Գլխավոր տեղեկություն

Համար

N 1773-Ն

Տիպ

Որոշում

Ակտի տիպ

Base act (12.02.2011-19.07.2012)

Կարգավիճակ

Չի գործում

Սկզբնաղբյուր

ՀՀՊՏ 2011.02.02/6(809) Հոդ.94

Ընդունող մարմին

ՀՀ կառավարություն

Ընդունման ամսաթիվ

30.12.2010

Ստորագրող մարմին

ՀՀ վարչապետ

Ստորագրման ամսաթիվ

24.01.2011

Ուժի մեջ մտնելու ամսաթիվ

12.02.2011

Ուժը կորցնելու ամսաթիվ

19.07.2012

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 դեկտեմբերի 2010 թվականի N 1773-Ն

ՀԱՐԿ ՎՃԱՐՈՂՆԵՐԻ ԿՈՂՄԻՑ ՍՊԱՌՈՂՆԵՐԻՆ ԲՆԱԿԱՆ ԳԱԶԻ, ԷԼԵԿՏՐԱԿԱՆ ԷՆԵՐԳԻԱՅԻ, ԽՄԵԼՈՒ ԵՎ ՈՌՈԳՄԱՆ ՋՐԻ ՄԱՏԱԿԱՐԱՐՄԱՆ ԳՈՐԾԱՐՔՆԵՐԻ ՎԵՐԱԲԵՐՅԱԼ ՀԱՐԿԱՅԻՆ ՄԱՐՄԻՆ ՏԵՂԵԿՈՒԹՅՈՒՆՆԵՐ ՆԵՐԿԱՅԱՑՆԵԼՈՒ ՄԱՍԻՆ

«Հարկերի մասին» Հայաստանի Հանրապետության 1997 թվականի ապրիլի 14-ի ՀՕ-107 օրենքի 20-րդ հոդվածին համապատասխան` Հայաստանի Հանրապետության կառավարությունը որոշում է.

1. Հաստատել հարկ վճարողների կողմից սպառողներին բնական գազի, էլեկտրական էներգիայի, խմելու և ոռոգման ջրի մատակարարման գործարքների վերաբերյալ հարկային մարմին տեղեկություններ ներկայացնելու կարգը` համաձայն հավելվածի:

2. Սույն որոշման դրույթները չեն տարածվում անհատ ձեռնարկատեր չհանդիսացող ֆիզիկական անձանց բնական գազի, էլեկտրական էներգիայի, խմելու և ոռոգման ջրի մատակարարման գործարքների վրա:

3. Սահմանել, որ սույն որոշմամբ սահմանված տեղեկությունները չեն ներկայացվում`

1) եթե բնական գազի (բացառությամբ ավտոտրանսպորտային միջոցների գազալցման (գազալիցքավորման) գործունեության մասով), էլեկտրական էներգիայի, խմելու և ոռոգման ջրի մատակարարման գործարքների արժեքը չի գերազանցում մեկ միլիոն դրամը,

2) բնական գազի, էլեկտրական էներգիայի, խմելու և ոռոգման ջրի մատակարարման այն գործարքներին վերաբերող տեղեկությունները, որոնց մասով Հայաստանի Հանրապետության կառավարության 2010 թվականի նոյեմբերի 11-ի N 1504-Ն որոշման համաձայն էլեկտրոնային եղանակով դուրս են գրվել հարկային հաշիվներ:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը և տարածվում է որոշման ուժի մեջ մտնելու եռամսյակին հաջորդող ժամանակաշրջանում մատակարարման գործարքների վրա:

Հայաստանի Հանրապետության
վարչապետ
Տ. Սարգսյան

2011 թ. հունվարի 24
Երևան

Հավելված

ՀՀ կառավարության 2010 թվականի

դեկտեմբերի 30-ի N 1773-Ն որոշման

Կ Ա Ր Գ

1. Սույն կարգով կանոնակարգվում է «Հարկերի մասին» Հայաստանի Հանրապետության օրենքի 20-րդ հոդվածին համապատասխան հարկ վճարողների կողմից սպառողներին բնական գազի, էլեկտրական էներգիայի, խմելու և ոռոգման ջրի մատակարարման գործարքների վերաբերյալ հարկային մարմին տեղեկությունների ներկայացնելու կարգը:

2. Սույն կարգի համաձայն տեղեկություններ ներկայացնում են բնական գազի, էլեկտրական էներգիայի, խմելու և ոռոգման ջրի մատակարարման ոլորտում Հայաստանի Հանրապետության օրենսդրությամբ սահմանված կարգով գործունեություն իրականացնող վճարողները:

3. Հարկ վճարողներն իրենց կողմից սպառողներին բնական գազի, էլեկտրական էներգիայի, խմելու և ոռոգման ջրի մատակարարման գործարքների վերաբերյալ տեղեկությունները ներկայացնում են իրենց հաշվառման վայրի հարկային մարմին (այսուհետ` հարկային տեսչություն): Տեղեկությունները ներկայացվում են էլեկտրոնային տարբերակով` «էմ էս էքսել» (MS Exel) ֆայլի տեսքով:

4. Սպառողներին բնական գազի, էլեկտրական էներգիայի, խմելու և ոռոգման ջրի, մատակարարման գործարքների վերաբերյալ տեղեկությունները հարկային տեսչություն ներկայացնում են յուրաքանչյուր եռամսյակի համար` մինչև տվյալ եռամսյակին հաջորդող ամսվա 15-ը ներառյալ:

5. Հարկ վճարողները հարկային տեսչություն տեղեկությունները ներկայացնում են`

1) սպառողներին (բացառությամբ ավտոտրանսպորտային միջոցների գազալցման (գազալիցքավորման) գործունեության մասով) բնական գազի մատակարարման գործարքների վերաբերյալ` համաձայն N 1 ձևի.

2) ավտոտրանսպորտային միջոցների գազալցման (գազալիցքավորման) գործունեություն իրականացնողներին, այդ գործունեության մասով բնական գազի մատակարարման գործարքների վերաբերյալ` համաձայն N 2 ձևի: Ընդ որում, ավտոտրանսպորտային միջոցների գազալցման գործունեություն իրականացնողներին մատակարարված բնական գազի գործարքների վերաբերյալ տեղեկությունները ներկայացվում են ըստ յուրաքանչյուր գազալցման (գազալիցքավորման) կայանի (կետի).

3) սպառողներին էլեկտրական էներգիայի մատակարարման գործարքների վերաբերյալ` համաձայն N 3 ձևի.

4) սպառողներին խմելու ջրի մատակարարման գործարքների վերաբերյալ` համաձայն N 4 ձևի.

5) սպառողներին ոռոգման ջրի մատակարարման գործարքների վերաբերյալ` համաձայն N 5 ձևի:

6. Հարկ վճարողների կողմից նախկինում ներկայացված տեղեկություններում սխալների հայտնաբերման դեպքում կարող են ներկայացվել ճշտված տեղեկություններ, բացառությամբ այն դեպքերի, երբ ճշգրտված տեղեկությունները վերաբերում են հարկային մարմինների կողմից ստուգվող կամ արդեն իսկ ստուգված ժամանակաշրջաններին:

7. Հարկային տեսչությունն ստացված տեղեկությունները երեք աշխատանքային օրվա ընթացքում էլեկտրոնային կապի միջոցով ներկայացնում է վերադաս հարկային մարմին:

8. Վերադաս հարկային մարմինը հարկային տեսչությունից ստացված տեղեկությունների հետագա օգտագործումն իրականացնում է վերադաս հարկային մարմնի ղեկավարի սահմանած կարգով:

Հայաստանի Հանրապետության

կառավարության աշխատակազմի

ղեկավար
Դ. Սարգսյան

Ձև N 1