ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔ

ՔԱՆԱՔԵՌ-ԶԵՅԹՈՒՆ ՀԱՄԱՅՆՔԻ ԱՎԱԳԱՆԻ

N 2/1

--.--. 2001 թ.

Ո Ր Ո Շ ՈՒ Մ

ՀԱՄԱՅՆՔԱՅԻՆ ԳՆՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Գնումների մասին» ՀՀ օրենքով նախատեսված կանոններով (հոդված 22, 23, 43, 44), հաշվի առնելով ՀՀ կառավարության 31.08.2000թ. «Գնումների մասին» ՀՀ օրենքի կիրարկումն ապահովող առաջնահերթ միջոցառումների մասին» թիվ 531 որոշման պահանջը (կետ 7), ելնելով այն իրողությունից, որ համայնքի որպես պատվիրատուի գործողություններից անկախ պատճառներով ձևավորված ֆինանսական միջոցների ժամկետային առումով մշտական անբավարարությունը անհնարին է դարձնում համայնքի կարիքների համար ապրանքների, աշխատանքների և ծառայությունների գնման մրցութային ձևի կիրառումը`

1. 2001 թվականին համայնքի կարիքների համար կենտրոնացված գնումներ կատարելու լիազորությունները ՀՀ կառավարությանն առընթեր պետական գնումների գործակալությանը վերապահելը գտնել աննպատակահարմար:

2. Իրավունք վերապահել թաղապետին համայնքի կարիքների համար գնում կատարել ապակենտրոնացված կարգով մեկ աղբյուրից, եթե

ա) վաճառող կողմը ունի

♦ հեղինակային իրավունք,

♦ մենաշնորհային դիրքեր,

♦ համապատասխան լիցենզիա:

բ) ծագել է ապրանքների, աշխատանքների և ծառայությունների գնման անհետաձգելի չնախատեսված պահանջ,

գ) գնման ենթակա ապրանքների, աշխատանքների և ծառայությունների գինը չի գերազանցում գնումների բազային միավորի մեկ քառորդը (նվազագույն աշխատավարձի 250-ապատիկը):

Գնումներ կատարել ապակենտրոնացված կարգով գնանշման հարցմամբ ավագանու քննարկմանը ներկայացնելով գնումներ կատարելու անհրաժեշտության հարց չեն բավարարում սույն որոշման 2-րդ կետի պայմանները:

Ապակենտրոնացված կարգով մեկ աղբյուրից կամ գնանշման հարցմամբ գնումներ կատարվող ապրանքների, աշխատանքների և ծառայությունների նախահաշվային գինը գնումների բազային միավորի մեկ քառորդը գերազանցելու դեպքում ստեղծել հանձնաժողով (կազմը կցվում է), որը պետք է

♦ քննարկի գնում կատարելու անհրաժեշտության հարցը և տա համապատասխան եզրակացություն,

♦ ապահովի գնումների նախահաշվային գնի համապատասխանությունը հաստատված տեղական բյուջեի նախահաշվային հոդվածներին,

♦ հաստատի գնում կատարելու ձևերը,

♦ կազմակերպի գնման պայմանագրերի կնքման գործընթացը,

♦ ապահովի գնումներ կատարելու և դրանց դիմաց վճարելու համար անհրաժեշտ ֆինանսատնտեսական փաստաթղթերով,

♦ վերահսկողություն սահմանի ձեռքբերված ապրանքների, աշխատանքների կամ ծառայությունների տեխնիկատնտեսական ցուցանիշների վրա:

5. Յուրաքանչյուր եռամսյակը մեկ, ոչ ուշ, քան հաջորդ ամսվա մեկը, համաձայն ավագանուն ներկայացնել գնումների բազային միավորի մեկ քառորդը գերազանց նախահաշվային գնով կնքված պայմանագրերի վերաբերյալ հաշվետվություն:

6. Առաջնորդվել ՀՀ կառավարության 31.08.2000թ. թիվ 531 որոշմամբ հաստատված գնումների ֆինանսավորման կարգով:

7. Սույն որոշման մասին տեղեկացնել ՀՀ կառավարությանն առընթեր պետական գնումների գործակալությանը և տեղական գանձապետական հաշիվը սպասարկող թիվ 3 գանձապետական բաժանմունքին:

8. Սույն որոշման կատարման կազմակերպումն ու պատասխանատվությունը դնել թաղապետարանի ֆինանսական բաժնի (Ն. Ղուկասյանի) վրա:

9. Սույն որոշման կատարման հսկողությունը դնել թաղապետի տեղակալի (Ժ. Սաղաթելյան) վրա:

	Ռ. Սինոյան
Իսկականի հետ ճիշտ է Քարտուղարության բաժնի պետ	Հ. Հակոբյան

Հաստատված է Քանաքեռ-Զեյթուն համայնքի ավագանու 03.05.2001թ. թիվ 2/1 որոշմամբ

ՑԱՆԿ

ՀԱՄԱՅՆՔԱՅԻՆ ԳՆՈՒՄՆԵՐ ԿԱՏԱՐԵԼՈՒ ՀԱՆՁՆԱԺՈՂՈՎԻ ԿԱԶՄԻ