ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 դեկտեմբերի 2013 թվականի N 1363-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՄԱՅԻՍԻ 2-Ի N 726-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության աշխատակազմում ստեղծել հակակոռուպցիոն ծրագրերի մոնիթորինգի բաժին, Հայաստանի Հանրապետության կառավարության աշխատակազմի ազգային փոքրամասնությունների և կրոնի հարցերի վարչությունը վերակազմավորման ձևով վերակազմակերպել ազգային փոքրամասնությունների և կրոնի հարցերով բաժնի:

2. Հայաստանի Հանրապետության կառավարության 2002 թվականի մայիսի 2-ի «Հայաստանի Հանրապետության կառավարության աշխատակազմ» պետական կառավարչական հիմնարկ ստեղծելու մասին» N 726-Ն որոշման մեջ կատարել հետևյալ լրացումները և փոփոխությունը`

1) որոշման N 1 հավելվածի 14-րդ կետը լրացնել հետևյալ բովանդակությամբ նոր` «ժը» և «ժթ» ենթակետերով.

«ժը) ապահովում է կոռուպցիայի դեմ պայքարի խորհրդի կազմակերպատեխնիկական աշխատանքների իրականացումը,

ժթ) իրականացնում է Հայաստանի Հանրապետության հակակոռուպցիոն ռազմավարության և դրա իրականացման միջոցառումների ծրագրի հաշվետվությունների և միջազգային պայմանագրերով կոռուպցիայի դեմ ստանձնած պարտավորությունների կատարման վերաբերյալ զեկույցների մոնիթորիգը:».

2) որոշման N 2 հավելվածի «Կառուցվածք» բաժնում`

ա. ուժը կորցրած ճանաչել «2. Ազգային փոքրամասնությունների և կրոնի հարցերի վարչություն» կետը,

բ. լրացնել հետևյալ բովանդակությամբ նոր` 21-րդ և 22-րդ կետերով.

«21. Ազգային փոքրամասնությունների և կրոնի հարցերի բաժին

22. Հակակոռուպցիոն ծրագրերի մոնիթորինգի բաժին:»:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Տ. Սարգսյան
2013 թ. դեկտեմբերի 13 Երևան