ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԵՎ ԴՐԱ ԱՆԴԱՄ ՊԵՏՈՒԹՅՈՒՆՆԵՐԻ՝ ՄԻ ԿՈՂՄԻՑ, ԵՎ ՎԻԵՏՆԱՄԻ ՍՈՑԻԱԼԻՍՏԱԿԱՆ ՀԱՆՐԱՊԵՏՈՒԹՅԱՆ՝ ՄՅՈՒՍ ԿՈՂՄԻՑ, ՄԻՋԵՎ ԱԶԱՏ ԱՌԵՎՏՐԻ ՄԱՍԻՆ ՀԱՄԱՁԱՅՆԱԳՐԻՆ ԿԻՑ՝ ՌՈՒՍԱՍՏԱՆԻ ԴԱՇՆՈՒԹՅԱՆ ԵՎ ՎԻԵՏՆԱՄԻ ՍՈՑԻԱԼԻՍՏԱԿԱՆ ՀԱՆՐԱՊԵՏՈՒԹՅԱՆ ՄԻՋԵՎ ՍՏՈՐԱԳՐՎԱԾ ԹԻՎ 2 ԱՐՁԱՆԱԳՐՈՒԹՅՈՒՆ

Ստորագրելով Եվրասիական տնտեսական միության և դրա անդամ պետությունների՝ մի կողմից, և Վիետնամի Սոցիալիստական Հանրապետության՝ մյուս կողմից, միջև ազատ առևտրի մասին համաձայնագիրը (այսուհետ՝ «Համաձայնագիր»)՝ Ռուսաստանի Դաշնությունը և Վիետնամի Սոցիալիստական Հանրապետությունը (այսուհետ` սույն Արձանագրության Կողմեր) համաձայնել են հետևյալի մասին.

Ռուսաստանի Դաշնության և Վիետնամի Սոցիալիստական Հանրապետության միջև Համաձայնագիրը կիրառելիս Համաձայնագրի դրույթի և ԱՀԿ համաձայնագրի դրույթի միջև հակասության դեպքում ԱՀԿ համաձայնագրի դրույթը գերակա է հակասության շրջանակներում:

Ի հավելումն, բացառությամբ Համաձայնագրի հոդված 1.4-ում (Համատեղ կոմիտե), հոդված 1.5-ում (Համատեղ կոմիտեի գործառույթներ), հոդված 1.6-ում (Գերակա ներդրումային ծրագրեր), հոդված 1.7-ում (Կապի ապահովման կենտրոններ), հոդված 2.10-ում (Տրիգերի պաշտպանիչ միջոցներ), հոդված 2.12-ում (Ապրանքների առևտրի հարցերով զբաղվող կոմիտե), հոդված 3.4-ում (Երկկողմ պաշտպանական միջոցներ), հոդված 3.5-ում (Ծանուցումներ), Գլուխ 4-ում (Ծագման կանոններ), հոդված 5.6-ում (Մաքսային համագործակցություն), հոդված 5.7-ում (Տեղեկությունների փոխանակում), հոդված 6.7-ում (Խորհրդակցություններ), հոդված 6.8-ում (Համագործակցություն), հոդված 6.9-ում (Իրավասու մարմիններ և կապի ապահովման կենտրոններ), հոդված 7.10-ում (Կապի ապահովման կենտրոններ և տեղեկությունների փոխանակում), հոդված 7.11-ում (Համագործակցություն), հոդված 7.12-ի (Խորհրդակցություններ), հոդված 8.6-ում (Կապի ապահովման կենտրոններ), հոդված 8.7-ում (Օգուտների մերժում), հոդված 8.9-ում (Միացում), հոդված 8.10-ում (Փոփոխություններ), հոդված 8.11-ում (Խորհրդակցություններ), հոդված 8.12-ում (Վեճերի կարգավորումը սույն գլխի Կողմերի միջև), Գլուխ 8-ի (Ծառայությունների առևտուր, ներդրումներ և ֆիզիկական անձանց տեղաշարժ) Բաժին III-ում (Հիմնադրում, առևտրային ներկայություն և գործունեություն), Բաժին V-ում (Ներդրումներ), Գլուխ 9-ում (Մտավոր սեփականություն), Գլուխ 13-ում (Էլեկտրոնային տեխնոլոգիաներն առևտրում), Գլուխ 14-ում (Վեճերի կարգավորումը), Գլուխ 15-ում (Եզրափակիչ դրույթներ) սահմանվածի` Համաձայնագրով նախատեսված յուրաքանչյուր հարց, որը կարգավորված չէ ԱՀԿ համաձայնագրով, չի կարող կիրառվել նրանց նկատմամբ:

Համաձայնագրում ոչինչ միտված չէ ստեղծել և չի ստեղծում Համաձայնագրի կողմ չհանդիսացող երկրների, այդպիսի երկրների անձանց, կամ նրանց ապրանքների, ծառայությունների կամ ներդրումների համար իրավունքներ, օգուտներ, առավելություններ, արտոնություններ կամ իմունիտետ, կամ նրանց նկատմամբ սույն Արձանագրության Կողմերի պարտավորություններ:

Առավել հստակության համար, սույն Արձանագրությունը չի կարող խոչընդոտել սույն Արձանագրության կողմերին օգտվելու Հավելված I-ով և Համաձայնագրին կից թիվ 2 Արձանագրությամբ ամրագրված հանձնառություններից:

Սույն Արձանագրությունը կազմում է Համաձայնագրի անբաժանելի մասը: Համաձայնագրի Գլուխ 14-ի (Վեճերի կարգավորում) դրույթները կիրառվում են սույն Արձանագրության Կողմերի միջև սույն Արձանագրության մեկնաբանման կամ կիրառման հետ կապված վեճերի կարգավորման նկատմամբ՝ Համաձայնագրի հոդված 8.12-ի երկրորդ պարբերությունում սահմանված համապատասխան փոփոխություններով (mutatis mutandis):

Կատարված է Բուրաբայում, 2015 թվականի մայիսի 29-ին, երկու բնօրինակով՝ անգլերենով։