ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

16 մայիսի 2012 թվականի N 425-Ա

Գ. ԲԱԴԱԼՅԱՆԻՆ ԱԼՄԱ ԱԹԱ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի՝

1. Հայաստանի Հանրապետության էկոնոմիկայի նախարարի տեղակալ Գ. Բադալյանին 2012 թվականի մայիսի 22-25-ը գործուղել Ալմա Աթա (Ղազախստանի Հանրապետություն)` ԱՊՀ երկրների Միջպետական խորհրդի «Ստանդարտացման, չափագիտության, սերտիֆիկացման բնագավառներում համատեղ քաղաքականության անցկացման քսանամյակ» խորագրով 41-րդ գիտափորձնական համաժողովին մասնակցելու համար:

2. Գ. Բադալյանի՝ Ալմա Աթա գործուղման հետ կապված ծախսերը կատարել Հայաստանի Հանրապետության 2012 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության էկոնոմիկայի նախարար Տ. Դավթյանին՝ ապահովել գործուղումից վերադառնալուց հետո եռօրյա ժամկետում Գ. Բադալյանի՝ Ալմա Աթա գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը։

Հայաստանի Հանրապետության վարչապետ	Տ. Սարգսյան
2012 թ. մայիսի 16 Երևան