Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ

Ա Ր Ձ Ա Ն Ա Գ Ր ՈՒ Թ Յ ՈՒ Ն Ի Ց

10 սեպտեմբերի 2015 թվականի N 41

18. ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՊՐԱՆՔԱՅԻՆ ՆՇԱՆԻ ՆԿԱՏՄԱՄԲ ԲԱՑԱՌԻԿ ԻՐԱՎՈՒՆՔԻ ՍՊԱՌՄԱՆ ՏԱՐԱԾԱՇՐՋԱՆԱՅԻՆ ՍԿԶԲՈՒՆՔԻ ԳՈՐԾՈՂՈՒԹՅԱՆ ՊԱՅՄԱՆՆԵՐՈՒՄ` ՏՆՏԵՍՎԱՐՈՂ ՍՈՒԲՅԵԿՏՆԵՐԻՆ ՊԵՏԱԿԱՆ ԱՋԱԿՑՈՒԹՅԱՆ ՄԻՋՈՑԱՌՈՒՄՆԵՐԻ ՊԼԱՆԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(անվավեր է ճանաչվել 21.10.21 N 1728-Ն որոշման 1-ին կետով)

1. Հավանություն տալ Եվրասիական տնտեսական միության շրջանակներում Հայաստանի Հանրապետությունում ապրանքային նշանի նկատմամբ բացառիկ իրավունքի սպառման տարածաշրջանային սկզբունքի գործողության պայմաններում` տնտեսվարող սուբյեկտներին պետական աջակցության միջոցառումների (այսուհետ՝ միջոցառումներ) պլանին` համաձայն հավելվածի:

2. Միջոցառումների պլանի իրականացման պատասխանատու պետական կառավարման մարմինների ղեկավարներին`

1) սահմանել միջոցառումների իրականացման պատասխանատու ստորաբաժանումը (ստորաբաժանումներ), ինչպես նաև միջոցառումների իրականացման հսկողության պատասխանատուները.

2) միջոցառումների յուրաքանչյուր կետի կատարման ժամկետի ավարտին հաջորդող 10-օրյա ժամկետում Հայաստանի Հանրապետության միջազգային տնտեսական ինտեգրման և բարեփոխումների նախարարություն ներկայացնել հաշվետվություն տվյալ կետով սահմանված միջոցառման կատարման մասին:

Հայաստանի Հանրապետության վարչապետ	Հ. Աբրահամյան
2015 թ. սեպտեմբերի 17 Երևան

Հավելված ՀՀ կառավարության 2015 թվականի սեպտեմբերի 10-ի նիստի N 41 արձանագրային որոշման

Մ ի ջ ո ց ա ռ ու մ ն ե ր ի    պ լ ա ն

Եվրասիական տնտեսական միության շրջանակներում Հայաստանի Հանրապետությունում ապրանքային նշանի նկատմամբ բացառիկ իրավունքի սպառման տարածաշրջանային սկզբունքի գործողության պայմաններում` տնտեսվարող սուբյեկտներին պետական աջակցության

NN ը/կ	Գործողության անվանումը	Պատասխանատուն	Կատարման ժամկետը
1.	Հայաստանի Հանրապետությունում ապրանքային նշանի նկատմամբ այլ անձի բացառիկ իրավունքին առնչվող գործունեություն իրականացնող զուգահեռ ներմուծումներ իրականացնող տնտեսվարող սուբյեկտների բացահայտում և հաշվառում	ՀՀ ֆինանսների նախարարություն  ՀՀ էկոնոմիկայի նախարարություն	2015 թ. հոկտեմբեր
2.	Հայաստանի` Եվրասիական տնտեսական միության անդամակցության պայմաններում զուգահեռ ներմուծողներին օրենսդրության փոփոխությունների և գործող օրենսդրության պարզաբանումների տրամադրում	ՀՀ էկոնոմիկայի նախարարություն	2015-2018 թթ. պարբերաբար
3.	«Եվրասիական տնտեսական միության մասին» պայմանագրի 26-րդ հավելվածի Արձանագրության V բաժնով սահմանված ապրանքային նշանի նկատմամբ բացառիկ իրավունքների սպառման սկզբունքի կիրառման արդյունքում հնարավոր հետևանքների վերաբերյալ ուսումնասիրությունների իրականացում և ազդեցության գնահատում	ՀՀ էկոնոմիկայի նախարարություն	2016 թ. հուլիս
4.	Աջակցություն զուգահեռ ներմուծողներին՝ ապրանքային նշանի իրավատիրոջ հետ բանակցություններ վարելու հարցում, որպես առևտրային ներկայացուցիչներ կամ դիստրիբյուտորներ վերջիններիս հետ համագործակցության նպատակով:	ՀՀ էկոնոմիկայի նախարարություն	2015-2018 թթ. պարբերաբար
5.	Մտավոր սեփականության գործակալության աշխատակազմում պատասխանատու աշխատանքային խմբի ստեղծում` ապրանքային նշանի նկատմամբ բացառիկ իրավունքի միջազգային սկզբունքի սպառման հետ կապված այցելուներին խորհրդատվության տրամադրման նպատակով:	ՀՀ էկոնոմիկայի նախարարություն	2015 թ. սեպտեմբեր
6.	ՀՀ էկոնոմիկայի նախարարության կայքէջում` Հայաստանի Հանրապետությունում ապրանքային նշանի նկատմամբ բացառիկ իրավունքի տարածաշրջանային սպառման սկզբունքների և իրականացվող անհրաժեշտ օրենսդրական փոփոխությունների մասին տեղեկատվության տեղադրում:	ՀՀ էկոնոմիկայի նախարարություն	2015 թ. հոկտեմբեր
7.	Մտավոր սեփականության գործակալության աշխատակազմում «թեժ գծի» կազմակերպում, որտեղ կընդունվեն և կվերլուծվեն «զուգահեռ ներմուծմանն» առնչվող բանավոր հարցերն ու առաջարկությունները:	ՀՀ էկոնոմիկայի նախարարություն	2015 թ. սեպտեմբեր
8.	Վերապատրաստման ցանկություն հայտնածների (զուգահեռ ներմուծողների) բազայի ստեղծում, որն իր մեջ կներառի նաև զբաղվածության կարգավորման պետական ծրագրերի շրջանակներում մասնագիտական ուսուցման դասընթացներում ընդգրկվելու ցանկություն հայտնած անձանց:	ՀՀ էկոնոմիկայի նախարարություն ՀՀ աշխատանքի և սոցիալական հարցերի նախարարություն	2015 թ. դեկտեմբեր