Գլխավոր տեղեկություն
Համար
N 411-Ա
Տիպ
Որոշում
Ակտի տիպ
Հիմնական ակտ (30.04.2013-մինչ օրս)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
25.04.2013
Ստորագրող մարմին
ՀՀ վարչապետ
Ստորագրման ամսաթիվ
29.04.2013
Ուժի մեջ մտնելու ամսաթիվ
30.04.2013

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

25 ապրիլի 2013 թվականի N 411-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՕԳՈՍՏՈՍԻ 26-Ի N 1189-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Համաձայն «Իրավական ակտերի մասին» Հայաստանի Հանրապետության օրենքի 70-րդ հոդվածի՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարությանն 2004 թվականի օգոստոսի 26-ի «Հայաստանի Հանրապետության կառավարությանն առընթեր ազգային անվտանգության ծառայությանը բանկային (արտաբյուջետային) հաշիվ բացելու թույլտվություն տալու մասին» N 1189-Ա որոշման մեջ կատարել հետևյալ փոփոխություններն ու լրացումները`

1) որոշման վերնագրում «Հայաստանի Հանրապետության կառավարությանն առընթեր ազգային անվտանգության ծառայությանը» բառերը փոխարինել «Հայաստանի Հանրապետության պետական պահպանության ծառայությանը» բառերով.

2) 1-ին կետը շարադրել հետևյալ խմբագրությամբ.

«1. Թույլատրել Հայաստանի Հանրապետության պետական պահպանության ծառայությանն իրեն սպասարկող` Հայաստանի Հանրապետության ֆինանսների նախարարության աշխատակազմի գանձապետարանի ստորաբաժանումում բացել բանկային (արտաբյուջետային) հաշիվ.».

3) 2-րդ կետում և 2-րդ կետի «ա» ենթակետում «ֆինանսների և էկոնոմիկայի» բառերը փոխարինել «ֆինանսների» բառով, իսկ «կառավարությանն առընթեր ազգային անվտանգության» բառերը` «պետական պահպանության» բառերով.

4) որոշումը լրացնել հետևյալ բովանդակությամբ նոր` 3-րդ և 4-րդ կետերով.

«3. Սույն որոշման 1-ին կետի համաձայն բացված բանկային (արտաբյուջետային) հաշվի միջոցները ձևավորվում են`

ա) պետական պահպանության ծառայության կողմից պայմանագրային հիմունքներով ծառայությունների մատուցումից.

բ) նվիրաբերություններից:

4. Սույն որոշման 1-ին կետի համաձայն բացված բանկային (արտաբյուջետային) հաշվի միջոցները կարող են ուղղվել`

ա) պետական պահպանության ծառայության համար ապրանքների, աշխատանքների, ծառայությունների և կապիտալ միջոցների ձեռքբերմանը.

բ) պետական պահպանության ծառայության զինծառայողների սոցիալական վիճակի բարելավման և նյութական խրախուսման համար.

գ) պետական պահպանության ծառայության զինծառայողների մասնագիտական վերապատրաստման (որակավորման) համար.

Արտաբյուջետային միջոցները ծախսելու այլ ուղղությունները սահմանում է Հայաստանի Հանրապետության կառավարությունը:»:

 

Հայաստանի Հանրապետության
վարչապետ

  Տ. Սարգսյան

 

2013 թ. ապրիլի 29

Երևան

 

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան