ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

22 փետրվարի 2012 թվականի N 152-Ա

ՊԱՏՎԻՐԱԿՈՒԹՅՈՒՆ ԼԻՏՎԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. «Հայաստանի Հանրապետության կառավարության և Լիտվայի Հանրապետության կառավարության միջև կրթության և գիտության բնագավառում համագործակցության մասին» համաձայնագիրն ստորագրելու նպատակով 2012 թվականի փետրվարի 21-25-ը Լիտվայի Հանրապետություն գործուղել պատվիրակություն` համաձայն հավելվածի:

2. Ա. Աշոտյանի և Ս. Երիցյանի` Լիտվայի Հանրապետություն գործուղման հետ կապված ծախսերը կատարել Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ՝

1) Տ. Սահակյանի և Ռ. Սուքիասյանի` Լիտվայի Հանրապետության գործուղման հետ կապված ծախսերը կատարվելու են բարձրագույն մասնագիտական կրթության գնահատման համակարգի բարեփոխումների ծրագրով նախատեսված միջոցների հաշվին.

2) Ա. Պողոսյանի, Ս. Ավետիսյանի և Ս. Օհանյանի՝ Լիտվայի Հանրապետություն գործուղման հետ կապված ծախսերը կատարվելու են Կրթական տեխնոլոգիաների ազգային կենտրոնի, Երևանի Մ. Հերացու անվան պետական բժշկական համալսարանի և «Եվրասիա» միջազգային համալսարանի միջոցների հաշվին.

3) պատվիրակության անդամների` Լիտվայի Հանրապետություն գործուղման հետ կապված գիշերավարձի ծախսերը (22.02.2012 թ. - 24.02.2012 թ.) կատարվելու են հրավիրող կողմի հաշվին:

4. Հայաստանի Հանրապետության արտաքին գործերի նախարարին` լուծել պատվիրակության` Լիտվայի Հանրապետություն մեկնելու հետ կապված հարցերը:

5. Հայաստանի Հանրապետության կրթության և գիտության նախարար Ա. Աշոտյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Լիտվայի Հանրապետություն գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2012 թ. փետրվարի 22 Երևան

Հավելված ՀՀ վարչապետի 2012 թ. փետրվարի 22-ի N 152-Ա որոշման

Կ Ա Զ Մ

ԼԻՏՎԱՅԻ ՀԱՆՐԱՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

Ա. Աշոտյան	- ՀՀ կրթության և գիտության նախարար (պատվիրակության ղեկավար, 22.02.2012 թ. - 24.02.2012 թ.)
Ս. Երիցյան	- Լեզվի պետական տեսչության պետ
Տ. Սահակյան	- ՀՀ կրթության և գիտության նախարարության աշխատակազմի արտաքին կապերի և սփյուռքի վարչության պետ
Ռ. Սուքիասյան	- ՀՀ կրթության և գիտության նախարարության  աշխատակազմի բարձրագույն և հետբուհական  մասնագիտական կրթության վարչության պետ
Ա. Պողոսյան	- Կրթական տեխնոլոգիաների ազգային կենտրոնի  տնօրեն (համաձայնությամբ)
Ս. Ավետիսյան	- Երևանի Մ. Հերացու անվան պետական բժշկական համալսարանի ռեկտորի տեղակալ (համաձայնությամբ)
Ս. Օհանյան	- «Եվրասիա» միջազգային համալսարանի ռեկտոր (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան