ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ 

7 փետրվարի 2012 թ.

թիվ 23-Ա

Ո Ր Ո Շ ՈՒ Մ

«ԵՎՐՈՊԱՐԿ» ԱՌԵՎՏՐԻ ԿԵՆՏՐՈՆ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԱՐՏԱՐԺՈՒՅԹԻ ԱՌՈՒՎԱՃԱՌՔԻ ԼԻՑԵՆԶԻԱ ՏՐԱՄԱԴՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածը, Հայաստանի Հանրապետության կենտրոնական բանկի խորհրդի 2007 թվականի մայիսի 15-ի թիվ 138-Ն որոշմամբ հաստատված «Արտարժույթի առուվաճառքի գործառնությունների լիցենզավորումը և կարգավորումը» կանոնակարգ 10-ի 7-րդ կետը, հաշվի առնելով Հայաստանի Հանրապետության կենտրոնական բանկի լիցենզավորման և վերահսկողության հանձնաժողովի եզրակացությունը (2012 թվականի հունվարի 25-ի թիվ 5 արձանագրություն) և «ԵՎՐՈՊԱՐԿ» ԱՌԵՎՏՐԻ ԿԵՆՏՐՈՆ բաց բաժնետիրական ընկերության 2012 թվականի հունվարի 9-ի դիմումը՝ Հայաստանի Հանրապետության կենտրոնական բանկի խորհուրդը որոշում է.

1. «ԵՎՐՈՊԱՐԿ» ԱՌԵՎՏՐԻ ԿԵՆՏՐՈՆ բաց բաժնետիրական ընկերությանը տրամադրել արտարժույթի առուվաճառքի լիցենզիա։

2. Սույն որոշումն ուժի մեջ է մտնում ընդունման օրը։

ՀՀ կենտրոնական բանկի նախագահ	Ա. Ջավադյան
2012 թ. փետրվարի 9 Երևան