ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

14 հունվարի 2010 թվականի N 32-Ն

2010 ԹՎԱԿԱՆԻ ՊԵՏԱԿԱՆ ՆՊԱՍՏՆԵՐԻ ՉԱՓԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն «Պետական նպաստների մասին» Հայաստանի Հանրապետության oրենքի 8-րդ, 20-րդ, 22-րդ, 24-րդ և 24.2-րդ հոդվածների` Հայաստանի Հանրապետության կառավարությունը որոշում է.

1. Հաստատել ընտանեկան նպաստի և միանվագ դրամական oգնության վճարման համար նախատեսված ֆինանսական միջոցների չափերն ըստ սոցիալական ծառայություններ տրամադրող տարածքային մարմինների` հաշվի առնելով Հայաստանի Հանրապետության 2010 թվականի պետական բյուջեով ընտանեկան նպաստի և միանվագ դրամական oգնության համար հատկացված միջոցները` համաձայն հավելվածի:

2. Սահմանել ընտանիքի անապահովության սահմանային միավորը, ընտանեկան նպաստի բազային մասի, հավելման և միանվագ oգնության չափերը`

1) ընտանիքի անապահովության սահմանային միավորի մեծությունը` 30.00 միավոր.

2) ընտանեկան նպաստի բազային մասը` 13500 դրամ.

3) 30.01-35.00 անապահովության միավոր ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 5500 դրամ,

բ. չորս և ավելի` 18 տարին չլրացած անդամ ունեցող ընտանիքների (այսուհետ` բազմազավակ ընտանիք) յուրաքանչյուր 18 տարին չլրացած անդամին տրվող հավելումը` 6500 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6000 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ.

4) 35.01-39.00 անապահովության միավոր ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 6000 դրամ,

բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7000 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6500 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7500 դրամ.

5) 39.01 և ավելի անապահովության միավոր ունեցող ընտանիքների`

ա. յուրաքանչյուր 18 տարին չլրացած անդամին տրվող հավելումը` 6500 դրամ,

բ. բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7500 դրամ,

գ. բարձր լեռնային կամ սահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ,

դ. բարձր լեռնային կամ սահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 8000 դրամ.

6) միանվագ դրամական oգնության չափերը` ընտանեկան նպաստի իրավունք ունեցող ընտանիքում`

ա. երեխայի ծննդյան դեպքում` 50 հազ. դրամ,

բ. երեխայի` առաջին դասարան ընդունվելու դեպքում` 25 հազ. դրամ,

գ. ընտանիքի անդամի մահվան դեպքում` 50 հազ. դրամ.

7) հրատապ oգնության չափը` ընտանեկան նպաստի իրավունք չունեցող ընտանիքում` 13500 դրամ:

(2-րդ կետը փոփ. 25.03.10 N 276-Ն)

3. Սահմանել երեխայի ծննդյան միանվագ նպաստի չափը` 50 հազ. դրամ, իսկ ընտանիքում ծնված երրորդ, ինչպես նաև հաջորդ յուրաքանչյուր երեխայի համար` 430 հազ. դրամ:

4. Սահմանել մինչև 2 տարեկան երեխայի խնամքի նպաստի չափը` 18 հազ. դրամ:

5. Սահմանել`

1) զոհված` Հայաստանի ազգային հերոսի ընտանիքի նպաստի չափը` 250 հազ. դրամ.

2) զոհված` առաջին աստիճանի Մարտական խաչ շքանշանով պարգևատրված անձի ընտանիքի նպաստի չափը` 150 հազ. դրամ.

3) զոհված` երկրորդ աստիճանի Մարտական խաչ շքանշանով պարգևատրված անձի ընտանիքի նպաստի չափը` 100 հազ. դրամ:

6. Թույլատրել Հայաստանի Հանրապետության աշխատանքի և սոցիալական հարցերի նախարարին 2010 թվականի չորրորդ եռամսյակում, ըստ անհրաժեշտության, կատարել սույն որոշման 1-ին կետով սահմանված ֆինանսական միջոցների վերաբաշխում` սոցիալական ծառայություններ տրամադրող տարածքային մարմինների միջև` ընդհանուր միջոցների մեկ տոկոսի սահմաններում:

7. Հայաստանի Հանրապետության 2010 թվականի պետական բյուջեի «Ընտանեկան նպաստ և միանվագ դրամական oգնություն» ծրագրով նախատեսված ֆինանսական միջոցների մինչև 0,2 տոկոսն ուղղել Հայաստանի Հանրապետության աշխատանքի և սոցիալական հարցերի նախարարության կողմից պետական նպաստների նշանակման և վճարման աշխատանքների համար իրականացվող լրացուցիչ ծախսերին (մեթոդական և հրահանգչական նյութերի բազմացման, գրասենյակային ապրանքների, սարքավորումների և նյութերի, գործուղման, կապի, էլեկտրաէներգիայի, տրանսպորտի և այլ ծախսեր):

8. Հանձնարարել Հայաստանի Հանրապետության մարզպետներին և առաջարկել Երևանի քաղաքապետին, Գյումրու, Վանաձորի, Ջերմուկի և Արարատի քաղաքային համայնքների ղեկավարներին ապահովել 2010 թվականի ընթացքում ընտանիքների անապահովության գնահատման համակարգում ընտանիքների հաշվառման (փաստագրման) աշխատանքների արդյունավետ կազմակերպումը, իսկ սոցիալական ծառայություններ տրամադրող տարածքային մարմինների սպասարկման տարածքում մեկից ավելի համայնքների առկայության դեպքում աշխատանքները կազմակերպել համայնքներում` դրանցում ներգրավելով տեղական ինքնակառավարման մարմինները:

9. Հայաստանի Հանրապետության կառավարության 2005 թվականի դեկտեմբերի 29-ի «Ընտանիքների անապահովության գնահատման և ընտանիքների անապահովության գնահատման համակարգի տեղեկատվական բազայում ամրագրված անհատական տվյալների պաշտպանության, փոփոխությունների կատարման և Հայաստանի Հանրապետության աշխատանքի և սոցիալական հարցերի նախարարության ու սոցիալական ծառայությունների տարածքային գործակալությունների միջև անհատական տվյալների փոխանակման կարգերը հաստատելու մասին» N 2317-Ն որոշման մեջ կատարել հետևյալ փոփոխությունները`

1) որոշման N 1 հավելվածի`

ա. 4-րդ կետի «բ» ենթակետում «առանձին մուտքերով բնակարաններում բնակվող ընտանիքների կամ» բառերը փոխարինել «բնակվող ընտանիքների» բառերով,

բ. 7-րդ կետի 21-րդ ենթակետում «աշխատունակ» բառը փոխարինել «` կենսաթոշակի իրավունք չունեցող» բառերով.

2) որոշման N 4 հավելվածի 1-ին կետի աղյուսակի «Գործակիցը» սյունակում` «Հասակավոր թռչուն» տողում «0,002» թիվը փոխարինել «0,02» թվով:

10. Հայաստանի Հանրապետության կառավարության 2009 թվականի հունիսի 26-ի «Ընտանիքի (քաղաքացու) ներկայացրած փաստաթղթերում նպաստի իրավունք տվող կամ նպաստի չափի փոփոխություն առաջացնող ոչ հավաստի տեղեկությունների հիման վրա ավելի վճարված գումարների վերադարձման սոցիալական աջակցության խորհրդի առաջարկության մասին որոշում ընդունելու և ընտանիքի (քաղաքացու) հետ գրավոր համաձայնությամբ ժամանակացույց կազմելու կարգը հաստատելու մասին» N 723-Ն որոշման 1-ին կետով հաստատված կարգի 24-րդ կետում «որևէ» բառը փոխարինել «` ոչ հավաստի տեղեկատվությամբ դիմում-հայտարարագիր ներկայացնելու պահին, որևէ չափահաս» բառերով:

11. Հայաստանի Հանրապետության կառավարության 2008 թվականի մարտի 20-ի «Զոհված` Հայաստանի ազգային հերոսի կամ Մարտական խաչ շքանշանով պարգևատրված անձի ընտանիքի նպաստի չափը և վճարման կարգը հաստատելու մասին» N 255-Ն որոշման մեջ կատարել հետևյալ փոփոխությունները`

1) որոշման վերնագրից հանել «ՉԱՓԸ ԵՎ» բառերը.

2) ուժը կորցրած ճանաչել որոշման 2-րդ կետը:

12. Սույն որոշումն ուժի մեջ է մտնում պաշտոնական հրապարակմանը հաջորդող oրվանից, և դրա գործողությունը տարածվում է 2010 թվականի հունվարի 1-ից հետո ծագած հարաբերությունների վրա` բացառությամբ 9-րդ կետի 2-րդ ենթակետի, որն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2010 թ. հունվարի 25 Երևան

 

Հավելված ՀՀ կառավարության 2010 թվականի  հունվարի 14-ի N 32-Ն որոշման

ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՎՃԱՐՄԱՆ ՀԱՄԱՐ ՆԱԽԱՏԵՍՎԱԾ ՖԻՆԱՆՍԱԿԱՆ ՄԻՋՈՑՆԵՐԻ ՉԱՓԵՐՆ ԸՍՏ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐ ՏՐԱՄԱԴՐՈՂ ՏԱՐԱԾՔԱՅԻՆ ՄԱՐՄԻՆՆԵՐԻ

Մարզը	Տարածքային մարմինները	2010 թվական
		նախատեսված միջին ամսական գումարը (դրամ)	այդ թվում՝ հրատապ օգնություն (3 տոկոս) (դրամ)	2010 թվականին ՀՀ պետական բյուջեով նախատեսված գումարի բաշխումը (դրամ)
1	2	3	4	5
Արարատի	Արարատ	12,053,982	361,619	144,647,789
	Արտաշատ	64,365,720	1,930,972	772,388,645
	Վեդի	60,170,446	1,805,113	722,045,352
	Մասիս	66,969,357	2,009,081	803,632,282
	ընդամենը	203,559,506	6,106,785	2,442,714,067
Արագածոտնի	Աշտարակ	62,909,523	1,887,286	754,914,277
	Ապարան	15,531,008	465,930	186,372,099
	Ծաղկահովիտ	18,364,301	550,929	220,371,615
	Թալին	36,105,691	1,083,171	433,268,292
	ընդամենը	132,910,524	3,987,316	1,594,926,283
Արմավիրի	Արմավիր	60,076,106	1,802,283	720,913,270
	Վաղարշապատ	60,836,767	1,825,103	730,041,210
	Բաղրամյան	17,460,440	523,813	209,525,278
	ընդամենը	138,373,313	4,151,199	1,660,479,758
Գեղարքունիքի	Գավառ	60,109,366	1,803,281	721,312,396
	Սևան	48,029,664	1,440,890	576,355,965
	Վարդենիս	72,520,630	2,175,619	870,247,562
	Ճամբարակ	26,650,858	799,526	319,810,292
	Մարտունի	149,670,121	4,490,104	1,796,041,455
	ընդամենը	356,980,639	10,709,419	4,283,767,669
Լոռու	Թումանյան	31,613,862	948,416	379,366,343
	Տաշիր	26,379,277	791,378	316,551,328
	Վանաձոր	155,273,063	4,658,192	1,863,276,760
	Սպիտակ	107,177,549	3,215,326	1,286,130,591
	Ստեփանավան	100,371,735	3,011,152	1,204,460,817
	ընդամենը	420,815,486	12,624,465	5,049,785,838
Կոտայքի	Աբովյան	70,383,074	2,111,492	844,596,884
	Հրազդան	61,504,098	1,845,123	738,049,182
	Չարենցավան	34,060,837	1,021,825	408,730,050
	Նաիրի	54,893,238	1,646,797	658,718,851
	ընդամենը	220,841,247	6,625,237	2,650,094,966
Շիրակի	Արթիկ	75,629,569	2,268,887	907,554,828
	Ամասիա	4,575,323	137,260	54,903,874
	Մարալիկ	24,644,617	739,339	295,735,407
	Ախուրյան	39,561,729	1,186,852	474,740,743
	Աշոցք	6,721,425	201,643	80,657,094
	Գյումրի-1	132,018,069	3,960,542	1,584,216,825
	Գյումրի-2	145,682,088	4,370,463	1,748,185,055
	ընդամենը	428,832,819	12,864,985	5,145,993,826
Սյունիքի	Գորիս	46,328,534	1,389,856	555,942,413
	Կապան	26,221,730	786,652	314,660,761
	Մեղրի	7,289,312	218,679	87,471,740
	Սիսիան	19,295,188	578,856	231,542,250
	ընդամենը	99,134,764	2,974,043	1,189,617,164
Տավուշի	Դիլիջան	25,593,819	767,815	307,125,824
	Իջևան	49,115,715	1,473,471	589,388,579
	Նոյեմբերյան	22,629,711	678,891	271,556,533
	Բերդ	32,879,237	986,377	394,550,848
	ընդամենը	130,218,482	3,906,554	1,562,621,784
Վայոց ձորի	Ջերմուկ	4,543,227	136,297	54,518,719
	Վայք	10,732,290	321,969	128,787,482
	Եղեգնաձոր	35,597,186	1,067,916	427,166,235
	ընդամենը	50,872,703	1,526,181	610,472,436
Երևանի	Աջափնյակ	49,742,437	1,492,273	596,909,241
	Ավան	15,055,751	451,673	180,669,011
	Արաբկիր	21,001,946	630,058	252,023,356
	Դավթաշեն	16,651,731	499,552	199,820,768
	Էրեբունի	51,392,574	1,541,777	616,710,885
	Կենտրոն	39,422,604	1,182,678	473,071,251
	Մալաթիա-Սեբաստիա	57,683,892	1,730,517	692,206,706
	Նոր Նորք	42,853,026	1,285,591	514,236,315
	Նորք-Մարաշ	6,240,760	187,223	74,889,120
	Նուբարաշեն	6,970,783	209,123	83,649,395
	Շենգավիթ	64,903,499	1,947,105	778,841,987
	Քանաքեռ-Զեյթուն	30,787,614	923,628	369,451,372
	ընդամենը	402,706,617	12,081,199	4,832,479,409
Ընդամենը` ՀՀ		2,585,246,100	77,557,383	31,022,953,200

Հայաստանի Հանրապետության կառավարության աշխատակազմի ղեկավար

Դ. Սարգսյան