«Գրանցված է»
ՀՀ արդարադատության
նախարարության կողմից
28 հունիսի 2011 թ.
Պետական գրանցման թիվ 60511288
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՈՒՐԴ
|
6 հունիսի 2011 թ. |
N 408-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՐԴԻ 2010 ԹՎԱԿԱՆԻ ՀՈԿՏԵՄԲԵՐԻ 12-Ի N 818-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Քաղաքացիական ծառայության մասին» Հայաստանի Հանրապետության օրենքի 14-րդ հոդվածի 12-րդ մասով՝ Հայաստանի Հանրապետության քաղաքացիական ծառայության խորհուրդը որոշում է.
1. Հայաստանի Հանրապետության քաղաքացիական ծառայության խորհրդի 2010 թվականի հոկտեմբերի 12-ի «Քաղաքացիական ծառայության կրտսեր պաշտոն զբաղեցնելու հավաստագիր ստանալու համար թեստավորում անցկացնելու և քաղաքացիական ծառայության կրտսեր թափուր պաշտոն զբաղեցնելու կարգը սահմանելու մասին» N 818-Ն որոշմամբ սահմանված N 1 հավելվածի՝
1) 9-րդ կետը լրացնել հետևյալ բովանդակությամբ 5-րդ ենթակետով.
«5) անձնագրի կամ անձը հաստատող այլ փաստաթղթի պատճենը:».
2) 10-րդ կետը շարադրել հետևյալ խմբագրությամբ.
«10. Քաղաքացին փաստաթղթերը կարող է ներկայացնել էլեկտրոնային տարբերակով կամ անձամբ: Փաստաթղթերն անձամբ ներկայացնելու դեպքում քաղաքացին ներկայացնում է նաև անձնագիրը կամ անձը հաստատող այլ փաստաթուղթ:».
3) 11-րդ կետում «նախօրոք լրացրած դիմումը և անձնական տվյալների վերաբերյալ հայտարարությունը» բառերը փոխարինել «սույն կարգի 9-րդ կետով սահմանված փաստաթղթերը» բառերով.
4) 13-րդ կետը շարադրել հետևյալ խմբագրությամբ.
«13. Թեստավորմանը մասնակցելու համար դիմած քաղաքացիների տվյալները գրառվում են «Մարդկային ռեսուրսների կառավարման տեղեկատվական համակարգ» համակարգչային ծրագրում:».
5) 15-րդ կետում «վերաբերյալ փաստաթղթերի փաթեթը ներկայացնում է» բառերը փոխարինել «ներկայացրած փաստաթղթերի փաթեթը հանձնում է» բառերով.
6) 18-րդ կետը շարադրել հետևյալ խմբագրությամբ.
«18. Մանդատային հանձնաժողովը թեստավորմանը մասնակցելու համար դիմած քաղաքացիների ներկայացրած փաստաթղթերը, մանդատային հանձնաժողովի ընդունած որոշումները և թեստավորմանը մասնակցելու թույլտվություն ստացած և (կամ) չստացած քաղաքացիների ցուցակները մինչև թեստավորում անցկացնելը ներկայացնում է Խորհրդի աշխատակազմ:».
7) 21-րդ կետի 1-ին ենթակետը շարադրել հետևյալ խմբագրությամբ.
«1) Խորհրդի աշխատակազմից ստանում է թեստավորման անցկացման համար անհրաժեշտ քանակի ամփոփաթերթեր, թեստավորմանը մասնակցելու թույլտվություն ստացած և (կամ) չստացած քաղաքացիների ցուցակները, մանդատային հանձնաժողովի ընդունած որոշումների պատճենները, թեստավորման հանձնաժողով ստեղծելու մասին Խորհրդի որոշման պատճենը, Հանձնաժողովի կնիքը.».
8) 35-րդ կետում «տասն» բառը փոխարինել «հինգ» բառով.
9) 37-րդ կետը շարադրել հետևյալ խմբագրությամբ.
«37. Սույն կարգի 35-րդ կետով սահմանված ժամկետում դիմում չներկայացվելու, մինչև նշանակումը ներկայացված դիմումը հետ վերցնելու, կամ սահմանված ժամկետում դիմում ներկայացրած և գործող հավաստագիր ունեցող քաղաքացիներից ոչ մեկը տվյալ կրտսեր թափուր պաշտոնի անձնագրի պահանջները չբավարարելու դեպքերում համապատասխան մարմինն այդ ժամկետի ավարտին հաջորդող տասն աշխատանքային օրվա ընթացքում հրապարակում է նոր հայտարարություն սույն կարգի 34-րդ կետով սահմանված կարգով:»:
|
ՀՀ քաղաքացիական ծառայության խորհրդի նախագահ |
Մ. Բադալյան |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|