ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 փետրվարի 2013 թվականի N 93-Ա

«ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ԱԶԳԱՅԻՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ԱՄՐԱՑՆԵԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի, «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին մասի և Հայաստանի Հանրապետության կառավարության 2006 թվականի մարտի 27-ի N 346-Ն որոշման դրույթներով` Հայաստանի Հանրապետության կառավարությունը որոշում է.

1. «Հայաստանի Հանրապետության արտակարգ իրավիճակների նախարարության աշխատակազմ» պետական կառավարչական հիմնարկին ամրացված շենքերը և շինությունները (այսուհետ` գույք)՝ համաձայն հավելվածի, հետ վերցնել և հանձնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկի տնօրինությանը:

2. Հայաստանի Հանրապետության արտակարգ իրավիճակների նախարարին և Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո երկամսյա ժամկետում ապահովել գույքի հանձնման-ընդունման աշխատանքների կատարումը:

3. Սույն որոշման 2-րդ կետում նշված աշխատանքների ավարտից հետո գույքն անժամկետ և անհատույց օգտագործման իրավունքով ամրացնել «Տեխնիկական անվտանգության ազգային կենտրոն» պետական ոչ առևտրային կազմակերպությանը (այսուհետ՝ կազմակերպություն):

4. Հայաստանի Հանրապետության կառավարությանն առընթեր պետական գույքի կառավարման վարչության պետին՝ սույն որոշումն ուժի մեջ մտնելուց հետո եռամսյա ժամկետում կազմակերպության հետ կնքել գույքի նկատմամբ սույն որոշման 3-րդ կետից բխող՝ անհատույց օգտագործման մասին պայմանագիր՝ դրանում սահմանելով, որ պայմանագրի նոտարական վավերացման և դրանից ծագող գույքային իրավունքների պետական գրանցման ծախսերը ենթակա են իրականացման՝ կազմակերպության միջոցների հաշվին:

Հայաստանի Հանրապետության վարչապետ	Տ. Սարգսյան
2013 թ. փետրվարի 11 Երևան

Հավելված ՀՀ կառավարության 2013 թվականի փետրվարի 7-ի N 93-Ա որոշման

Ց Ա Ն Կ

«ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ԱԶԳԱՅԻՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ օգտագործման իրավունքով ամրացվոՂ ԳՈՒՅՔԻ

NN ը/կ	Անվանումը	Չափի միավորը	Ներքին մակերեսը	Սպասարկման համար անհրաժեշտ հողամասը	Գտնվելու վայրը	Հաշվեկշռային արժեքը (հազ. դրամ)
1.	Վարչական տարածք, աստիճանավանդակ և միջանցք	քառ. մետր	157.7	-	քաղ. Երևան, Ծովակալ Իսակովի պող., 9/1, 1-ին հարկ	769794
2.	Վարչական տարածք	քառ. մետր	69.3	300	քաղ. Երևան, Շարուրի 22/1	523102
3.	Վարչական տարածք, աստիճանավանդակ և միջանցք	քառ. մետր	114.5	-	ՀՀ Լոռու մարզ, քաղ. Վանաձոր, Երևանյան խճ., 62, 2-րդ հարկ	382839
4.	Վարչական տարածք, աստիճանավանդակ և միջանցք	քառ. մետր	207.9	-	ՀՀ Շիրակի մարզ, քաղ. Գյումրի, Ղուկասյան 30, 2-րդ հարկ	-
5.	Վարչական տարածք, աստիճանավանդակ և միջանցք	քառ. մետր	59.7	-	ՀՀ Արմավիրի մարզ, քաղ. Վաղարշապատ, Աթարբեկյան 11, 2-րդ հարկ	114277

Հայաստանի Հանրապետության կառավարության աշխատակազմի ղեկավար

Դ. Սարգսյան