ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ
 

16 մարտի 2010 թվականի N 168-Ա

ՊԱՏՎԻՐԱԿՈՒԹՅՈՒՆ ՊԵԿԻՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության էներգետիակայի և բնական պաշարների նախարարության և չինական «ԿԱՏԻՍ» ընկերության միջև կնքված ընդհանուր համաձայնագրի շրջանակներում գործնական բանակցություններին մասնակցելու նպատակով 2010 թվականի մարտի 14-19-ը Պեկին (Չինաստանի Ժողովրդական Հանրապետություն) գործուղել պատվիրակություն` համաձայն հավելվածի:

2. Պատվիրակության` Պեկին գործուղման հետ կապված ծախսերը կատարել`

1) Ա. Մովսիսյանինը, Հ. Խաչատրյանինը և Ա. Տեր-Մարտիրոսյանինը` Հայաստանի Հանրապետության 2010 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Ի. Կարապետյանինը` «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի միջոցների հաշվին:

3. Ընդունել ի գիտություն, որ Ս. Աբրահամյանի և Ա. Աղուզումցյանի՝ Պեկին գործուղման հետ կապված ծախսերը կկատարվեն «Բարձրավոլտ էլեկտրացանցեր» փակ բաժնետիրական ընկերության միջոցների հաշվին:

4. Հայաստանի Հանրապետության արտաքին գործերի նախարարին` լուծել պատվիրակության` Պեկին մեկնելու հետ կապված հարցերը:

5. Հայաստանի Հանրապետության էներգետիակայի և բնական պաշարների նախարար Ա. Մովսիսյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Պեկին գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2010 թ. մարտի 16 Երևան

Հավելված ՀՀ վարչապետի 2010 թ. մարտի 16-ի N 168-Ա որոշման

Կ Ա Զ Մ

2010 ԹՎԱԿԱՆԻ ՄԱՐՏԻ 14-19-Ը ՊԵԿԻՆ ՄԵԿՆՈՂ ՊԱՏՎԻՐԱԿՈՒԹՅԱՆ

Ա. Մովսիսյան	- ՀՀ էներգետիկայի և բնական պաշարների նախարար (պատվիրակության ղեկավար)
Հ. Խաչատրյան	- ՀՀ էներգետիկայի և բնական պաշարների նախարարության աշխատակազմի արտաքին կապերի վարչության միջազգային տնտեսական համագործակցության բաժնի առաջին կարգի մասնագետ
Ի. Կարապետյան	- «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի գործադիր տնօրեն (համաձայնությամբ)
Ս. Աբրահամյան	- «Բարձրավոլտ էլեկտրացանցեր» ՓԲԸ-ի գլխավոր տնօրեն (համաձայնությամբ)
Ա. Տեր-Մարտիրոսյան	- փորձագետ (համաձայնությամբ)
Ա. Աղուզումցյան	- թարգմանիչ (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան