Գլխավոր տեղեկություն
Համար
N 719-Ա
Տիպ
Որոշում
Ակտի տիպ
Incorporation (13.09.2009-till now)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
26.06.2009
Ստորագրող մարմին
ՀՀ վարչապետ
Ստորագրման ամսաթիվ
03.07.2009
Ուժի մեջ մտնելու ամսաթիվ
04.07.2009

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ


 26 հունիսի 2009 թվականի N 719-Ա

 

ՀԱՆՔԱՐԴՅՈՒՆԱԲԵՐԱԿԱՆ ՈԼՈՐՏԻ ԸՆԿԵՐՈՒԹՅՈՒՆՆԵՐԻՆ ԲՅՈՒՋԵՏԱՅԻՆ ՎԱՐԿԵՐ ՏՐԱՄԱԴՐԵԼՈՒ ՄԱՍԻՆ

 

Հանքարդյունաբերական ոլորտի զարգացմանը խթանելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների նախարարին` Հայաստանի Հանրապետության կառավարության 2009 թվականի հունիսի 26-ի «Տնտեսության վարկավորման ծրագրի մասին» N 717-Ա որոշման հավելվածի «Բաղադրիչ 3»-ի շրջանակներում`

1) «Զանգեզուր մայնինգ» սահմանափակ պատասխանատվությամբ ընկերությանը տրամադրել 15,000,000 ԱՄՆ-ի դոլար գումարով վարկ` 5 տարի մարման ժամկետով, վեցամսյա Լիբոր+7 տոկոսադրույքով, վարկի հիմնական գումարի և հաշվարկվող տոկոսների վճարումը` սկսած 2009 թվականի դեկտեմբերի 15-ից` կիսամյակային կտրվածքով։ Որպես տրամադրված վարկի ապահովության միջոց ընդունել «Արմենիան մոլիբդեն փրոդաքշն» սահմանափակ պատասխանատվությամբ ընկերության երաշխավորությունը` վերջինիս արտադրական համալիրի գրավադրմամբ.

2) «Արմենիան մոլիբդեն փրոդաքշն» սահմանափակ պատասխանատվությամբ ընկերությանը տրամադրել 15,000,000 ԱՄՆ-ի դոլար գումարով վարկ` 5 տարի մարման ժամկետով, վեցամսյա Լիբոր+7 տոկոսադրույքով, վարկի հիմնական գումարի և հաշվարկվող տոկոսների վճարումը` սկսած 2009 թվականի դեկտեմբերի 15-ից` կիսամյակային կտրվածքով։ Որպես տրամադրված վարկի ապահովության միջոց ընդունել «Արմենիա մոլիբդեն փրոդաքշն» սահմանափակ պատասխանատվությամբ ընկերության Երևան քաղաքի Արինբերդի 3/6 հասցեում գտնվող արտադրական համալիրը` կնքելով գրավի պայմանագիր.

3) ընթացիկ կրեդիտորական պարտքերի սպասարկման և հիմնական միջոցների ձեռքբերման նպատակով «Ագարակի պղնձամոլիբդենային կոմբինատ» փակ բաժնե­տի­րական ընկերությանը տրամադրել 14,000,000 ԱՄՆ-ի դոլար գումարի չափով վարկ` 4 տարի մարման ժամկետով, վեցամսյա Լիբոր+8 տոկոսադրույքով, վարկի հիմնական գումարի և հաշվարկվող տոկոսների վճարումը` սկսած 2009 թվականի դեկտեմբերի 15-ից, կիսամյա­կային կտրվածքով։ Որպես տրամադրված վարկի ապահովության միջոց` հաջորդող գրավի պայմաններով գրավ ընդունել ընկերության արտադրական համալիրը, ընկերության հետ կնքել գրավի պայմանագիր` գրավ ընդունելով վարկի հաշվին ձեռք բերվող ծանր տեխնիկան և սարքավորումները, ինչպես նաև հանքարդյունահանման իրավունքը:

(1-ին կետը խմբ. 27.08.09 N 1026-Ա)

 

Հայաստանի Հանրապետության
վարչապետ

 Տ. Սարգսյան


2009 թ. հուլիսի 3
Երևան

  

Փոփոխման պատմություն
Փոփոխող ակտ Համապատասխան ինկորպորացիան
27.08.2009, N 1026-Ա 13.09.2009, N 719-Ա
Փոփոխված ակտ
Փոփոխող ակտ Համապատասխան ինկորպորացիան