ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՆԿԻ ՄԱՍԻՆ

Հայաստանի Հանրապետության բանկային համակարգի ամրապնդման նպատակով որոշում եմ.

1. Մինչև Հայաստանի Հանրապետության ազգային բանկի մասին օրենքի ընդունումը, ԽՍՀՄ պետբանկի Հայկական հանրապետական բանկը վերակազմավորել Հայաստանի Հանրապետության բանկի:

2. Ժամանակավորապես Հայաստանի Հանրապետության բանկի վրա դնել ազգային բանկի ֆունկցիաներ, այդ թվում`

վարկային և դրամական պետական քաղաքականության իրականացումը Հայաստանի Հանրապետության տարածքում.

բանկային գործունեության կազմավորումը և լիցենզավորումը.

օտարերկրյա արժութային գործառնությունների կարգավորումը և լիցենզավորումը:

3. Հանձնարարել Հայաստանի Հանրապետության բանկին` մինչև 1992 թվականի հունվարի 1-ը նախապատրաստել և Հայաստանի Հանրապետության կառավարությանը ներկայացնել առաջարկություններ վերը նշված ֆունկցիաների իրականացումը կանոնակարգող համապատասխան ակտեր ընդունելու վերաբերյալ:

4. Սույն հրամանագիրը ուժի մեջ է մտնում ստորագրման պահից:

Հայաստանի Հանրապետության Նախագահ`	Լ. Տեր-Պետրոսյան
Երևան 19 դեկտեմբերի 1991 թ. ՆՀ-41