ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՁԵՌՆԱՐԿՈՒԹՅՈՒՆՆԵՐԻՑ, ԿԱԶՄԱԿԵՐՊՈՒԹՅՈՒՆՆԵՐԻՑ ԵՎ ՔԱՂԱՔԱՑԻՆԵՐԻՑ ԱՐԺՈՒԹԱՅԻՆ ՀԱՐԿԻ ԳԱՆՁՈՒՄԸ ԿԱՍԵՑՆԵԼՈՒ ՄԱՍԻՆ

1. Արտաքին տնտեսական գործառնությունները և ապրանքների արտահանումը խթանելու նպատակով կասեցնել Հայաստանի Հանրապետության Նախագահի 1992 թվականի հունվարի 4-ի «Ձեռնարկություններից, կազմակերպություններից և քաղաքացիներից գանձվող հարկերի մասին» հրամանագրի 11-րդ կետով սահմանված օտարերկրյա արժույթով ստացված հասույթից 25 տոկոս դրույքաչափով արժութային հարկի գանձումը:

2. Սույն հրամանագիրը ուժի մեջ է մտնում 1992 թվականի մարտի 1-ից:

Հայաստանի Հանրապետության Նախագահ`	Լ. Տեր-Պետրոսյան
Երևան 1 մարտի 1992 թ. ՆՀ-79