ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 նոյեմբերի 2011 թվականի N 1611-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՄԱՐՏԻ 24-Ի N 400-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի մարտի 24-ի «Միջուկային տեղակայանքների շահագործման լիցենզավորման կարգը և լիցենզիայի ձևը հաստատելու մասին»
N 400-Ն որոշման մեջ կատարել հետևյալ փոփոխությունները և լրացումները`

1) որոշման նախաբանում «12-րդ բաժնի 5-րդ» բառերը փոխարինել «13-րդ բաժնի 1-ին» բառերով.

2) որոշմամբ հաստատված կարգում`

ա. 4-րդ կետը լրացնել հետևյալ բովանդակությամբ նոր նախադասությամբ.

«Կառուցման փուլն ավարտված միջուկային տեղակայանքի շահագործման լիցենզիան տրվում է տվյալ միջուկային տեղակայանքի նախագծով նախատեսված շահագործման ժամկետով:»,

բ. 5-րդ կետում «Ատոմային էլեկտրակայանի յուրաքանչյուր էներգաբլոկի» բառերը փոխարինել «Յուրաքանչյուր միջուկային տեղակայանքի» բառերով,

գ. 7-րդ կետի «գ» ենթակետը «քանակի» բառից հետո լրացնել «և ֆիզիկական, քիմիական ու նեյտրոնաֆիզիկական բնութագրերի», իսկ «մասին» բառից հետո` «, ինչպես նաև միջուկային նյութերի հաշվառման և հսկման ծրագիրը» բառերով,

դ. 7-րդ կետի «դ» ենթակետը լրացնել հետևյալ բովանդակությամբ նոր պարբերությամբ.

 «անվտանգության ապահովման տեսակետից կարևոր պաշտոններ զբաղեցնող անձանց պաշտոնական հրահանգները.»,

ե. 7-րդ կետի «ե» ենթակետը «ճառագայթային,» բառից հետո լրացնել «ռադիոակտիվ թափոնների,», իսկ «գիտատեխնիկական աջակցության» բառերից հետո` «, միջուկային վնասի փոխհատուցման» բառերով,

զ. 7-րդ կետի «զ» ենթակետը «որոշման» բառից հետո լրացնել «, իսկ կառուցման փուլն ավարտված միջուկային տեղակայանքի համար` անվտանգության վերլուծության մասին վերջնական հաշվետվությունը:» բառերով,

է. ուժը կորցրած ճանաչել 7-րդ կետի «ժե» և «ժէ» ենթակետերը,

ը. 7-րդ կետը լրացնել հետևյալ բովանդակությամբ նոր՝ «իբ» ենթակետով.

«իբ) միջուկային տեղակայանքի նախագծային և արտանախագծային վթարների կառավարման մասին հրահանգները:»:

Հայաստանի Հանրապետության վարչապետ	Տ. Սարգսյան
2011 թ. նոյեմբերի 22 Երևան