ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 մայիսի 2011 թվականի N 733-Ն

ՆՈՏԱՐԻ ԿՈՂՄԻՑ ՄԱՏՈՒՑՎՈՂ ՎՃԱՐՈՎԻ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԱՊՐԻԼԻ 25-Ի N 919-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Համաձայն «Նոտարիատի մասին» Հայաստանի Հանրապետության օրենքի 15-րդ հոդվածի 4-րդ կետի՝ Հայաստանի Հանրապետության կառավարությունը որոշում է.

1. Հաստատել նոտարի կողմից մատուցվող վճարովի ծառայությունների սակագները` համաձայն հավելվածի:

2. Սահմանել, որ՝

1) նոտարի կողմից կատարվող յուրաքանչյուր նոտարական գործողության համար վճարը ներառում է տվյալ նոտարական գործողության համար անհրաժեշտ բոլոր փաստաթղթերի ուսումնասիրումը, պարզաբանումը, այդ թվում՝ օրինակելի ձևերով փաստաթղթերի պատրաստումը և տրամադրումը՝ բացառությամբ սույն որոշմամբ հաստատված սակագների 17-րդ^ուղղ կետով նախատեսված նոտարական գործողությունների դեպքում իրավական փաստաթղթերի պատրաստման և տրամադրման.

2) սույն որոշմամբ հաստատված սակագների 17-րդ^ուղղ կետով նախատեսված նոտարական գործողությունների դեպքում նոտարի կողմից իրավական փաստաթղթերի պատրաստման և տրամադրման համար կարող է լրացուցիչ գանձվել սույն որոշմամբ հաստատված սակագների 37-րդ^ուղղ կետով նախատեսված վճարը.

3) նոտարի կողմից իր գրասենյակից դուրս նոտարական գործողություններ կատարելու դեպքում կարող է գանձվել լրացուցիչ վճար` ոչ ավելի, քան նվազագույն աշխատավարձի 10-ապատիկի չափով.

4) նոտարի կողմից վավերացված նոտարական փաստաթղթերում թույլ տրված գրավրիպակների, թվաբանական սխալների ուղղումը և արդյունքում նոր նոտարական փաստաթղթերի տրամադրումը համապատասխան նոտարի կողմից կատարվում է անվճար.

5) նոտարի կողմից վավերացված փաստաթղթի նոտարական վավերացմամբ յուրաքանչյուր կրկնօրինակի տրամադրման համար վճարվում է հիմնական փաստաթղթի համար ծառայության վճարի մեկ քառորդը.

6) նոտարի կողմից մատուցվող վճարովի ծառայությունների սակագները պետք է փակցված լինեն նոտարական գրասենյակում՝ նոտարական ծառայություններից օգտվողների համար տեսանելի տեղում:

3. Ուժը կորցրած ճանաչել Հայաստանի Հանրապետության կառավարության 2002 թվականի ապրիլի 25-ի «Նոտարի կողմից մատուցվող վճարովի ծառայությունների սակագները հաստատելու մասին» N 919-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՆՈՏԱՐԻ ԿՈՂՄԻՑ ՄԱՏՈՒՑՎՈՂ ՎՃԱՐՈՎԻ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԸ

Նոտարական գործողության տեսակը	Նվազագույն աշխատավարձի նկատմամբ գործակիցը
1. Անշարժ գույքի յուրաքանչյուր միավորի օտարման (փոխանակման, առուվաճառքի, հանձնման և այլն) պայմանագրերը վավերացնելու համար`
1) գյուղատնտեսական նշանակության հողամասերի դեպքում	0.5
2) այլ անշարժ գույքի դեպքում	10-15
3) ավտոտնակի դեպքում	6-8
4) անշարժ գույքի նվիրատվություն կամ նվիրաբերություն (բացառությամբ գյուղատնտեսական նշանակության հողամասերի)`
ա. առաջին հերթի ժառանգների համար	5-7
բ. երկրորդ հերթի ժառանգների համար	7-9
գ. այլ անձանց համար	10-15
5) գյուղատնտեսական նշանակության հողամասերի նվիրատվություն կամ նվիրաբերություն	0.5
2. Շարժական գույքի օտարման (փոխանակման, առուվաճառքի, հանձնման և այլն) պայմանագրերը վավերացնելու համար`
1) ավտոտրանսպորտային միջոցների համար	5-8
2) այլ շարժական գույքի համար	2-5
3. Ռենտայի պայմանագրերը վավերացնելու համար	5-7
4. Անշարժ գույքի միավորման պայմանագրերը վավերացնելու համար՝
1) գյուղատնտեսական նշանակության հողերի դեպքում	0.5-1
2) այլ անշարժ գույքի դեպքում	10-12
5. Անշարժ գույքի բաժանման պայմանագրերը վավերացնելու համար`
1) գյուղատնտեսական նշանակության հողերի դեպքում	0.5-1
2) այլ անշարժ գույքի դեպքում	10-12
6. Անշարժ գույքի օգտագործման (վարձակալության, անհատույց օգտագործման և այլն) պայմանագրերը վավերացնելու համար`
1) գյուղատնտեսական նշանակության հողամասերի դեպքում	0.5-1
2) բնակելի տարածության դեպքում՝
ա. եթե կողմերից մեկը ֆիզիկական անձ է	5-8
բ. եթե երկու կողմերն իրավաբանական անձինք են	8-10
3) ոչ բնակելի նշանակության շենքի կամ շինության դեպքում՝
ա. եթե կողմերից մեկը ֆիզիկական անձ է	10-12
բ. եթե երկու կողմերն իրավաբանական անձինք են	12-15
7. Շարժական գույքի օգտագործման (վարձակալության, անհատույց օգտագործման և այլն) պայմանագրերը վավերացնելու համար	4-6
8. Ֆինանսական վարձակալության (լիզինգի) պայմանագրերը վավերացնելու համար	8-10
9. Գրավի պայմանագրերը վավերացնելու համար՝
1) գյուղատնտեսական նշանակության հողամասերի դեպքում	0.5-1
2) շարժական գույքի գրավիուղղ դեպքում	6-9
3) անշարժ գույքի հիփոթեքի դեպքում	10-12
4) իրավունքների գրավի դեպքում	4-6
5) կոշտ գրավի դեպքում	8-10
6) շրջանառության մեջ գտնվող ապրանքների գրավի դեպքում	6-8
7) գրավի այլ տեսակների դեպքում	3-5
10. Երաշխավորության պայմանագրերը վավերացնելու համար	5
11. Փոխառության պայմանագրերը վավերացնելու համար	4-6
12. Կառուցապատման իրավունքի պայմանագրերը վավերացնելու  համար	8-10
13. Գույքի հավատարմագրային կառավարման պայմանագրերը  վավերացնելու համար`
1) շարժական գույք	4-6
2) անշարժ գույք	10-12
14. Նախնական պայմանագրերը վավերացնելու համար	7-9
15. Պայմանագրում փոփոխություն և լրացումներ կատարելու,  պայմանագիրը լուծելու մասին համաձայնագրերը, պայմանագրերը վավերացնելու համար	2-8
16. Վերարտադրողականության օժանդակ տեխնոլոգիաներից օգտվելու իրավունք ունեցող անձանց և փոխնակ մոր կամ  հայտնի դոնորի միջև պայմանագրերը վավերացնելու համար	20-22
17. Խառը պայմանագրերի վավերացման համար	10-15
18. Այլ գործարքների վավերացման համար	6-10
19. Ժառանգության իրավունքի վկայագիր տալու համար`
1) առաջին հերթի ժառանգների համար`
ա. ժառանգական զանգվածում 1-2 միավոր գույքի դեպքում	3-5
բ. ժառանգական զանգվածում 3-7 միավոր գույքի դեպքում	5-8
գ. ժառանգական զանգվածում 8-ից ավելի միավոր գույքի դեպքում	8-15
2) երկրորդ հերթի ժառանգների համար`
ա. ժառանգական զանգվածում 1-3 միավոր գույքի դեպքում	5-8
բ. ժառանգական զանգվածում 3-7 միավոր գույքի դեպքում	8-10
գ. ժառանգական զանգվածում 8-ից ավելի միավոր գույքի դեպքում	10-15
3) այլ անձանց համար	10-15
20. Լիազորագրեր վավերացնելու համար`
1) անշարժ գույքի տիրապետման, օգտագործման և տնօրինման իրավունքի լիազորագրեր	1-5
2) շարժական գույքի տիրապետման, օգտագործման և տնօրինման (բացառությամբ ավտոտրանսպորտային միջոցների տնօրինման) իրավունքի լիազորագրեր	0.5-1.5
3) ավտոտրանսպորտային միջոցների տիրապետման, օգտագործման,  տնօրինման իրավունքի լիազորագրեր	2-3
4) գույքային իրավունքների կառավարման լիազորագրեր	1-3
5) այլ լիազորագրեր	0.5-2
21. Ժառանգական գույքի պահպանմանն ուղղված միջոցառումների  իրականացման համար	10-30
22. Փաստաթղթերի թարգմանության յուրաքանչյուր էջի իսկությունը վավերացնելու համար	2-8
23. Փաստաթղթերի պատճենները և դրանցից քաղվածքները վավերացնելու համար՝
1) մեկ էջի համար և,	1
2) մեկից ավելի յուրաքանչյուր լրացուցիչ էջի համար՝
ա. նոտարական գրասենյակում պատճենահանվելու դեպքում	0.1
բ. այլ դեպքերում	0.5
24. Փաստաթղթերի վրա յուրաքանչյուր ստորագրության իսկությունը վավերացնելու համար	0.5-1
25. Թարգմանչի ստորագրությամբ յուրաքանչյուր փաստաթղթի իսկության վավերացման համար	0.5
26. Կտակի վավերացման համար	2-5
27. Ընդհանուր համատեղ կամ ընդհանուր բաժնային սեփականության ներքո  գտնվող գույքից հասանելիք բաժնի նկատմամբ սեփականության  իրավունքի վկայագիր տալու համար	2-5
28. Քաղաքացու ողջ լինելու փաստը հաստատելու համար	2
29. Քաղաքացու` որոշակի վայրում գտնվելու փաստը հաստատելու համար	2
30. Լուսանկարում պատկերված անձի և քաղաքացու նույնությունը հաստատելու համար	2
31. Փաստաթղթեր ներկայացնելու ժամանակը հաստատելու համար	1
32. Ֆիզիկական անձանց կամ կազմակերպությունների դիմումները, հայտարարությունները կամ այլ փաստաթղթեր այլ ֆիզիկական անձանց  կամ կազմակերպություններ փոխանցելու համար	3
33. Դրամական գումար կամ արժեթղթեր դեպոզիտ ընդունելու, պահպանելու, հանձնելու կամ վերադարձնելու համար	դեպոզիտ գումարի 0.5-1 տոկոսը
34. Փաստաթղթեր ի պահ ընդունելու համար (յուրաքանչյուր օրը)	0.3-0.5
35. Ապացույցների ապահովման համար՝
1) նոտարական վավերացմամբ փաստաթուղթ կազմելու համար և,	4
2) նոտարի աշխատանքի յուրաքանչուր ժամի համար	6
36. Կազմակերպության ընդհանուր ժողովի կամ կոլեգիալ այլ մարմնի նիստի արձանագրությունը վավերացնելու համար	5-25
37. Անձանց առաջարկությունների հիման վրա և նրանց պահանջով ոչ օրինակելի գործարքների, հաստատման ոչ ենթակա ոչ օրինակելի փաստաթղթերի կամ  իրավական այլ փաստաթղթերի պատրաստման և տրամադրման, ինչպես նաև  գործարքների վավերացման կամ փաստաթղթերի պատրաստման հետ չկապված իրավական օգնության կամ խորհրդատվության տրամադրման կամ այլ  ծառայությունների մատուցման համար` ծառայության մատուցման համար անհրաժեշտ յուրաքանչյուր ժամի համար	5-10

Հայաստանի Հանրապետության կառավարության աշխատակազմի ղեկավար

Դ. Սարգսյան