ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 փետրվարի 2009 թվականի N 180-Ա

«ԹԱՄԱՐԱ ՖՐՈՒԹ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ԱՌԱՋԱՐԿՎՈՂ ՕՐԳԱՆԻԿ ԱՅԳԻՆԵՐԻ ՍՏԵՂԾՄԱՆ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետը և համաձայն տնտեսության զարգացմանը նպաստող ներդրումային ծրագրերին աջակցության օպերատիվ շտաբի 2009 թվականի հունվարի 23-ի նիստի N 18-38 արձանագրային որոշման` Հայաստանի Հանրապետության կառավարությունը որոշում է.

1. Հավանություն տալ «Թամարա Ֆրութ» փակ բաժնետիրական ընկերության կողմից առաջարկվող օրգանիկ այգիների ստեղծման ծրագրին` համաձայն հավելվածի:

2. «Թամարա Ֆրութ» փակ բաժնետիրական ընկերության միջոցով` սույն որոշման 1-ին կետով նախատեսված ծրագրի իրականացման նպատակով Հայաստանի Հանրապետության գյուղատնտեսության նախարարությանը 2009 թվականի առաջին եռամսյակում հատկացնել 244 մլն դրամ` Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ ընթացիկ դրամաշնորհներ» հոդվածով):

(2-րդ կետը փոփ. 22.09.11 N 1371-Ա)

3. Հայաստանի Հանրապետության գյուղատնտեսության նախարարին` ապահովել սույն որոշման 1-ին կետով հավանության արժանացած ծրագրի իրականացման նպատակով Հայաստանի Հանրապետության գյուղատնտեսության նախարարության, Հայաստանի Հանրապետության էկոնոմիկայի նախարարության և «Թամարա Ֆրութ» փակ բաժնետիրական ընկերության միջև պայմանագրի կնքումը:

4. Հայաստանի Հանրապետության գյուղատնտեսության նախարարին` ապահովել սույն որոշման 1-ին կետով Հայաստանի Հանրապետության կառավարության կողմից հավանության արժանացած ծրագրի իրականացման նկատմամբ վերահսկողությունը:

Հայաստանի Հանրապետության վարչապետ	Տ. Սարգսյան
2009 թ. փետրվարի 27 Երևան

Հավելված ՀՀ կառավարության 2009 թվականի փետրվարի 12-ի N 180-Ա որոշման

Ծ Ր Ա Գ Ի Ր

«ԹԱՄԱՐԱ ՖՐՈՒԹ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ԱՌԱՋԱՐԿՎՈՂ ՕՐԳԱՆԻԿ ԱՅԳԻՆԵՐԻ ՍՏԵՂԾՄԱՆ

Օրգանիկ այգիների ստեղծման առաջարկվող ծրագիր

ՀՀ էկոնոմիկայի և ՀՀ գյուղատնտեսության նախարարությունների «Թամարա Ֆրութ» ՓԲԸ-ի համատեղ քննարկումների արդյունքում մշակվել է ՀՀ կառավարության աջակցությամբ օրգանիկ այգիների ստեղծման ծրագիրը, որը ներկայացվում է սույն փաստաթղթում:

Առաջարկվում է 244 մլն դրամ ընդհանուր գումարից 60.5 մլն դրամը հատկացնել ազնվամորու, մոշի, սև և կարմիր հաղարջի բարձր բերքատու տեսակի տնկիների ներմուծմանը և 3 հա տնկարանի ստեղծմանն: 183.5 մլն դրամը կազմում է 60 հա այգիների ստեղծման ծախսերի 54 տոկոսը, որն իրականացնում է «Թամարա Ֆրութ» ընկերությունը` ֆերմերներին տրամադրելով ավելի քան 450,000 տնկիներ, հենասյուներ, մետաղալար, օրգանական գյուղատնտեսության մեջ թույլատրելի և սահմանափակ թույլատրելի նյութեր:

Ծրագրի շրջանակներում նախատեսվում է ստեղծել օրգանիկ գյուղատնտեսության գիտաարտադրական կենտրոն:

Գիտաարտադրական կենտրոնն ստեղծվում է «Թամարա Ֆրութ» ՓԲԸ-ի արտադրական և այգեգործական բազայի վրա` նպատակ ունենալով`

Ø ստեղծելու օրգանիկ հատապտղային բույսերի տնկարան` բնակլիմայական պայմաններին համապատասխան լավագույն տեսակների տնկիների բազայի ստեղծման և ֆերմերներին մատակարարելու նպատակով,

Ø շարքային մեթոդով հատապտղային այգիների ստեղծման համար նախատեսված հենասյուների, մետաղալարի և այլ կապիտալացվող միջոցների բազայի ստեղծման և ֆերմերներին մատակարարելու նպատակով,

Ø օրգանիկ պարարտանյութերի բազայի ստեղծման և ֆերմերներին մատակարարելու նպատակով,

Ø օրգանիկ բուժանյութերի բազայի ստեղծման և ֆերմերներին մատակարարելու նպատակով,

Ø ստեղծելու օրգանիկ գյուղատնտեսության վարման գիտամեթոդական կենտրոն` ֆերմերներին ուսուցողական և մեթոդական օգնություն ցույց տալու նպատակով:

Ծրագրի իրավական հարցերը, յուրաքանչյուր կողմի իրավունքներն ու պարտականությունները նախատեսվում է կարգավորել եռակողմ պայմանագրերի կնքման միջոցով, որտեղ որպես կողմեր են հադես գալիս`

Ø ֆերմերները, օրգանիկ գյուղմթերքներ արտադրողները,

Ø «Թամարա Ֆրութ» ՓԲԸ-ն,

Ø ՀՀ կառավարությունը` ի դեմս ՀՀ գյուղատնտեսության նախարարության։

ՀՀ գյուղատնտեսության նախարարությունը ծրագրում ընդգրկվել ցանկացողների համար ծրագրի մեկնարկից մեկ ամիս առաջ մամուլում տպագրում է հայտարարություն: Ծրագրում կարող են ընդգրկվել այն տնտեսավարողները, որոնք կբավարարեն հետևյալ պահանջները`

Ø թվարկված հատապտուղների մշակման պահանջները բավարարող ոռոգելի հողատարածք,

Ø համապատասխան բնակլիմայական պայմաններ,

Ø օրգանիկ տարբերակով օգտագործման հնարավորություն ,

Ø աշխատուժի առկայություն,

Ø միավոր հողատարածքի մակերեսը` առնվազն 2-3 հեկտար:

Առավելությունը կտրվի այն մենատնտեսներին կամ գյուղացիական տնտեսություններին, որոնք, բացի նշված ծրագրում ընդգրկվելուց, տիրապետում են որոշակի պտղատու այգիների և պատրաստակամություն կհայտնեն դրանք փոխակերպելու օրգանիկ այգիների:

Հողատարածքների վերջնական ընտրությունը կատարվում է համատեղ` ՀՀ գյուղատնտեսության նախարարության, «Թամարա Ֆրութ» ՓԲԸ-ի և միջազգային պահանջները բավարարող օրգանիկ այգիների սերտիֆիկացմամբ զբազվող ընկերության կողմից` կոնսենսուսի սկզբունքով:

(Բաժինը փոփ., խմբ. 22.09.11 N 1371-Ա)

Օրգանիկ տնկարանի ստեղծման համար նախատեսվող ծախսերը

Նախատեսվում է ստեղծել տնկարան` ազնվամորու, մոշի, սև և կարմիր հաղարջի արտասահմանյան և տեղական բարձր բերքատվությամբ տեսակների տնկիների բազմացման համար:

Տնկարանի մակերեսը հաշվարկված է 3 հա՝ տնկարանի, 0.06 հա՝ գիտափորձարարական ուսուցողական կենտրոնի և 300 քառ. մ՝ ջերմոցի տարբերակով:

Նախատեսվում է ներմուծել շուրջ 82,500 ազնվամորու, 15,300 մոշի, 15,000 հաղարջի տնկիներ, ինչպես նաև ձեռք բերել 12,700 տեղական տնկիներ: Ներմուծված տնկիներից շուրջ 75,000-ը ուղղակիորեն կտրամադրվի տնտեսավարողներին` տնկիներով ապահովելով շուրջ 10 հա օրգանիկ այգիներ: Ներմուծված տնկիների մյուս մասը և տեղական տնկիներն աճեցվելու են մայր տնկարանում, գիտափորձարարական ուսուցողական կենտրոնում և ջերմոցում` ապահովելով տասնապատիկ և ավելի տնկիների ստացումը:

3 հա օրգանիկ տնկարանի, 0.06 հա գիտափորձարարական ուսուցողական կենտրոնի, 300 քառ. մ ջերմոցի ստեղծման, ինչպես նաև անհրաժեշտ թվով տնկիների ձեռքբերման ծախսերի ընդհանուր գումարը կազմում է 60.5 մլն դրամ: Դրանք ըստ ուղղությունների հետևյալն են`

Սույն պարբերության աղյուսակի գումարը կազմում է 112,800 տնկիների ներմուծման համար անհրաժեշտ 83,049,000 դրամի մոտավորապես 52.4 %-ը, իսկ մոտավորապես 47.6 %-ը ապահովում է «Թամարա Ֆրութ» ՓԲԸ-ն` սեփական միջոցների հաշվին:

Այսպիսով, տնկարանը շահագործումից հետո 2 տարվա ընթացքում կապահովի առնվազն 375,000 հատ բարձր բերքատվությամբ ազնվամորու, մոշի, սև և կարմիր հաղարջի տնկիներ, որոնք կբավարարեն 50 հա այգիների ստեղծման համար:

Հատապտղային այգիների ստեղծման կապիտալ ծախսերը` տնկիներ, հենասյուներ, մետաղալար, բիոհումուս (առաջին երկու տարին), բուժանյութ (առաջին երկու տարին), անհրաժեշտության դեպքում` ագրոտեխնիկա, ենթադրվում է իրականացնել պետական դրամաշնորհի միջոցների հաշվին, իսկ շրջանառու միջոցները` ջրի վարձ, այլ վարձեր, մելիորացիոն աշխատանքներ, աշխատավարձ` ֆերմերների սեփական միջոցների կամ ֆերմերներին տրվող գյուղատնտեսական վարկերի հաշվին:

Ծրագրի շրջանակներում դիտարկվում է հետևյալ հատապտուղների մշակումը` ազնվամորի, մոշ, սև և կարմիր հաղարջ: Օրգանիկ հատապտղային այգիները նախատեսվում է հիմնել շարային սկզբունքով, միջշարային տարածքները` 2.5 մետր, սյուների հեռավորությունը շարքերում` 5 մետր, տնկիների միջև հեռավորությունը` 0.4-0.5 մետր:

Այսպիսով, մեկ հեկտարի համար հարկավոր կլինեն`

Ø հենասյուներ` 800 հատ,

Ø մետաղալար` 12000 մետր, երեք շարքով,

Ø տնկիներ` 7500 հատ։

Օրգանիկ հատապտղային այգիների ստեղծման սուբսիդավորվող ծախսերը մեկ հեկտարի հաշվարկով կազմում են 3,333,334 դրամ, որից առաջին տարում` 3,123,667 դրամ: Նախատեսված է նաև սուբսիդավորել ֆերմերների կողմից երկրորդ տարվա բիոհումուսի և բուժումների համար կատարվող ծախսերը:

Ø մելիորացիա` 120,000 դրամ,

Ø ջրի վարձ` 80,000 դրամ,

Ø փոքրարժեք գույք` 60,000 դրամ,

Ø աշխատավարձ` 420,000 դրամ։

Երկրորդ տարվա ծախսերը կազմում են 1,180,000 դրամ, այդ թվում`

Ø բիոհումուս` 160,000 դրամ-սուբսիդավորվող,

Ø բուժումներ` 40,000 դրամ-սուբսիդավորվող,

Ø մելիորացիա` 120,000 դրամ,

Ø ջրի վարձ` 80,000 դրամ,

Ø փոքրարժեք գույք` 60,000 դրամ,

Ø աշխատավարձ` 720,000 դրամ։

 Առաջին երկու տարվա բոլոր ծախսերը, բացի փոքրարժեք գույքից և անուղղակի աշխատավարձից, կապիտալացվել են, քանի որ այդ տարիներին նախատեսված չեն բերքի ստացում և ծախսերի ներառում ինքնարժեքի մեջ` համաձայն NN 1, 2 և 3 աղյուսակների:

Ընդամենը ծախսերը կազմում են 4,993,334 դրամ, որից սուբսիդավորում` 3,333,334 (66.8%) և ֆերմերների սեփական միջոցներ կամ գյուղատնտեսական վարկ` 1,660,000 (33.2%):

Բերքի ստացումը նախատեսված է այգու հիմնումից հետո երրորդ տարվանից (2012 թվականից բերք կստացվի 2009 թվականին հիմնված այգիներում): Առաջին բերքատու տարում նախատեսվում է մեկ հեկտարից ստանալ մինչև 4 տոննա, երկրորդ տարում` 4-8 տոննա, երրորդ տարում` 8-12 տոննա բերք:

Օրգանիկ հատապտուղները նախատեսվում է մթերել հետևյալ գներով` մոշը` 200 դրամ/կգ (2008 թ. շուկայական գինը` 250 դրամ), ազնվամորին` 400 դրամ/կգ (2008 թ. շուկայական գինը` 550 դրամ): Շուկայական գնի էական տատանումների առկայության դեպքում ընկերության մթերման գինը կհամաձայնեցվի ՀՀ էկոնոմիկայի նախարարության հետ, իսկ տնտեսավարողների հետ` լրացուցիչ պայմանագրային համաձայնագրերով:

Ծրագրի պատշաճ իրականացման համար պատասխանատվություն է կրում «Թամարա Ֆրութ» ՓԲԸ-ն, և կնքվելիք եռակողմ պայմանագրով կարող են նախատեսվել տույժեր և տուգանքներ:

«Թամարա Ֆրութ» ՓԲԸ-ի կողմից օրգանիկ այգիների ստեղծման ծրագիրը համարվում է կատարված`

ü ծրագրով նախատեսված 60 հա օրգանիկ այգիների ստեղծման և երրորդ տարում լիարժեք բերքի ստացման ու մթերման պարագայում,

ü օրգանիկ տնկարանում 50հա-ի համար նախատեսվող մոշի, ազնվամորու, սև ու կարմիր հաղարջների տնկիների ստեղծման պարագայում։

Առաջարկվող ծրագրի մոնիթորինգը կիրականացվի Հայաստանի Հանրապետության գյուղատնտեսության նախարարության, Հայաստանի Հանրապետության էկոնոմիկայի նախարարության և «Թամարա Ֆրութ» ՓԲԸ-ի միջև կնքվելիք պայմանագրի դրույթներին համապատասխան:

Սկսած 2013 թ-ից` միջին զուտ եկամտաբերությունը կկազմի 30%` համաձայն NN 1, 2 և 3 աղյուսակների:

Հաշվարկված հարկերի գումարը կազմում է իրացման ծավալի 10%-ը:

(Բաժինը փոփ. 07.05.09 N 495-Ա, խմբ., փոփ. 22.09.11 N 1371-Ա, փոփ. 15.12.11 N 1782-Ա)

Հայաստանի Հանրապետության կառավարության աշխատակազմի ղեկավար

Դ. Սարգսյան

Եկամուտների հաշվետվություն

Աղյուսակ 1   (հազ. դրամ)

	2009	2010	2011	2012	2013	2014	2015	2016	2017	2018	2019	2020	Ընդամենը`
													2009-2020 թթ.
Մոշ			400	800	1200	1200	1200	1200	1200	1200	1200	1200	10800
Ազնվամորի			800	1600	2400	2400	2400	2400	2400	2400	2400	2400	21600
Ընդամենը` մաքուր հասույթ			1200	2400	3600	3600	3600	3600	3600	3600	3600	3600	32400
Ուղղակի աշխատավարձ			280	560	840	840	840	840	840	840	840	840	7,560
Մելիորացիա			120	120	120	120	120	120	120	120	120	120	1,200
Բիոհումուս			80	80	80	80	80	80	80	80	80	80	800
Ջուր			80	80	80	80	80	80	80	80	80	80	800
Բուժումներ			40	40	40	40	40	40	40	40	40	40	400
Փոքրարժեք գույք			140	160	160	160	80	160	80	160	80	160	1,340
Ընդամենը ուղղակի ծախսեր			740	1,040	1,320	1,320	1,240	1,320	1,240	1,320	1,240	1,320	12,100
Անուղղակի աշխատավարձ	420	720	720	720	720	720	720	720	720	720	720	720	7,200
													-
Ընդամենը` անուղղակի ծախսեր	420	720	720	720	720	720	720	720	720	720	720	720	7,200
EBITDA	- 420	- 720	- 260	640	1,560	1,560	1,640	1,560	1,640	1,560	1,640	1,560	13,100
Ամորտիզացիա			168	165	163	160	158	155	153	151	149	147	1,570
Հիմնական գործունեությունից եկամուտ/վնաս	- 420	- 720	- 428	475	1,397	1,400	1,482	1,405	1,487	1,409	1,491	1,413	11,530
Պարտավորությունների սպասարկում	-	-	-	-	-	-	-	-	-	-	-	-
Այլ ֆինանսական ծախսեր
Ֆինանսական եկամուտներ
Ֆինանսական եկամուտ/վնաս	-	-	-	-	-	-	-	-	-	-	-	-	-
Այլ գործունեությունից եկամուտ
Այլ գործունեությունից վնաս
Եկամուտ/վնաս	- 420	- 720	- 428	475	1,397	1,400	1,482	1,405	1,487	1,409	1,491	1,413	11,530
10%			120	240	360	360	360	360	360	360	360	360	3,240
Մաքուր եկամուտ/վնաս	- 420	- 720	- 548	235	1,037	1,040	1,122	1,045	1,127	1,049	1,131	1,053	7,150
Դիվիդենտներ													-
Retained Earnings	- 420	- 720	- 548	235	1,037	1,040	1,122	1,045	1,127	1,049	1,131	1,053	7,150
					29%	29%	31%	29%	31%	29%	31%	29%

Աղյուսակ 2   Հաշվեկշիռ   (հազ. դրամ)

	2,009	2,010	2,011	2,012	2,013	2,014	2,015	2,016	2,017	2,018	2,019	2,020	Ընդամենը
	1	2	3	4	5	6	7	8	9	10	11	12	2009- 2020 թթ.
Ընթացիկ ակտիվներ
Դրամ	120	140	360	710	1,010	1,460	1,640	2,740	3,920	5,020	6,200	7,300	7,300
Հումք, նյութեր,	0	0	0	0	0	0	0	0	0	0	0	0	0
Պատրաստի արտադրանք													0
Գույք	60	120	120	120	120	120	120	120	120	120	120	120	120
Դեբիտորական պարտքեր													0
Այլ													0
Ընդամենը ընթացիկ ակտիվներ	180	260	480	830	1,130	1,580	1,760	2,860	4,040	5,140	6,320	7,420	7,420
Հիմնական միջոցներ
Հող	1,500	1,500	1,500	1,500	1,500	1,500	1,500	1,500	1,500	1,500	1,500	1,500	1,500
Այլ հիմնական միջոցներ	3,800	4,200	4,032	3,967	3,904	3,844	3,786	3,731	3,677	3,626	3,577	3,530	3,530
Ընդամենը` հիմնական միջոցներ	5,300	5,700	5,532	5,467	5,404	5,344	5,286	5,231	5,177	5,126	5,077	5,030	5,030
Ընդամենը` ակտիվներ	5,480	5,960	6,012	6,297	6,534	6,924	7,046	8,091	9,217	10,266	11,397	12,450	12,450
Ընթացիկ պարտավորություններ
Ստացված կանխավճարներ			600	650	250
Կրեդիտորական պարտքեր													0
Հաշվարկված դիվիդենտներ
Ընդամենը` ընթացիկ պարտավորություններ	-	-	600	650	250	-	-	-	-	-	-	-	-
Երկարաժամկետ պարտավորություններ
Երկարաժամկետ բանկային վարկեր	800	1,800	1,800	1,800	1,400	1,000	0	0	0	0	0	0	0
Երկարաժամկետ փոխառություններ
Ընդամենը` երկարաժամկետ պարտավորություններ	800	1,800	1,800	1,800	1,400	1,000	-	-	-	-	-	-	-
Սեփական կապիտալ
Ներդրումներ հիմնադիրներից	5,100	5,300	5,300	5,300	5,300	5,300	5,300	5,300	5,300	5,300	5,300	5,300	5,300
Փոփոխություն վերագնահատումից													0
Պահուստային կապիտալ													0
Կուտակված շահույթ/վնաս	-420	-1,140	-1,688	-1,453	-416	624	1,746	2,791	3,917	4,966	6,097	7,150	7,150
Ընդամենը` սեփական կապիտալ	4,680	4,160	3,612	3,847	4,884	5,924	7,046	8,091	9,217	10,266	11,397	12,450	12,450
Ընդամենը` պասսիվներ	5,480	5,960	6,012	6,297	6,534	6,924	7,046	8,091	9,217	10,266	11,397	12,450	12,450

Աղյուսակ 3   Դրամական հոսքեր   (հազ. դրամ)

	2,009	2,010	2,011	2,012	2,013	2,014	2,015	2,016	2,017	2,018	2,019	2,020	Ընդամենը
	1	2	3	4	5	6	7	8	9	10	11	12	2009- 2020 թթ.
Հիմնական գործունեությունից եկամուտ/վնաս	-420	-720	-428	475	1,397	1,400	1,482	1,405	1,487	1,409	1,491	1,413	10,390
Ամորտիզացիա	0	0	168	165	163	160	158	155	153	151	149	147	1,570
0	0	0	120	240	360	360	360	360	360	360	360	360	3,240
Դրամական միջոցներ հիմնական գործունեությունից	-420	-720	-380	400	1,200	1,200	1,280	1,200	1,280	1,200	1,280	1,200	8,720
Աշխատանքային միջոցների փոփոխություն	60	60	-600	-50	400	250	0	0	0	0	0	0	120
Հիմնական միջոցների փոփոխություն	5,300	400	0	100	100	100	100	100	100	100	100	100	6,600
Ազատ դրամական միջոցներ	-5,780	-1,180	220	350	700	850	1,180	1,100	1,180	1,100	1,180	1,100	2,000
Բանկային պարտավորությունների փոփոխություն	800	1,000	0	0	-400	-400	-1,000	0	0	0	0	0	0
Փոխառությունների փոփոխություն													0
Պարտավորությունների սպասարկում	0	0	0	0	0	0	0	0	0	0	0	0	0
Ներդրումներ հիմնադիրներից	5,100	200	0	0	0	0	0	0	0	0	0	0	5,300
Ֆինանսական գործունեության արդյունք	5,900	1,200	0	0	-400	-400	-1,000	0	0	0	0	0	5,300
Դրամական միջոցներ ֆինանսական գործունեությունից հետո	120	20	220	350	300	450	180	1,100	1,180	1,100	1,180	1,100	7,300
Այլ գործունեությունից եկամուտ													0
Այլ գործունեությունից վնաս													0
Դիվիդենտներ		0	0	0	0	0	0	0	0	0	0	0	0
Դրամական միջոցներ ժամանակաշրջանի վերջում	120	140	360	710	1,010	1,460	1,640	2,740	3,920	5,020	6,200	7,300	7,300

(Հավելվածը փոփ. 07.05.09 N 495-Ա, խմբ., փոփ. 22.09.11 N 1371-Ա, փոփ. 15.12.11 N 1782-Ա)