ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

29 նոյեմբերի 2011 թվականի N 1129-Ա

ԴԻՏՈՐԴԱԿԱՆ ԱՌԱՔԵԼՈՒԹՅՈՒՆ ՄՈՍԿՎԱ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Ռուսաստանի Դաշնությունում կայանալիք Պետական դումայի ընտրությունների դիտարկման նպատակով 2011 թվականի նոյեմբերի 30-ից մինչև դեկտեմբերի 7-ը Մոսկվա (Ռուսաստանի Դաշնություն) գործուղել Հայաստանի Հանրապետության դիտորդական առաքելություն` համաձայն N 1 հավելվածի:

2. Դիտորդական առաքելության անդամների՝ Մոսկվա գործուղման հետ կապված ծախսերը կատարել Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն Հայաստանի Հանրապետության արտաքին գործերի նախարարության ներկայացրած նախահաշիվների և փաստացի կատարված ծախսերի մասին հաշվետվությունների՝ հիմք ընդունելով ԵԱՀԿ/ԺՀՄԻԳ-ի ներկայացրած գործուղման հաշվարկները՝ համաձայն N 2 հավելվածի:

3. Պատվիրակության կազմում ընդգրկված հասարակական կազմակերպությունների ներկայացուցիչների գործուղման հետ կապված ծախսերը փոխհատուցել Հայաստանի Հանրապետության արտաքին գործերի նախարարության միջոցով:

4. Դիտորդական առաքելության անդամների՝ Մոսկվա գործուղման հետ կապված ծախսերի վերջնահաշվարկը կատարել Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն փաստացի կատարված ծախսերը հիմնավորող փաստաթղթերի:

(4-րդ կետը լրաց. 16.02.12 N 131-Ա)

Հայաստանի Հանրապետության վարչապետ	Տ. Սարգսյան
2011 թ. նոյեմբերի 29 Երևան

Հավելված N 1  ՀՀ վարչապետի 2011 թ.  նոյեմբերի 29-ի N 1129-Ա  որոշման

Կ Ա Զ Մ

2011 թվականի նոյեմբերի 30-ից մինչԵՎ դեկտեմբերի 7-ը Ռուսաստանի Դաշնություն մեկնող դիտորդական առաքելության

Կ. Մուրադյան	- ՀՀ Նախագահի աշխատակազմի արտաքին կապերի   վարչության պետի տեղակալ (համաձայնությամբ)
Ծ. Համբարձումյան	- ՀՀ Նախագահի աշխատակազմի արտաքին կապերի   վարչության խորհրդատու (համաձայնությամբ)
Ա. Գրիգորյան	- ՀՀ արտաքին գործերի նախարարության աշխատակազմի   քարտուղարության խորհրդական
Ա. Մանասերյան	- ՀՀ արտաքին գործերի նախարարության աշխատակազմի   ԱՊՀ վարչության խորհրդական
Տ. Սարգսյան	- ՀՀ արտաքին գործերի նախարարության աշխատակազմի   իրավաբանական վարչության կցորդ
Թ. Հովնանյան	- ՀՀ արտաքին գործերի նախարարության աշխատակազմի   միջազգային կազմակերպությունների վարչության   ռեֆերենտ
Տ. Օհանյան	- ՀՀ կենտրոնական ընտրական հանձնաժողովի անդամ   (համաձայնությամբ)
Ա. Խզմալյան	- ՀՀ հանրային խորհրդի ֆինանսական, տնտեսական և   բյուջետային հանձնաժողովի հարկային, մաքսային,   պետական սեփականության և գնային   քաղաքականության ենթահանձնաժողովի նախագահ   (համաձայնությամբ)
Է. Հարությունյան	- «Երիտասարդ դեմոկրատների միավորում»    հասարակական կազմակերպության նախագահ   (համաձայնությամբ)
Մ. Սարգսյան	- «Մարդկային զարգացման միջազգային կենտրոն»    հասարակական կազմակերպության իրավաբան    (համաձայնությամբ)
Ռ. Բալասանյան	- «Զարգացում և ինտեգրացիա» հասարակական   կազմակերպության իրավաբան (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան

 

Հավելված N 2  ՀՀ վարչապետի 2011 թ.  նոյեմբերի 29-ի N 1129-Ա  որոշման

ԵԱՀԿ/ԺՀՄԻԳ-Ի ՆԵՐԿԱՅԱՑՐԱԾ ԳՈՐԾՈՒՂՄԱՆ ՀԱՇՎԱՐԿՆԵՐԸ

Գործունեության/տեղափոխման ծախսերը	Եվրո
Օդանավակայան/ե.գ. կայարան տեղափոխում և հետադարձ (Մոսկվա և մարզեր)   Ներքաղաքային տեղափոխում (տեղափոխում դեպի կարճաժամկետ դիտորդների խորհրդակցության վայր և հետ)     Ներերկրային տեղափոխում (դեպի դիտորդական վայր և հետ)    Հաղորդակցություն (SIM քարտի և բջջային հեռախոսի օգտագործում)    Խորհրդակցության ծախսեր (խորհրդակցություն, խորհրդակցության փաթեթ, ճաշեր)	70    15    450   25 230
Ծախսային հաշիվներ, որոնք պետք է ԺՀՄԻԳ-ին վճարվեն յուրաքանչյուր կարճաժամկետ դիտորդի համար ուղարկող պետության կողմից` ընտրությունների ավարտից հետո	790 եվրո
Վարորդ/ավտոմեքենա (50 եվրո յուրաքանչյուր օր * 4 օր, յուրաքանչյուր դիտորդի կողմից   Վառելիք (10 եվրո յուրաքանչյուր օր * 4 օր, յուրաքանչյուր դիտորդի կողմից)   Թարգմանիչ (50 եվրո յուրաքանչյուր օր * 4 օր, յուրաքանչյուր դիտորդի կողմից   Դիտորդական հարցաթերթիկների փոխանցում յուրաքանչյուր դիտորդի կողմից   Բնակություն (7 գիշեր * առավելագույնը 130 եվրո/գիշեր)   Սնունդ և մանր ծախսեր (70 եվրո յուրաքանչյուր օր * առավելագույնը 8 օր)   Բնակություն և սնունդ թարգմանչի համար` անհրաժեշտության դեպքում (60 եվրո/գիշեր * 3 գիշեր, դիտորդի կողմից)   Բնակություն և սնունդ վարորդի համար` անհրաժեշտության դեպքում (60 եվրո/գիշեր * 3 գիշեր, դիտորդի կողմից)	200    40    200    10    910    560   180   180
Ծախսեր, որոնք միանվագ պետք է վճարվեն դիտորդների կողմից	2280 եվրո
Ընդհանուր ծախսը յուրաքանչյուր դիտորդի համար	3070 եվրո

Յուրաքանչյուր կարճաժամկետ դիտորդի համար նախատեսվում է 3070 եվրո, որից`

●  յուրաքանչյուր դիտորդի համար նախատեսված 2280 եվրոն պետք է տրամադրվի ամբողջությամբ առձեռն դիտորդին` Մոսկվա մեկնելուց առաջ,

●  յուրաքանչյուր դիտորդի համար հաշվարկված առավելագույնը 790 եվրո գումարն ուղարկող պետության կողմից պետք է վճարվի ԵԱՀԿ/ԺՀՄԻԳ-ին դիտորդական առաքելության ավարտից հետո` ԵԱՀԿ/ԺՀՄԻԳ-ի կողմից ներկայացվելիք վերջնահաշվարկի համաձայն:

Վերջնահաշվարկը ներառում է ընտրությունների ընթացքում յուրաքանչյուր դիտորդի համար ԵԱՀԿ/ԺՀՄԻԳ-ի կողմից կատարված փաստացի ծախսերը:

Յուրաքանչյուր կարճաժամկետ դիտորդի համար հաշվարկված ճանապարհածախսը
Երևան-Մոսկվա-Երևան տոմսի արժեքը	200.000 դրամ

Հայաստանի Հանրապետության կառավարության աշխատակազմի ղեկավար

Դ. Սարգսյան