ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 սեպտեմբերի 2013 թվականի N 1041-Ա

«ԹԱՓՈՆՆԵՐԻ ՈՒՍՈՒՄՆԱՍԻՐՈՒԹՅԱՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ԳՈՒՅՔ ԱՄՐԱՑՆԵԼՈՒ ՄԱՍԻՆ

Համաձայն «Պետական ոչ առևտրային կազմակերպությունների մասին» Հայաստանի Հանրապետության օրենքի 4-րդ հոդվածի և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի` Հայաստանի Հանրապետության կառավարությունը որոշում է.

1. «Հայաստանի Հանրապետության բնապահպանության նախարարության աշխատակազմ» պետական կառավարչական հիմնարկին ամրացված գույքը` համաձայն հավելվածի, հետ վերցնել և սահմանված կարգով ամրացնել «Թափոնների ուսումնասիրության կենտրոն» պետական ոչ առևտրային կազմակերպությանը (այսուհետ` կազմակերպություն):

2. Հայաստանի Հանրապետության կառավարությանն առընթեր պետական գույքի կառավարման վարչության պետին՝ սույն որոշումն ուժի մեջ մտնելուց հետո երկամսյա ժամկետում կազմակերպության հետ կնքել անհատույց օգտագործման պայմանագիր՝ դրանում սահմանելով, որ պայմանագրի նոտարական վավերացման և դրանից ծագող գույքային իրավունքների պետական գրանցման ծախսերը ենթակա են իրականացման կազմակերպության միջոցների հաշվին:

Հայաստանի Հանրապետության վարչապետ	Տ. Սարգսյան
2013 թ. հոկտեմբերի 2 Երևան

 

Հավելված ՀՀ կառավարության 2013 թվականի սեպտեմբեր 26-ի N 1041-Ա որոշման

Ց Ա Ն Կ

«Թափոնների ուսումնասիրության կենտրոն» պետական ոչ առԵՎտրային կազմակերպությանՆ ամրացվող գույքի

NN ը/կ	Անվանումը	Չափի միավորը	Քանակը (հատ)	Հաշվեկշռային արժեքը (դրամ)
1.	Գազային քրոմատոգրաֆ մաս դետեկտորով GCMS-QP2010SE EI 230V CE LV incl.GC-2010 Plus` արտադրությունը, SHIMADZU CORPORATION (Ճապոնիա) Անհրաժեշտ ստանդարտ փորձանմուշներ Անհրաժեշտ ռեակտիվներ Լաբորատոր ամանեղեն	Հավաքածու	1	58.501.474
	Ընդամենը			58.501.474

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան