ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 մայիսի 2010 թվականի N 612-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետի` Հայաստանի Հանրապետության կառավարությունը որոշում է.

1. Հայաստանի Հանրապետության արդարադատության նախարարության «Գորիս» քրեակատարողական հիմնարկի համար տարածք ձեռք բերելու և նախագծանախահաշվային փաստաթղթերը կազմելու նպատակով` Հայաստանի Հանրապետության 2010 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության արդարադատության նախարարությանը 2010 թվականի առաջին կիսամյակում հատկացնել 80,280.0 հազ. դրամ, որից` բյուջետային ծախսերի տնտեսագիտական դասակարգման «Հող» հոդվածով` 11,480.0 հազ. դրամ, «Նախագծահետազոտական ծախսեր» հոդվածով` 68,800.0 հազ. դրամ:

2. Հայաստանի Հանրապետության արդարադատության նախարարին` Հայաստանի Հանրապետության արդարադատության նախարարության «Գորիս» քրեակատարողական հիմնարկի նոր շենքային համալիրի կառուցման նպատակով հողատարածքը ձեռք բերել Հայաստանի Հանրապետության Սյունիքի մարզի Գորիսի քաղաքային համայնքից 8 կիլոմետր դեպի Խնձորեսկի գյուղական համայնքն ընկած հատվածում` Վարդան Գրիշայի Գալստյանին (անձնագիր` AH 0353136, տրված` 27.03.2007 թ., 032-ի կողմից) սեփականության իրավունքով պատկանող հողատարածքներից:

3. Հաստատել սույն որոշման 1-ին կետով սահմանված բյուջետային հատկացումների հաշվին պետական կարիքների համար 2010 թվականին իրականացվող գնումների անվանացանկը` համաձայն հավելվածի:

Հայաստանի Հանրապետության վարչապետ	Տ. Սարգսյան
2010 թ. մայիսի 25 Երևան

Հավելված ՀՀ կառավարության 2010 թվականի  մայիսի 20-ի N 612-Ա որոշման

Գ Ն ՈՒ Մ Ն Ե Ր Ի  Ա Ն Վ Ա Ն Ա Ց Ա Ն Կ

Գնման ենթակա ապրանքների, աշխատանքների և ծառայությունների		Չափի միավորը	Ամբողջ քանակը (ծավալը)	Մեկ միավորի գինը կամ սակագինը (դրամ)	Ընդհանուր գումարը (հազ. դրամ)	Գնման ձևը	Պայմանագրերի
NN ը/կ	անվանումները						կնքման ժամկետը	կատարման վերջնա-ժամկետը
	ԸՆԴԱՄԵՆԸ` ԾԱԽՍԵՐԻ ԳՈՒՄԱՐԸ				80280,0
	ԿԱՊԻՏԱԼ ԾԱԽՍԵՐ				80280,0
5134	Նախագծահետազոտական ծախսեր				68800,0
1	ՀՀ արդարադատության նախարարության «Գորիս» քրեակատարողական հիմնարկի նախագծանախահաշվային փաստաթղթերի մշակման աշխատանքներ	դրամ	1	68800000,0	68800,0	նպատակային մրցույթ	հունիս	դեկտեմբեր
5411	Հող				11480,0
1	Հողատարածքի ձեռքբերում	հա	10,6296	1080000,0	11480,0	մեկ անձ	մայիս	հունիս

Հայաստանի Հանրապետության կառավարության աշխատակազմի ղեկավար

Դ. Սարգսյան