ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 նոյեմբերի 2012 թվականի N 1415-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՀԻՄՆԱԴՐԱՄԻ ՄԻՋԵՎ 2005 ԹՎԱԿԱՆԻ ՀՈՒՆՎԱՐԻ 28-ԻՆ ՍՏՈՐԱԳՐՎԱԾ N 653 –AM, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ՕՊԵԿ ՀԻՄՆԱԴՐԱՄԻ ՄԻՋԵՎ 2005 ԹՎԱԿԱՆԻ ԱՊՐԻԼԻ 21-ԻՆ ՍՏՈՐԱԳՐՎԱԾ N 1023P ՓՈԽԱՌՈՒԹՅԱՆ ՀԱՄԱՁԱՅՆԱԳՐԵՐՈՎ ԻՐԱԿԱՆԱՑՎԱԾ «ԳՅՈՒՂԱԿԱՆ ՏԱՐԱԾՔՆԵՐԻ ՏՆՏԵՍԱԿԱՆ ԶԱՐԳԱՑՈՒՄ», ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ՕՊԵԿ ՀԻՄՆԱԴՐԱՄԻ ՄԻՋԵՎ 2007 ԹՎԱԿԱՆԻ ՀՈՒՆՎԱՐԻ 17-ԻՆ ՍՏՈՐԱԳՐՎԱԾ N 1104P ՓՈԽԱՌՈՒԹՅԱՆ ՀԱՄԱՁԱՅՆԱԳՐՈՎ ԻՐԱԿԱՆԱՑՎԱԾ «ԱՐՏԱԴՐԱԿԱՆ ԵՆԹԱԿԱՌՈՒՑՎԱԾՔՆԵՐԻ ՎԵՐԱԿԱՆԳՆՈՒՄ», ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՄԻՋԱԶԳԱՅԻՆ ՀԻՄՆԱԴՐԱՄԻ ՄԻՋԵՎ 2008 ԹՎԱԿԱՆԻ ՀՈՒՆՎԱՐԻ 8-ԻՆ ՍՏՈՐԱԳՐՎԱԾ N 730–AM, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ՕՊԵԿ ՀԻՄՆԱԴՐԱՄԻ ՄԻՋԵՎ 2008 ԹՎԱԿԱՆԻ ԴԵԿՏԵՄԲԵՐԻ 23-ԻՆ ՍՏՈՐԱԳՐՎԱԾ N 1226P ՓՈԽԱՌՈՒԹՅԱՆ ՀԱՄԱՁԱՅՆԱԳՐԵՐՈՎ ԻՐԱԿԱՆԱՑՎԱԾ «ՇՈՒԿԱՅԱՎԱՐՄԱՆ ՀՆԱՐԱՎՈՐՈՒԹՅՈՒՆ ՖԵՐՄԵՐՆԵՐԻՆ» ԾՐԱԳՐԵՐՈՎ ԿԱՌՈՒՑՎԱԾ ԵՆԹԱԿԱՌՈՒՑՎԱԾՔՆԵՐԻ, ՁԵՌՔ ԲԵՐՎԱԾ ԳՈՒՅՔԻ ՀԱՆՁՆՈՒՄ-ԸՆԴՈՒՆՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

Հայաստանի Հանրապետության և Գյուղատնտեսության զարգացման միջազգային հիմնադրամի միջև 2005 թվականի հունվարի 28-ին ստորագրված N 653-AM, Հայաստանի Հանրապետության և Միջազգային զարգացման ՕՊԵԿ հիմնադրամի միջև 2005 թվականի ապրիլի 21-ին ստորագրված N 1023P փոխառության համաձայնագրերով իրականացված «Գյուղական տարածքների տնտեսական զարգացման», Հայաստանի Հանրապետության և Միջազգային զարգացման ՕՊԵԿ հիմնադրամի միջև 2007 թվականի հունվարի 17-ին ստորագրված N 1104P փոխառության համաձայնագրով իրականացված «Արտադրական ենթակառուցվածքների վերականգնում» և Հայաստանի Հանրապետության և Գյուղատնտեսության զարգացման միջազգային հիմնադրամի միջև 2008 թվականի հունվարի 8-ին ստորագրված N 730-AM, Հայաստանի Հանրապետության և Միջազգային զարգացման ՕՊԵԿ հիմնադրամի միջև 2008 թվականի դեկտեմբերի 23-ին ստորագրված N 1226P փոխառության համաձայնագրերով իրականացված «Շուկայավարման հնարավորություն ֆերմերներին» ծրագրերի շրջանակներում կառուցված ոռոգման համակարգերի և ձեռք բերված գույքի շահագործումն ապահովելու նպատակով Հայաստանի Հանրապետության կառավարությունը որոշում է.

1. «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերի (այդ թվում` Քոփերաթիվ Հաուզինգ Ֆաունդեյշն (Սի Էյչ Էֆ) հիմնադրամի հետ 2009 թվականի սեպտեմբերի 15-ին և 2010 թվականի օգոստոսի 20-ին կնքված համագործակցության համաձայնագրերի հիման վրա իրականացված աշխատանքների) շրջանակներում ձեռք բերված գույքի կազմից` որպես պետական սեփականություն, Հայաստանի Հանրապետության օրենքով սահմանված կարգով`

1) 473 533 211 դրամ արժողությամբ գույքը նպատակային նշանակությամբ օգտագործելու համար նվիրաբերել համայնքներին` համաձայն NN 1 և 2 հավելվածների.

2) 2 405 710 դրամ արժեքով և 221 700 դրամ հաշվեկշռային արժեքով գույքը նպատակային նշանակությամբ օգտագործելու համար նվիրաբերել «Գյուղական կարողությունների ստեղծում» ծրագրի շրջանակներում «Աջակցություն պտղի և ընկուզեղենու արտադրություն» բաղադրիչի ներքո հիմնված «Հայկական Միրգ» բաց բաժնետիրական ընկերությանը` համաձայն N 3 հավելվածի.

3) 1 681 361 337 դրամ արժեքով ոռոգման համակարգը որպես պետական սեփականություն ամրացնել «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին` այն անհատույց օգտագործման իրավունքով «Նոյեմբերյան» ջրօգտագործողների ընկերությանը հանձնելու նպատակով` համաձայն N 4 հավելվածի:

2. «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերի շրջանակներում խմելու ջրագծերի և ոռոգման համակարգերի կառուցման նպատակով կատարված ծախսերի` 473 533 211 դրամ գումարի չափով նվազեցնել Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի հաշվեկշռում արտացոլված կառույցների հաշվեկշռային արժեքները` համապատասխանաբար ավելացնելով յուրաքանչյուր համայնքին պատկանող կառույցների հաշվեկշռային արժեքները` համաձայն NN 1 և 2 հավելվածների:

3. «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերի շրջանակներում ոռոգման համակարգերի կառուցման նպատակով կատարված ծախսերի` 1 681 361 337 դրամ գումարի չափով նվազեցնել Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի հաշվեկշռում արտացոլված կառույցների հաշվեկշռային արժեքները` նույն չափով ավելացնելով «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկի հաշվեկշռում արտացոլված կառույցների հաշվեկշռային արժեքները:

4. Հայաստանի Հանրապետության Շիրակի, Լոռու, Սյունիքի և Տավուշի մարզպետներին`

1) օժանդակել սույն որոշման 1-ին կետում նշված գույքի` Հայաստանի Հանրապետության օրենսդրությամբ սահմանված կարգով հանձնման-ընդունման գործընթացի իրականացմանը.

2) օժանդակել սույն որոշման 1-ին կետում նշված գույքի նվիրաբերության պայմանագրերի կնքմանը համապատասխան համայնքների և «Նոյեմբերյան» ջրօգտագործողների ընկերության ղեկավարների հետ` գույքային իրավունքների պետական գրանցումն իրականացնելով նվիրառուների միջոցների հաշվին:

5. Սահմանել, որ սույն որոշման 1-ին կետում նշված գույքի ձևակերպումը և հաշվառումն իրականացվում է Հայաստանի Հանրապետության կառավարության 1999 թվականի դեկտեմբերի 22-ի N 765 որոշման 1-ին կետի «ա» ենթակետով հաստատված կանոնակարգի 18-րդ կետին համապատասխան:

6. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին և Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` ապահովել սույն որոշման N 3 հավելվածում նշված ոռոգման համակարգի և դրա օգտագործման համար անհրաժեշտ տարածքների նկատմամբ գույքային իրավունքների պետական գրանցումը:

Հայաստանի Հանրապետության վարչապետ	Տ. Սարգսյան
2012 թ. նոյեմբերի 13 Երևան

Հավելված N 1 ՀՀ կառավարության 2012 թվականի նոյեմբերի 8-ի N 1415-Ա որոշման

Ց Ա Ն Կ

ՀԱՄԱՅՆՔՆԵՐԻՆ ՆՎԻՐԱԲԵՐՎՈՂ ՈՌՈԳՄԱՆ ՀԱՄԱԿԱՐԳԵՐԻ

NN ը/կ	Համայնքի անվանումը	Արժեքը՝ ընդամենը (դրամ)
	Տավուշի մարզ
1.	Տավուշի մարզի Ոսկեվան համայնք	24,415,208
2.	Տավուշի մարզի Բաղանիս համայնք	8,386,741
3.	Տավուշի մարզի Ոսկեպար համայնք	10,449,323
4.	Տավուշի մարզի Կոթի համայնք	93,141,560
5.	Տավուշի մարզի Բերդ համայնք	167,211,653
6.	Տավուշի մարզի Թովուզ համայնք	43,442,607
7.	Տավուշի մարզի Ներքին Կարմիր աղբյուր	21,286,344
8.	Տավուշի մարզի Մովսես համայնք	10,382,056
	Ընդամենը	378,715,492

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 2 ՀՀ կառավարության 2012 թվականի նոյեմբերի 8-ի N 1415-Ա որոշման

Ց Ա Ն Կ

ՀԱՄԱՅՆՔՆԵՐԻՆ ՆՎԻՐԱԲԵՐՎՈՂ ԽՄԵԼՈՒ ՋՐԱԳԾԵՐԻ ՀԱՄԱԿԱՐԳԵՐԻ

NN ը/կ	Համայնքի անվանումը	Արժեքը՝ ընդամենը (դրամ)
1.	Լոռու մարզի Արծնի համայնք	4,492,979
2.	Տավուշի մարզի Կիրանց համայնք	3,556,147
3.	Շիրակի մարզի Ջրառատ համայք	7,052,942
4.	Լոռու մարզի Լեռնանցք համայնք	2,551,887
5.	Տավուշի մարզի Արծվաբերդ համայնք	24,286,266
6.	Տավուշի մարզի Չինարի համայնք	20,336,405
7.	Տավուշի մարզի Չորոթան համայնք	2,412,169
8.	Շիրակի մարզի Կամո համայնք	4,553,277
9.	Տավուշի մարզի Վերին Կարմիր աղբյուր համայնք	6,418,638
10.	Սյունիքի մարզի Ծավ համայնք	8,365,280
11.	Սյունիքի մարզի Վարդանիձոր համայնք	4,802,638
12.	Շիրակի մարզի Պեմզաշեն համայնք	5,989,091
	Ընդամենը	94,817,719

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 3 ՀՀ կառավարության 2012 թվականի նոյեմբերի 8-ի N 1415-Ա որոշման

Ց Ա Ն Կ

«ՀԱՅԿԱԿԱՆ ՄԻՐԳ» ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՆՎԻՐԱԲԵՐՎՈՂ ԳՈՒՅՔԻ

Անվանումը	Քանակը	Արժեքը (դրամ)	Հաշվեկշռային արժեքը 2012 թվականի հոկտեմբերի 1-ի դրությամբ (դրամ)
Ավտոմատ հեռախոսակայան	1	457,710	0
Լողախցիկ TՕRNEՕ-S 280	1	160,000	78,000
Օդորակիչ VS 09	1	106,500	22,631
Օդորակիչ VS 09	1	106,500	22,631
Օդորակիչ VS 18000	1	225,000	14,063
Օդորակիչ VS 18000	1	225,000	14,063
Օդորակիչ VS 18000	1	225,000	14,063
Օդորակիչ VS 9000	1	180,000	11,250
Օդորակիչ VS 9000	1	180,000	11,250
Օդորակիչ VS 9000	1	180,000	11,250
Օդորակիչ VS 9000	1	180,000	11,250
Օդորակիչ VS 9000	1	180,000	11,250
Ընդամենը	12	2,405,710	221,700

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 4 ՀՀ կառավարության 2012 թվականի նոյեմբերի 8-ի N 1415-Ա որոշման

Ց Ա Ն Կ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆ ՋՐԱՅԻՆ ՏՆՏԵՍՈՒԹՅԱՆ ՊԵՏԱԿԱՆ ԿՈՄԻՏԵԻ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԱՄՐԱՑՎՈՂ ԿԱՌՈՒՅՑԻ

Անվանումը	Երկարությունը (մ)	Տրամաչափը (մմ)	Արժեքը (դրամ)	Հաշվեկշռային արժեքը (դրամ)
ՀՀ Տավուշի մարզի Ոսկեպար, Բաղանիս, Ոսկեվան և Կոթի համայնքների հողերի ոռոգման համակարգ (մայր ջրատար)	13 132	d=720մմ	1,681,361,337	1,681,361,337
	11 588	d=630մմ
Ընդամենը	24 720			1,681,361,337

Հայաստանի Հանրապետության կառավարության աշխատակազմի ղեկավար

Դ. Սարգսյան