«Գրանցված է»

ՀՀ արդարադատության

նախարարության կողմից

24 մարտի 2011 թ.

Պետական գրանցման թիվ 05011155

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

1 մարտի 2011 թ.

թիվ 45-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2010 ԹՎԱԿԱՆԻ ՀՈՒՆԻՍԻ 29-Ի ԹԻՎ 150-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքի 30-րդ հոդվածի 2-րդ մասը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2010 թվականի հունիսի 29-ի ««Հայաստանի ավտոապահովագրողների բյուրո» իրավաբանական անձանց միության կողմից Հայաստանի Հանրապետության կենտրոնական բանկ ներկայացվող հաշվետվությունների ձևերը, բովանդակությունը, ներկայացման կարգն ու ժամկետները» թիվ 150-Ն որոշմամբ հաստատված Հավելվածում (այսուհետ` Հավելված) կատարել հետևյալ փոփոխությունները և լրացումները.

1) Հավելվածի 3-րդ կետը լրացնել 3-րդ ենթակետով` հետևյալ բովանդակությամբ.

«3) տեղում ստուգումների արդյունքների ամփոփման հիման վրա կազմվող ստուգման հաշվետվությունները և դրանց վերաբերյալ առարկությունների ու բացատրությունների պատճենները»:

2) Հավելվածի 4-րդ կետի աղյուսակը լրացնել 6-րդ կետով` հետևյալ բովանդակությամբ.

6.

Հաշվետվություն Բյուրոյի կողմից հայտնաբերված խախտումների և կիրառված պատասխանատվության միջոցների վերաբերյալ (համաձայն Հավելված 6-ի)

6

եռամսյակային

3) Հավելվածի 6-րդ կետը լրացնել նոր նախադասությամբ` հետևյալ բովանդակությամբ. «Ստուգման հաշվետվությունների և դրանց վերաբերյալ առարկությունների ու բացատրությունների պատճենները Կենտրոնական բանկ են ներկայացվում ստորագրված բնօրինակները ապահովագրական ընկերություններից ստանալուց հետո երեք աշխատանքային օրվա ընթացքում:»:

4) Հավելվածը լրացնել 6.1-րդ կետով` հետևյալ բովանդակությամբ.

«6.1. Թիվ 6 հաշվետվությունում լրացվում է տեղեկատվություն Բյուրոյին անդամակցող ապահովագրական ընկերությունների կողմից «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքի, այդ օրենքի հիման վրա ընդունված նորմատիվ իրավական ակտերի և/կամ Բյուրոյի կանոնների հետ կապված Բյուրոյի կողմից արձանագրված կամ բացահայտված խախտումների, այդ խախտումների համար Բյուրոյի կողմից կիրառված պատասխանատվության միջոցների վերաբերյալ, մասնավորապես`

1) Բյուրոյի կողմից արձանագրված այն խախտումների դեպքում, որոնց համար հաշվետու եռամսյակի ընթացքում է Բյուրոյի կողմից կիրառվել կարգապահական տույժ և/կամ որոշում է ընդունվել խախտման համար կարգապահական տույժ չկիրառել` վարույթը կարճել, թիվ 6 հաշվետվությունը լրացվում է ամբողջությամբ,

2) Բյուրոյի կողմից հաշվետու եռամսյակի ընթացքում հայտնաբերված այն խախտումների դեպքում, որոնց գծով Բյուրոն կարգապահական տույժ կիրառելու իրավասություն չունի, թիվ 6 հաշվետվության մեջ լրացվում են միայն 1-5-րդ սյունակները,

3) Թիվ 6 հաշվետվության 10-րդ սյունակում ոչինչ չի լրացվում, եթե տրված հանձնարարականը կատարման ժամկետ չի պարունակում:»:

5) Հավելվածի Հավելված 3-ի աղյուսակ 1-ը լրացնել 3-րդ կետով` հետևյալ բովանդակությամբ.

3. Գույքային և անձնական վնասների գծով:

6) Հավելվածի Հավելված 3-ի աղյուսակ 2-ի 2-րդ սյունակի և աղյուսակ 3-ի 2-րդ, 3-րդ սյունակների վերնագրերից հանել «բժշկական փոխհատուցման» բառերը:

7) Հավելվածը լրացնել Հավելված 6-ով` համաձայն Հավելված 1-ի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Ա. Ջավադյան
2011 թ. մարտի 4 ք. Երևան

Հավելված 1 Հաստատված է Հայաստանի Հանրապետության կենտրոնական բանկի խորհրդի 2011 թվականի մարտի 1-ի թիվ 45-Ն որոշմամբ

Հավելված 6  Հայաստանի Հանրապետության կենտրոնական բանկի խորհրդի 2010 թվականի հունիսի 29-ի թիվ 150-Ն որոշմամբ հաստատված Հավելվածի

ՀԱՇՎԵՏՎՈՒԹՅՈՒՆ ԲՅՈՒՐՈՅԻ ԿՈՂՄԻՑ ՀԱՅՏՆԱԲԵՐՎԱԾ ԽԱԽՏՈՒՄՆԵՐԻ ԵՎ ԿԻՐԱՌՎԱԾ ՊԱՏԱՍԽԱՆԱՏՎՈՒԹՅԱՆ ՄԻՋՈՑՆԵՐԻ ՎԵՐԱԲԵՐՅԱԼ (ԹԻՎ 6)

Ամսաթիվ` ________________

N	Խախտում թույլ տված իրավաբա-նական անձի անվանումը	Խախտման նկարագիրը	Խախտման իրավական հիմքերը (խախտված իրավական ակտի անվանումը և խախտված դրույթը)	Խախտումը թույլ տալու տարին, ամիսը, ամսաթիվը (հնարա-վորության դեպքում)	Խախտումը հայտնաբերելու տարին, ամիսը, ամսաթիվը, արձանա-գրության հերթական համարը	Խախտման համար կիրառված կարգապա-հական տույժերը	Վարույթը կարճելու հիմքերը	Կարգա-պահական տույժ կիրառելու կամ վարույթը կարճելու տարին, ամիսը, ամսաթիվը	Տրված հանձնա-րարականի բովանդա-կությունը	Հանձնա-րարականի կատարման ժամկետը
1		2	3	4	5	6	7	8	9	10
1
2
…

________________________________________        (Բյուրոյի գործադիր տնօրենի ստորագրությունը)

_________________________________________________            (Վերահսկող ծառայության ղեկավարի ստորագրությունը)