ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 մայիսի 2011 թվականի N 740-Ն

«ԳՆԱԳՈՅԱՑՄԱՆ ՎԵՐԼՈՒԾԱԿԱՆ ԻՆՖՈՐՄԱՑԻՈՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ՊԵՏԱԿԱՆ ԿԱՐԻՔՆԵՐԻ ՀԱՄԱՐ ԱՊՐԱՆՔՆԵՐԻ ԿՈՂՄՆՈՐՈՇԻՉ ԳՆԵՐԻ ՍԱՀՄԱՆՄԱՆ ՆՊԱՏԱԿՈՎ ՏԵՂԵԿՈՒԹՅՈՒՆՆԵՐԻ ՀԱՎԱՔԱԳՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել «Գնագոյացման վերլուծական ինֆորմացիոն կենտրոն» պետական ոչ առևտրային կազմակերպության կողմից պետական կարիքների համար ապրանքների կողմնորոշիչ գների սահմանման նպատակով տեղեկությունների հավաքագրման կարգը` համաձայն հավելվածի:

2. Սահմանել, որ պետական կարիքների համար ապրանքների կողմնորոշիչ գների վերաբերյալ տեղեկագրերը ենթակա են հրապարակման ամսական պարբերականությամբ:

3. Հայաստանի Հանրապետության ֆինանսների նախարարին`

1) մինչև 2011 թվականի հուլիսի 1-ը հաստատել պետական կարիքների համար շինարարական նյութերի, կոնստրուկցիաների և պատրաստվածքների հրապարակման ենթակա ցանկը և այն սահմանված կարգով ներկայացնել պետական գրանցման.

2) մինչև 2011 թվականի դեկտեմբերի 1-ը Հայաստանի Հանրապետության կառավարության հաստատմանը ներկայացնել պետական կարիքների համար իրականացվող կապիտալ ծախսերի հաշվարկի հիմքում դրվող ապրանքատեսակների կողմնորոշիչ գների և շինարարության ոլորտում գների ինդեքսների հաշվարկման կարգը:

(3-րդ կետը փոփ. 25.04.13 N 423-Ն)

3.1. Հայաստանի Հանրապետության էներգետիկայի և բնական պաշարների նախարարին և Հայաստանի Հանրապետության կառավարությանն առընթեր պետական եկամուտների կոմիտեի նախագահին` «Գնագոյացման վերլուծական ինֆորմացիոն կենտրոն» պետական ոչ առևտրային կազմակերպության կողմից ներկայացված հայտերի հիման վրա ներկայացնել Հայաստանի Հանրապետությունում շինարարական նյութեր արտադրողների, արդյունահանողների կամ ներմուծողների մասին տեղեկատվություն` համաձայն սույն որոշման հավելվածի ձևի:

(3.1-ին  կետը լրաց. 25.04.13 N 423-Ն)

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. հունիսի 6 Երևան

Հավելված ՀՀ կառավարության 2011 թվականի  մայիսի 26-ի N 740-Ն որոշման

Կ Ա Ր Գ

 «ԳՆԱԳՈՅԱՑՄԱՆ ՎԵՐԼՈՒԾԱԿԱՆ ԻՆՖՈՐՄԱՑԻՈՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ՊԵՏԱԿԱՆ ԿԱՐԻՔՆԵՐԻ ՀԱՄԱՐ ԱՊՐԱՆՔՆԵՐԻ ԿՈՂՄՆՈՐՈՇԻՉ ԳՆԵՐԻ ՍԱՀՄԱՆՄԱՆ ՆՊԱՏԱԿՈՎ ՏԵՂԵԿՈՒԹՅՈՒՆՆԵՐԻ ՀԱՎԱՔԱԳՐՄԱՆ

1. Սույն կարգով սահմանվում է «Գնագոյացման վերլուծական ինֆորմացիոն կենտրոն» պետական ոչ առևտրային կազմակերպության (այսուհետ` կազմակերպություն) կողմից պետական կարիքների համար ապրանքների կողմնորոշիչ գների սահմանման նպատակով Հայաստանի Հանրապետության օրենսդրությամբ սահմանված կարգով գրանցված իրավաբանական անձանցից, անհատ ձեռնարկատերերից տեղեկությունների հավաքագրումը:

2. Կազմակերպությունն ապրանքների կողմնորոշիչ գներն ու սակագները սահմանում է իրավաբանական անձանց, անհատ ձեռնարկատերերի կողմից կամավոր հիմունքներով տրամադրված, ինչպես նաև պետական մարմիններից ստացված տեղեկությունների ու սպառողական շուկայի ուսումնասիրության հիման վրա:

3. Տեղեկությունները հավաքագրվում են սույն կարգի 2-րդ կետում նշված սուբյեկտներից` ընտրանքային կարգով` ելնելով գործունեության առանձին տեսակներից:

4. Տեղեկություններ ստանալու համար գրավոր հարցում է ուղարկվում տեղեկություներ տրամադրող սուբյեկտներին:

5. Կազմակերպության կողմից ընդունվում են տեղեկություն տրամադրող սուբյեկտի ղեկավարի կամ վերջինիս լիազորած անձի կողմից ստորագրված կամ տեղեկություն տրամադրող սուբյեկտի կայքում տեղադրված գնացուցակները:

(5-րդ կետը լրաց. 25.04.13 N 423-Ն)

6. Այն դեպքում, երբ գնացուցակները կազմվում են սպառողական շուկան ուսումնասիրելու արդյունքում, դրանք ստորագրվում են սպառողական շուկան ուսումնասիրող, կազմակերպության կողմից ստեղծված հանձնաժողովի կողմից, ինչպես նաև հաստատվում կազմակերպության տնօրենի կողմից: Հանձնաժողովի արձանագրությունում նշվում են ուսումնասիրության անցկացման ու կազմման ամսաթվերը, ինչպես նաև սպառողական շուկայի օբյեկտների գտնվելու վայրերը:

(6-րդ կետը լրաց. 25.04.13 N 423-Ն)

7. Կազմակերպությունը գնացուցակներն ընդունում է առձեռն, փոստով, էլեկտրոնային փոստով, ֆաքսով:

8. Սույն կարգով չնախատեսված եղանակով ստացված փաստաթղթերը կազմակերպության կողմից վերլուծությունների կատարման հիմք չեն:

Ձև

Հ Ա Յ Տ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՇԻՆԱՐԱՐԱԿԱՆ ՆՅՈՒԹԵՐ ԱՐՏԱԴՐՈՂ, ԱՐԴՅՈՒՆԱՀԱՆՈՂ ԵՎ ՆԵՐՄՈՒԾՈՂ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ՄԱՍԻՆ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ

NN ը/կ ԱՏԳ ԱԱ ԾԱԾԿԱԳԻՐԸ ՇԻՆԱՐԱՐԱԿԱՆ ՆՅՈՒԹԵՐԻ ԱՆՎԱՆՈՒՄԸ ԾԱԳՄԱՆ ԵՐԿԻՐԸ ՏՆՏԵՍԱՎԱՐՈՂ ՍՈՒԲՅԵԿՏԻ ԱՆՎԱՆՈՒՄԸ ԵՎ ԻՐԱՎԱԲԱՆԱԿԱՆ ՀԱՍՑԵՆ 1 2 3 4 5 1.         2.         …         …

(ձևը լրաց. 25.04.13 N 423-Ն)

(հավելվածը լրաց. 25.04.13 N 423-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան