ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 օգոստոսի 2007 թվականի N 1031-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԴՈՒՐՍ ԱՄՈՒՍՆՈՒԹՅՈՒՆ ԳՐԱՆՑԵԼՈՒ ՀԱՄԱՐ ԸՆՏԱՆԵԿԱՆ ԿԱՐԳԱՎԻՃԱԿԻ ՎԵՐԱԲԵՐՅԱԼ ՏԵՂԵԿԱՆՔ ՏԱԼՈՒ ԿԱՐԳԸ ԵՎ ՊԱՅՄԱՆՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Քաղաքացիական կացության ակտերի մասին» Հայաստանի Հանրապետության օրենքի 27-րդ հոդվածի 8-րդ մասի պահանջները` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության տարածքից դուրս ամուսնություն գրանցելու համար ընտանեկան կարգավիճակի վերաբերյալ տեղեկանք տալու կարգը և պայմանները` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ս. Սարգսյան
2007 թ. սեպտեմբերի 18 Երևան

Հավելված ՀՀ կառավարության 2007 թվականի օգոստոսի 2-ի N 1031-Ն որոշման

Կ Ա Ր Գ  Ե Վ  Պ Ա Յ Մ Ա Ն Ն Ե Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԴՈՒՐՍ ԱՄՈՒՍՆՈՒԹՅՈՒՆ ԳՐԱՆՑԵԼՈՒ ՀԱՄԱՐ ԸՆՏԱՆԵԿԱՆ ԿԱՐԳԱՎԻՃԱԿԻ ՎԵՐԱԲԵՐՅԱԼ ՏԵՂԵԿԱՆՔ ՏԱԼՈՒ

1. Հայաստանի Հանրապետությունում մշտապես բնակվող Հայաստանի Հանրապետության քաղաքացիներին, օտարերկրյա քաղաքացիներին և քաղաքացիություն չունեցող անձանց Հայաստանի Հանրապետության տարածքից դուրս ամուսնություն գրանցելու համար ընտանեկան կարգավիճակի վերաբերյալ Հայաստանի Հանրապետության արդարադատության նախարարությունը (այսուհետ` նախարարություն) տալիս է տեղեկանք (այսուհետ` տեղեկանք)` համաձայն N 1 ձևի։

2. Տեղեկանք ստանալու համար նախարարություն կարող է դիմել ամուսնություն գրանցել ցանկացող անձը (այսուհետ` տեղեկանք հայցող) կամ նրա ծնողը, կամ նրա կողմից օրենքով սահմանված կարգով լիազորված անձը:

3. Տեղեկանք ստանալու համար տեղեկանք հայցողը կամ նրա ծնողը, կամ նրա կողմից օրենքով սահմանված կարգով լիազորված անձը պետք է նախարարություն ներկայացնի`

1) տեղեկանք հայցողի (եթե անձամբ է դիմել) անձը հաստատող փաստաթուղթը,

2) տեղեկանք հայցողի բնակության վայրի քաղաքացիական կացության ակտերի գրանցման (այսուհետ` ՔԿԱԳ) տարածքային բաժնից տրված տեղեկանք ամուսնության ակտի գրանցման բացակայության մասին, իսկ եթե նախկինում ամուսնացած է եղել, ապա նաև ամուսնության դադարման փաստը հաստատող փաստաթղթի պատճենը,

3) սահմանված ձևի դիմում-հայտարարություն` համաձայն N 3 ձևի տեղեկանք հայցողի ամուսնության համար արգելք հանդիսացող հանգամանքների բացակայության հավաստման և տեղեկանք հայցողի կողմից ՔԿԱԳ-ի մարմիններին սուտ տեղեկություններ հայտնելու համար նախատեսված պատասխանատվության մասին նախազգուշացված լինելու վերաբերյալ: Դիմում-հայտարարության ձևը տեղեկանք հայցողին տրամադրում է նախարարությունը։

4. Եթե տեղեկանք ստանալու համար դիմում` համաձայն N 4 ձևի, ներկայացրել է դիմողի ծնողը, ապա, սույն կարգի 3-րդ կետի 2-րդ և 3-րդ ենթակետերով նախատեսված փաստաթղթերից բացի, ներկայացնում է նաև զավակի անձը հաստատող փաստաթղթի, ծննդյան վկայականի պատճենները և իր անձը հաստատող փաստաթուղթ:

5. Եթե տեղեկանք ստանալու համար դիմում ներկայացրել է տեղեկանք հայցողի կողմից օրենքով սահմանված կարգով լիազորված անձը, ապա, սույն կարգի 3-րդ կետի 1-ին, 2-րդ և 3-րդ ենթակետերով նախատեսված փաստաթղթերից բացի, ներկայացնում է նաև տեղեկանք հայցողի կողմից օրենքով սահմանված կարգով տրված լիազորագիրը և իր անձը հաստատող փաստաթուղթ:

6. Տեղեկանքը տրվում է սույն կարգի 3-րդ կետով նախատեսված փաստաթղթերը նախարարություն ներկայացնելուց հետո 5-օրյա ժամկետում:

7. Ներկայացված փաստաթղթերում նշված տեղեկություններն ստուգելու անհրաժեշտություն առաջանալու դեպքում ժամկետը կարող է երկարացվել ևս յոթ օրով:

8. Օտարերկրյա պետությունում գտնվող տեղեկանք հայցողը (լիազորված անձը, ծնողը) տեղեկանք ստանալու համար կարող է դիմել տվյալ պետությունում Հայաստանի Հանրապետության դիվանագիտական ներկայացուցչություն կամ հյուպատոսական հիմնարկ (այսուհետ` հյուպատոսական հիմնարկ)` ներկայացնելով սույն կարգի 3-րդ կետով նախատեսված փաստաթղթերը։

9. Դիմում-հայտարարության ձևը տեղեկանք հայցողին տրամադրում է հյուպատոսական հիմնարկը։

10. Հյուպատոսական հիմնարկը դիմում-հայտարարության և ներկայացված փաստաթղթերի պատճենները Հայաստանի Հանրապետության արտաքին գործերի նախարարության միջոցով ուղարկում է նախարարություն։ Փաստաթղթերի ամբողջականությունն ստուգելուց հետո նախարարությունը 5-օրյա ժամկետում Հայաստանի Հանրապետության արտաքին գործերի նախարարությանը տրամադրում է ընտանեկան կարգավիճակի մասին տեղեկանք` հարցումը նախաձեռնողին փոխանցելու համար։

11. Դիմողի կողմից սույն կարգի 3-րդ կետի 2-րդ ենթակետով նախատեսված փաստաթղթերը չներկայացվելու դեպքում նախարարությունը տեղեկանքը տրամադրում է քաղաքացու մշտական բնակության վայրի, ամուսնության գրանցման վայրի, ամուսնալուծության գրանցման վայրի ՔԿԱԳ-ի մարմիններին արված համապատասխան հարցումների պատասխաններն ստանալուց հետո` սույն կարգով նախատեսված ժամկետում։

12. Հյուպատոսական հիմնարկը նախարարության կողմից տրված տեղեկանքի հիման վրա դիմողին տրամադրում է ընտանեկան կարգավիճակի մասին տեղեկանք` հաստատված հյուպատոսական հիմնարկի ղեկավարի ստորագրությամբ և կնիքով, համաձայն N 2 ձևի։

13. Եթե տեղեկանք հայցողի կամ նրա ծնողի կամ նրա կողմից օրենքով սահմանված կարգով լիազորված անձի կողմից ներկայացված փաստաթղթերը չեն համապատասխանում սույն կարգի և Հայաստանի Հանրապետության օրենսդրության պահանջներին, ապա նախարարությունը նրան հնարավորություն է ընձեռում շտկելու սխալները, կամ նախարարությունը շտկում է դրանք` նախապես կամ հետագայում դիմողին իրազեկելով դրա մասին։ Եթե դիմումին կից ներկայացված փաստաթղթերի ցանկն ամբողջական չէ, ապա նախարարությունը դիմողին առաջարկում է համալրել այդ ցանկը։ Եթե ներկայացված փաստաթղթերում առկա սխալները չեն շտկվում, կամ դիմումին կից ներկայացված փաստաթղթերի ցանկը չի համալրվում, ապա նախարարությունն օրենքով սահմանված ժամկետում դիմողին վերադարձնում է դիմումը և կից ներկայացված փաստաթղթերը` նշելով տեղեկանքի տրամադրման մերժման պատճառները։

14. Տեղեկանքն ստորագրում է ՔԿԱԳ-ի գործակալության պետը և հաստատում ՔԿԱԳ-ի գործակալության կնիքով:

15. Դիմումի, դիմում-հայտարարության հետ միասին նախարարությունում և հյուպատոսական հիմնարկներում պահպանվում են նաև անձը հաստատող փաստաթղթերի պատճենները, համապատասխան ՔԿԱԳ-ի մարմնի (մարմինների) կողմից տրված ամուսնության բացակայության մասին տեղեկանքը (տեղեկանքները), ամուսնության դադարումը հաստատող փաստաթղթի պատճենը, տեղեկանք հայցողի ծննդյան վկայականի պատճենը և օրենքով սահմանված կարգով տրված լիազորագիրը:

16. Փաստաթղթերը պահպանվում են Հայաստանի Հանրապետության օրենսդրությամբ սահմանված կարգով և ժամկետներում։

17. Տեղեկանքն ուժի մեջ է այն տալու օրվանից 6 ամիս ժամկետով։

18. Տեղեկանք ստանալու նպատակով տեղեկանք հայցողը սահմանված փաստաթղթերը կարող է ներկայացնել նաև փոստով և էլեկտրոնային փոստի միջոցով: Փոստով ներկայացնելու դեպքում դիմումի մեջ անհրաժեշտ է նշել նաև տեղեկանք հայցողի հեռախոսահամարը, էլեկտրոնային փոստի հասցեն՝ թերի փաստաթղթեր ներկայացնելու դեպքում դրա մասին դիմողին ծանուցելու նպատակով:

(18-րդ կետը լրաց. 10.01.13 N 17-Ն)

19. Տեղեկանքը, տեղեկանք հայցողի ցանկությամբ և իր հաշվին, կարող է տրամադրվել փոստով` պատվիրված նամակով, եթե դիմումատուն դիմումի մեջ նշել է դրա մասին:

(19-րդ կետը լրաց. 10.01.13 N 17-Ն)

20. Փոստային կապի ծառայության մատուցման համար վճարումն իրականացվում է տեղեկանք հայցողի կողմից` Հայաստանի Հանրապետությունում կամ օտարերկրյա պետություններում գործող փոստային ծառայությունների սակագներին համապատասխան:

(20-րդ կետը լրաց. 10.01.13 N 17-Ն)

21. Տեղեկանքը տեղեկանք հայցողին տրամադրվում է փոստով` պատվիրված նամակով, եթե տեղեկանքը վերաբերում է անձամբ իրեն:

(21-րդ կետը լրաց. 10.01.13 N 17-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ

ՔԿԱԳ-Ի ԳՈՐԾԱԿԱԼՈՒԹՅԱՆ ՊԵՏ

Տ Ե Ղ Ե Կ Ա Ն Ք

ԸՆՏԱՆԵԿԱՆ ԿԱՐԳԱՎԻՃԱԿԻ ՄԱՍԻՆ

_______ _______________ 20  թ.

N ___________

Քաղաքացի __________________________________________________

(անունը, հայրանունը, ազգանունը)

__________________________________________________________

ծնված` _____ ___________ _____________ թ., իր բնակության վայրի` _______

_______________________________________, ՔԿԱԳ-ի տարածքային բաժնի

արխիվում ամուսնության ակտի գրանցում չի հայտնաբերվել։

Ստուգվել է _____________________ թ-ից մինչև __________________ թ.։

Միաժամանակ ________________________________________________

(անունը, հայրանունը, ազգանունը)

__________________________________________________________

հայտարարել է, որ չունի ամուսնության գրանցում որևէ այլ ՔԿԱԳ-ի մարմնում, և չկան Հայաստանի Հանրապետության օրենսդրությամբ նախատեսված ամուսնության կնքման արգելք հանդիսացող այլ հանգամանքներ։ Նա նախազգուշացված է ՔԿԱԳ-ի մարմիններին սուտ տեղեկություններ տալու համար Հայաստանի Հանրապետության օրենսդրությամբ նախատեսված պատասխանատվության մասին։

Տեղեկանքն ուժի մեջ է վեց ամիս։

Կ.Տ.

_______________________________

(ստորագրությունը)

_______________________________

(անունը, ազգանունը)

Ձև N 2

Տ Ե Ղ Ե Կ Ա Ն Ք

ԸՆՏԱՆԵԿԱՆ ԿԱՐԳԱՎԻՃԱԿԻ ՄԱՍԻՆ

_______ _______________ 20  թ.

N ___________

Քաղաքացի __________________________________________________

(անունը, հայրանունը, ազգանունը)

__________________________________________________________

ծնված` _____ ___________ _____________ թ., իր բնակության վայրի` _______

_______________________________________, ՔԿԱԳ-ի տարածքային բաժնի

արխիվում ամուսնության ակտի գրանցում չի հայտնաբերվել։

Ստուգվել է _____________________ թ-ից մինչև __________________ թ.։

Միաժամանակ ________________________________________________

(անունը, հայրանունը, ազգանունը)

հայտարարել է, որ չունի ամուսնության գրանցում որևէ այլ ՔԿԱԳ-ի մարմնում, և չկան Հայաստանի Հանրապետության օրենսդրությամբ նախատեսված ամուսնության կնքման արգելք հանդիսացող այլ հանգամանքներ։ Նա նախազգուշացված է ՔԿԱԳ-ի մարմիններին սուտ տեղեկություններ տալու համար Հայաստանի Հանրապետության օրենսդրությամբ նախատեսված պատասխանատվության մասին։

Տեղեկանքն ուժի մեջ է վեց ամիս։

Կ.Տ.

_______________________________

(ստորագրությունը)

_______________________________

(անունը, ազգանունը)

Ձև N 3

Նշումներ ՔԿԱԳ-ի մարմնի կողմից   ______________________ ______________________ ______________________	_______________________________ (ՔԿԱԳ-ի մարմնի անվանումը) _______________________________ Քաղ. _____________________________ (անունը, հայրանունը, ազգանունը)         _______________________ -ից  Անձը հաստատող փաստաթուղթը ______________________________________ (անվանումը, սերիան, համարը, երբ և                  ում կողմից է տրվել)
Այլ տվյալներ _____________________________________________________________________ (հեռախոսահամարը, էլեկտրոնային փոստի հասցեն)

Դ Ի Մ ՈՒ Մ - Հ Ա Յ Տ Ա Ր Ա Ր ՈՒ Թ Յ ՈՒ Ն

ԸՆՏԱՆԵԿԱՆ ԿԱՐԳԱՎԻՃԱԿԻ ՎԵՐԱԲԵՐՅԱԼ ՏԵՂԵԿԱՆՔ ՍՏԱՆԱԼՈՒ ՄԱՍԻՆ

Ես` _______________________________________________________, (անունը, հայրանունը, ազգանունը)   ծնվ.`____________________________ թ., __________________________________________________, (երկիրը, մարզը, քաղաքը, գյուղը) -----------------------------------------------------------------------------------------------------------------

Խնդրում եմ ինձ տրամադրել ընտանեկան կարգավիճակի վերաբերյալ տեղեկանք:

Հայտարարում եմ, որ ամուսնության գրանցում չունեմ։ Տեղեկացված եմ Հայաստանի Հանրապետության քրեական օրենսգրքի 169-րդ հոդվածով նախատեսված պատասխանատվության և Հայաստանի Հանրապետության ընտանեկան օրենսգրքով նախատեսված ամուսնության կնքմանն արգելք հանդիսացող հանգամանքների մասին։

Նախկին ամուսնությունս գրանցվել է _________________________________                                (նշել ամուսնության գրանցման վայրը և ժամանակը) ______________________________________________________ թ-ին։   Ամուսնությունս լուծվել է, դադարել է (ընդգծել) _______________________________________________________________ թ-ին (նշել ամուսնալուծության գրանցման վայրը և ժամանակը)                          Ամուսինս մահացել է ______ ____________ ____ թ-ին ________________                                             (նշել մահվան ժամանակը և   _________________________________________________________: գրանցման վայրը)   □Խնդրում եմ տեղեկանքն ուղարկել հետևյալ հասցեով՝ __________________ ___________________________________________________________________ (անհրաժեշտ է լրացնել, եթե տեղեկանքը ցանկանում եք ստանալ փոստով)   Կից ներկայացնում եմ` 1) ___________________    4) ___________________   2) ___________________    5) ___________________   3) ___________________    6) ___________________   ______________________________ (ստորագրությունը)                 _____ _____________________ 20 ____ թ.

(ձևը խմբ. 10.01.13 N 17-Ն)

Նշումներ ՔԿԱԳ-ի մարմնի կողմից   ______________________ ______________________ ______________________	Ձև N 4 _______________________________ (ՔԿԱԳ-ի մարմնի անվանումը) _______________________________ Քաղ. _____________________________ (անունը, հայրանունը, ազգանունը)     _______________________ -ից    Անձը հաստատող փաստաթուղթը ______________________________________ (անվանումը, սերիան, համարը, երբ և                  ում կողմից է տրվել)
Այլ տվյալներ _____________________________________________________________________ (հեռախոսահամարը, էլեկտրոնային փոստի հասցեն)

Դ Ի Մ ՈՒ Մ - Հ Ա Յ Տ Ա Ր Ա Ր ՈՒ Թ Յ ՈՒ Ն

ԸՆՏԱՆԵԿԱՆ ԿԱՐԳԱՎԻՃԱԿԻ ՎԵՐԱԲԵՐՅԱԼ ՏԵՂԵԿԱՆՔ ՍՏԱՆԱԼՈՒ ՄԱՍԻՆ

Ես` _______________________________________________________, (անունը, հայրանունը, ազգանունը)   հանդիսանալով _____________________________________________________ (լիազորող անձի կամ զավակի անունը, հայրանունը, ազգանունը)   _______________________________________________ լիազորված անձ   կամ ծնող (անհրաժեշտն ընդգծել), խնդրում եմ տրամադրել նրա ընտանեկան կարգավիճակի վերաբերյալ տեղեկանք։   □ Խնդրում եմ տեղեկանքն ուղարկել հետևյալ հասցեով՝ __________________ ___________________________________________________________________ (անհրաժեշտ է լրացնել, եթե տեղեկանքը ցանկանում եք ստանալ փոստով)   Կից ներկայացնում եմ`   1) ___________________  6) ___________________  2) ___________________  7) ___________________  3) ___________________  8) ___________________  4) ___________________  9) ___________________  5) ___________________  10) ___________________    ______________________________ (ստորագրությունը)                         ______ _____________________ 20 ____ թ.

(ձևը խմբ. 10.01.13 N 17-Ն)

(հավելվածը լրաց., խմբ. 10.01.13 N 17-Ն)