ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 օգոստոսի 2013 թվականի N 884-Ա

ԳՈՒՅՔ ՄԱՍՆԱՎՈՐԵՑՆԵԼՈՒ ՄԱՍԻՆ

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 3-րդ, 16-րդ և 21-րդ հոդվածներին, ինչպես նաև Հայաստանի Հանրապետության կառավարության 2009 թվականի հունվարի 8-ի N 26-Ն որոշմանը համապատասխան` Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` «Երևանի թիվ 3 բեռնատար ավտոտրանսպորտային» պետական փակ բաժնետիրական ընկերության լուծարումից հետո մնացած շարժական գույքը (արտադրական, տնտեսական գույք, գործիք, այլ գույք և ապրանքներ) (այսուհետ` գույք)` համաձայն հավելվածի, մասնավորեցնել դասական աճուրդով` որպես գույքի առանձին տարրեր:

2. Սահմանել գույքի` Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2013 թվականի հունիսի 11-ի դրությամբ գնահատված արժեքը և մեկնարկային գինը` համաձայն հավելվածի:

3. Հայաստանի Հանրապետության կառավարությանն առընթեր պետական գույքի կառավարման վարչության պետին`

1) առաջին աճուրդը կազմակերպել և անցկացնել սույն որոշումն ուժի մեջ մտնելուց հետո երկամսյա ժամկետում.

2) աճուրդի անցկացման օրվանից առնվազն 15 օր առաջ մամուլում կամ զանգվածային լրատվության այլ միջոցներով հրապարակել ընդհանուր տեղեկություններ գույքի, աճուրդի անցկացման պայմանների, ժամկետների, գույքի արժեքի որոշման հետ կապված վճարների մասին.

3) առաջին աճուրդի ժամանակ չվաճառված գույքի վաճառքի նպատակով կազմակերպել աճուրդներ, ընդ որում, հերթական աճուրդի անցկացման ժամանակ գույքի վաճառքի մեկնարկային գինը նվազեցվում է վերջին աճուրդի մեկնարկային գնի 20 տոկոսի չափով.

4) աճուրդի հաղթողի կողմից (այսուհետ` գնորդ) առաջարկված գնի, ինչպես նաև գույքի արժեքի որոշման համար նախատեսված գումարի (ներառյալ ավելացված արժեքի հարկը)` համաձայն հավելվածի, վճարումից հետո մեկամսյա ժամկետում գնորդի հետ կնքել մասնավորեցման պայմանագիր:

4. Վճարումները կատարել աճուրդի արձանագրությունն ստորագրվելու օրվանից տասնօրյա ժամկետում, Հայաստանի Հանրապետության արժույթով` գույքի վաճառքի գումարն ուղղելով Հայաստանի Հանրապետության պետական բյուջե:

Հայաստանի Հանրապետության փոխվարչապետ	Ա. Գևորգյան
2013 թ. օգոստոսի 26 Երևան

Հավելված ՀՀ կառավարության 2013 թվականի օգոստոսի 22-ի N 884-Ա որոշման

 Ց Ա Ն Կ  N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՏՆՕՐԻՆՈՒԹՅԱՆ` «ԵՐԵՎԱՆԻ ԹԻՎ 3  ԲԵՌՆԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ  ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԳՈՒՅՔԻ

NN ը/կ	Անվանումը	Քանակը (հատ)	Ձեռքբերման տարեթիվը	Գույքի գնահատված արժեքը (դրամ)	Գույքի մեկնարկային գինը  (դրամ)	Գույքի արժեքի որոշման համար նախատեսված վճարը` ներառյալ ավելացված արժեքի հարկը (դրամ)
70 տոկոս և ավելի մաշվածք ունեցող
1.	Լցավորման տարա	1	1982 թ.	250000	250000	600
2.	Սառնարան	1	1978 թ.	6000	6000	600
3.	Սառնարան	1	1978 թ.	6000	6000	600
4.	Գրամեքենա «Յատրան»	1	1978 թ.	4000	4000	600
5.	Գրամեքենա «Յատրան»	1	1978 թ.	3000	3000	600
6.	Դրոշմակնիք ժամացույց	1	1991 թ.	1000	1000	600
7.	Տաքացուցիչ ԿՎՏ	1	1987 թ.	4000	4000	600
8.	Սառնարան	1	1982 թ.	7000	7000	600
9.	Ստենդ էլեկտրոստատ. փորձ	1	1978 թ.	10000	10000	600
10.	Ավտոտրենաժոր	1	1986 թ.	7000	7000	600
11.	Ավտոդող քանդող հաստոց	1	1981 թ.	30000	30000	600
12.	Կոմուտատոր	1	1978 թ.	5000	5000	600
13.	Բենզալցակայան	1	1987 թ.	9000	9000	600
14.	Բենզալցակայան	1	1994 թ.	17000	17000	600
15.	Սեղանի կոմպլեկտ	1	1998 թ.	2000	2000	600
16.	Հեռուստացույց	1	1996 թ.	3000	3000	600
17.	Տեսաձայնագրիչ	1	1998 թ.	7000	7000	600
	Ընդամենը	17		371000	371000	10200

Ց Ա Ն Կ  N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՏՆՕՐԻՆՈՒԹՅԱՆ` «ԵՐԵՎԱՆԻ ԹԻՎ 3 ԲԵՌՆԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԱՊՐԱՆՔՆԵՐԻ

NN ը/կ		Անվանումը	Քանակը (հատ)	Գույքի գնահատված արժեքը (դրամ)	Գույքի մեկնարկային գինը (դրամ)
70 տոկոս և ավելի մաշվածք ունեցող
1.	Բաշխիչ 20020Գ-52		90	5850	5850
2.	Արգելակային վերդիր		282	28200	28200
3.	Շրջանակ 60101 ավիս		1	400	400
4.	ԱՓՏ ատամնանիվ ԶԻԼ-130		66	13530	13530
	Ընդամենը		439	47980	47980

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան