ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

17 սեպտեմբերի 2011 թվականի N 869-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ՎԱՇԻՆԳՏՈՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Համաշխարհային բանկի և Արժույթի միջազգային հիմնադրամի տարեկան հանդիպմանը, ինչպես նաև Հայ-ամերիկյան միջկառավարական հանձնաժողովի նիստին մասնակցելու նպատակով 2011 թվականի սեպտեմբերի 22-28-ը Վաշինգտոն (ԱՄՆ) գործուղել Հայաստանի Հանրապետության պատվիրակություն` համաձայն հավելվածի:

2. Պատվիրակության` Վաշինգտոն գործուղման հետ կապված ծախսերը (այդ թվում՝ նաև ներկայացուցչական)՝ համաձայն փաստացի կատարված ծախսերը հիմնավորող փաստաթղթերի, կատարել`

1) Վ. Գաբրիելյանինը (նաև՝ 2011 թվականի սեպտեմբերի 28-29-ը՝ Լյուքսեմբուրգ (Լյուքսեմբուրգի Դքսություն), Տ. Դավթյանինը (նաև՝ 2011 թվականի սեպտեմբերի 27-29-ը՝ Փարիզ (Ֆրանսիայի Հանրապետություն), Վ. Արամյանինը և Ա. Ազիզյանինը` Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Ա. Կիրակոսյանինը և Ա. Հակոբյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին:

(2-րդ կետը խմբ. 29.09.11 N 908-Ա)

3. Ընդունել ի գիտություն, որ Ա. Ջավադյանի, Վ. Վարդանյանի և Ա. Գրիգորյանի` Վաշինգտոն գործուղման հետ կապված ծախսերը կատարվելու են Հայաստանի Հանրապետության կենտրոնական բանկի միջոցների հաշվին։

4. Հայաստանի Հանրապետության արտաքին գործերի նախարարին` լուծել Հայաստանի Հանրապետության պատվիրակության` Վաշինգտոն մեկնելու հետ կապված հարցերը:

5. Հայաստանի Հանրապետության ֆինանսների նախարար Վ.Գաբրիելյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Վաշինգտոն գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2011 թ. սեպտեմբերի 17 Երևան

Հավելված  ՀՀ վարչապետի 2011 թ.  սեպտեմբերի 17-ի N 869-Ա  որոշման

Կ Ա Զ Մ

2011 ԹՎԱԿԱՆԻ ՍԵՊՏԵՄԲԵՐԻ 22-28-Ը ՎԱՇԻՆԳՏՈՆ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

Վ. Գաբրիելյան	- ՀՀ ֆինանսների նախարար, Արժույթի միջազգային   հիմնադրամի ՀՀ կառավարիչ (հայ-ամերիկյան  միջկառավարական հանձնաժողովի հայկական  կողմի նախագահ)
Տ. Դավթյան	- ՀՀ էկոնոմիկայի նախարար, Համաշխարհային բանկի   ՀՀ կառավարիչ
Ա. Ջավադյան	- ՀՀ կենտրոնական բանկի նախագահ (համաձայնությամբ)
Ա. Կիրակոսյան	- ՀՀ արտաքին գործերի նախարարի տեղակալ (հանձնաժողովի   հայկական կողմի նախագահի տեղակալ)
Վ. Արամյան	- ՀՀ ֆինանսների նախարարի տեղակալ
Վ. Վարդանյան	- ՀՀ կենտրոնական բանկի ֆինանսական համակարգի   կայունության և զարգացման վարչության պետ   (համաձայնությամբ)
Ա. Գրիգորյան	- ՀՀ կենտրոնական բանկի ֆինանսական համակարգի  կարգավորման վարչության պետ (համաձայնությամբ)
Ա. Հակոբյան	- ՀՀ արտաքին գործերի նախարարության աշխատակազմի   Ամերիկայի վարչության պետի պաշտոնակատար
Ա. Ազիզյան	- ՀՀ ֆինանսների նախարարության աշխատակազմի   միջազգային համագործակցության վարչության պետ   (հանձնաժողովի հայկական կողմի քարտուղար)

 

Հայաստանի Հանրապետության կառավարության աշխատակազմի ղեկավար

Դ. Սարգսյան