ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔ

Կենտրոն թաղային համայնքի ղեկավար

Ո Ր Ո Շ ՈՒ Մ

12 հունվարի 2007 թվականի թիվ 03-Ն

քաղ. Երևան

ԵՐԵՎԱՆԻ ԿԵՆՏՐՈՆ ԹԱՂԱՅԻՆ ՀԱՄԱՅՆՔԻ ՂԵԿԱՎԱՐԻ 2005 ԹՎԱԿԱՆԻ ՀՈԿՏԵՄԲԵՐԻ 24-Ի «ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔԻ 152.1-ՐԴ, 154-ՐԴ, 154.1-ՐԴ ԵՎ 169.1-ՐԴ ՀՈԴՎԱԾՆԵՐՈՎ ՆԱԽԱՏԵՍՎԱԾ ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ԱՐՁԱՆԱԳՐՈՒԹՅԱՆ ՀԱՏՈՒԿ ՀԱՄԱՐԱԿԱԼՎԱԾ ՁԵՎԸ ՀԱՍՏԱՏԵԼՈՒ ՄԱՍԻՆ» ԹԻՎ 1061-Ա ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Ղեկավարվելով Վարչական իրավախախտումների վերաբերյալ Հայաստանի Հանրապետության օրենսգրքի 219.1-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածով.

Կենտրոն թաղային համայնքի ղեկավարը որոշում է`

1. Երևանի Կենտրոն թաղային համայնքի ղեկավարի 2005 թվականի հոկտեմբերի 24-ի «Վարչական իրավախախտումների վերաբերյալ Հայաստանի Հանրապետության օրենսգրքի 152.1-րդ, 154-րդ, 154.1-րդ և 169.1-րդ հոդվածներով նախատեսված վարչական իրավախախտումների վերաբերյալ արձանագրության հատուկ համարակալված ձևը հաստատելու մասին» թիվ 1061-Ա որոշման վերնագրում և 1-ին կետում «152.1-րդ» թվից առաջ լրացնել հետևյալ թվերը և բառերը.

- «43.1-րդ հոդվածի երրորդ, չորրորդ, հինգերորդ և վեցերորդ մասերով»:

2. Սահմանել, որ սույն որոշումը, որպես նորմատիվ իրավական ակտ, «Իրավական ակտերի մասին» Հայաստանի Հանրապետության օրենքի 34-րդ, 56-րդ և 63-րդ հոդվածների համաձայն, ենթակա է պետական իրավական փորձաքննության, պետական գրանցման և պաշտոնական հրապարակման:

3. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրվանից:

Գ. Բեգլարյան