ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 փետրվարի 2014 թվականի N 195-Ա

ԳՈՒՅՔ ՀԱՆՁՆԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածների դրույթները` Հայաստանի Հանրապետության կառավարությունը որոշում է.

1. «Հայաստանի Հանրապետության գյուղատնտեսության նախարարությանն ամրացված`

1) «Ֆորդ էքսպեդիցիոն» մակնիշի և 469342,56 (չորս հարյուր վաթսունինը հազար երեք հարյուր քառասուներկու դրամ հիսունվեց լումա) դրամ հաշվեկշռային արժեքով ավտոմեքենան (թողարկման տարեթիվը` 1998 թ., նույնականացման համարը` 1FMPU18LOWLA39228, գրանցման համարանիշը` 395LL11) հետ վերցնել և անհատույց, անժամկետ օգտագործման իրավունքով հանձնել «Սերմերի գործակալություն» պետական ոչ առևտրային կազմակերպությանը.

2) «Միկրոավտոբուս ԳԱԶ-322132» մակնիշի և 0 (զրո) դրամ հաշվեկշռային արժեքով ավտոմեքենան (թողարկման տարեթիվը` 2000 թ., շարժիչի համարը` 40260CX0132227, գրանցման համարանիշը` 216 ԼS 64) հետ վերցնել և անհատույց, անժամկետ օգտագործման իրավունքով հանձնել «Հայանտառ» պետական ոչ առևտրային կազմակերպությանը:

2. Հայաստանի Հանրապետության գյուղատնտեսության նախարարին`

1) սույն որոշումն ուժի մեջ մտնելուց հետո մեկամսյա ժամկետում «Սերմերի գործակալություն» և «Հայանտառ» պետական ոչ առևտրային կազմակերպությունների (այսուհետ` կազմակերպություններ) տնօրենների հետ համատեղ` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված ավտոմեքենաների հանձնման-ընդունման աշխատանքների կատարումը.

2) սույն որոշումն ուժի մեջ մտնելուց հետո կազմակերպությունների հետ կնքել սույն որոշման 1-ին կետում նշված ավտոմեքենաների անհատույց օգտագործման մասին պայմանագրեր` սահմանելով, որ պայմանագրերից ծագող գույքային իրավունքների պետական գրանցման ծախսերը ենթակա են իրականացման` կազմակերպությունների միջոցների հաշվին:

Հայաստանի Հանրապետության վարչապետ	Տ. Սարգսյան
2014 թ. մարտի 5 Երևան