Ա Ր Ձ Ա Ն Ա Գ Ր ՈՒ Թ Յ ՈՒ Ն

«ՄԱՔՍԱՅԻՆ ՄԻՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ԿԱՆԽԻԿ ԴՐԱՄԱԿԱՆ ՄԻՋՈՑՆԵՐԻ ԵՎ (ԿԱՄ) ԴՐԱՄԱԿԱՆ ԳՈՐԾԻՔՆԵՐԻ ՏԵՂԱՓՈԽՄԱՆ ԺԱՄԱՆԱԿ ՀԱՆՑԱՎՈՐ ՃԱՆԱՊԱՐՀՈՎ ՍՏԱՑՎԱԾ ԵԿԱՄՈՒՏՆԵՐԻ ՕՐԻՆԱԿԱՆԱՑՄԱՆԸ (ԼՎԱՑՄԱՆԸ) ԵՎ ԱՀԱԲԵԿՉՈՒԹՅԱՆ ՖԻՆԱՆՍԱՎՈՐՄԱՆԸ ՀԱԿԱԶԴԵԼՈՒ ՄԱՍԻՆ» 2011 ԹՎԱԿԱՆԻ ԴԵԿՏԵՄԲԵՐԻ 19-Ի ՊԱՅՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական միության անդամ պետությունները, այսուհետ՝ անդամ պետություններ,

հիմնվելով «Եվրասիական տնտեսական միության մասին» 2014 թվականի մայիսի 29-ի պայմանագրի վրա,

հաշվի առնելով «Եվրասիական տնտեսական միության մաքսային օրենսգրքի մասին» 2017 թվականի ապրիլի 11-ի պայմանագրի դրույթները,

համաձայնեցին հետեւյալի մասին.

Հոդված 1

«Մաքսային միության մաքսային սահմանով կանխիկ դրամական միջոցների եւ (կամ) դրամական գործիքների տեղափոխման ժամանակ հանցավոր ճանապարհով ստացված եկամուտների օրինականացմանը (լվացմանը) և ահաբեկչության ֆինանսավորմանը հակազդելու մասին» 2011 թվականի դեկտեմբերի 19-ի պայմանագրում կատարել հետևյալ փոփոխությունները՝

1) տեքստում նախաբանի առաջին պարբերությունից, 11-րդ հոդվածից և եզրափակիչ մասից բացի՝ համապատասխան թվով և հոլովով «կողմ» բառը փոխարինել համապատասխան թվով և հոլովով «անդամ պետություն» բառերով, «այդ կողմի» բառերը փոխարինել «այդ անդամ պետության» բառերով.

2) 1-ին հոդվածում՝

2-րդ ենթակետում «ընդունող կողմի» բառերը փոխարինել «ընդունող՝ Եվրասիական տնտեսական միության անդամ պետության (այսուհետ, համապատասխանաբար՝ Միություն, անդամ պետություն)» բառերով.

4-րդ ենթակետում «Մաքսային միության անդամ պետություններում կամ օտարերկրյա պետություններում (օտարերկրյա պետությունների խմբում)» բառերը փոխարինել «կամ Միության անդամներ չհանդիսացող պետություններում (պետությունների խմբում)» բառերով.

5-րդ ենթակետում «դրամական միջոցների և (կամ) դրամական գործիքների տիրապետման,» բառերից առաջ ավելացնել «Միության մաքսային սահմանով տեղափոխվող» բառերը.

3) 2-րդ հոդվածի առաջինից երրորդ պարբերությունները շարադրել հետևյալ խմբագրությամբ՝

«Անդամ պետությունների մաքսային մարմինները, փոխգործակցելով անդամ պետությունների իրավապահ և լիազորված մարմինների հետ, միջոցներ են ձեռնարկում Միության մաքսային սահմանով կանխիկ դրամական միջոցների և (կամ) դրամական գործիքների տեղափոխման ժամանակ (այսուհետ՝ կանխիկ դրամական միջոցների և (կամ) դրամական գործիքների տեղափոխում) հանցավոր ճանապարհով ստացված եկամուտների օրինականացմանը (լվացմանը) և ահաբեկչության ֆինանսավորմանը հակազդելու ուղղությամբ՝ սույն պայմանագրին և Եվրասիական տնտեսական միության մաքսային օրենսգրքին համապատասխան։

Անդամ պետությունների մաքսային մարմինները կանխիկ դրամական միջոցների և (կամ) դրամական գործիքների տեղափոխման հսկողություն են իրականացնում՝ օգտագործելով ուղևորային մաքսային հայտարարագրում կամ ապրանքների հայտարարագրում հայտագրված տեղեկությունները՝ մաքսային իրավահարաբերությունները կարգավորող՝ Միության իրավունքը կազմող միջազգային պայմանագրերին ու ակտերին և այն անդամ պետության օրենսդրությանը համապատասխան, որի մաքսային մարմիններն իրականացնում են այդ հսկողությունը։

Եթե կանխիկ դրամական միջոցների և (կամ) դրամական գործիքների տեղափոխում իրականացնող անձը (այսուհետ՝ կանխիկ դրամական միջոցներ և (կամ) դրամական գործիքներ տեղափոխող անձ) ուղևորային մաքսային հայտարարագրում կամ ապրանքների հայտարարագրում չի նշում տեղեկություններ, որոնք նշելը պարտադիր է մաքսային իրավահարաբերությունները կարգավորող՝ Միության իրավունքը կազմող միջազգային պայմանագրերին և ակտերին համապատասխան, ապա անդամ պետությունների մաքսային մարմինները, Եվրասիական տնտեսական միության մաքսային օրենսգրքին համապատասխան, մերժում են ուղևորային մաքսային հայտարարագրի կամ ապրանքների հայտարարագրի գրանցումը։».

4) 4-րդ հոդվածի տասներորդ պարբերության մեջ «Մաքսային միության մաքսային սահմանով» բառերը հանել.

5) 5-րդ հոդվածում՝

առաջին պարբերության մեջ «Մաքսային միության հանձնաժողովի որոշմամբ հաստատված» բառերը փոխարինել «Եվրասիական տնտեսական հանձնաժողովի կողմից սահմանվող» բառերով.

[փոփոխությունը վերաբերում է միայն ռուսերենին].

ութերորդ պարբերության մեջ՝

«լիազոր» բառը հանել.

«ներկայացուցիչը» բառից հետո ավելացնել «, որի լիազորությունները հաստատվել են այն անդամ պետության օրենսդրությանը համապատասխան, որի մաքսային մարմինը կասեցրել է կանխիկ դրամական միջոցների և (կամ) դրամական գործիքների տեղափոխումը,» բառերը.

«սեփականությունը» բառից հետո ավելացնել «(եկամուտը)» բառը.

[փոփոխությունը վերաբերում է միայն ռուսերենին].

իններորդ պարբերության մեջ՝

«սեփականությունը» բառից հետո ավելացնել «(եկամուտը)» բառը.

[փոփոխությունը վերաբերում է միայն ռուսերենին].

տասներորդ պարբերության մեջ «Մաքսային միության մաքսային սահմանով» բառերը հանել.

6) 6-րդ հոդվածի առաջին պարբերության մեջ ««Կանխիկ գումարների և (կամ) դրամական գործիքների հայտարարագիր» ուղևորային մաքսային հայտարարագրի լրացուցիչ ձևում ներառված» բառերը փոխարինել «ուղևորային մաքսային հայտարարագրում նշված՝ մաքսային հայտարարագրման ենթակա կանխիկ դրամական միջոցներին և (կամ) դրամական գործիքներին առնչվող» բառերով, «Մաքսային միության» բառերը փոխարինել «Միության» բառով.

7) 8-րդ հոդվածը շարադրել հետևյալ խմբագրությամբ՝

«Հոդված 8

Սույն պայմանագրի մեկնաբանման և (կամ) կիրառման հետ կապված վեճերը կարգավորվում են «Եվրասիական տնտեսական միության մասին» 2014 թվականի մայիսի 29-ի պայմանագրով սահմանված կարգով։».

8) 10-րդ հոդվածում «Կողմերի համաձայնությամբ» բառերը փոխարինել «Անդամ պետությունների փոխադարձ համաձայնությամբ» բառերով։

Հոդված 2

Սույն արձանագրությունն ուժի մեջ է մտնում այն ուժի մեջ մտնելու համար անհրաժեշտ ներպետական ընթացակարգերն անդամ պետությունների կողմից կատարվելու մասին վերջին գրավոր ծանուցումն ավանդապահի կողմից դիվանագիտական ուղիներով ստանալու օրվանից։

Կատարված է Մոսկվա քաղաքում, 2021 թվականի հուլիսի 20-ին, մեկ բնօրինակից՝ ռուսերենով:

Սույն արձանագրության բնօրինակը պահվում է Եվրասիական տնտեսական հանձնաժողովում, որը, որպես սույն արձանագրության ավանդապահ, անդամ պետություններից յուրաքանչյուրին կուղարկի դրա հաստատված պատճենը։

Պաշտոնական հրապարակման օրը՝ 10 հունվարի 2024 թվական: