ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հունիսի 2011 թվականի N 819-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետով` Հայաստանի Հանրապետության կառավարությունը որոշում է.

 1. Հայաստանի Հանրապետության Լոռու մարզպետարանին 2011 թվականի ինն ամսում հատկացնել 12000.0 հազ. դրամ՝ Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին, որից՝ բյուջետային ծախսերի տնտեսագիտական դասակարգման «Այլ կապիտալ դրամաշնորհներ» հոդվածով՝ 10000.0 հազ. դրամ` Վանաձորի քաղաքային համայնքում ջրհեղեղի և Եղեգնուտի գյուղական համայնքում սողանքների հետևանքով վթարային դարձած շենքերի բնակիչներին աջակցության նպատակով, և 2000,0 հազ. դրամ՝ Սարամեջի գյուղական համայնքում քամու հետևանքով վթարված տան տանիքի վերանորոգման նպատակով:

2. Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման N 11 հավելվածում կատարել լրացումներ` համաձայն հավելվածի:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. հունիսի 20 Երևան

Հավելված ՀՀ կառավարության 2011 թվականի հունիսի 10-ի N 819-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 11 ՀԱՎԵԼՎԱԾԻ N 11.55 ԱՂՅՈՒՍԱԿՈՒՄ ԿԱՏԱՐՎՈՂ ԼՐԱՑՈՒՄՆԵՐԸ

ՄԱՍ Գ: Նախարարի պատասխանատվության ներքո իրականացվող քաղաքականության միջոցառումների և ֆինանսական կառավարման արդյունքների ցուցանիշները

1.2. Տրանսֆերտներ

Չափորոշիչներ				Ցուցանիշների փոփոխությունը (ավելացումները նշված են դրական նշանով)
				ոչ ֆինանսական ցուցանիշներ			ֆինանսական ցուցանիշներ
				առաջին կիսամյակ	ինն ամիս	տարի	առաջին կիսամյակ	ինն ամիս	տարի
Ծրագրային դասիչը		Անվանումը Աջակցություն ՀՀ Լոռու մարզի Վանաձորի համայնքում՝ ջրհեղեղի, և Եղեգնուտի համայնքում՝ սողանքների հետևանքով վթարային դարձած շենքերի բնակիչների բնակարանային պայմանների բարելավման համար Նկարագրությունը Վանաձորի և Եղեգնուտի համայնքներում տների գնում՝ վթարային դարձած շենքերի բնակիչների համար
Ը010	ԾՏ01
Շահառուների քանակը		1. Տրանսֆերտ ստացող ՏԻՄ-երի քանակը			2	2
Գումարը (հազ. դրամ)				X	X	X	0.0	10.000.0	10.000.0
Տրանսֆերտի վճարման հաճախականությունը
Շահառուների ընտրության չափանիշները Վթարային դարձած շենքերի բնակիչների բնակարանային պայմանների բարելավման անհրաժեշտությունը
Ծրագիրը (ծրագրերը), որի (որոնց) շրջանակներում իրականացվում է քաղաքականության միջոցառումը Աջակցություն համայնքային, միջհամայնքային, ոչ կառավարական, մասնավոր և այլ կազմակերպություններին ու անհատներին
Վերջնական արդյունքի նկարագրությունը Վթարային դարձած շենքերի բնակիչների կյանքի պայմանների բարելավում

1.6.1. Հանրության կողմից օգտագործվող ոչ ֆինանսական ակտիվներ

Հայաստանի Հանրապետության կառավարության աշխատակազմի ղեկավար

Դ. Սարգսյան