Բնակավայրերի	տնամերձ	Կույբիշևի փող.
156.	Նոր-Նորք	01-008-629-177	Բնակավայրերի	տնամերձ	Դ. Բեկի փող.
157.	Էրեբունի	01-005-643-037	Բնակավայրերի	հասարակ. կառուցապ.	Նոր Արեշի 35 փողոց
158.	Շենգավիթ	01-011-075-003	Բնակավայրերի	հասարակ. կառուցապ.	Բունիաթյան փողոցին հարող տարածք
159.	Նոր-Նորք	01-008-629-358	Բնակավայրերի	տնամերձ	Դ. Բեկի փող.
160.	Արաբկիր	01-003-245-015	Բնակավայրերի	ընդհ. օգտագործ.	Ն. Զարյան փողոց
161.	Շենգավիթ	01-011-031-003	Բնակավայրերի	հասարակ. կառուցապ.	Չեխովի 15/2 հասցեին հարող տարածք
162.	Աջափնյակ	01-001-335-043	Բնակավայրերի	տնամերձ	Լուկաշինի փողոցի հարող տարածք
163.	Աջափնյակ	01-001-222-031	Բնակավայրերի	հասարակ. կառուցապ.	Շիրազի փողոցին հարող տարածք
164.	Աջափնյակ	01-001-222-030	Բնակավայրերի	հասարակ. կառուցապ.	Շիրազի փողոցին հարող տարածք
165.	Աջափնյակ	01-001-222-035	Բնակավայրերի	հասարակ. կառուցապ.	Շիրազի փողոցին հարող տարածք
166.	Աջափնյակ	01-001-222-056	Բնակավայրերի	հասարակ. կառուցապ.	Շիրազի փողոցին հարող տարածք
167.	Նոր Նորք	01-008-010-086	Բնակավայրերի	արտադրական	Ջուղայի փողոցին հարող տարածք
168.	Դավթաշեն	01-004-0055-0019	Բնակավայրերի	հասարակ. կառուցապ.	Մելքումովի փողոցին հարող տարածք
169.	Մալաթիա- Սեբաստիա	01-007-463-002	Բնակավայրերի	հասարակ. կառուցապ.	Ա.Բաբաջանյան փողոցին հարող տարածք
170.	Մալաթիա- Սեբաստիա	01-007-463-004	Բնակավայրերի	հասարակ. կառուցապ.	Ա.Բաբաջանյան փողոցին հարող տարածք
171.	Մալաթիա- Սեբաստիա	01-007-463-005	Բնակավայրերի	հասարակ. կառուցապ.	Ա.Բաբաջանյան փողոցին հարող տարածք
172.	Մալաթիա- Սեբաստիա	01-007-463-006	Բնակավայրերի	հասարակ. կառուցապ.	Ա.Բաբաջանյան փողոցին հարող տարածք
173.	Մալաթիա- Սեբաստիա	01-007-463-007	Բնակավայրերի	հասարակ. կառուցապ.	Ա.Բաբաջանյան փողոցին հարող տարածք
174.	Աջափնյակ	01-001-0109-0273-001	Բնակավայրերի	հասարակ. կառուցապ.	Մազմանյան փողոցին հարող տարածք
175.	Մալաթիա- Սեբաստիա	01-007-408-179	Բնակավայրերի	հասարակ. կառուցապ.	Բ-2 թաղամաս
176.	Էրեբունի	01-005-0223-0007	Բնակավայրերի	հասարակ. կառուցապ.	Արցախի պողոտային հարող տարածք
177.	Աջափնյակ	01-001-023-137	Բնակավայրերի	հասարակ. կառուցապ.	Լենինգրադյան փողոցին հարող տարածք
178.	Շենգավիթ	01-011-388-054	Բնակավայրերի	հասարակ. կառուցապ.	Շահամիրյանների փողոցին հարող տարածք
179.	Էրեբունի	01-005-308-005	Բնակավայրերի	Բնակելի կառուցապատման	Նոր Արեշի 3-րդ փողոց
180.	Շենգավիթ	01-011-234-015	Բնակավայրերի	Բնակելի կառուցապատման	Ներքին Չարբախ
181.	Շենգավիթ	01-011-075-006	Բնակավայրերի	հասարակ. կառուցապ.	Արշակունյաց պողոտային հարող տարածք
182.	Շենգավիթ	01-011-075-005	Բնակավայրերի	հասարակ. կառուցապ.	Արշակունյաց պողոտային հարող տարածք
183.	Շենգավիթ	01-011-075-004	Բնակավայրերի	հասարակ. կառուցապ.	Արշակունյաց պողոտային հարող տարածք
184.	Շենգավիթ	01-011-075-009	Բնակավայրերի	հասարակ. կառուցապ.	Արշակունյաց պողոտային հարող տարածք
185.	Շենգավիթ	01-011-075-040	Բնակավայրերի	հասարակ. կառուցապ.	Արշակունյաց պողոտային հարող տարածք
186.	Շենգավիթ	01-011-075-041	Բնակավայրերի	հասարակ. կառուցապ.	Արշակունյաց պողոտային հարող տարածք
187.	Կենտրոն	01-006-122-041	Բնակավայրերի	հասարակ. կառուցապ.	Սայաթ Նովայի փողոցին հարող տարածք
188.	Շենգավիթ	01-011-355-004	Բնակավայրերի	Բնակելի կառուցապատման	Արշակունյաց փողոցին հարող տարածք
189.	Կենտրոն	01-006-996-001	Բնակավայրերի	Բնակելի կառուցապատման	Թաիրովի փողոցին հարող տարածք
190.	Աջափնյակ	01-001-208-017	Բնակավայրերի	հասարակ. կառուցապ.	Մարգարյան փողոցին հարող տարածք
191.	Աջափնյակ	01-007-542-044	Բնակավայրերի	հասարակ. կառուցապ.	Շահումյան 2 գերեզմանատան գրասենյակին հարող տարածք
192.	Ավան	01-002-105-021	Բնակավայրերի	Արդյունաբ.	Աճառյան փողոցին հարող տարածք
193.	Աջափնյակ	01-001-651-006	Բնակավայրերի	Բնակելի կառուցապատման	Հաղթանակի 1-ին փողոց
194.	Ավան	01-002-010-059	Բնակավայրերի	հասարակ. կառուցապ.	Թումանյան թաղամաս
195.	Արաբկիր	01-003-113-012	Բնակավայրերի	արտադրական	Աղբյուր Սերոբի փողոցին հարող տարածք
196.	Ավան	01-002-010-059	Բնակավայրերի	հասարակ. կառուցապ.	Ավան, Թումանյան թաղամաս
197.	Կենտրոն	01-006-502-010	Բնակավայրերի	հասարակ. կառուցապ.	Ձորագյուղ
198.	Նոր Նորք	01-008-629-201	Բնակավայրերի	տնամերձ	Դ. Բեկի փող.
199.	Նոր Նորք	01-008-629-358	Բնակավայրերի	տնամերձ	Դ. Բեկի փող.
200.	Արաբկիր	01-003-245-015	Բնակավայրերի	ընդհ. օգտագործ.	Ն. Զարյան փողոց

(հավելվածը լրաց. 11.02.14 N 116-Ն)