Գլխավոր տեղեկություն

Համար

N 1260-Ն

Տիպ

Որոշում

Ակտի տիպ

Base act (01.01.2011-16.03.2019)

Կարգավիճակ

Չի գործում

Սկզբնաղբյուր

ՀՀՊՏ 2010.10.06/48(782) Հոդ.1119

Ընդունող մարմին

ՀՀ կառավարություն

Ընդունման ամսաթիվ

16.09.2010

Ստորագրող մարմին

ՀՀ վարչապետ

Ստորագրման ամսաթիվ

30.09.2010

Ուժի մեջ մտնելու ամսաթիվ

01.01.2011

Ուժը կորցնելու ամսաթիվ

16.03.2019

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 սեպտեմբերի 2010 թվականի N 1260-Ն

ՓՈԽՊԱՏՎԱՍՏՄԱՆ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ, ՄՇԱԿԵԼՈՒ ԿԱՆՈՆՆԵՐԸ ԵՎ ՓՈԽՊԱՏՎԱՍՏՈՒՄՆ ԻՐԱԿԱՆԱՑՆԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 4-րդ հոդվածը` Հայաստանի Հանրապետության կառավարությունը որոշում է.

1. Հաստատել`

1) փոխպատվաստման օրգաններ և (կամ) հյուսվածքներ վերցնելու, մշակելու կանոնները և փոխպատվաստումն իրականացնելու կարգը` համաձայն N 1 հավելվածի.

2) դիակային դոնորից փոխպատվաստման նպատակով օրգաններ և (կամ) հյուսվածքներ վերցնելու մասին ակտի ձևը` համաձայն N 2 հավելվածի.

3) օրգանների և (կամ) հյուսվածքների տեղափոխման հայտարարագրի ձևը` համաձայն N 3 հավելվածի.

4) փոխպատվաստման նպատակով դոնորական օրգանների և (կամ) հյուսվածքների ընդունման ակտի ձևը` համաձայն N 4 հավելվածի:

2. Սույն որոշումն ուժի մեջ է մտնում 2011 թվականի հունվարի 1-ից:

Հայաստանի Հանրապետության
վարչապետ
Տ. Սարգսյան

2010 թ. սեպտեմբերի 30
Երևան

Հավելված N 1

ՀՀ կառավարության 2010 թվականի

սեպտեմբերի 16-ի N 1260-Ն որոշման

ՓՈԽՊԱՏՎԱՍՏՄԱՆ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ, ՄՇԱԿԵԼՈՒ ԿԱՆՈՆՆԵՐԸ ԵՎ ՓՈԽՊԱՏՎԱՍՏՈՒՄՆ ԻՐԱԿԱՆԱՑՆԵԼՈՒ ԿԱՐԳԸ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է կենդանի կամ դիակային դոնորից օրգաններ և (կամ) հյուսվածքներ վերցնելու, մշակելու կանոնները և փոխպատվաստման կարգը:

2. Կենդանի դոնորից կամ դիակային դոնորից փոխպատվաստման նպատակով վերցվում են միայն այն օրգանները և (կամ) հյուսվածքները, որոնք ընդգրկված են Հայաստանի Հանրապետության կառավարության 2007 թվականի ապրիլի 26-ի N 502-Ն որոշմամբ սահմանված` փոխպատվաստման ենթակա օրգանների և (կամ) հյուսվածքների ցանկում:

3. Կենդանի դոնորից կամ դիակային դոնորից օրգաններ և (կամ) հյուսվածքներ վերցնելը, մշակելը և փոխպատվաստելը կարող է իրականացվել միայն համապատասխան տեսակի բժշկական օգնություն և սպասարկում իրականացնելու համար լիցենզավորված բժշկական հաստատությունների կողմից (այսուհետ` բժշկական հաստատություն):

4. Օրգաններ և (կամ) հյուսվածքներ վերցնելու, մշակելու և փոխպատվաստումն իրականացնելու բժշկական ուղեցույցները հաստատվում են Հայաստանի Հանրապետության կառավարության կողմից սահմանված կարգով:

II. ՓՈԽՊԱՏՎԱՍՏՄԱՆ ՀԱՄԱՐ ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԵՎ ՄՇԱԿԵԼՈՒ ԿԱՐԳԸ

5. Բժշկական հաստատությունում փոխպատվաստման նպատակով կենդանի դոնորից օրգաններ և (կամ) հյուսվածքներ վերցվում են միայն այն դեպքում, եթե`

1) առկա է կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն` տրված Հայաստանի Հանրապետության կառավարության 2008 թվականի փետրվարի 7-ի N 132-Ն որոշմամբ սահմանված կարգով.

2) առկա է կենդանի դոնորի գրավոր համաձայնությունը.

3) վիրահատությանը նախորդող 15-oրյա ժամկետում դոնորը գրավոր նախազգուշացվել է սպասվելիք վիրահատական միջամտության բոլոր հնարավոր բարդությունների հավանականության և պոտենցիալ ռիսկի մասին:

6. Կենդանի դոնորից փոխպատվաստման նպատակով օրգաններ և (կամ) հյուսվածքներ կարող է վերցնել միայն համապատասխան մասնագիտացում ունեցող բժիշկների, միջին և կրտսեր բուժանձնակազմի խումբը: Կենդանի դոնորից օրգաններ և (կամ) հյուսվածքներ վերցվում են յուրաքանչյուր օրգանի և (կամ) հյուսվածքի համար սահմանված` Հայաստանի Հանրապետության կառավարության կողմից սահմանված բժշկական ուղեցույցների համաձայն:

7. Կենդանի դոնորից օրգաններ և (կամ) հյուսվածքներ վերցնելուց հետո կազմվում է արձանագրություն օրգանի և (կամ) հյուսվածքի որակի վերաբերյալ, որը կցվում է կենդանի դոնորի, իսկ պատճենը` ռեցիպիենտի հիվանդության պատմությանը:

8. Կենդանի դոնորից վերցված օրգանները և (կամ) հյուսվածքները ենթարկվում են համապատասխան մշակման` Հայաստանի Հանրապետության կառավարության կողմից սահմանված կարգով:

III. ՓՈԽՊԱՏՎԱՍՏՄԱՆ ՀԱՄԱՐ ԴԻԱԿԱՅԻՆ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԵՎ ՄՇԱԿԵԼՈՒ ԿԱՐԳԸ

9. Դիակային դոնորից փոխպատվաստման նպատակով օրգաններ և (կամ) հյուսվածքներ վերցնում է միայն համապատասխան մասնագիտացում ունեցող բժիշկների, միջին ու կրտսեր բուժանձնակազմի խումբը: Նշված խմբում ընդգրկվում են բժիշկ-անեսթեզիոլոգ, վիրաբույժ, բուժքույրեր, դատական բժիշկ կամ պաթանատոմ: Անհրաժեշտության դեպքում բժշկական հաստատության տնօրենի հրամանով բուժանձնակազմի խմբում կարող են ընդգրկվել նաև այլ բժիշկ-մասնագետներ: Բուժանձնակազմի խմբի մեջ չեն ընդգրկվում այն բժիշկները, ովքեր մասնակցել են դոնորի ուղեղային մահվան հաստատմանը:

10. Դիակային դոնորից օրգաններ և (կամ) հյուսվածքներ վերցնելուց հետո լրացվում է Հայաստանի Հանրապետության կառավարության 2010 թվականի սեպտեմբերի 16-ի N 1260-Ն որոշման 1-ին կետի 2-րդ ենթակետով հաստատված ձևի ակտ դիակային դոնորից փոխպատվաստման նպատակով օրգաններ և (կամ) հյուսվածքներ վերցնելու մասին: Ակտը վավերացվում է բժշկական հաստատության կնիքով: Ակտը կցվում է դիակային դոնորի հիվանդության պատմությանը, իսկ պատճենն ուղարկվում է օրգանների և հյուսվածքների դոնորների և ռեցիպիենտների ռեեստր:

11. Դիակային դոնորից օրգաններ և (կամ) հյուսվածքներ վերցնելուց հետո կազմվում է արձանագրություն յուրաքանչյուր վերցված օրգանի և (կամ) հյուսվածքի որակի վերաբերյալ, որը կցվում է դիակային դոնորի հիվանդության պատմությանը, իսկ պատճենը` ռեցիպիենտի հիվանդության պատմությանը:

13. Դիակային դոնորից վերցված օրգանները և (կամ) հյուսվածքները ենթարկվում են համապատասխան մշակման` Հայաստանի Հանրապետության կառավարության կողմից սահմանված կարգով:

IV. ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ ՓՈԽՊԱՏՎԱՍՏՄԱՆ ԿԱՐԳԸ

14. Համապատասխան մշակման ենթարկված օրգանները և (կամ) հյուսվածքները փաթեթավորվում են համապատասխան ջերմային ռեժիմ ապահովող տեղափոխման արկղի կամ պայուսակի մեջ: Հայաստանի Հանրապետության կառավարության 2010 թվականի սեպտեմբերի 16-ի N 1260-Ն որոշման 1-ին կետի 3-րդ ենթակետով հաստատված ձևի օրգանների և (կամ) հյուսվածքների տեղափոխման հայտարարագրի լրացումից հետո օրգանները և (կամ) հյուսվածքները տեղափոխվում են այն բժշկական հաստատություն, որտեղ իրականացվելու է օրգանների և (կամ) հյուսվածքների փոխպատվաստումը:

15. Օրգանի և (կամ) հյուսվածքի տեղափոխման դեպքում, տեղափոխման հայտարարագրի հետ միասին, փոխպատվաստումն իրականացնող բժշկական հաստատություն են ուղարկվում նաև Հայաստանի Հանրապետության կառավարության կողմից հաստատված կարգով տրված դիակային դոնորի մասին և վերցված օրգանի և (կամ) հյուսվածքի որակի վերաբերյալ տեղեկանքների պատճենները:

16. Փոխպատվաստումն իրականացնող բժշկական հաստատությունում տեղափոխման արկղը կամ պայուսակը բացելուց հետո փոխպատվաստումն իրականացնող բժշկական հաստատության տնօրենի կողմից լիազորած անձի կողմից լրացվում է Հայաստանի Հանրապետության կառավարության 2010 թվականի սեպտեմբերի 16-ի N 1260-Ն որոշման 1-ին կետի 4-րդ ենթակետով հաստատված ձևի ընդունման ակտ` փոխպատվաստման նպատակով դոնորական օրգանների և (կամ) հյուսվածքների: Ընդունման ակտը լրացվում է 2 օրինակով, որոնցից մեկը պահվում է փոխպատվաստումն իրականացնող բժշկական հաստատությունում, իսկ մյուսն ուղարկվում է օրգանների և հյուսվածքների դոնորների և ռեցիպիենտների ռեեստր:

17. Վերցված օրգանների և (կամ) հյուսվածքների փոխպատվաստումն իրականացվում է միայն համապատասխան պատրաստվածություն ունեցող բժիշկների, միջին և կրտսեր բուժանձնակազմի խմբի կողմից: Դիակային դոնորի դեպքում նշված բժշկական խմբի մեջ չեն կարող ընդգրկված լինել այն բժիշկները, ովքեր մասնակցել են դոնորի ուղեղային մահվան հաստատմանը:

18. Վերցված օրգանների և (կամ) հյուսվածքների փոխպատվաստումն իրականացվում է` Հայաստանի Հանրապետության կառավարության կողմից սահմանված կարգով:

19. Փոխպատվաստումն իրականացնող բժշկական հաստատությունում կենդանի կամ դիակային դոնորից վերցված օրգանները և (կամ) հյուսվածքները փոխպատվաստվում են, եթե`

1) առկա է փոխպատվաստման անհրաժեշտության մասին բժշկական եզրակացություն` համաձայն Հայաստանի Հանրապետության կառավարության 2008 թվականի փետրվարի 7-ի N 131-Ն որոշմամբ սահմանված կարգի.

2) առկա է ռեցիպիենտի գրավոր համաձայնությունը.

3) վիրահատությանը նախորդող 15-oրյա ժամկետում ռեցիպիենտը գրավոր նախազգուշացվել է սպասվելիք վիրահատական միջամտության հետ կապված հնարավոր բարդությունների և պոտենցիալ ռիսկի մասին:

20. Փոխպատվաստումն իրականացնելուց հետո բժշկական հաստատության տնօրենն օրգանների և հյուսվածքների դոնորների և ռեցիպիենտների ռեեստրին համապատասխան գրավոր տեղեկատվություն է հաղորդում ռեցիպիենտի և կատարված օրգանի և (կամ) հյուսվածքի փոխպատվաստման վերաբերյալ:

Հայաստանի Հանրապետության

կառավարության աշխատակազմի

ղեկավար
Դ. Սարգսյան

Հավելված N 2

ՀՀ կառավարության 2010 թվականի

սեպտեմբերի 16-ի N 1260-Ն որոշման

Ձև

----------------------------------------------------------------------------------------------------------------
(բժշկական հաստատության անվանումը)

Ա Կ Տ

դիակային դոնորից փոխպատվաստման նպատակով օրգաններ և (կամ) հյուսվածքներ վերցնելու մասին

---------------------------------------------------------------------------------------------------------------------------------

Դոնորի անունը, ազգանունը, հայրանունը -------------------------------------------------------------- տարիքը

Դիակային դոնորից օրգան (օրգաններ) և (կամ) հյուսվածք (հյուսվածքներ)` ------------------------------

----------------------------------------------------------------------------------------------------------------------------------

-----------------------------------------------------------------------------------------------------------------------------------

(նշվում է (են) օրգանի (օրգաններ) և (կամ) հյուսվածքի (հյուսվածքներ) անվանումները)

վերցնելն իրականացվել է դոնորի ուղեղային մահվան հաստատումն արձանագրելուց հետո`

----------------------------------------------------------------------------------------------------------------------------------:

Օրգանը (օրգաններ) և (կամ) հյուսվածքը (հյուսվածքներ) վերցվել են ---------------------------------------

-----------------------------------------------------------------------------------------------------------------------------------

(նշվում է բժշկական հաստատությունը, բժշկի (բժիշկներ) պաշտոնը, անունը, ազգանունը, հայրանունը)

------- կողմից:

Օրգանի (օրգաններ) և (կամ) հյուսվածքի (հյուսվածքներ) վերցման վիրահատության կարճ նկարագիրը՝

-----------------------------------------------------------------------------------------------------------------------------------

Վիրահատության սկիզբը`---------------------------------- ավարտը`-------------------------------------------------:

Օրգանի (օրգաններ) և (կամ) հյուսվածքի (հյուսվածքներ) վերցման վիրահատությանը մասնակցել են նաև՝

վիրաբույժներ ----------------------------------------------------------------------------------------------------------------