ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
3 փետրվարի 2011 թվականի N 94-Ա
ԵՐԵՎԱՆԻ ՔԱՂԱՔԱՅԻՆ ՀԱՄԱՅՆՔԻՆ ԳՈՒՅՔ ՆՎԻՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը` Հայաստանի Հանրապետության կառավարությունը որոշում է.
1. Հայաստանի Հանրապետության սեփականությունը հանդիսացող (պետական գրանցման վկայական` N 2478312, տրված` 25.09.2007 թ.)` Երևան քաղաքի Սարի թաղի նախկին սուր վարակիչ հիվանդանոցի` 3924074 դրամ հաշվեկշռային արժեքով, վթարային և կիսաքանդ 1031.6 քառ. մետր մակերեսով շինությունները և դրանցով զբաղեցված ու սպասարկման համար անհրաժեշտ 1,9538 հեկտար մակերեսով հողամասը (այսուհետ` գույք) նվիրել Երևանի քաղաքային համայնքին:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո մեկամսյա ժամկետում Երևանի քաղաքային համայնքի ղեկավարի հետ կնքել նվիրատվության պայմանագիր և ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը՝ գույքային իրավունքների պետական գրանցման հետ կապված ծախսերն իրականացնելով Երևանի քաղաքային համայնքի միջոցների հաշվին:
|
Հայաստանի Հանրապետության |
Տ. Սարգսյան |
|
|