Գլխավոր տեղեկություն
Համար
N 338-Ն
Տիպ
Որոշում
Ակտի տիպ
Պաշտոնական Ինկորպորացիա (20.06.2013-մինչ օրս)
Կարգավիճակ
Գործում է
Սկզբնաղբյուր
ՀՀՊՏ 2008.08.20/52(642) Հոդ.446
Ընդունող մարմին
ՀՀ կառավարություն
Ընդունման ամսաթիվ
17.03.2005
Ստորագրող մարմին
ՀՀ վարչապետ
Ստորագրման ամսաթիվ
28.03.2005
Վավերացնող մարմին
ՀՀ Նախագահ
Վավերացման ամսաթից
06.04.2005
Ուժի մեջ մտնելու ամսաթիվ
30.04.2005

«Վավերացնում եմ»
Հայաստանի Հանրապետության
Նախագահ Ռ. Քոչարյան
6 ապրիլի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 մարտի 2005 թվականի N 338-Ն

ՀԱՐԿԱՅԻՆ ԾԱՌԱՅՈՂՆԵՐԻ ՀԱՄԱԶԳԵՍՏԻ ՆԿԱՐԱԳԻՐԸ ԵՎ ԿՐԵԼՈՒ ՊԱՅՄԱՆՆԵՐԸ ՍԱՀՄԱՆԵԼՈՒ ՄԱՍԻՆ

«Հարկային ծառայության մասին» Հայաստանի Հանրապետության օրենքի 29-րդ հոդվածի 2-րդ մասին համապատասխան` Հայաստանի Հանրապետության կառավարությունը որոշում է.

1. Սահմանել`

ա) հարկային ծառայողների համազգեստի նկարագիրը` համաձայն N 1 հավելվածի.

բ) հարկային ծառայողների տարբերանշանների նկարագիրը` համաձայն N 2 հավելվածի.

գ) հարկային ծառայողների համազգեստ կրելու պայմանները` համաձայն N 3 հավելվածի:

2. Հարկային ծառայողների համազգեստ կրելու կարգը, «Հարկային ծառայության մասին» Հայաստանի Հանրապետության օրենքի 29-րդ հոդվածի 1-ին մասին համապատասխան, սահմանում է Հայաստանի Հանրապետության կառավարությանն առընթեր հարկային պետական ծառայության պետը:

 

Հայաստանի Հանրապետության
վարչապետ

 Ա. Մարգարյան


2005 թ. մարտի 28
Երևան
 

Հավելված N 1
ՀՀ կառավարության 2005 թվականի
 մարտի 17-ի N 338-Ն որոշման


ՀԱՐԿԱՅԻՆ ԾԱՌԱՅՈՂՆԵՐԻ ՀԱՄԱԶԳԵՍՏԻ ՆԿԱՐԱԳԻՐԸ

1. Հարկային ծառայության պետական խորհրդականի և գեներալ-մայորի համազգեստը.

գլխարկ` մուգ կապույտ, սև գլխարկաբոլորքով, դեղին եզրաքուղով, գլխարկաբոլորքի վրա ոսկեգույն գլխարկանշանն է` Հայաստանի Հանրապետության կառավարությանն առընթեր հարկային պետական ծառայության տարբերանշանով, ասեղնագործված դափնու ու պսակի տեսքով, գլխարկատարի վրա` Հայաստանի Հանրապետության զինանշանը (N 1 ձև),

կիտել` բրդյա, մուգ կապույտ, թևքի տարբերանշանով (N 2 ձև),

տաբատ` բրդյա, մուգ կապույտ, եզրաքուղով և 2 սմ լայնությամբ 2 գունաժապավենով,

ամառային տաբատ` մուգ կապույտ, եզրաքուղով և 2 սմ լայնությամբ 2 գունաժապավենով,

երկարաթև վերնաշապիկ` սպիտակ և բաց կապույտ,

կարճաթև վերնաշապիկ` սպիտակ և բաց կապույտ,

փողկապ` սև:

(1-ին կետը փոփ. 06.06.13 N 578-Ն)

2. Հարկային ծառայության կրտսեր լեյտենանտից մինչև գնդապետի համազգեստը (N 3 ձև).

գլխարկ` մուգ կապույտ, սև գլխարկաբոլորքով, դեղին եզրաքուղով, գլխարկաբոլորքի վրա գլխարկանշանը` Հայաստանի Հանրապետության կառավարությանն առընթեր հարկային պետական ծառայության տարբերանշանով,

գլխարկ` «պիլոտկա» տեսակի մուգ կապույտ, գլխարկանշանով,

կիտել` բրդյա, մուգ կապույտ, թևքի տարբերանշանով,

տաբատ` բրդյա, մուգ կապույտ,

ամառային տաբատ` մուգ կապույտ,

երկարաթև վերնաշապիկ` սպիտակ և բաց կապույտ,

կարճաթև վերնաշապիկ` սպիտակ և բաց կապույտ,

փողկապ` սև:

(2-րդ կետը փոփ. 06.06.13 N 578-Ն)

3. Հարկային ծառայության կին աշխատողների կրտսեր լեյտենանտից մինչև գնդապետի համազգեստը.

գլխարկ` «պիլոտկա» տեսակի, մուգ կապույտ, գլխարկանշանով` Հայաստանի Հանրապետության կառավարությանն առընթեր հարկային պետական ծառայության տարբերանշանով,

կիտել` բրդյա, մուգ կապույտ, թևքի տարբերանշանով,

կիսաշրջազգեստ` մուգ կապույտ, ամառային և ձմեռային,

երկարաթև վերնաշապիկ` սպիտակ և բաց կապույտ,

կարճաթև վերնաշապիկ` սպիտակ և բաց կապույտ,

փողկապ` սև:

(3-րդ կետը փոփ. 06.06.13 N 578-Ն)

(հավելվածը փոփ. 06.06.13 N 578-Ն)


Հայաստանի Հանրապետության
կառավարության աշխատակազմի
ղեկավար-նախարար		 Մ. Թոփուզյան


Հավելված N 2
ՀՀ կառավարության 2005 թվականի
 մարտի 17-ի N 338-Ն որոշման


I. ՀԱՐԿԱՅԻՆ ԾԱՌԱՅՈՂՆԵՐԻ ՏԱՐԲԵՐԱՆՇԱՆՆԵՐԻ

ՆԿԱՐԱԳԻՐԸ

1. Հարկային ծառայության հատուկ կոչումների տարբերանշաններն են`

1) հարկային ծառայողների ուսադիրները.

2) հարկային ծառայողների թևքանշանները:

 

II. ՀԱՐԿԱՅԻՆ ԾԱՌԱՅՈՂՆԵՐԻ ՈՒՍԱԴԻՐՆԵՐԸ

 

2. Հարկային ծառայության գեներալ-մայորի ուսադիրները (ձև)

1) ուղղանկյուն, մակերեսը՝ հյուսքեն, կապույտ (տոնականը` ոսկեգույն) հատուկ գործվածքով, կարմիր եզրակարերով, ուղղանկյուն, վերևամասում՝ բազմանկյուն կտրվածքով: Հարկային ծառայության գեներալ-մայորի կոչում ունեցող ծառայողների ուսադիրների վրա տեղադրվում է մեկ ոսկեզօծ թելով ասեղնագործված, 22 մմ տրամագծով հնգաթև աստղ: Ուսադիրներն ամրացվում են Հայաստանի Հանրապետության հարկային ծառայության տարբերանշանի պատկերով մեկական ոսկեգույն կոճակով:

3. Հարկային ծառայության կրտսեր լեյտենանտից մինչև գնդապետի ուսադիրները (ձև)

1) ուղղանկյուն, մակերեսը` մուգ կապույտ գործվածքով, վերնամասը` բազմանկյուն, ոսկեգույն մակաշերտով: Հարկային ծառայության գնդապետի, փոխգնդապետի և մայորի կոչումներ ունեցող ծառայողները կրում են 2 մակաշերտով, իսկ կապիտանի, ավագ լեյտենանտի, լեյտենանտի և կրտսեր լեյտենանտի կոչում ունեցող ծառայողները՝ 1 մակաշերտով ուսադիրներ.

2) շնորհված կոչմանը համապատասխան՝

ա. հարկային ծառայության գնդապետի կոչում ունեցող ծառայողների ուսադիրների վրա տեղադրվում են 20 մմ տրամագծով երեք, փոխգնդապետի կոչում ունեցող ծառայողների ուսադիրների վրա՝ երկու, մայորի կոչում ունեցող ծառայողների ուսադրիների վրա՝ մեկ, ոսկեզօծ հնգաթև աստղեր,

բ. հարկային ծառայության կապիտանի կոչում ունեցող ծառայողների ուսադիրների վրա տեղադրվում են 13 մմ տրամագծով չորս, ավագ լեյտենանտի կոչում ունեցող ծառայողների ուսադիրների վրա՝ երեք, լեյտենանտի կոչում ունեցող ծառայողների ուսադիրների վրա՝ երկու և կրտսեր լեյտենանտի կոչում ունեցող ծառայողների ուսադիրների վրա՝ մեկ, ոսկեզօծ հնգաթև աստղեր,

գ. գնդապետի, փոխգնդապետի և մայորի ուսադիրների վրա տեղադրվում են 20 մմ լայնքով ոսկեզօծ թելերով հյուսքաձև գործվածքի մեկ շերտ` ուսադիրի ստորին եզրից 5 մմ հեռավորության վրա, ուսադիրի երկայնական առանցքային գծին ուղղահայաց,

դ. կապիտանի, ավագ լեյտենանտի, լեյտենանտի և կրտսեր լեյտենանտի ուսադիրների վրա տեղադրվում են 10 մմ լայնքով ոսկեզօծ թելերով հյուսքաձև գործվածքի շերտ` ուսադիրի ստորին եզրից 5 մմ հեռավորության վրա, ուսադիրի երկայնական առանցքային գծին ուղղահայաց.

3) ուսադիրները վերին մասում ամրացվում են Հայաստանի Հանրապետության հարկային ծառայության տարբերանշանի պատկերով մեկական ոսկեգույն կոճակով: Կոճակից 5 մմ հեռավորության վրա տեղադրվում է ոսկեգույն մետաղից Հայաստանի Հանրապետության հարկային ծառայության տարբերանշանը:

 

III. ՀԱՐԿԱՅԻՆ ԾԱՌԱՅՈՂԻ ԹԵՎՔԱՆՇԱՆՆԵՐԸ

 

4. Հայաստանի Հանրապետության հարկային ծառայողները համազգեստի ձախ թևքին` ուսակարից 80 մմ ներքև, կրում են Հայաստանի Հանրապետության հարկային ծառայության տարբերանշանի պատկերով թևքանշան: Թևքանշանը` 80մմX95մմ չափսերով, կտորի վրա գունավոր տպագրվում կամ ասեղնագործվում է Հայաստանի Հանրապետության հարկային ծառայության տարբերանշանը:

5. Հայաստանի Հանրապետության հարկային ծառայության ստորաբաժանումների ծառայողները համազգեստի աջ թևքին` ուսակարից 80 մմ ներքև, կրում են ծառայության բնույթը խորհրդանշող համապատասխան թևքանշաններ, որոնց նկարագրերը սահմանում է Հայաստանի Հանրապետության կառավարությանն առընթեր պետական եկամուտների կոմիտեի նախագահը:

 

 

Հայաստանի Հանրապետության
կառավարության աշխատակազմի
ղեկավար-նախարար

 Մ.Թոփուզյան

 

Ձև

Ներմուծեք նկարագրությունը_2252

(հավելվածը խմբ. 06.06.13 N 578-Ն)

 

 

Հավելված N 3
ՀՀ կառավարության 2005 թվականի
 մարտի 17-ի N 338-Ն որոշման

ՀԱՐԿԱՅԻՆ ԾԱՌԱՅՈՂՆԵՐԻ ՀԱՄԱԶԳԵՍՏ ԿՐԵԼՈՒ ՊԱՅՄԱՆՆԵՐԸ

NN
ը/կ

Անվանումը

Թիվը
(հատ)

Կրելու ժամկետը
(տարի)

1.

Գլխարկ` զինանշանով

1

3

2.

Գլխարկ` «պիլոտկա» տեսակի

1

2

3.

Կիտել

1

2

4.

Տաբատ

2

1

5.

Կիսաշրջազգեստ

2

1

6.

Վերնաշապիկ

4

1

7.

Փողկապ

1

1

8.

Ուսադիր` կոճակներով

3 զույգ

2

9.

Աստղեր

ըստ ներկայացման

 

10.

Թևքի տարբերանշան

2

2

11.

Կաշնե

1

1

Հայաստանի Հանրապետության
կառավարության աշխատակազմի
ղեկավար-նախարար

Մ. Թոփուզյան