ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

10 հուլիսի 2009 թվականի N 577-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ԲՈՆՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի՝

1. Ֆինանսական և տեխնիկական համագործակցության հայ-գերմանական միջկառավարական հանձնաժողովի հերթական նիստին մասնակցելու նպատակով 2009 թվականի հուլիսի 14-17-ը Բոնն (Գերմանիայի Դաշնային Հանրապետություն) գործուղել Հայաստանի Հանրապետության պատվիրակություն` համաձայն հավելվածի:

2. Տ. Դավթյանի, Ա. Մովսիսյանի, Ի. Զաքարյանի, Ա. Շահնազարյանի, Վ. Տերտերյանի և Ա. Անդրեասյանի` Բոնն գործուղման հետ կապված ծախսերը կատարել Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ`

1) Ա. Ջավադյանի` Բոնն գործուղման հետ կապված ծախսերը կկատարվեն Հայաստանի Հանրապետության կենտրոնական բանկի միջոցների, իսկ Կ. Ղազինյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին.

2) Տ. Դավթյանի, Ա. Մովսիսյանի, Ի. Զաքարյանի, Ա. Շահնազարյանի, Վ. Տերտերյանի և Ա. Անդրեասյանի` գիշերավարձի հետ կապված ծախսերը հոգում է հրավիրող կողմը:

4. Հայաստանի Հանրապետության արտաքին գործերի նախարարին` լուծել Հայաստանի Հանրապետության պատվիրակության` Բոնն մեկնելու հետ կապված հարցերը:

5. Հայաստանի Հանրապետության ֆինանսների նախարար Տ. Դավթյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Բոնն գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2009 թ. հուլիսի 10 Երևան

Հավելված ՀՀ վարչապետի 2009 թ. հուլիսի 10-ի N 577-Ա որոշման

Կ Ա Զ Մ

2009 ԹՎԱԿԱՆԻ ՀՈՒԼԻՍԻ 14-17-Ը ԲՈՆՆ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

Տ. Դավթյան	- ՀՀ ֆինանսների նախարար (hանձնաժողովի համանախագահ)
Ա. Մովսիսյան	- ՀՀ էներգետիկայի և բնական պաշարների նախարար
Ի. Զաքարյան	- ՀՀ վերահսկիչ պալատի նախագահ (համաձայնությամբ)
Ա. Ջավադյան	- ՀՀ կենտրոնական բանկի նախագահ (համաձայնությամբ)
Վ. Տերտերյան	- ՀՀ տարածքային կառավարման նախարարի առաջին տեղակալ
Կ. Ղազինյան	- ՀՀ արտաքին գործերի նախարարի տեղակալ
Ա. Անդրեասյան	- ՀՀ տարածքային կառավարման նախարարության ջրային տնտեսության պետական կոմիտեի նախագահ
Ա. Շահնազարյան	- ՀՀ ֆինանսների նախարարության աշխատակազմի ղեկավար (հանձնաժողովի պատասխանատու քարտուղար)

Հայաստանի Հանրապետության կառավարության աշխատակազմի ղեկավար

Դ. Սարգսյան