ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 հունվարի 2013 թվականի N 7-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՕԳՈՍՏՈՍԻ 26-Ի N 1448-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Ավիացիայի մասին» Հայաստանի Հանրապետության օրենքի 11-րդ հոդվածի 2-րդ և 12-րդ հոդվածի 9-րդ մասերը` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2004 թվականի օգոստոսի 26-ի «Քաղաքացիական և ռազմական ավիացիայի օդանավերի համատեղ բազավորման ու համատեղ օգտագործման աերոդրոմների օգտագործման կարգը և քաղաքացիական և ռազմական ավիացիայի օդանավերի համատեղ բազավորման աերոդրոմների ցանկը հաստատելու մասին» N 1448-Ն որոշման N 1 հավելվածում կատարել հետևյալ փոփոխություններն ու լրացումները`
1) 6-րդ կետում`
ա. «բազավորման» բառից հետո կետը լրացնել «քաղաքացիական» բառով,
բ. հանել «և համատեղ օգտագործման» բառերը,
գ. կետը լրացնել հետևյալ բովանդակությամբ նոր պարբերությամբ.
«Համատեղ բազավորման ռազմական և համատեղ օգտագործման աերոդրոմներում թռիչք-վայրէջքների, թռիչքների աերոնավիգացիոն և օդերևութաբանական սպասարկումների, ինչպես նաև մատուցվող այլ օդանավակայանային ծառայությունների սակագները հաստատվում են Հայաստանի Հանրապետության պաշտպանության նախարարության կողմից:».
2) 7-րդ կետը շարադրել հետևյալ խմբագրությամբ.
«7. Անկախ օդանավի ազգային պատկանելությունից` քաղաքացիական օդանավերով միջազգային կանոնավոր առևտրային և (կամ) ներքին կանոնավոր առևտրային օդային փոխադրումներ կարող են իրականացվել, եթե «Ավիացիայի մասին» Հայաստանի Հանրապետության օրենքի (այսուհետ` օրենք) 11-րդ հոդվածի 2-րդ մասի համաձայն աերոդրոմը կառավարվող է և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության (այսուհետ` գլխավոր վարչություն) սահմանած կարգով ապահովված է օդային երթևեկության (աերոնավիգացիոն) սպասարկման աերոդրոմային և աերոդրոմին մոտեցման կարգավարական ծառայություններով, ինչպես նաև սույն կարգի 9-րդ կետով սահմանված դեպքերում:».
3) 8-րդ կետը շարադրել հետևյալ խմբագրությամբ.
«8. Համատեղ բազավորման և համատեղ օգտագործման կառավարվող աերոդրոմներում օդային երթևեկության (աերոնավիգացիոն) սպասարկումն իրականացնում է Հայաստանի Հանրապետության կառավարության 2008 թվականի հունիսի 19-ի N 744-Ն որոշմամբ սահմանված կարգով գլխավոր վարչության կողմից թույլտվություն ստացած կազմակերպությունը:».
4) 9-րդ կետը շարադրել հետևյալ խմբագրությամբ.
«9. Անկախ աերոդրոմի պատկանելությունից` քաղաքացիական օդանավերով կարող են միջազգային չվերթներ և ներքին օդային փոխադրումներ իրականացվել միայն այն համատեղ բազավորման կամ համատեղ օգտագործման աերոդրոմներից, որոնք համապատասխանում են Հայաստանի Հանրապետության օրենսդրությամբ սահմանված քաղաքացիական աերոդրոմներին ներկայացվող պահանջներին:».
5) 10-րդ կետում`
ա. հանել «7-րդ և» բառերը,
բ. «կետերով» բառը փոխարինել «կետով» բառով.
6) 12-րդ կետում «7-րդ կետի» բառերը փոխարինել «6-րդ մասի» բառերով.
7) 17-րդ կետում «օրենքի» բառը փոխարինել «Հայաստանի Հանրապետության օրենսդրության» բառերով.
8) 20-րդ կետում`
ա. «և համատեղ օգտագործման» բառերը փոխարինել «քաղաքացիական» բառով,
բ. կետը լրացնել հետևյալ բովանդակությամբ նոր պարբերությամբ.
«Համատեղ բազավորման ռազմական և համատեղ օգտագործման աերոդրոմներում ավիացիոն անվտանգության միջոցառումները սահմանում և դրանց իրականացումն ապահովում է Հայաստանի Հանրապետության պաշտպանության նախարարությունը:».
9) 21-րդ կետում «2003 թվականի դեկտեմբերի 11-ի «Հայաստանի Հանրապետությունում որոնման և փրկարարական ծառայությունների կազմակերպման ու համագործակցության կարգը հաստատելու մասին» N 1725-Ն» բառերը փոխարինել «2008 թվականի սեպտեմբերի 11-ի «Հայաստանի Հանրապետության կառավարության 2003 թվականի դեկտեմբերի 11-ի N 1725-Ն որոշումն ուժը կորցրած ճանաչելու և օդանավի կորելու, աղետալի իրավիճակում հայտնվելու, պատահարի կամ օդային երթևեկությանն այլ վտանգ սպառնալու դեպքում անհրաժեշտ միջոցառումների իրականացման կարգը սահմանելու մասին» N 1043-Ն» բառերով.
10) 22-րդ կետում`
ա. «շահագործողի» բառից հետո կետը լրացնել «և գլխավոր վարչության» բառերով,
բ. հանել «7-րդ և» բառերը,
գ. «կետերով» բառը փոխարինել «կետով» բառով:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Տ. Սարգսյան |
|
2013 թ. հունվարի 14 |