Գլխավոր տեղեկություն
Համար
N 284-Ն
Տիպ
Որոշում
Ակտի տիպ
Base act (07.04.2011-մինչ օրս)
Կարգավիճակ
Գործում է
Սկզբնաղբյուր
ՀՀՊՏ 2011.04.06/19(822) Հոդ.371
Ընդունող մարմին
ՀՀ կառավարություն
Ընդունման ամսաթիվ
24.03.2011
Ստորագրող մարմին
ՀՀ վարչապետ
Ստորագրման ամսաթիվ
28.03.2011
Ուժի մեջ մտնելու ամսաթիվ
07.04.2011

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

24 մարտի 2011 թվականի N 284-Ն

 

ԳՆՄԱՆ ԳՈՐԾԸՆԹԱՑ ԿԱԶՄԱԿԵՐՊԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Սահմանել, որ «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքով հաստատված բյուջետային ծախսերի գործառական դասակարգման 04 բաժնի 02 խմբի 01 դասի 04 ծրագրի շրջանակներում բույսերի պաշտպանության միջոցառումներ իրականացնելու համար անհրաժեշտ ծառայությունների և ապրանքների ձեռքբերումը` մկնանման կրծողների դեմ պայքարի միջոցառումների համար անհրաժեշտ հատուկ նպատակային ապրանքների և մասնագիտական ծառայությունների մասով, իրականացվում է Հայաստանի Հանրապետության գյուղատնտեսության նախարարության կողմից «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված բանակցային ընթացակարգով` նշված ապրանքների և ծառայությունների ամբողջ ծավալով ձեռքբերման վերջնաժամկետը սահմանելով 2011 թվականի մայիսի 10-ը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

 Տ. Սարգսյան


 2011 թ. մարտի 28
Երևան