ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

11 սեպտեմբերի 2013 թվականի N 807-Ա

ՊԱՏՎԻՐԱԿՈՒԹՅՈՒՆ ՄԻՆՍԿ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Կրթության և գիտության ոլորտում իրականացվող երկկողմ համագործակցության ծրագրերին առնչվող հարցերի քննարկման նպատակով 2013 թվականի սեպտեմբերի 16-18-ը Մինսկ (Բելառուսի Հանրապետություն) գործուղել պատվիրակություն` համաձայն հավելվածի:

2. Ա. Աշոտյանի և Մ. Ղազարյանի` Մինսկ գործուղման հետ կապված ճանապարհածախսն ու օրապահիկի ծախսերը կատարել Հայաստանի Հանրապետության 2013 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Ն. Ղուկասյանի և Լ. Թավադյանի` Մինսկ գործուղման հետ կապված ճանապարհածախսն ու օրապահիկի ծախսերը կատարվելու են համապատասխանաբար Հայաստանի Հանրապետության կրթության և գիտության նախարարության կրթության ազգային ինստիտուտի և Հայաստանի Հանրապետության գիտությունների ազգային ակադեմիայի միջոցների հաշվին:

4. Ընդունել ի գիտություն, որ պատվիրակության անդամների` Մինսկ գործուղման հետ կապված գիշերավարձի ծախսերը կատարվելու են հրավիրող կողմի հաշվին:

5. Հայաստանի Հանրապետության կրթության և գիտության նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Մինսկ գործուղման արդյունքների մասին հաշվետվություն:

Հայաստանի Հանրապետության փոխվարչապետ	Ա. Գևորգյան
2013 թ. սեպտեմբերի 11 Երևան

Հավելված ՀՀ վարչապետի 2013 թ. սեպտեմբերի 11-ի N 807-Ա որոշման

Կ Ա Զ Մ

Մինսկ մեկնող պատվիրակության

Ա. Աշոտյան	- ՀՀ կրթության և գիտության նախարար (պատվիրակության ղեկավար)
Մ. Ղազարյան	- ՀՀ կրթության և գիտության նախարարության աշխատակազմի ղեկավար
Ն. Ղուկասյան	- ՀՀ կրթության և գիտության նախարարության կրթության ազգային ինստիտուտի տնօրեն (համաձայնությամբ)
Լ. Թավադյան	- ՀՀ գիտությունների ազգային ակադեմիայի քիմիական և երկրի մասին գիտությունների բաժանմունքի ակադեմիկոս-քարտուղար, Ա. Նալբանդյանի անվան քիմիական ֆիզիկայի ինստիտուտի տնօրեն (համաձայնությամբ)

Հայաստանի Հանրապետության կառավարության աշխատակազմի ղեկավարի տեղակալ

Տ. Գևորգյան