ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

29 օգոստոսի 2013 թվականի N 760-Ա

ՄԵԾ ԲՐԻՏԱՆԻԱՅԻ ԵՎ ՀՅՈՒՍԻՍԱՅԻՆ ԻՌԼԱՆԴԻԱՅԻ ՄԻԱՑՅԱԼ ԹԱԳԱՎՈՐՈՒԹՅՈՒՆ ԵՎ ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐ ՊԱՏՎԻՐԱԿՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության կառավարության կողմից եվրապարտատոմսերի թողարկման ուղղությամբ իրականացվող աշխատանքների շրջանակներում իրազեկման արշավի նպատակով 2013 թվականի սեպտեմբերի 7-14-ը Մեծ Բրիտանիայի և Հյուսիսային Իռլանդիայի Միացյալ Թագավորություն և Ամերիկայի Միացյալ Նահանգներ գործուղել պատվիրակություն` համաձայն հավելվածի:

(1-ին կետը փոփ. 11.09.13 N 808-Ա)

2. Ընդունել ի գիտություն, որ պատվիրակության՝ Մեծ Բրիտանիայի և Հյուսիսային Իռլանդիայի Միացյալ Թագավորություն և Ամերիկայի Միացյալ Նահանգներ գործուղման հետ կապված ճանապարհածախսը և գիշերավարձի ծախսերն իրականացվելու են եվրապարտատոմսերի գլխավոր տեղաբաշխողների կոնսորցիումի կողմից:

(2-րդ կետը լրաց. 11.09.13 N 808-Ա)

3. Հայաստանի Հանրապետության արտաքին գործերի նախարարին՝ լուծել պատվիրակության` Մեծ Բրիտանիայի և Հյուսիսային Իռլանդիայի Միացյալ Թագավորություն և Ամերիկայի Միացյալ Նահանգներ մեկնելու հետ կապված հարցերը:

4. Հայաստանի Հանրապետության ֆինանսների նախարարին՝ գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Մեծ Բրիտանիայի և Հյուսիսային Իռլանդիայի Միացյալ Թագավորություն և Ամերիկայի Միացյալ Նահանգներ գործուղման արդյունքների մասին հաշվետվություն:

5. Դ. Սարգսյանի, Վ. Ավանեսյանի և Ս. Խանվելյանի՝ Մեծ Բրիտանիայի և Հյուսիսային Իռլանդիայի Միացյալ թագավորություն և Ամերիկայի Միացյալ Նահանգներ գործուղման հետ կապված օրապահիկի ծախսերը կատարել Հայաստանի Հանրապետության 2013 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն այցելությունների հետևյալ ժամանակացույցի`

ա. 2013 թվականի սեպտեմբերի 7-9-ը` Լոս Անջելես,

բ. 2013 թվականի սեպտեմբերի 10-ին` Սան Ֆրանցիսկո,

գ. 2013 թվականի սեպտեմբերի 11-ին` Բոստոն,

դ. 2013 թվականի սեպտեմբերի 12-ին` Նյու Յորք,

ե. 2013 թվականի սեպտեմբերի 13-14-ը` Լոնդոն։

(5-րդ կետը լրաց. 11.09.13 N 808-Ա)

Հայաստանի Հանրապետության վարչապետ	Տ. Սարգսյան
2013 թ. օգոստոսի 29 Երևան

Հավելված ՀՀ վարչապետի 2013 թվականի օգոստոսի 29-ի N 760-Ա որոշման

 

Կ Ա Զ Մ

2013 ԹՎԱԿԱՆԻ ՍԵՊՏԵՄԲԵՐԻ 9-16-Ը ՄԵԾ ԲՐԻՏԱՆԻԱՅԻ ԵՎ ՀՅՈՒՍԻՍԱՅԻՆ ԻՌԼԱՆԴԻԱՅԻ ՄԻԱՑՅԱԼ ԹԱԳԱՎՈՐՈՒԹՅՈՒՆ ԵՎ ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐ ՄԵԿՆՈՂ ՊԱՏՎԻՐԱԿՈՒԹՅԱՆ

Դ. Սարգսյան	- ՀՀ ֆինանսների նախարար (պատվիրակության ղեկավար)
Վ. Ավանեսյան	- ՀՀ էկոնոմիկայի նախարար
Ն. Երիցյան	- ՀՀ կենտրոնական բանկի նախագահի տեղակալ (համաձայնությամբ)
Ս. Խանվելյան	- ՀՀ ֆինանսների նախարարության աշխատակազմի պետական պարտքի կառավարման վարչության պետի տեղակալ-գործառնական բաժնի պետ

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան