«Գրանցված է»

ՀՀ արդարադատության

նախարարության կողմից

10 փետրվարի 2011 թ.

Պետական գրանցման թիվ 05011063

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

11 հունվարի 2011 թ.

թիվ 3-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածի 2-րդ մասը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ` Կանոնակարգ 3) կատարել հետևյալ փոփոխությունները և լրացումները.

1) Կանոնակարգ 3-ի 2-րդ կետում ընդգրկված աղյուսակի վերջին երկու տողերը շարադրել հետևյալ խմբագրությամբ.

2) Կանոնակարգ 3-ի 6-րդ կետի Աղյուսակ 1-ի 4-րդ սյունակի 4-րդ տողը վերջին պարբերությունից հետո լրացնել նոր պարբերությամբ` հետևյալ բովանդակությամբ.

«●531` «Կանոնակարգ 2»-ի 28.1 կետի «գ» ենթակետով սահմանված առավելագույն չափը գերազանցող մասով:»:

3) Կանոնակարգ 3-ի 6-րդ կետի Աղյուսակ 2-ի 4-րդ սյունակի 8-րդ տողը վերջին պարբերությունից հետո լրացնել նոր պարբերությամբ` հետևյալ բովանդակությամբ.

«●122 + 1258 + 1259 + 1262 + 1263 + 1264 + 1265 + 1267 + 127 + 1361 + 1362 + 1365 + 1366 + 1404 + 1417 + 1418 + 1421 + 1422 + 1423 + 1424 + 1448 + 1451 + 1452 (Կանոնակարգ 2-ի հավելված 3-ի 6.8 կետի պահանջներին չհամապատասխանող մասով) + 152 + 1553 + 1554 + 1555 + 1557 + 1631 + 1632 + 1633 + 1634 + 1637 + 1638 + 1639 + 1640 + 1643 + 1644 + 1645 + 1646 + 1681 + 1682 + 1685 + 1686 + 1689 + 1690 + 1804 + 1806 + 1845 + 1846 + 1847 + 1848 (Կանոնակարգ 2-ի հավելված 3-ի 6.9 կետի պահանջներին չհամապատասխանող մասով) + 1823 + 1824 + 1825 + 1826 + 1833 + 1834 + 1835 + 1836 + 1853 + 1855 + 1856 + 1857 + 1861 + 1872 + 1875 + 1879 + 1882 + 1885 + 1894 + 1896 + 1897 + 1899 + 190 + 1913 + 1923 + 202 + 2054 + 2055 + 2056 + 2057 + 2058 + 2059 + 2060 + 2061 + 2065 + 2066 + 2067 + 2110 + 2112 + 2117 + 2122 + 2127 + 2129 + 2812 + 2813 + 2815 + 2919 հաշիվների այն մնացորդները, որոնք բավարարում են Կանոնակարգ 2-ի հավելված 3-ի 6.19 կետի պահանջները 30% ռիսկի կշիռ ստանալու վերաբերյալ:»:

4) Կանոնակարգ 3-ի 6-րդ կետի Աղյուսակ 2-ի 4-րդ սյունակի 12-րդ տողը վերջին պարբերությունից հետո լրացնել նոր պարբերությամբ` հետևյալ բովանդակությամբ.

«●122 + 1258 + 1259 + 1262 + 1263 + 1264 + 1265 + 1267 + 127 + 1361 + 1362 + 1365 + 1366 + 1404 + 1417 + 1418 + 1421 + 1422 + 1423 + 1424 + 1448 + 1451 + 1452 (Կանոնակարգ 2-ի հավելված 3-ի 6.8 կետի պահանջներին չհամապատասխանող մասով) + 152 + 1553 + 1554 + 1555 + 1557 + 1631 + 1632 + 1633 + 1634 + 1637 + 1638 + 1639 + 1640 + 1643 + 1644 + 1645 + 1646 + 1681 + 1682 + 1685 + 1686 + 1689 + 1690 + 1804 + 1806 + 1845 + 1846 + 1847 + 1848 (Կանոնակարգ 2-ի հավելված 3-ի 6.9 կետի պահանջներին չհամապատասխանող մասով) + 1823 + 1824 + 1825 + 1826 + 1833 + 1834 + 1835 + 1836 + 1853 + 1855 + 1856 + 1857 + 1861 + 1872 + 1875 + 1879 + 1882 + 1885 + 1894 + 1896 + 1897 + 1899 + 190 + 1913 + 1923 + 202 + 2054 + 2055 + 2056 + 2057 + 2058 + 2059 + 2060 + 2061 + 2065 + 2066 + 2067 + 2110 + 2112 + 2117 + 2122 + 2127 + 2129 + 2812 + 2813 + 2815 + 2919 հաշիվների այն մնացորդները, որոնք բավարարում են Կանոնակարգ 2-ի հավելված 3-ի 6.19 կետի պահանջները 75% ռիսկի կշիռ ստանալու վերաբերյալ:»:

5) Կանոնակարգ 3-ի 6-րդ կետի Աղյուսակ 2-ի 4-րդ սյունակի 14-րդ տողի վերջին պարբերությունը շարադրել հետևյալ խմբագրությամբ.

«1-ին և 2-րդ կարգի հաշիվներում հաշվառված բոլոր այն ակտիվները, որոնք չեն ընդգրկվել սույն աղյուսակի 1,3,5,7,9,11,15,17,19 կետերում:»:

6) Կանոնակարգ 3-ի 6-րդ կետի Աղյուսակ 2-ի 4-րդ սյունակի 18-րդ տողը վերջին պարբերությունից հետո լրացնել նոր պարբերություններով` հետևյալ բովանդակությամբ.

«●1221+1222+1223+1241+1242+1243+1258+1259+1521+1522+1523+1541+1542+1543+1848+ 1849+2110+2112+2114+2117+2118+2119+2122+2124+2127+2128+2129+2130 հաշիվների այն մնացորդները, որոնք բավարարում են Կանոնակարգ 2-ի հավելված 3-ի 6.31-րդ կետի պահանջները 150% ռիսկի կշիռ ստանալու վերաբերյալ

●1-ին և 2-րդ կարգի հաշիվներում հաշվառված բոլոր այն արտարժութային ակտիվները, որոնք չեն ընդգրկվել սույն աղյուսակի 1,3,5,7,9,11,13,15,19 կետերում:»:

7) Կանոնակարգ 3-ի 6-րդ կետի Աղյուսակ 2-ը լրացնել նոր 20-րդ և 21-րդ տողերով` հետևյալ բովանդակությամբ.

19	19	Ռիսկի 225% կշիռ	●122 + 1258 + 1259 + 1262 + 1263 + 1264 + 1265 + 1267 + 127 + 1361 + 1362 + 1365 + 1366 + 1404 + 1417 + 1418 + 1421 + 1422 + 1423 + 1424 + 1448 + 1451 + 1452 (Կանոնակարգ 2-ի 6.8 կետի պահանջներին չհամապատասխանող մասով) + 152 + 1553 + 1554 + 1555 + 1557 + 1631 + 1632 + 1633 + 1634 + 1637 + 1638 + 1639 + 1640 + 1643 + 1644 + 1645 + 1646 + 1681 + 1682 + 1685 + 1686 + 1689 + 1690 + 1804 + 1806 + 1845 + 1846 + 1847 + 1848 (Կանոնակարգ 2-ի 6.9 կետի պահանջներին չհամապատասխանող մասով) + 1823 + 1824 + 1825 + 1826 + 1833 + 1834 + 1835 + 1836 + 1853 + 1855 + 1856 + 1857 + 1861 + 1872 + 1875 + 1879 + 1882 + 1885 + 1894 + 1896 + 1897 + 1899 + 190 + 1913 + 1923 + 202 + 2054 + 2055 + 2056 + 2057 + 2058 + 2059 + 2060 + 2061 + 2065 + 2066 + 2067 + 2110 + 2112 + 2117 + 2122 + 2127 + 2129 + 2812 + 2813 + 2815 + 2919 հաշիվների այն մնացորդները, որոնք բավարարում են Կանոնակարգ 2-ի հավելված 3-ի 6.19 կետի պահանջները 225% ռիսկի կշիռ ստանալու վերաբերյալ ●1221+1222+1223+1241+1242+1243+1258+1259+1521+1522+1523+1541+1542+1543+1848+1849 +2110+2112+2114+2117+2118+2119+2122+2124+2127+2128+2129+2130 հաշիվների այն մնացորդները, որոնք բավարարում են Կանոնակարգ 2-ի հավելված 3-ի 6.31-րդ կետի պահանջները 225% ռիսկի կշիռ ստանալու վերաբերյալ
20	20	Ակտիվների հնարավոր կորստի պահուստ	● 1701 + 1702 + 1951 + 1952 + 2071 + 2151 հաշիվների այն մնացորդները, որոնք ձևավորվել են 3-րդ էջի 19-րդ սյունակում ընդգրկված հաշիվների գծով

8) Կանոնակարգ 3-ի 6-րդ կետի Աղյուսակ 14-ի 4-րդ սյունակի 4-րդ տողը «1026» հաշվից հետո լրացնել «+1341` Կանոնակարգ 2-ի 34.2 կետի պահանջներին բավարարող մասով» բառերով:

9) Կանոնակարգ 3-ի 7-րդ կետը նախավերջին նախադասությունից հետո լրացնել նոր նախադասությամբ` հետևյալ բովանդակությամբ.

«25-ից 28-րդ սյունակների տողերում ներկայացվում են հաշվետու բանկի կողմից Կենտրոնական բանկից ներգրավված այն երկարաժամկետ ստորադաս փոխառությունները, որոնք ենթակա չեն պարտադիր պահուստավորման:»:

10) Կանոնակարգ 3-ի 9-րդ կետի 8-րդ պարբերությունը շարադրել հետևյալ խմբագրությամբ.

«8) «3. Ռեզիդենտներին տրված վարկեր, ավանդներ, ֆակտորինգ, լիզինգ, արժութային սվոփ, ռեպո համաձայնագրեր ըստ ճյուղերի» տողի ենթակետերում օգտագործված ճյուղային դասակարգումն իրականացված է համաձայն Հայաստանի Հանրապետության էկոնոմիկայի նախարարի 2009 թվականի հունիսի 3-ի թիվ 372-Ն հրամանով հաստատված «Տնտեսական գործունեության տեսակների Հայաստանի Հանրապետության դասակարգչի» երկրորդ խմբագրության (NACE rev.2): Հաշվետվության մեջ օգտագործված գործունեության հիմնական խմբերի (A,B…) տառերը և ենթախմբերի հերթական համարները համապատասխանում են դասակարգչում օգտագործված տառերին և համարներին:»:

11) Կանոնակարգ 3-ի 9-րդ կետը 8-րդ պարբերությունից հետո լրացնել նոր 9-31-րդ պարբերություններով` հետևյալ բովանդակությամբ.

«9) Հիմնական խմբերի մնացորդները կարող են մեծ կամ հավասար լինել յուրաքանչյուրի ենթախմբերի մնացորդների հանրագումարից, այսինքն` տվյալ հիմնական խմբի ենթախմբերում անհրաժեշտ գործունեության տեսակի բացակայության դեպքում այդ ճյուղին տրամադրված գումարների մնացորդն անհրաժեշտ է ներառել հիմնական խմբում:

10) Հաշվետվության A-R, ինչպես նաև «Տնտեսության այլ ճյուղեր» բաժիններում անհրաժեշտ է ներկայացնել տնտեսական գործունեություն իրականացնող սուբյեկտներին տրամադրած գումարները, իսկ «Հիպոթեքային վարկեր» և «Սպառողական վարկեր» բաժիններում ներկայացվում է ֆիզիկական անձանց վարկավորումը:

11) A. Գյուղատնտեսություն, անտառային տնտեսություն և ձկնորսություն. Այս խումբն ընդգրկում է բուսական և կենդանական բնական պաշարների շահագործումը: Բաժինը ներառում է մշակաբույսերի աճեցումը, անասնաբուծությունը, անտառային տնտեսությունը, այլ բույսերի և կենդանիների բուծումը գյուղացիական տնտեսություններում կամ բույսերի հավաքումը և կենդանիների որսը բնական միջավայրում:

12) B. Հանքագործական արդյունաբերություն և բացահանքերի շահագործում. Այս խումբը ներառում է բնության մեջ հանդիպող պինդ ապարների և հանքանյութերի արդյունահանումը բոլոր եղանակներով: Այս խումբը տարանջատված է երկու ենթախմբերի` «մետաղական հանքաքարի արդյունահանում», որը համապատասխանում է «Տնտեսական գործունեության տեսակների Հայաստանի Հանրապետության դասակարգչի» երկրորդ խմբագրության 05 խմբում ներառվող գործունեության տեսակներին և «շինանյութերի արդյունահանում», որում ներառվում են դասակարգչի 08 խմբում նկարագրված գործունեության տեսակները:

13) C. Մշակող արդյունաբերություն. Մշակող արդյունաբերության խմբում դասվող տնտեսական միավորներն իրականացնում են տնտեսության այլ ճյուղերի (գյուղատնտեսություն, հանքագործական արդյունաբերություն և այլն) կողմից արտադրվող արտադրանքի, նյութերի բաղադրիչների ձևափոխում, նորոգում, վերականգնում:

14) D. Էլեկտրականության, գազի, գոլորշու և լավորակ օդի մատակարարում. Տվյալ խմբում ներառվում է էլեկտրաէներգիայի, գազի, գոլորշու և լավորակ օդի մատակարարումը արդյունաբերական կազմակերպություններին և բնակելի զանգվածներին:

15) E. Ջրամատակարարում, կոյուղի, թափոնների կառավարում և վերամշակում. Այս խումբը ներառում է ջրամատակարարումը, կոյուղու, ջրահեռացման և պինդ և ոչ պինդ թափոնների հավաքման և վերամշակման հետ կապված գործունեությունը:

16) F. Շինարարություն. Այս խմբում ներառվում են նոր շինարարությունը, շինարարական օբյեկտների ընդլայնման կամ վերափոխման, նորոգման հետ կապված աշխատանքները, պատրաստի բլոկավոր կոնստրուկցիաներից շենքերի և ժամանակավոր շինությունների կանգնեցումը շինհրապարակներում:

17) G. Առևտուր. Այս խմբում ներառվում են ցանկացած ապրանքների մեծածախ և մանրածախ առևտուրը (ապրանքի վաճառք առանց ձևափոխման) և ապրանքների վաճառքին բնորոշ ծառայությունների մատուցումը:

18) H. Փոխադրումներ և պահեստային տնտեսություն. Այս խումբը ներառում է մարդատար և բեռնատար տրանսպորտային միջոցների գործունեությունը, խողովակաշարերով փոխադրումները, ուղևորների և բեռների տերմինալների շահագործումը, բեռների մշակումը, պահպանումը, ինչպես նաև փոստային ծառայությունները:

19) I. Կացության և հանրային սննդի կազմակերպում. Այս խումբը ներառում է կարճաժամկետ բնակության համար հաճախորդներին բնակատեղերի տրամադրման և/կամ տեղում սպառման նպատակով սննդամթերքի և խմիչքների պատրաստումը և վաճառքը (օրինակ` ռեստորաններ, սրճարաններ, հյուրանոցներ և այլն): Խմբում չեն ներառվում ամսական կամ տարեկան ժամկետներով բնակարանների վարձակալության տրամադրումը և կերակրատեսակների և խմիչքների պատրաստումը և վաճառքը, որոնք նախատեսված չեն տեղում սպառման համար:

20) J. Տեղեկատվություն և կապ. Այս խումբը ներառում է տեղեկատվության փոխանցման հաղորդակցման ուղիների, տեղեկատվական տեխնոլոգիաների բնագավառի գործունեությունը, տվյալների կամ այլ տեղեկատվության մշակման ծառայությունները:

21) K. Ֆինանսական և ապահովագրական գործունեություն. Այս խմբում ներառվում են առևտրային բանկերի, վարկային կազմակերպությունների, ապահովագրական ընկերությունների, ներդրումային ընկերությունների և այլ ֆինանսական կազմակերպությունների գործունեությունը (վճարահաշվարկային կազմակերպություններ, գրավատներ, արտարժույթի դիլերային-բրոքերային գործունեություն իրականացնողներ, այլ բրոքերային ու դիլերային գործունեություն իրականացնողներ, ապահովագրական միջնորդներ և այլն): Այս բաժնում չեն ներառվում Կենտրոնական բանկի հետ իրականացված գործառնությունները:

22) L. Անշարժ գույքի հետ կապված գործունեություն. Այս խումբը ներառում է անշարժ գույքի առք և վաճառքը, վարձակալության տրամադրումը, գնահատումը:

23) M. Մասնագիտական, գիտական և տեխնիկական գործունեություն. Այս խումբը ներառում է համապատասխան մասնագիտական որակավորման, գիտելիքների և հմտությունների օգնությամբ սպառողներին ծառայությունների մատուցումը, վերլուծական և հետազոտական աշխատանքների իրականացումը:

24) P. Կրթություն. Այս խումբը ներառում է տարբեր մակարդակների կրթություն և ցանկացած մասնագիտական ուսուցում:

25) Q. Առողջապահություն. Այս խումբը ներառում է առողջապահական բնագավառում գործունեությունը և ծառայությունների մատուցումը:

26) R. Մշակույթ, զվարճություն, հանգիստ. Այս խումբը ներառում է մշակույթի, սպորտի, հանգստի և զվարճությունների բնագավառում հասարակությանը մատուցվող ծառայությունները:

27) Տնտեսության այլ ճյուղեր. Այս խմբում արտացոլվում են տնտեսության այն ճյուղերը և գործունեության տեսակները, որոնք ներառված չեն A-R խմբերում, ինչպես նաև «Տնտեսական գործունեության տեսակների Հայաստանի Հանրապետության դասակարգչի» երկրորդ խմբագրության 32.1 և 79 բաժիններում ընդգրկված գործունեության տեսակները:

28) Հիպոթեքային վարկեր. Այս խմբում ներառվում են ֆիզիկական անձ հաճախորդներին տրամադրվող հիպոթեքային վարկերը` անշարժ գույքի ձեռքբերման և վերանորոգման նպատակով, որոնք ապահովված են տվյալ անշարժ գույքով:

29) Սպառողական վարկեր. Այս խմբում ներառվում են տնային տնտեսություններին տրամադրվող սպառողական և այն վարկերը, որոնք տրամադրվել են վճարային քարտերի միջոցով: Այդ վարկերն այս խմբի մեջ կարող են ներառվել, եթե դրանք օգտագործվում են սպառողական ծախսերի ֆինանսավորման համար, այդ թվում` ապրանքների ապառիկ վաճառքի վարկավորումը:

30) Սույն հաշվետվության իմաստով վարկերի դասակարգումը որևէ ճյուղի մեջ անհրաժեշտ է իրականացնել ելնելով տրամադրվող վարկի օգտագործման նպատակից: Մասնավոր դեպքերում, երբ վարկի օգտագործման նպատակը հնարավոր չէ վերագրել որևէ ճյուղի, անհրաժեշտ է տվյալ վարկը դասակարգել` հիմնվելով վարկառու տնտեսվարող սուբյեկտի գործունեության տեսակի վրա: Այն դեպքում, երբ սուբյեկտի գործունեությունը կապված է տնտեսության մի քանի ճյուղերի հետ, անհրաժեշտ է վարկի դասակարգումն իրականացնել հիմնվելով տվյալ սուբյեկտի գործունեության հիմնական տեսակի վրա` ըստ շրջանառության ծավալում ունեցած կշիռների:

31) «3. Ռեզիդենտներին տրված վարկեր, ավանդներ, ֆակտորինգ, լիզինգ, արժութային սվոփ, ռեպո համաձայնագրեր ըստ ճյուղերի» տողի ենթակետերը լրացվում են համաձայն պայմանագրերում նշված սկզբնական ժամկետների` գումարած երկարաձգված և ժամկետանց օրերը: Եթե ակտիվը տրամադրվել է 150 օր սկզբնական ժամկետով, գումարը գրանցվում է «91-ից 180 օր» սյունակում: Եթե տվյալ ակտիվը երկարաձգվում է 180 օրով, գումարը տեղափոխվում է «271 օրից 1 տարի» սյունակ, իսկ 40 օր ժամկետանց դառնալու դեպքում` «1-ից 5 տարի» սյունակ: Երկարաձգված օրերի հաշվարկը կատարվում է հաշվետվության «1. Ընդամենը վարկեր, ավանդներ, ֆակտորինգ, լիզինգ, արժութային սվոփ, ռեպո համաձայնագրեր» մասի երկարաձգված տողի լրացման սկզբունքի համաձայն: Ընդ որում, «3. Ռեզիդենտներին տրված վարկեր, ավանդներ, ֆակտորինգ, լիզինգ, արժութային սվոփ, ռեպո համաձայնագրեր ըստ ճյուղերի» տողում լրացվում են միայն վերջին երկու սյունակները (ընդամենը):»:

12) Կանոնակարգ 3-ի 9-րդ կետի Աղյուսակ 18-ի 9-13-րդ տողերը շարադրել հետևյալ խմբագրությամբ.

8	A. B. C. D. E. F. G. H. I. J. L. M. P. Q. R. 32.1 79	Ռեզիդենտներին տրված վարկեր, ավանդներ, ֆակտորինգ, լիզինգ, արժութային սվոփ, ռեպո համաձայնագրեր գյուղատնտեսության, անտառային տնտեսության և ձկնորսության, հանքագործական արդյունաբերության և բացահանքերի շահագործման, մշակող արդյունաբերության, էլեկտրականության, գազի, գոլորշու և լավորակ օդի մատակարարման, ջրամատակարարման, կոյուղու, թափոնների կառավարման և վերամշակման, շինարարության, առևտրի, փոխադրումների և պահեստային տնտեսության, կեցության և հանրային սննդի կազմակերպման, տեղեկատվության և կապի, անշարժ գույքի հետ կապված գործունեության, մասնագիտական, գիտական և տեխնիկական գործունեության, կրթության, առողջապահության, մշակույթի, զվարճության, հանգստի և տնտեսության այլ ճյուղերի մասով	բոլորը	1263 + 1264 + 1265 + 1266 + 1267 + 1421 + 1422 + 1431 + 1451 + 1553 + 1554 + 1555 + 1556 + 1557 + 1611 + 1612 + 1617 + 1618 + 1623 + 1624 + 1631 + 1632 + 1633 + 1637 + 1638 + 1639 + 1643 + 1644 + 1645 + 1651 + 1655 + 1659 + 1671 + 1673 + 1675 (ընդգծված հաշիվները ներառվում են բանկի ռեզիդենտ աշխատակիցների մասով) + 1681 + 1685 + 1689 + 1855 + 1856 + 1857 + 1859 + 1861 + 2057 + 2058 + 2059 + 2060 + 2062 + 2063 + 2065 + 2066 + 2813 + 2815 + 2816 (ընդգծված հաշիվները ներառվում են 3.1, 3.2, 3.3, 3.4, 3.5, 3.6 և 3.10 կետերում նշված ոլորտներում ռեզիդենտներին վերաբերող մասերով)
9	K.	Ֆինանսական հատված	բոլորը	1261 + 1262 + 1321 + 1323 + 1331 + 1333 + 1341 + 1345 + 1361 + 1365 + 1413 + 1417 + 1443 + 1447 + 1451 + 1551 + 1552 + 1557 + 1612 + 1618 + 1625 + 1632 + 1638 + 1644 + 1681 + 1685 + 1689 + 1693 (ռեզիդենտ ֆինանսական կազմակերպությունների մասով) + 1851 + 1853 + 1861 + 2051 + 2052 + 2054 + 2055 + 2065 + 2066 + 2811 + 2812 + 1813 (ընդգրկված հաշիվները ներառվում են ռեզիդենտ բանկերի, վարկային կազմակերպությունների, ապահովագրական ընկերությունների, գրավատների, արտարժույթի դիլերային-բրոքերային գործունեություն իրականացնողների և այլ բրոքերային ու դիլերային կազմակերպությունների և անհատ ձեռնարկատերերի մասով)
10		այդ թվում` առևտրային բանկեր	բոլորը	1261 + 1321 + 1323 + 1331 + 1333 + 1341 + 1345 + 1413 + 1443 + 1551 + 1693 (ռեզիդենտ բանկերի մասով)+ 1851 + 2051 + 2052 + 2811 (ընդգրկված հաշիվները ներառվում են ռեզիդենտ բանկերի մասով)
11		սպառողական վարկեր	բոլորը	1611 + 1617 + 1623 + (1671 + 1673 + 1675) (բանկի ռեզիդենտ աշխատակիցների մասով) + (1681+ 1685 + 1689) (ֆիզիկական անձանց մասով) (սույն կետում ընդգրկված հաշիվները ներառվում են սպառողական վարկերի մասով)
12		հիփոթեքային վարկեր	բոլորը	1611 + 1617 + 1623 + (1671 + 1673 + 1675) (բանկի ռեզիդենտ աշխատակիցների մասով) + (1681+ 1685 + 1689) (ֆիզիկական անձանց մասով) (սույն կետում ընդգրկված հաշիվները ներառվում են հիփոթեքային (բնակարանային) վարկերի մասով)

13) Կանոնակարգ 3-ի 9-րդ կետի Աղյուսակ 18-ին հաջորդող պարբերությունում «քանակները,», «հանրագումարները,» և «պահուստները» բառերից հետո լրացնել «ըստ համապատասխան արժույթների» բառերը:

14) Կանոնակարգ 3-ի 9-րդ կետի Աղյուսակ 20-ին հաջորդող պարբերությունը երկրորդ նախադասությունից հետո լրացնել նոր նախադասությամբ` հետևյալ բովանդակությամբ.

«Սույն հաշվետվության իմաստով չաշխատող ակտիվների մեջ են ներառվում հսկվող, ոչ ստանդարտ, կասկածելի դասակարգված վարկերը, ավանդները, թղթակցային հաշիվները, ֆակտորինգը, լիզինգը և այլ դեբիտորական պարտքերը, ընդ որում, «Չաշխատող ակտիվներ /ամսվա վերջին/» սյան «ՀՀ դրամ» և «արտարժույթ» սյունակների «ընդամենը» տողի հանրագումարը պետք է հավասար լինի հաշվետվության առաջին էջի երկրորդ աղյուսակի «Վարկեր» և «Դեբիտորական պարտքեր» բաժինների հսկվող, ոչ ստանդարտ, կասկածելի դասակարգված ակտիվների հանրագումարին:»:

15) Կանոնակարգ 3-ի 9-րդ կետի վերջին պարբերության առաջին և երկրորդ նախադասությունները հանել:

16) Կանոնակարգ 3-ի 9-րդ կետի Աղյուսակ 21-ը շարադրել հետևյալ խմբագրությամբ.

Աղյուսակ 21

Չաշխատող և հետհաշվեկշիռ դուրս գրված ակտիվներ

17) Կանոնակարգ 3-ի 12-րդ կետի Աղյուսակ 29-ի 7-րդ տողը «+1881» բառերից հետո լրացնել «+1895» բառերով:

18) Կանոնակարգ 3-ի 12-րդ կետի Աղյուսակ 29-ի 21-րդ տողը «-1894» բառերից հետո լրացնել «-1895» բառերով:

19) Կանոնակարգ 3-ի 14-րդ կետի Աղյուսակ 31-ի 11-14-րդ տողերը շարադրել հետևյալ խմբագրությամբ.

20) Կանոնակարգ 3-ի 14-րդ կետի Աղյուսակ 31-ը լրացնել նոր 15-րդ տողով` հետևյալ բովանդակությամբ.

21) Կանոնակարգ 3-ի 21-րդ կետում ««3/1/1/1» կոդի տակ» բառերը փոխարինել ««3/1/1/1» և (կամ) «3/1/1/2» կոդերի տակ» բառերով:

22) Կանոնակարգ 3-ի 21-րդ կետի 7-րդ պարբերությունում «SWAP տեսակի» բառերը փոխարինել «ածանցյալ» բառով, իսկ 9-րդ պարբերությունում «SWAP տիպի գործարք» բառերը փոխարինել «ածանցյալ գործառնություն» բառերով:

23) Կանոնակարգ 3-ի 30.1-րդ կետը շարադրել հետևյալ խմբագրությամբ.

«30.1. Թիվ 33 հաշվետվությունը (տարեկան) ներառում է հաշվետու ժամանակաշրջանում բանկի կողմից վճարված և վճարման ենթակա հերթական տարեկան պետական տուրքի վերաբերյալ տեղեկատվություն: Հաշվետվությանը կից Կենտրոնական բանկ են ներկայացվում հաշվետու ժամանակաշրջանի ընթացքում վճարված հերթական տարեկան պետական տուրքի, ինչպես նաև, դրա վճարումն ուշացնելու համար վճարված տույժի (առկայության դեպքում) վճարումը հավաստող փաստաթղթերի (պետական տուրքի անդորրագիր, վճարման հանձնարարական և այլն) սքան արված տարբերակները:

Հաշվետվության ներկայացման հաշվետու ժամանակաշրջան է համարվում լիցենզիայի տրամադրման օրվանից մինչև յուրաքանչյուր հաջորդ տարվա նույն օրն ընկած ժամանակահատվածը:

Թիվ 33 հաշվետվության սյունակները լրացվում են հետևյալ կերպ.

1. «Լիցենզիայի տրամադրման ամսաթիվը» սյունակում նշվում է բանկային գործունեության իրականացման համար Կենտրոնական բանկի կողմից լիցենզիայի տրամադրման ամսաթիվը: Լիցենզիայի տրամադրման ամսաթիվը նշվում է հետևյալ ֆորմատով` օր.ամիս.տարի (օրինակ` 15.04.2003):

2. «Վճարված պետական տուրքի գումարը» սյունակում նշվում է հաշվետու ժամանակաշրջանի ընթացքում հերթական տարեկան պետական տուրքի գծով վճարված գումարը (առանց տույժերի գումարի): Հաշվետու ժամանակաշրջանի ընթացքում բանկի կողմից կատարված առանձին վճարումները պետք է արտացոլել առանձին տողերով, բացառությամբ նույն օրվա ընթացքում նույն ժամանակաշրջանի համար պետական տուրքի գծով կատարված մեկից ավելի վճարումների, որոնք նշված սյունակում լրացվում են մեկ թվով:

3. «Ժամկետանց օրերի համար վճարված տույժի չափը» սյունակում լրացվում է հերթական տարեկան պետական տուրքի վճարումը Հայաստանի Հանրապետության օրենսդրության սահմանված ժամկետներում ամբողջությամբ կամ մասնակի չկատարելու համար հաշվետու ժամանակաշրջանում վճարված տույժի չափը: Հաշվետու ժամանակաշրջանում բանկի կողմից տույժերի գծով կատարված առանձին վճարումները պետք է արտացոլել առանձին տողերով (բացառությամբ նույն օրվա ընթացքում տույժերի գծով կատարված մեկից ավելի վճարումների, որոնք նշված սյունակում լրացվում են մեկ թվով)` յուրաքանչյուր վճարված տույժի համար լրացնելով միայն «Վճարման ամսաթիվը», «Հաշվի համարը» և «Ժամկետանց պարտավորության ամբողջ գումարը» սյունակները:

4. «Վճարման ամսաթիվը» սյունակում նշվում է հաշվետու ժամանակաշրջանում վճարված պետական տուրքի կամ տույժերի վճարման ամսաթիվը: Այն դեպքում, երբ պետական տուրքի և տույժերի վճարման ամսաթվերը համընկնում են, այդ գումարները լրացվում են նույն տողի վրա, հակառակ դեպքում լրացվում են առանձին տողերով` յուրաքանչյուր վճարված գումարի համար նշելով համապատասխան վճարման ամսաթիվը: Վճարման ամսաթիվը նշվում է հետևյալ ֆորմատով` օր.ամիս.տարի (օրինակ` 15.04.2003):

5. «Ժամանակաշրջանը» սյունակում նշվում է այն ժամանակաշրջանի սկիզբը և վերջը, որի համար վճարվել է «Վճարված պետական տուրքի գումարը» սյունակում նշված գումարը: Ժամանակաշրջանի սկիզբը և վերջը նշվում է հետևյալ ֆորմատով` օր.ամիս.տարի (օրինակ` 15.04.2003): Օրինակ, եթե բանկային գործունեության լիցենզիան ստացվել է 11.08.2003թ. և բանկը կատարել է հերթական տարեկան պետական տուրքի վճարում 01.07.2008թ.` հաջորդ տարվա համար, ապա «Ժամանակաշրջան» սյունակի «սկիզբ» մասում կնշվի 11.08.2008, իսկ «վերջ» մասում` 11.08.2009: Այն դեպքում, երբ բանկը մեկ վճարումով իրականացնում է պետական տուրքի վճարում տարբեր ժամանակաշրջանների համար, ապա դրանք պետք է արտացոլել առանձին տողերով` վճարված գումարի յուրաքանչյուր մասի համար լրացնելով վճարման համապատասխան ժամանակաշրջանը:

6. «Հաշվի համարը» սյունակում լրացվում է Հայաստանի Հանրապետության բյուջեի համապատասխան հաշվի համարը, որին կատարվել է «Վճարված պետական տուրքի գումարը» և (կամ) «Ժամկետանց օրերի համար վճարված տույժի չափը» սյունակում նշված գումարների վճարումը:

7. «Ժամկետանց պարտավորության ամբողջ գումարը» սյունակում լրացվում է «Վճարման ամսաթիվը» սյունակում նշված օրվա վերջի դրությամբ տարեկան պետական տուրքի գծով վճարման ենթակա գումարի ժամկետանց մասի և վճարման ենթակա տույժերի հանրագումարը:

8. «Մնացորդը հաշվետու ժամանակաշրջանի վերջի դրությամբ» տողը լրացվում է միայն «Ժամկետանց պարտավորության ամբողջ գումարը» սյունակի համար, որտեղ նշվում է հաշվետու ժամանակաշրջանի վերջին օրվա դրությամբ պետական տուրքի գումարի ժամկետանց մասի և վճարման ենթակա տույժերի հանրագումարը:»:

24) Կանոնակարգ 3-ի 32-րդ կետի առաջին նախադասությունը շարադրել հետևյալ խմբագրությամբ.

«Սույն կանոնակարգի 2-րդ կետում ընդգրկված աղյուսակի թիվ 32 հաշվետվությունը ներկայացվում է միայն այն բանկերի կողմից, որոնք ներդրումային ծառայություններ մատուցող անձ չեն հանդիսանում, բացառությամբ թիվ 32 հաշվետվության 3-րդ աղյուսակի և 5-րդ աղյուսակում ներկայացվող հաշվեկշռում արտացոլվող արժութային սվոփ գործարքների, որոնք պարտադիր ներկայացվում են բոլոր բանկերի կողմից:»:

25) Կանոնակարգ 3-ի 32-րդ կետի 1-ին պարբերությունը 6)-րդ ենթակետից հետո լրացնել նոր 7)-րդ ենթակետով` հետևյալ բովանդակությամբ.

«7) մարման գործարքների համար:»:

26) Կանոնակարգ 3-ի 32-րդ կետի 2-րդ պարբերությունը շարադրել հետևյալ խմբագրությամբ.

«Սույն կետով նախատեսված հաշվետվությունում լրացվում են հաշվետվության ներկայացման օրվան նախորդող օրվա ժամը 16:00-ից մինչև հաշվետվության ներկայացման օրվա ժամը 16:00-ը արժեթղթերի երկրորդային շուկայում հաշվետու անձի կողմից արժեթղթերով կնքված գործարքների և (կամ) արդեն կնքված գործարքների պայմաններում փոփոխությունների (այսուհետ` փոփոխված գործարքներ) վերաբերյալ տեղեկությունները (անկախ տվյալ գործարքի մարման ժամկետից): Ընդ որում, սույն հաշվետվության իմաստով գործարքների պայմաններում փոփոխություններ են համարվում սույն հաշվետվության 2-րդ, 4-րդ, 5-րդ և 6-րդ աղյուսակներում տվյալ գործարքի վերաբերյալ նախկինում ներկայացված տեղեկությունների փոփոխությունները: Փոփոխված գործարքների վերաբերյալ տեղեկությունները լրացնելիս սույն հաշվետվության աղյուսակներում լրացվում են ինչպես բոլոր փոփոխված տեղեկությունները (բացառությամբ «Գործարքի կնքման ամսաթիվը» և «Գործարքի նույնականացուցիչ համարը» սյունակների, որտեղ լրացվում են սկզբնական գործարքի համապատասխանաբար «Գործարքի կնքման ամսաթիվը» և «Գործարքի նույնականացուցիչ համարը»), այնպես էլ այն տեղեկությունները, որոնք չեն փոփոխվել: Ընդ որում, սույն հաշվետվությունում գործարքները լրացվում են այն արժույթով, որով կնքվել են գործարքները:»:

27) Կանոնակարգ 3-ի 32-րդ կետը 2-րդ պարբերությունից հետո լրացնել նոր նախադասությամբ` հետևյալ բովանդակությամբ.

«Թիվ 32 հաշվետվության մեջ բոլոր թվերը ներկայացվում են ստորակետից հետո 5 նիշի ճշտությամբ:»:

28) Կանոնակարգ 3-ի 32-րդ կետի 3-րդ պարբերությունում`

ա. 5-րդ ենթակետից հանել «` ստորակետից հետո 4 նիշի ճշտությամբ» բառերը, և 5-րդ ենթակետը երկրորդ նախադասությունից հետո լրացնել նոր նախադասությամբ` հետևյալ բովանդակությամբ. «Ընդ որում, տարեկան եկամտաբերությունը հաշվարկվում է գործարքի կնքման (գործարքի պայմանների փոփոխության) օրվա դրությամբ:»,

բ. 6-րդ ենթակետը շարադրել հետևյալ խմբագրությամբ.

«6) «Գործարքի կնքման ամսաթիվը» սյունակում լրացվում է առաջնային գործարքի կնքման ամսաթիվը:»,

գ. 7-րդ ենթակետը շարադրել հետևյալ խմբագրությամբ.

«7) «Փոփոխված գործարքի ամսաթիվը» սյունակը լրացվում է միայն փոփոխված գործարքների լրացման դեպքում, որտեղ լրացվում է նախկինում կնքված գործարքի պայմաններում փոփոխություն իրականացնելու մասին ցանկացած ձևով համաձայնություն ձեռքբերելու ամսաթիվը` անկախ այդ համաձայնության ուժի մեջ մտնելու ժամկետից:»,

դ. 9.4-րդ ենթակետը շարադրել հետևյալ խմբագրությամբ.

«9.4) «Գործարքի բնույթը» սյունակում նշվում է «նոր կնքված», «երկարաձգված», «կրճատված» կամ «այլ»: Ընդ որում, նոր գործարք կնքվելու դեպքում նշվում է «նոր կնքված», արդեն կնքված գործարքների գործողության ժամկետի կրճատման դեպքում (անկախ այն հանգամանքից այլ պայմաններ փոխվել են, թե ոչ)` «կրճատված», երկարաձգման դեպքում (անկախ այն հանգամանքից այլ պայմաններ փոխվել են, թե ոչ)` «երկարաձգված», իսկ արդեն կնքված գործարքների այլ պայմանների փոփոխության դեպքում, որոնց դեպքում գործարքի գործողության ժամկետի փոփոխություն տեղի չի ունեցել, նշվում է «այլ»:»,

ե. 9.5-րդ ենթակետի առաջին և երկրորդ նախադասությունները հանել,

զ. 9.7-րդ ենթակետը շարադրել հետևյալ խմբագրությամբ.

«9.7) «Գործարքի մյուս կողմը» սյունակում լրացվում է գործարքի մյուս կողմ հանդիսացող անձին Հայաստանի Հանրապետության կենտրոնական բանկի կողմից շնորհված կոդը, դրա բացակայության դեպքում նշվում է այդ կողմի ռեզիդենտությունը` կատարելով «ռեզիդենտ» կամ «ոչ ռեզիդենտ» նշումը: Ընդ որում, եթե գործարքի մյուս կողմ հանդիսացող ներդրումային ծառայություններ մատուցող անձը գործարքը կնքել է հաճախորդի հաշվին, ապա գործարքի մյուս կողմ է համարվում ոչ թե տվյալ հաճախորդը, այլ այդ հաճախորդի հաշվին գործարք կնքող ներդրումային ծառայություններ մատուցող անձը: Հայաստանի Հանրապետության կառավարության (այդ թվում` ի դեմս Հայաստանի Հանրապետության ֆինանսների նախարարության) կամ Հայաստանի Հանրապետության կենտրոնական բանկի կողմից թողարկված պարտատոմսերի տեղաբաշխման աճուրդների դեպքում ձեռքբերված պարտատոմսերի մասին տեղեկությունները լրացնելիս սույն սյունակում լրացվում է Հայաստանի Հանրապետության ֆինանսների նախարարության կամ Հայաստանի Հանրապետության կենտրոնական բանկի կոդը` կախված թողարկողից: Սույն սյունակը կարգավորվող շուկայի օպերատորի կողմից կազմակերպված շուկաներում կնքված գործարքների դեպքում չի լրացվում, բացառությամբ հասցեական գործարքների: Սույն հաշվետվության իմաստով, հասցեական գործարքները կարգավորվող շուկայի օպերատորի կողմից կազմակերպված շուկաներում առևտրի մասնակիցների կողմից իրենց հայտնի այլ առևտրի մասնակիցներին ուղղված առաջարկների (հայտերի) հիման վրա կնքվող գործարքներն են:»:

29) Կանոնակարգ 3-ի 32-րդ կետի 6-րդ պարբերությունը «կնքված» բառից հետո լրացնել «և (կամ) փոփոխված» բառերով:

30) Կանոնակարգ 3-ի 32-րդ կետի 7-րդ պարբերության 3)-րդ ենթակետը հանել:

31) Կանոնակարգ 3-ի 32-րդ կետի 7-րդ պարբերության 5)-րդ ենթակետում «հաշվարկվում է որպես միավոր գնի և քանակի արտադրյալ: Ընդ որում` ծավալային արժեթղթերով ռեպո (հակադարձ ռեպո) գործարքների կնքման դեպքում» բառերը փոխարինել «սյունակում» բառով:

32) Կանոնակարգ 3-ի 32-րդ կետի 7-րդ պարբերության 6)-րդ ենթակետից հանել «` ստորակետից հետո 2 նիշի ճշտությամբ» բառերը:

33) Կանոնակարգ 3-ի 32-րդ կետի նախավերջին պարբերությունը շարադրել հետևյալ խմբագրությամբ.

«Թիվ 32 հաշվետվության 4-րդ, 5-րդ և 6-րդ աղյուսակների սյունակները լրացվում են հետևյալ լրացման կանոններին համապատասխան.

1) «Վճարվող տոկոսադրույքի վճարման պարբերականությունը» սյունակում լրացվում է բանկի կողմից վճարվող տոկոսադրույքի պարբերականությունը (մասնավորապես` օրական, շաբաթական, ամսական, տարեկան և այլն):

2) «Ստացվող տոկոսադրույքի վճարման պարբերականությունը» սյունակում լրացվում է բանկին վճարվող տոկոսադրույքի պարբերականությունը (մասնավորապես` օրական, շաբաթական, ամսական, տարեկան և այլն):

3) «Գործարքի տեսակը (ներգրավման սվոփ/տրամադրման սվոփ)» սյունակում սվոփի հիմքում ընկած արժույթի ներգրավման դեպքում լրացվում է «ներգրավման սվոփ», իսկ սվոփի հիմքում ընկած արժույթի տրամադրման դեպքում` «տրամադրման սվոփ»:

4) «Սփոթ գործարքի ընթացքում փոխանակվող արժույթների ծավալը» սյունակի «Սվոփի հիմքում ընկած արժույթի ծավալը» ենթասյունակում լրացվում է սփոթ գործարքի ընթացքում սվոփի հիմքում ընկած արժույթի ընդհանուր գումարը (արտահայտված սվոփի հիմքում ընկած արժույթով), իսկ «Գործարքի արժույթի ընդհանուր ծավալը» ենթասյունակում` սվոփի հիմքում ընկած արժույթի դիմաց տրամադրվող (ստացվող) արժույթի ընդհանուր գումարը (արտահայտված գործարքի արժույթով):

5) «Ֆորվարդ գործարքի ընթացքում փոխանակվող արժույթների ծավալը» սյունակի «Սվոփի հիմքում ընկած արժույթի ծավալը» ենթասյունակում լրացվում է ֆորվարդ գործարքի ընթացքում սվոփի հիմքում ընկած արժույթի ընդհանուր գումարը (արտահայտված սվոփի հիմքում ընկած արժույթով), իսկ «Գործարքի արժույթի ընդհանուր ծավալը» ենթասյունակում` սվոփի հիմքում ընկած արժույթի դիմաց տրամադրվող (ստացվող) արժույթի ընդհանուր գումարը (արտահայտված գործարքի արժույթով):

6) «Սփոթ գործարքի վերջնահաշվարկի իրականացման ամսաթիվ» սյունակում լրացվում է սփոթ գործարքի փաստացի իրականացման ամսաթիվը:

7) «Ֆորվարդի վերջնահաշվարկի իրականացման ամսաթիվ» սյունակում լրացվում է ֆորվարդ գործարքի փաստացի իրականացման ամսաթիվը:»:

34) Կանոնակարգ 3-ի 32-րդ կետի վերջին պարբերությունը առաջին նախադասությունից հետո լրացնել նոր նախադասությամբ` հետևյալ բովանդակությամբ.

«32-րդ կետի 3-րդ պարբերության 9.5-րդ կետով սահմանված կարգով սվոփի հիմքում ընկած արժույթը որոշելիս երկու արժույթների ծավալների հարաբերության որոշման համար հիմք է ընդունվում սփոթ գործարքի ընթացքում փոխանակվող արժույթների ծավալները:»:

35) Կանոնակարգ 3-ի Թիվ 4 հաշվետվությունը շարադրել նոր խմբագրությամբ` համաձայն Հավելված 1-ի (կցվում է):

36) Կանոնակարգ 3-ի Թիվ 6 հաշվետվության «I. Վարկային ներդրումներ, ավանդներ, լիզինգ, ֆակտորինգ, արժութային սվոպ և ռեպո համաձայնագրեր ըստ ժամկետների», «II Վարկերի, դեբիտորական պարտքերի և վարկային ռիսկ պարունակող հետհաշվեկշռային հոդվածների դիմաց հաշվարկված պահուստների չափը» և «IV. Չաշխատող և հետհաշվեկշիռ դուրս գրված ակտիվներ» աղյուսակները շարադրել նոր խմբագրությամբ` համաձայն Հավելված 2-ի (կցվում է):

37) Կանոնակարգ 3-ի Թիվ 11 հաշվետվությունը շարադրել նոր խմբագրությամբ` համաձայն Հավելված 3-ի (կցվում է):

38) Կանոնակարգ 3-ի Թիվ 32 հաշվետվության Աղյուսակ 3-ում հանել «Գործարքի ունիկալ կոդը» սյունակը:

39) Կանոնակարգ 3-ի Թիվ 32 հաշվետվության վերնագիրը շարադրել հետևյալ խմբագրությամբ.

«Հաշվետվություն արժեթղթերի երկրորդային շուկայում իրականացված գործառնությունների և միջբանկային վարկերի վերաբերյալ»:

40) Կանոնակարգ 3-ի Թիվ 32 հաշվետվության Աղյուսակ 1-ից հանել «Գործարքի կատարման ամսաթիվը» սյունակը:

41) Կանոնակարգ 3-ի Թիվ 32 հաշվետվության Աղյուսակ 2-ում՝

ա. «Ռեպո գործարքի բնույթը» բառերը փոխարինել «Գործարքի բնույթը» բառերով,

բ. հանել «Գործարքի ունիկալ կոդը», «Միավոր արժեթղթի գինը» և «Արժեթղթի տարեկան եկամտաբերությունը» սյունակները,

գ. «Գործարքի կնքման ամսաթիվը» վերնագրով սյունակը փոխարինել «Փոփոխված գործարքի ամսաթիվը» վերնագրով սյունակով:

42) Կանոնակարգ 3-ի Թիվ 32 հաշվետվության Աղյուսակ 6-ում՝

ա. «Գործարքի ունիկալ կոդը» վերնագրով սյունակը փոխարինել «Գործարքի բնույթը» վերնագրով սյունակով,

բ. «Գործարքի կնքման ամսաթիվը» սյունակից հետո լրացնել նոր սյունակով` «Փոփոխված գործարքի ամսաթիվը» վերնագրով:

43) Կանոնակարգ 3-ի Թիվ 32 հաշվետվության «Իր կամ հաճախորդի անունից և հաճախորդի հաշվին (իր հաշվին և իր անունից) փոխարժեքային սվոփ գործարքների կնքման վերաբերյալ» Աղյուսակ 4-ը շարադրել նոր խմբագրությամբ` համաձայն Հավելված 4-ի (կցվում է):

44) Կանոնակարգ 3-ի Թիվ 32 հաշվետվության «Իր կամ հաճախորդի անունից և հաճախորդի հաշվին (իր հաշվին և իր անունից) արժութային սվոփ գործարքների կնքման վերաբերյալ» Աղյուսակ 5-ը շարադրել նոր խմբագրությամբ` համաձայն Հավելված 5-ի (կցվում է):

45) Կանոնակարգ 3-ի Թիվ 33-րդ հաշվետվությունը շարադրել նոր խմբագրությամբ` համաձայն Հավելված 6-ի (կցվում է):

2. Սույն որոշումն ուժի մեջ է մտնում 2011 թվականի մարտի 1-ին, բացառությամբ սույն որոշման 1-ին կետի 10-16-րդ և 36-րդ ենթակետերի, որոնք ուժի մեջ են մտնում 2011 թվականի հուլիսի 1-ին: