«Գրանցված է»

ՀՀ արդարադատության

նախարարության կողմից

24 հունվարի 2012 թ.

Պետական գրանցման թիվ 05012039

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

6 դեկտեմբերի 2011 թ.

թիվ 334-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2004 ԹՎԱԿԱՆԻ ՄԱՐՏԻ 30-Ի ԹԻՎ 75-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հաշվի առնելով Հայաստանի Հանրապետության կենտրոնական բանկի և առևտրային բանկերի միջև ռեպո/հակադարձ ռեպո գործառնությունների կնքման հետ կապված ավտոմատացման գործընթացը, ինչպես նաև Կենտրոնական բանկի և առևտրային բանկերի միջև ռեպո/հակադարձ ռեպո գործարքների կնքման ժամանակ ստացված/փոխանցման ենթակա արժեթղթերի առանձին անալիտիկ դեպո հաշիվներով հաշվառման անհրաժեշտությունը,

Նպատակ ունենալով հստակեցնել «Պետական արժեթղթերի հաշվառման և հաշվարկների համակարգում» դեպո հաշիվների բացման սկզբունքները,

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 5-րդ հոդվածի 1-ին մասի «բ» ենթակետը, 20-րդ հոդվածի «ե» կետը, «Իրավական ակտերի մասին» Հայաստանի Հանրապետության օրենքի 16-րդ հոդվածը և 70-րդ հոդվածի 1-ին մասը, ինչպես նաև Հայաստանի Հանրապետության ֆինանսների նախարարության գրավոր համաձայնությունը՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2004 թվականի մարտի 30-ի «Հայաստանի Հանրապետության պետական պարտատոմսերի առաջնային տեղաբաշխման, հետգնման կազմակերպման և մարման սպասարկման», «Հայաստանի Հանրապետության պետական պարտատոմսերի պահառության գործունեության մասին», «Հայաստանի Հանրապետության պետական պարտատոմսերի գրավի հետ կապված գործառնությունների իրականացման մասին», «Պետական արժեթղթերի հաշվառման և հաշվարկների համակարգում կիրառվող հաշվեհամարների կոդավորման», «Հայաստանի Հանրապետության պետական պարտատոմսերի երկրորդային շուկայում շրջանառության», «Պետական պարտատոմսերով գործառնություններում կիրառվող փաստաթղթերի նվազագույն վավերապայմանների մասին» կարգերը հաստատելու մասին» թիվ 75-Ն որոշմամբ հաստատված «Պետական արժեթղթերի հաշվառման և հաշվարկների համակարգում կիրառվող հաշվեհամարների կոդավորման կարգում» (այսուհետ՝ Կարգ) կատարել հետևյալ փոփոխությունները.

1.1) Կարգի 2-րդ կետի «գ» ենթակետում «Հայաստանի Հանրապետության ֆինանսների և էկոնոմիկայի նախարարությունը» բառերը փոխարինել «Հայաստանի Հանրապետության ֆինանսների նախարարությունը, Հայաստանի Հանրապետության կենտրոնական բանկը» բառերով,

1.2) Կարգի 5-րդ կետը շարադրել հետևյալ խմբագրությամբ.

«5. Հաշվեհամարների կառուցվածքը և դրանց տարրերի կոդերը:

1) Հաշվեհամարներն ունեն հետևյալ կառուցվածքը՝

Հաշիվ
X1X2X3X4X5	X6	X7	X8
I	II	III	IV

Հաշվետիրոջ կոդը տրվում է պահառուի կողմից՝ Հայաստանի Հանրապետության կենտրոնական բանկի խորհրդի 2002 թվականի դեկտեմբերի 5-ի «Հայաստանի Հանրապետության կենտրոնական բանկի վճարահաշվարկային համակարգի մասնակիցների, վերջիններիս հաճախորդների հաշվեհամարների, ինչպես նաև տեղեկատվական համակարգերի մասնակիցների կոդավորման կարգ» հաստատելու մասին թիվ 394-Ն որոշման համաձայն:

X6-X7 նիշերը թվային են (0-9 թվեր):

Ստուգիչ նիշը հաշվարկվում է Կենտրոնական բանկի կողմից սահմանված կարգով (Հավելված 1, կցվում է):

2) Հաշվեհամարների կառուցվածքի տարրերը (նիշերը) կարող են ընդունել հետևյալ կոդերը.

Հաշիվ
X1X2X3X4X5	X6	X7	X8
I	II	III	IV

1.3) Կարգի 10-րդ կետում «Պահառուի կոդ-103000» բառերը փոխարինել «Պահառուի կոդ-10500» բառերով,

1.4) Կարգի 5-րդ գլխի վերնագիրը շարադրել հետևյալ խմբագրությամբ.

«Գ Լ ՈՒ Խ  5

ՊԱՀԱՌՈՒԻ ՄՈՏ ԵՆԹԱՊԱՀԱՌՈՒՆԵՐԻ, ԳՈՐԾԱԿԱԼ/ԴԻԼԵՐ ՉՀԱՆԴԻՍԱՑՈՂ ԱՌԵՎՏՐԱՅԻՆ ԲԱՆԿԵՐԻ ԵՎ ԱՅԼ ՄԱՍՆԱԿԻՑՆԵՐԻ ԴԵՊՈ ՀԱՇԻՎՆԵՐԸ»,

1.5) Կարգի 12-րդ կետը շարադրել հետևյալ խմբագրությամբ.

«12. Պահառուի մոտ՝ ենթապահառուի, գործակալ/դիլեր չհանդիսացող առևտրային բանկի և այլ մասնակցի, ինչպես նաև Կենտրոնական բանկի` որպես երկրորդային շուկայի մասնակցի դեպո հաշիվն ունի հետևյալ կառուցվածքը.

1) Պահառուի մոտ՝ ենթապահառուի, գործակալ/դիլեր չհանդիսացող առևտրային բանկի և այլ մասնակցի դեպո հաշիվն ունի հետևյալ կառուցվածքը.

Հաշիվ
X1X2X3X4X5	X6	X7	X8
I	II	III	IV

2) Կենտրոնական բանկի դեպո հաշիվը որպես երկրորդային շուկայի մասնակցի, ունի հետևյալ կառուցվածքը.

Հաշիվ
X1X2X3X4X5	X6	X7	X8
I	II	III	IV

Որտեղ՝ I   Կենտրոնական բանկի՝ որպես երկրորդային շուկայի մասնակից - կոդը II Սույն հաշվի համար ընդունում է հետևյալ կարգավիճակները «Ազատ» կարգավիճակ - 4 «Գրավով սահմանափակված» կարգավիճակ - 5 «Արգելադրված (կալանված)» կարգավիճակ - 6 «Գրավադրված արգելադրված (կալանված)» կարգավիճակ - 8 III Սույն հաշվի համար ընդունում է հետևյալ հաշվի տեսակի կոդը «Սեփական պարտատոմսեր» հաշվի տեսակի կոդ - 2 «Ներդրողներին պատկանող պարտատոմսեր» ամփոփ դեպո հաշվի տեսակի կոդ -3 «Ռեպո գործարքների ապահովվածության համար պետական արժեթղթեր» հաշվի տեսակի կոդ - 4 «Հակադարձ ռեպո գործարքների կատարման համար պետական արժեթղթեր» հաշվի տեսակի կոդ - 5 IV Ստուգիչ նիշ

»:

1.6) Կարգի 6-րդ գլուխը ճանաչել ուժը կորցրած:

2. Սույն որոշումն ուժի մեջ է պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Ա. Ջավադյան
2011 թ. դեկտեմբերի 8 ք. Երևան