ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

11 դեկտեմբերի 2012 թվականի N 1223-Ա

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Ստեղծել Արարատյան հարթավայրում գործող ձկնաբուծական տնտեսությունների տեխնիկական պայմանները և կիսափակ ջրօգտագործման համակարգի ներդրման հնարավորություններն ուսումնասիրող միջգերատեսչական աշխատանքային խումբ և հաստատել դրա անհատական կազմը` համաձայն հավելվածի:

2. Միջգերատեսչական աշխատանքային խմբին` ուսումնասիրել ձկնաբուծական տնտեսությունների տեխնիկական պայմաններն ու կիսափակ ջրօգտագործման համակարգի ներդրման հնարավորությունները և մինչև 2013 թվականի մարտի 1-ը Հայաստանի Հանրապետության կառավարություն ներկայացնել առաջարկություն Արարատյան հարթավայրում գործող ձկնաբուծական տնտեսություններում փակ և կիսափակ ջրօգտագործման համակարգի ներդրման հնարավոր տարբերակների և ժամկետների վերաբերյալ` հաշվի առնելով ձկնաբուծական տնտեսությունների արտադրական ուղղվածությունը և հնարավորությունները:

Հայաստանի Հանրապետության փոխվարչապետ	Ա. Գևորգյան
2012 թ. դեկտեմբերի 11 Երևան

Հավելված ՀՀ վարչապետի 2012 թ. դեկտեմբերի 11-ի N 1223-Ա որոշման

Ա Ն Հ Ա Տ Ա Կ Ա Ն  Կ Ա Զ Մ

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ

Գ. Բաղիյան	-ՀՀ գյուղատնտեսության նախարարի առաջին տեղակալ (աշխատանքային խմբի ղեկավար)
Ա. Բաղդասարյան	-ՀՀ գյուղատնտեսության նախարարության աշխատա կազմի հողերի օգտագործման և մելիորացիայի վարչության պետ (աշխատանքային խմբի ղեկավարի տեղակալ)
Ա. Հարությունյան	-ՀՀ գյուղատնտեսության նախարարի խորհրդական
Տ. Ալեքսանյան	-ՀՀ գյուղատնտեսության նախարարության աշխատակազմի անասնաբուծության և անասնաբուժության վարչության ձկնաբուծության և մեղվաբուծության բաժնի պետ
Գ. Հակոբյան	-«Հայջրնախագիծ ինստիտուտ» փակ բաժնետիրական ընկերության տնօրենի խորհրդական
Ա. Աթոյան	-«Հայ ձկնաբույծների միավորում» հասարակական կազմակերպության գործադիր տնօրեն (համաձայնությամբ)
Ա. Մկրտչյան	«Յունիֆիշ» սահմանափակ պատասխանատվությամբ  ընկերության ղեկավար (համաձայնությամբ)
Ա. Կարապետյան	-«Մաքս-Ֆիշ» սահմանափակ պատասխանատվությամբ  ընկերության ղեկավար (համաձայնությամբ)
Վ. Թադևոսյան	-ՀՀ տարածքային կառավարման նախարարության ջրային տնտեսության պետական կոմիտեի «Մելիորացիա» փակ բաժնետիրական ընկերության տնօրեն
Վ. Նարիմանյան	-ՀՀ բնապահպանության նախարարության աշխատակազմի ջրային ռեսուրսների կառավարման գործակալության պետ
Ն. Մուշեղյան	-ՀՀ էկոնոմիկայի նախարարության առևտրի և շուկաների կարգավորման վարչության սպառողական շուկայի կարգավորման բաժնի պետ
Ս. Սահակյան	-ՀՀ գյուղատնտեսության նախարարության աշխատակազմի հողերի օգտագործման և մելիորացիայի վարչության հողերի օգտագործման բաժնի գլխավոր  մասնագետ (աշխատանքային խմբի քարտուղար)

Հայաստանի Հանրապետության կառավարության աշխատակազմի ղեկավարի տեղակալ

Ա. Բադալյան