ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 նոյեմբերի 2013 թվականի N 1212-Ն

2013 ԹՎԱԿԱՆԻ ՁՄԵՌԱՅԻՆ ԶՈՐԱԿՈՉԸ ԿԱԶՄԱԿԵՐՊԵԼՈՒ ՄԱՍԻՆ

Ի կատարումն Հայաստանի Հանրապետության Նախագահի 2013 թվականի նոյեմբերի 6-ի «2013 թվականի ձմեռային զորակոչ անցկացնելու և զորացրում կատարելու մասին» ՆՀ-283-Ն հրամանագրի` Հայաստանի Հանրապետության կառավարությունը որոշում է.

1. 2013 թվականի ձմեռային զորակոչի ընդհանուր ղեկավարումն ապահովելու նպատակով ստեղծել հանրապետական զորակոչային հանձնաժողով` համաձայն N 1 հավելվածի:

2. 2013 թվականի ձմեռային զորակոչի անցկացման աշխատանքների համակարգման նպատակով ստեղծել մարզային (Երևանի քաղաքային) զորակոչային հանձնաժողովներ և հաստատել դրանց կազմը` համաձայն N 2 հավելվածի:

3. Հաստատել կենտրոնական բժշկական հանձնաժողովի կազմը` համաձայն N 3 հավելվածի:

4. Հայաստանի Հանրապետության պաշտպանության նախարարին`

1) 2013 թվականի ձմեռային զորակոչն անցկացնել Հայաստանի Հանրապետության օրենսդրությամբ սահմանված կարգով` 2013 թվականի դեկտեմբեր - 2014 թվականի հունվար ամիսներին.

2) զորակոչից խուսափող Հայաստանի Հանրապետության քաղաքացիների վերաբերյալ նյութերն ուղարկել Հայաստանի Հանրապետության կառավարությանն առընթեր Հայաստանի Հանրապետության ոստիկանության համապատասխան կառուցվածքային ստորաբաժանումներ:

5. Առաջարկել Հայաստանի Հանրապետության գլխավոր դատախազին`

1) զորակոչից խուսափող Հայաստանի Հանրապետության քաղաքացիների նկատմամբ օրենքով սահմանված կարգով քրեական հետապնդում հարուցելու, ինչպես նաև այդ բնույթի գործերով հետաքննության և նախաքննության օրինականության նկատմամբ հսկողության իրականացման աշխատանքների կազմակերպումը վերցնել անմիջական վերահսկողության տակ.

2) Հայաստանի Հանրապետության օրենսդրությանը համապատասխան իրականացնել լրացուցիչ միջոցառումներ` Հայաստանի Հանրապետությունից դուրս գտնվող` զորակոչից խուսափող անձանց հետախուզման ու հանրապետություն վերադարձնելու համար:

6. Հայաստանի Հանրապետության նախարարությունների, պետական կառավարման այլ մարմինների և կազմակերպությունների (անկախ կազմակերպական-իրավական ձևերից) ղեկավարներին`

1) քրեական պատասխանատվության կանչված և հետախուզման մեջ գտնվող զորակոչիկների ցուցակներն ստանալուց հետո նրանց նկատմամբ կիրառել աշխատանքային, տնտեսական ու այլ ոլորտներում` Հայաստանի Հանրապետության օրենքով նախատեսված սահմանափակումներ և գտնվելու վայրի մասին անհապաղ իրազեկել իրավասու պետական մարմիններին.

2) իրավասության սահմաններում ապահովել Հայաստանի Հանրապետության զորակոչային տարիքի քաղաքացիների ներկայանալը զինվորական կոմիսարիատներ:

7. Հանձնարարել Հայաստանի Հանրապետության մարզպետներին և առաջարկել Երևանի քաղաքապետին`

1) 2013 թվականի ձմեռային զորակոչի անցկացման համար զինվորական կոմիսարիատներն ապահովել զորակոչային տեղամասերով և պատշաճ պայմաններով` հանձնաժողովների աշխատանքը ծավալելու համար, սպասարկող անձնակազմով, ինչպես նաև նյութական և ավտոտրանսպորտային միջոցներով.

2) հաստատել տեղական (ըստ զինվորական կոմիսարիատների կողմից սպասարկվող տարածքների) զորակոչային հանձնաժողովների անհատական կազմերը` դրանցում ընդգրկելով վարչատարածքում գործող բժշկական հաստատությունների առաջատար բժիշկ-մասնագետներին, իսկ Երևանում, անհրաժեշտության դեպքում, նաև` հանրապետական ենթակայության բժշկական հաստատությունների բժիշկ-մասնագետներին.

3) նախատեսել և սահմանված կարգով յուրաքանչյուր բժիշկ-մասնագետի մի քանի թեկնածությունը սեղմ ժամկետում ներկայացնել Հայաստանի Հանրապետության առողջապահության նախարարություն` տեղական զորակոչային հանձնաժողովների 2013 թվականի ձմեռային զորակոչի բժշկական սպասարկումը պատշաճ կազմակերպելու նպատակով:

8. Հայաստանի Հանրապետության առողջապահության նախարարին`

1) անհրաժեշտության դեպքում, համաձայն Հայաստանի Հանրապետության մարզպետների և Երևանի քաղաքապետի կողմից ներկայացված հայտերի, տեղական զորակոչային հանձնաժողովների կազմերը համալրել հանրապետական ենթակայության բժշկական հաստատությունների համապատասխան բժիշկ-մասնագետներով.

2) Հայաստանի Հանրապետության պաշտպանության նախարարության հայտով զորակոչիկների ֆլյուորո (ռենտգեն) զննում, սոնոգրաֆիկ հետազոտում, ինչպես նաև կանխարգելիչ պատվաստումներ կատարելու նպատակով հանձնարարել համակարգի բուժկանխարգելիչ հաստատություններին` ապահովել անհրաժեշտ քանակով պատվաստանյութեր և ֆլյուորո (ռենտգեն) ժապավեններ ու երևակման նյութեր:

9. Հայաստանի Հանրապետության արտաքին գործերի նախարարին`

1) Հայաստանի Հանրապետության դիվանագիտական և հյուպատոսական մարմինների միջոցով պարտադիր զինվորական ծառայության զորակոչման ենթակա Հայաստանի Հանրապետության քաղաքացիներին ծանուցել «Զինապարտության մասին» Հայաստանի Հանրապետության օրենքի պահանջներին համապատասխան զինվորական կոմիսարիատներ ներկայանալու համար.

2) աջակցել օտարերկրյա պետություններում գտնվող` պարտադիր զինվորական ծառայության զորակոչման ենթակա քաղաքացիների` Հայաստանի Հանրապետություն վերադարձին և ապահովել դրա մասին իրազեկումը Հայաստանի Հանրապետության զինվորական կոմիսարին:

10. Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին`

1) ապահովել`

ա. զորակոչիկների անվտանգ փոխադրումը և հասարակական կարգի պահպանումը հանրապետության զորակոչային տեղամասերում,

բ. զորակոչից խուսափող զորակոչիկների որոնումը Հայաստանի Հանրապետության տարածքում ու Հայաստանի Հանրապետության տարածքից դուրս և նրանց ներկայանալը զորակոչային տեղամասեր.

2) զորակոչի ընթացքում զորակոչիկներին Երևանի սահմաններից դուրս փոխադրող ավտոբուսներն ուղեկցելու համար հանրապետական հավաքակայանին կցել ճանապարհային ոստիկանության վեց անձնակազմ:

11. Հայաստանի Հանրապետության տրանսպորտի և կապի նախարարին` սույն որոշումն ուժի մեջ մտնելուց հետո 5-օրյա ժամկետում Հայաստանի Հանրապետության պաշտպանության նախարարությանը տրամադրել Հայաստանի Հանրապետության տարածքում ուղևորափոխադրումներ իրականացնող կազմակերպությունների ցանկը` «Գնումների մասին» Հայաստանի Հանրապետության օրենքով սահմանված կարգով զորակոչիկների փոխադրումներն իրականացնելու համար:

12. Սահմանել, որ զորակոչի կազմակերպման ծախսերը փոխհատուցվում են Հայաստանի Հանրապետության պաշտպանության նախարարության միջոցների հաշվին` բացառությամբ սույն որոշման 8-րդ կետին համապատասխան կատարվող ծախսերի:

13. Հայաստանի Հանրապետության տրանսպորտի և կապի նախարարին, Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին, Հայաստանի Հանրապետության կառավարությանն առընթեր ազգային անվտանգության ծառայության տնօրենին` զորակոչից խուսափելու դեպքերը կանխելու նպատակով զորակոչի ընթացքում ուժեղացնել վերահսկողությունը Հայաստանի Հանրապետության սահմանային հաղորդակցության ուղիներում և զորակոչային տարիքի Հայաստանի Հանրապետության քաղաքացիների` Հայաստանի Հանրապետությունից մեկնումը թույլատրել միայն զինվորական գրքույկներում զինվորական ծառայությունն ավարտելու կամ հիվանդության պատճառով պահեստազորում գտնվելու, իսկ ամրակցման (նախնական հաշվառման) վկայականներում` պարտադիր զինվորական ծառայության զորակոչից տարկետման իրավունքից օգտվելու մասին զինվորական կոմիսարիատների համապատասխան նշումների առկայության դեպքում:

14. Սույն որոշման կատարման նկատմամբ վերահսկողությունը հանձնարարել Հայաստանի Հանրապետության պաշտպանության նախարարին և հանրապետական զորակոչային հանձնաժողովին:

15. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2013 թ. նոյեմբերի 11 Երևան

Կ Ա Զ Մ

հանրապետական զորակոչային հանձնաժողովի

Ս. Օհանյան		- ՀՀ պաշտպանության նախարար (հանձնաժողովի նախագահ)
Յու. Խաչատուրով		- ՀՀ զինված ուժերի գլխավոր շտաբի պետ (հանձնաժողովի նախագահի տեղակալ)
Հ. Մուրադյան		- ՀՀ զինվորական կոմիսար
Վ. Գասպարյան		- ՀՀ կառավարությանն առընթեր ՀՀ ոստիկանության պետ
Գ. Հակոբյան		- ՀՀ կառավարությանն առընթեր ազգային անվտանգության ծառայության տնօրեն
Գ. Կոստանյան		- ՀՀ գլխավոր դատախազ
Ա. Աշոտյան		- ՀՀ կրթության և գիտության նախարար
Գ. Բեգլարյան		- ՀՀ տրանսպորտի և կապի նախարար
Դ. Դումանյան		- ՀՀ առողջապահության նախարար
Է. Նալբանդյան		- ՀՀ արտաքին գործերի նախարար
Կ. Նահապետյան		- ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ (համաձայնությամբ)
Վ. Ասցատրյան		- ՀՀ կառավարության աշխատակազմի ազգային փոքրամասնությունների և կրոնի հարցերի վարչության պետ
Ա. Ասատրյան		- ՀՀ կառավարության աշխատակազմի պետաիրավական վարչության պետ (հանձնաժողովի քարտուղար)

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան

Հավելված N 2 ՀՀ կառավարության 2013 թվականի նոյեմբերի 7-ի N 1212-Ն որոշման

Կ Ա Զ Մ

մարզային (ԵրԵՎանի քաղաքային) զորակոչային հանձնաժողովների

Տարածքների և զինվորական կոմիսարիատների անվանումները	Հանձնաժողովների անդամները
1	2
Երևան		- Երևանի քաղաքապետ
		(հանձնաժողովի նախագահ)
Արաբկիր
Մաշտոց	Է. Ապրիամով	- ՀՀ ԶՈՒ ԳՇ պետի առաջին տեղակալ
Կենտրոնական		- Երևան քաղաքի ոստիկանության
Նոր Նորք		վարչության պետ
Շահումյան		- Երևան քաղաքի կայազորի ռազմական ոստիկանության բաժնի պետ
Շենգավիթ
Էրեբունի
Արագածոտն		- Արագածոտնի մարզպետ
		(հանձնաժողովի նախագահ)
Աշտարակ	Ա. Նազարյան	- ՀՀ պաշտպանության նախարարի տեղակալ
Ապարան
Թալին		- մարզային ոստիկանության վարչության պետ
		- Արմավիրի կայազորի ռազմական
		ոստիկանության Աշտարակի
		բաժանմունքի պետ
Արարատ		- Արարատի մարզպետ
		(հանձնաժողովի նախագահ)
Արտաշատ	Ա. Կարապետյան	- ՀՀ ԶՈՒ ԳՇ հետախուզության վարչության պետ
Արարատ
Մասիս		- մարզային ոստիկանության վարչության պետ
		- ՀՀ պաշտպանության նախարարության Արարատի ռազմական ոստիկանության բաժանմունքի պետ
Արմավիր		- Արմավիրի մարզպետ
		(հանձնաժողովի նախագահ)
Արմավիր	Ա. Դավթյան	- ՀՀ ԶՈՒ գլխավոր շտաբի օպերատիվ վարչության պետ
Էջմիածին
		- մարզային ոստիկանության վարչության
		պետ
		- Արմավիրի կայազորի ռազմական
		ոստիկանության բաժնի պետ
Գեղարքունիք		Գեղարքունիքի մարզպետ
		(հանձնաժողովի նախագահ)
Գավառ
Մարտունի	Պ. Պողոսյան	- 2 -րդ բանակային կորպուսի հրամանատար
Սևան		- մարզային ոստիկանության վարչության
Վարդենիս		պետ
Կրասնոսելսկ		- Սևանի կայազորի ռազմական
		ոստիկանության բաժնի պետ
Լոռի		- Լոռու մարզպետ
		(հանձնաժողովի նախագահ)
Վանաձոր	Օ. Գասպարյան	- 3-րդ բանակային կորպուսի հրամանատար
Սպիտակ		- մարզային ոստիկանության վարչության
Ստեփանավան		պետ
Տաշիր		- Լոռու կայազորի ռազմական
Թումանյան		ոստիկանության Վանաձորի
		բաժնի պետ
Կոտայք		Կոտայքի մարզպետ
		(հանձնաժողովի նախագահ)
Կոտայք (Աբովյան)	Հ. Բաղմանյան	- ՀՀ ԶՈՒ գլխավոր շտաբի պետի
Հրազդան		տեղակալ
Չարենցավան		- մարզային ոստիկանության վարչության պետ
Նաիրի		ոստիկանության Աբովյանի
		բաժնի պետ
Շիրակ		- Շիրակի մարզպետ (հանձնաժողովի նախագահ)
Գյումրի	Ս. Գալստյան	- ՀՀ ԶՈՒ գլխավոր շտաբի պետի տեղակալ
Արթիկ		- մարզային ոստիկանության վարչության
Աշոցք		պետ
Անի		- Շիրակի կայազորի ռազմական
Ախուրյան		ոստիկանության բաժնի պետ
Սյունիք		- Սյունիքի մարզպետ
		(հանձնաժողովի նախագահ)
Կապան	Տ. Փարվանյան	- 1 -ին բանակային կորպուսի հրամանատար
Գորիս		- մարզային ոստիկանության վարչության
Սիսիան		պետ
Մեղրի		- Գորիսի կայազորի ռազմական
		ոստիկանության բաժնի պետ
Վայոց ձոր		- Վայոց ձորի մարզպետ
		(հանձնաժողովի նախագահ)
Եղեգնաձոր	Ա. Մակարյան	- 4-րդ բանակային կորպուսի հրամանատար
Վայք		- մարզային ոստիկանության վարչության
		պետ
		- Եղեգնաձորի կայազորի ռազմական
		ոստիկանության բաժնի պետ
Տավուշ		- Տավուշի մարզպետ
		(հանձնաժողովի նախագահ)
Իջևան	Ա. Բրուտյան	- ՀՀ ԶՈՒ ԳՇ վարչական ապարատի ղեկավար
Տավուշ (Բերդ)		- մարզային ոստիկանության վարչության
Նոյեմբերյան		պետ
Դիլիջան		- Լոռու կայազորի ռազմական
		ոստիկանության Իջևանի բաժնի պետ

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան

Հավելված N 3 ՀՀ կառավարության 2013 թվականի նոյեմբերի 7-ի N 1212-Ն որոշման

Կ Ա Զ Մ

կենտրոնական բժշկական հանձնաժողովի

Հ. Մուրադյան		- ՀՀ զինվորական կոմիսար (հանձնաժողովի նախագահ)
Հ. Մինասյան		- ՀՀ զինվորական կոմիսարիատի ավագ բժիշկ (հանձնաժողովի նախագահի տեղակալ)
Հ. Նազարյան		- ՀՀ պաշտպանության նախարարության ռազմական ոստիկանություն, ավագ լեյտենանտ
Ա. Մուրադյան		- ՀՀ պաշտպանության նախարարության աշխատակազմի վերահսկիչ վարչություն
Ս. Ղասաբյան		- ՀՀ առողջապահության նախարարություն
Ա. Այվազյան		- թերապևտ, բ.գ.դ., պրոֆ.
Գ. Հարությունյան		- թերապևտ, բ/ծ կապիտան
Ս. Գրիգորյան		- սրտաբան, բ.գ.դ., պրոֆ.
Հ. Հովսեփյան		- սրտաբան, բ/ծ մայոր
Գ. Հարությունյան		- սրտաբան, բ/ծ կապիտան
Հ. Մանվելյան		- նյարդաբան, բ.գ.դ., պրոֆ.
Վ. Գաբրիելյան		- նյարդաբան, բ/ծ մայոր
Վ. Հովհաննիսյան		- մաշկաբան, բ/ծ մայոր
Զ. Տեր-Ավետիքյան		- վիրաբույժ, բ.գ.դ., պրոֆ.
Տ. Մարտիրոսյան		- վիրաբույժ, բ/ծ մայոր
Ա. Սոխակյան		- վնասվածքաբան, բ.գ.թ.
Ս. Սահակյան		- վնասվածքաբան, բ/ծ մայոր
Ս. Փխրիկյան		- օտոլարինգոլոգ, բ.գ.թ.
Հ. Բարսեղյան		- օտոլարինգոլոգ
Ե. Բաղդասարյան		- ակնաբույժ, բ.գ.թ.
Ն. Բաղդասարյան		- ակնաբույժ, բ/ծ մայոր
Վ. Բաբայան		- հոգեբույժ
Ս. Սարդարյան		- հոգեբույժ, բ/ծ կապիտան
Ռ. Բզանյան		- համակարգչային օպերատոր, ավագ սերժանտ
Ա. Բաբայան		- հանձնաժողովի քարտուղար

(հավելվածը փոփ. 28.11.13 N 1310-Ն)

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան