ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

30 ապրիլի 2013 թվականի N 318-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1998 ԹՎԱԿԱՆԻ ՕԳՈՍՏՈՍԻ 3-Ի N 464 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն Հայաստանի Հանրապետության կառավարության 2010 թվականի նոյեմբերի 25-ի N 1551-Ն որոշման հավելվածի 1.4-րդ ենթակետի`

1. Հայաստանի Հանրապետության վարչապետի 1998 թվականի օգոստոսի 3-ի «Էկոլոգիական կրթության միջգերատեսչական հանձնաժողով ստեղծելու մասին» N 464 որոշման մեջ կատարել հետևյալ փոփոխությունները՝

1) որոշման 1-ին կետը շարադրել հետևյալ խմբագրությամբ.

«1. Ստեղծել էկոլոգիական կրթության միջգերատեսչական հանձնաժողով և հաստատել հանձնաժողովի կազմը` համաձայն հավելվածի:».

2) որոշման հավելվածը շարադրել նոր խմբագրությամբ` համաձայն հավելվածի:

2. Հայաստանի Հանրապետության բնապահպանության նախարարին` սույն որոշումն ուժի մեջ մտնելուց հետո 30-օրյա ժամկետում հաստատել միջգերատեսչական հանձնաժողովի անհատական կազմը:

Հայաստանի Հանրապետության վարչապետ	Տ. Սարգսյան
2013 թ. ապրիլի 30 Երևան

Հավելված ՀՀ վարչապետի 2013 թ. ապրիլի 30-ի N 318-Ա որոշման

«Հավելված  ՀՀ վարչապետի 1998 թ. օգոստոսի 3-ի N 464 որոշման

Կ Ա Զ Մ

ԷԿՈԼՈԳԻԱԿԱՆ ԿՐԹՈՒԹՅԱՆ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

ՀՀ բնապահպանության նախարար (հանձնաժողովի համանախագահ)

ՀՀ կրթության և գիտության նախարար (հանձնաժողովի համանախագահ)

ՀՀ բնապահպանության նախարարի տեղակալ

ՀՀ կրթության և գիտության նախարարի տեղակալ

ՀՀ գյուղատնտեսության նախարարի տեղակալ

ՀՀ առողջապահության նախարարի տեղակալ

ՀՀ գիտությունների ազգային ակադեմիայի փոխնախագահ (համաձայնությամբ)

ՀՀ գիտությունների ազգային ակադեմիայի գիտությունների բաժանմունքի ակադեմիկոս քարտուղար

(համաձայնությամբ)

Երևանի պետական համալսարանի կենսաբանության ֆակուլտետի դեկան (համաձայնությամբ)

Խ. Աբովյանի անվան հայկական պետական մանկավարժական համալսարանի կենսաքիմիայի ֆակուլտետի

դեկան (համաձայնությամբ)

Խ. Աբովյանի անվան հայկական պետական մանկավարժական համալսարանի էկոլոգիայի և կայուն զարգացման

ամբիոնի վարիչ (համաձայնությամբ)

Երևանի պետական համալսարանի իրավագիտության ֆակուլտետի էկոլոգիական իրավունքի

գիտաուսումնական կենտրոնի ղեկավար (համաձայնությամբ)

Հայաստանի պետական ճարտարագիտական համալսարանի քիմիական տեխնոլոգիաների և

բնապահպանական ճարտարագիտության ֆակուլտետի դեկան (համաձայնությամբ)

Երևանի քաղաքապետարանի աշխատակազմի բնապահպանության վարչության պետ (համաձայնությամբ)

«Հայաստանի կանաչների միություն» հասարակական կազմակերպության նախագահ (համաձայնությամբ)

ՀՀ բնապահպանության նախարարության աշխատակազմի հասարակայնության հետ կապերի բաժնի պետ

(հանձնաժողովի քարտուղար)»:

Հայաստանի Հանրապետության կառավարության աշխատակազմի ղեկավար

Դ. Սարգսյան