«Վավերացնում եմ»
Հայաստանի Հանրապետության
Նախագահ Ռ. Քոչարյան
28 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 նոյեմբերի 2002 թվականի N 2071-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ԼԻՑԵՆԶԱՎՈՐՄԱՆ ԿԱՐԳԸ ԵՎ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

«Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ, 17-րդ հոդվածի 2-րդ և 43-րդ հոդվածի 2-րդ կետերով սահմանված` լիցենզավորման ենթակա գործունեության տեսակների աղյուսակի 1-ին բաժնի 1-ին և 10-րդ կետերին համապատասխան` Հայաստանի Հանրապետության կառավարությունը որոշում է.

1. Հաստատել`

ա) Հայաստանի Հանրապետությունում պայթուցիկ նյութերի կամ պայթեցման սարքավորումների արտադրության լիցենզավորման կարգը` համաձայն N 1 հավելվածի.

բ) Հայաստանի Հանրապետությունում պայթուցիկ նյութերի կամ պայթեցման սարքավորումների արտադրության լիցենզիայի ձևը` համաձայն N 2 հավելվածի:

2. Սույն որոշմամբ հաստատված կարգով` լիազորված մարմնի իրավասությունները վերապահել Հայաստանի Հանրապետության կառավարությանն առընթեր Հայաստանի Հանրապետության ոստիկանությանը:

Հայաստանի Հանրապետության վարչապետ	Ա. Մարգարյան
2002 թ. դեկտեմբերի 24 Երևան

Հավելված N 1 ՀՀ կառավարության 2002 թվականի նոյեմբերի 28-ի N 2071-Ն որոշման

 

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ԼԻՑԵՆԶԱՎՈՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կանոնակարգվում են Հայաստանի Հանրապետության կառավարության (այսուհետ` լիցենզավորող մարմին) կողմից պայթուցիկ նյութերի կամ պայթեցման սարքավորումների արտադրության լիցենզիա (այսուհետ` լիցենզիա) ստանալու համար Հայաստանի Հանրապետության կառավարության լիազորած պետական կառավարման մարմին (այսուհետ` լիազորված մարմին) դիմած իրավաբանական անձանց և անհատ ձեռնարկատերերին (այսուհետ` հայտատու) ներկայացվող պայմաններն ու պահանջները:

(1-ին կետը խմբ. 27.03.03 N 328-Ն)

2. (1-ին պարբերությունն ուժը կորցրել է 27.03.03 N 328-Ն)

Հայաստանի Հանրապետությունում պայթուցիկ նյութերի կամ պայթեցման սարքավորումների արտադրության լիցենզիա (այսուհետ` լիցենզիա) տալու համար գանձվում է պետական տուրք` «Պետական տուրքի մասին» Հայաստանի Հանրապետության օրենքով սահմանված կարգով և չափով:

(2-րդ կետը փոփ. 27.03.03 N 328-Ն)

3. (3-րդ կետն ուժը կորցրել է 27.03.03 N 328-Ն)

4. Պայթուցիկ նյութերի կամ պայթեցման սարքավորումների արտադրություն իրականացնելու համար սույն կարգի համաձայն տրված լիցենզիան գործում է Հայաստանի Հանրապետության ամբողջ տարածքում:

5. Լիցենզիա տալու համար օրենքով սահմանված կարգով ստուգվում է պայթուցիկ նյութերի կամ պայթեցման սարքավորումների արտադրության մեջ ընդգրկված աշխատողների մասնագիտական որակավորումը:

6. Արգելվում են լիցենզիան այլ անձանց օգտագործման տալը, օտարելը կամ գրավադրելը` բացառությամբ օրենքով սահմանված դեպքերի:

7. (կետն ուժը կորցրել է 27.03.03 N 328-Ն)

8. (կետն ուժը կորցրել է 27.03.03 N 328-Ն)

9. (կետն ուժը կորցրել է 27.03.03 N 328-Ն)

10. Պայթուցիկ նյութերի կամ պայթեցման սարքավորումների արտադրությամբ զբաղվող լիցենզավորված անձինք պարտավոր են լիցենզավորման ենթակա տվյալ գործունեությունն իրականացնել միայն լիցենզիայում նշված վայրում:

11. Լիցենզավորված իրավաբանական անձինք և անհատ ձեռնարկատերերը պարտավոր են պայթուցիկ նյութերի կամ պայթեցման սարքավորումների արտադրամասերում պահպանել բնապահպանական, սանիտարական նորմերը և կանոնները, անվտանգության տեխնիկայի և հրդեհային անվտանգության պահանջները` ապահովելով սույն կարգով ու այլ իրավական ակտերով սահմանված անվտանգության պարտադիր պահանջների և պայմանների կատարումը:

II. ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՊԱՐՏԱԴԻՐ ՊԱՀԱՆՋՆԵՐԸ ԵՎ ԱՆՀՐԱԺԵՇՏ ՓԱՍՏԱԹՂԹԵՐԸ

12. Լիցենզիա ստանալու համար հայտատուն պետք է ունենա`

ա) բնապահպանական, սանիտարական նորմերին ու կանոններին, անվտանգության տեխնիկային, հրդեհային անվտանգության նորմատիվ փաստաթղթերի պահանջներին և պայմաններին համապատասխան կահավորված պայթուցիկ նյութերի կամ պայթեցման սարքավորումների պահման` իր տրամադրության տակ գտնվող պահեստներ,

բ) պայթուցիկ նյութերի կամ պայթեցման սարքավորումների արտադրության կազմակերպման արտադրամաս,

գ) արտադրության աշխատանքների կատարմամբ զբաղվող մասնագիտական որակավորում ունեցող մասնագետներ:

13. Հայտատուն լիցենզիա ստանալու համար լիազորված մարմին է ներկայացնում`

ա) լիցենզիա ստանալու մասին հայտ (N 1 ձևը կցվում է)` նշելով`

իրավաբանական անձը`

իրավաբանական անձի անվանումը,

կազմակերպական - իրավական ձևը,

գտնվելու և գործունեության իրականացման վայրերը,

պետական գրանցման համարը,

անհատ ձեռնարկատերերը`

անունը, ազգանունը,

բնակության ու գործունեության իրականացման վայրերը,

պետական հաշվառման համարը.

բ) հարկ վճարողի հաշվառման համարի մասին տեղեկատվություն.

գ) «Պետական տուրքի մասին» Հայաստանի Հանրապետության օրենքին համապատասխան վճարված պետական տուրքի վճարման անդորրագիրը.

դ) տեղեկություններ հայտատուի տրամադրության տակ գտնվող պայթուցիկ նյութերի կամ պայթեցման սարքավորումների պահեստների մասին (N 2 ձևը կցվում է).

ե) տեղեկություններ պայթուցիկ նյութերի կամ պայթեցման սարքավորումների արտադրության աշխատանքների կատարմամբ զբաղվող մասնագետների մասին (N 3 ձևը կցվում է).

զ) արտադրության մեջ ընդգրկված ֆիզիկական անձի կողմից մասնագիտական որակավորման ստուգումն անցնելու վերաբերյալ փաստաթղթի պատճենը.

է) ֆիզիկական անձի առողջության մասին բժշկական եզրակացությունը.

ը) պայթուցիկ նյութերի կամ պայթեցման սարքավորումների արտադրության նախագծերն ու տեխնոլոգիական կարգը սահմանող փաստաթղթերը.

թ) պետական կառավարման իրավասու մարմինների ներկայացուցիչներից կազմված հանձնաժողովի կողմից արտադրամասը շահագործման ընդունվելու մասին արձանագրությունը.

ժ) լիցենզիա ստանալու մասին հայտին կից փաստաթղթերի փորձաքննության մասին դրական եզրակացությունը:

ժա) իրավաբանական անձանց համար` հարկ վճարողի հաշվառման համարի, անհատ ձեռնարկատիրոջ կամ ֆիզիկական անձի համար` հարկ վճարողի հաշվառման համարի կամ սոցիալական քարտի համարի մասին տեղեկատվություն:

(13-րդ կետը խմբ. 27.03.03 N 328-Ն, լրաց. 28.09.06 N 1375-Ն, լրաց., խմբ. 31.01.13 N 71-Ն)

13¹. Լիազորված մարմինը 20-օրյա ժամկետում սահմանված կարգով լիցենզավորող մարմնի քննարկմանն է ներկայացնում սույն կարգի 13-րդ կետում նշված փաստաթղթերը և լիցենզավորող մարմնի համապատասխան որոշման նախագիծը: Լիցենզավորող մարմինը նշված փաստաթղթերը լիազորված մարմնում մուտքագրվելուց հետո 30 օրվա ընթացքում ընդունում է համապատասխան որոշում:

Լիազորված մարմինը լիցենզավորող մարմնի` լիցենզիա տալու մասին որոշումը սահմանված կարգով ուժի մեջ մտնելուց հետո 5-օրյա ժամկետում լիցենզավորված անձին է հանձնում լիցենզիան` լիազորված մարմնի ղեկավարի ստորագրությամբ և այդ մարմնի` Հայաստանի Հանրապետության զինանշանի պատկերով կնիքով:

(13¹-ին կետը լրաց. 27.03.03 N 328-Ն)

13². Լիազորված մարմինն իրականացնում է «Լիցենզավորման մասին» Հայաստանի Հանրապետության օրենքով նախատեսված` լիցենզավորող մարմնի բոլոր լիազորությունները` բացառությամբ լիցենզիա տալու կամ լիցենզիա ստանալու մասին հայտը մերժելու, լիցենզիայի գործողության ժամկետը երկարաձգելու կամ լիցենզիայի գործողության ժամկետի երկարաձգման մասին հայտը մերժելու, լիցենզիան վերաձևակերպելու կամ լիցենզիան վերաձևակերպելու մասին հայտը մերժելու, լիցենզիայի գործողությունը կասեցնելու, լիցենզիայի գործողությունը դադարեցնելու, որակավորման հանձնաժողովներ ստեղծելու, դրանց կազմավորման կարգերը, կանոնադրությունները ու որակավորման կարգերը հաստատելու վերաբերյալ հարցերը քննելու և որոշումներ ընդունելու լիազորությունների:

(13²-րդ կետը լրաց. 27.03.03 N 328-Ն)

III. ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ ՀԱՅՏԻ ՄԵՐԺՈՒՄԸ, ԼԻՑԵՆԶԻԱՅԻ ԳՈՐԾՈՂՈՒԹՅԱՆ ԿԱՍԵՑՈՒՄԸ ԵՎ ԴԱԴԱՐԵՑՈՒՄԸ

14. Լիցենզիա ստանալու մասին հայտը մերժվում է, եթե`

ա) հայտատուի ներկայացրած փաստաթղթերը թերի են, ակնհայտ կեղծ կամ խեղաթյուրված,

բ) ներկայացված փաստաթղթերը չեն համապատասխանում Հայաստանի Հանրապետության օրենսդրության պահանջներին,

գ) իրավաբանական անձն օրենքի կամ իր կանոնադրության համաձայն իրավունք չունի զբաղվելու հայցվող` լիցենզավորման ենթակա գործունեության տեսակով,

դ) իրավաբանական անձը կամ անհատ ձեռնարկատերն իրավունք չունի զբաղվելու հայցվող` լիցենզավորման ենթակա գործունեության տեսակով:

15. Լիցենզիայի գործողությունը կարող է կասեցվել ու դադարեցվել, եթե խախտվել են «Լիցենզավորման մասին» Հայաստանի Հանրապետության օրենքով, սույն կարգով և այլ իրավական ակտերով սահմանված պահանջները:

16. Լիցենզիա ստանալու մասին հայտի մերժման, լիցենզիայի գործողության կասեցման կամ լիցենզիայի վերաձևակերպման մասին հայտի մերժման մասին որոշումը կարող է բողոքարկվել դատական կարգով:

17. Պայթուցիկ նյութերի կամ պայթեցման սարքավորումների արտադրության իրականացման համար պարտադիր պահանջների կամ պայմանների և դրանց պահպանման նկատմամբ վերահսկողությունն իրականացվում է օրենքով սահմանված կարգով:

18. (18-րդ կետն ուժը կորցրել է 27.03.03 N 328-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև N 1

	պրն ________________________________
	___________________________________ (հայտատուի անվանումը, (անունը, ազգանունը)
	___________________________________(կազմակերպական-իրավական ձևը)
	___________________________________ (գտնվելու վայրը, հասցեն)
	___________________________________(հեռախոսահամարը)
	___________________________________ (պետական գրանցման համարը կամ պետական հաշվառման համարը)

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

Խնդրում եմ տալ լիցենզիա

______________________________________________ (գործունեության տեսակի անվանումը)

__________________________________________________________________

Լիցենզավորման պայմաններին ու պահանջներին ծանոթացել եմ և պարտավորվում եմ դրանք պահպանել:

Կից ներկայացվում են`

1. ________________________________________________________________

2. ________________________________________________________________

3. ________________________________________________________________ _________________________________________________________________ _________________________________________________________________ _________________________________________________________________ _________________________________________________________________ _________________________________________________________________

Հայտատու

__________________ (ստորագրությունը)

________________________________ (պաշտոնը, անունը, ազգանունը)

____ __________ 200  թ.

Կ. Տ.

Ձև N 2

Տ Ե Ղ Ե Կ ՈՒ Թ Յ ՈՒ Ն Ն Ե Ր

ՀԱՅՏԱՏՈՒԻ ՏՐԱՄԱԴՐՈՒԹՅԱՆ ՏԱԿ ԳՏՆՎՈՂ ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ՊԱՀԵՍՏՆԵՐԻ ՄԱՍԻՆ

NN ը/կ	Պահեստի անվանումը և տեսակը	Պահեստի տարողությունը	Պահեստի շահագործման թույլտվության ժամկետը	Պահեստի գտնվելու վայրը	Ծանոթագրություն
1	2	3	4	5	6

Հայտատու

__________________ (ստորագրությունը)

________________________________ (պաշտոնը, անունը, ազգանունը)

Կ. Տ.

Ձև N 3

Տ Ե Ղ Ե Կ ՈՒ Թ Յ ՈՒ Ն Ն Ե Ր

ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ ԱՇԽԱՏԱՆՔՆԵՐԻ ԿԱՏԱՐՄԱՄԲ ԶԲԱՂՎՈՂ ՄԱՍՆԱԳԵՏՆԵՐԻ ՄԱՍԻՆ

NN ը/կ	Անունը, ազգանունը	Զբաղեցրած պաշտոնը	Կրթությունը, մասնագիտությունը	Տվյալ բնագավառում աշխատանքի ստաժը	Ծանոթագրություն
1	2	3	4	5	6

Հայտատու

__________________ (ստորագրությունը)

________________________________ (պաշտոնը, անունը, ազգանունը)

Կ. Տ.

(հավելվածը խմբ., փոփ., լրաց. 27.03.03 N 328-Ն, լրաց. 28.09.06 N 1375-Ն, լրաց., խմբ. 31.01.13 N 71-Ն)

Հավելված N 2 ՀՀ կառավարության 2002 թվականի նոյեմբերի 28-ի N 2071-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Լ Ի Ց Ե Ն Զ Ի Ա  Պ Ն Ս Ա  N

ՊԱՅԹՈՒՑԻԿ ՆՅՈՒԹԵՐԻ ԿԱՄ ՊԱՅԹԵՑՄԱՆ ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅԱՆ

Իրավաբանական անձի անվանումը
կամ անհատ ձեռնարկատիրոջ անունը, ազգանունը _________________________

Գտնվելու կամ բնակության վայրը (հասցեն) _____________________________ _________________________________________________________

Գործունեության իրականացման վայրը _________________________________

Գործունեության տեսակը _________________________________________

Լիցենզիայի գործողության ժամկետը __________________________________

 

________________ (ստորագրությունը)

_________________________ (պաշտոնը, անունը, ազգանունը)

Տրված է ____ _____________ 200  թ.

(ձևը փոփ. 27.03.03 N 328-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան