ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

11 օգոստոսի 2009 թվականի N 678-Ա

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով հաստատված կարգի 121-րդ կետի 2-րդ ենթակետի և Հայաստանի Հանրապետության կառավարության 2009 թվականի մարտի 2-ի նիստի 14-րդ արձանագրային որոշմամբ հավանության արժանացած` Մտավոր սեփականության հուսալի և արդյունավետ պահպանության իրականացման հայեցակարգի 7-րդ կետի՝ մտավոր սեփականության բնագավառում իրավախախտումների դեմ պայքարն ուժեղացնելու և դրա իրականացումը համակարգելու նպատակով`

1. Ստեղծել միջգերատեսչական հանձնաժողով` համաձայն հավելվածի:

2. Միջգերատեսչական հանձնաժողովի նախագահին` հանձնաժողովի աշխատանքների արդյունքների մասին զեկուցագրերը յուրաքանչյուր կիսամյակը մեկ անգամ ներկայացնել Հայաստանի Հանրապետության վարչապետին` քննարկման:

Հայաստանի Հանրապետության վարչապետ	Տ. Սարգսյան
2009 թ. օգոստոսի 11 Երևան

Հավելված ՀՀ վարչապետի 2009 թ. օգոստոսի 11-ի N 678-Ա որոշման

Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Ն. Երիցյան	- ՀՀ էկոնոմիկայի նախարար, (միջգերատեսչական հանձնաժողովի նախագահ)
Հ. Պողոսյան	- ՀՀ կառավարությանն առընթեր ՀՀ ոստիկանության կազմակերպված հանցավորության դեմ պայքարի գլխավոր վարչության պետ, ոստիկանության գնդապետ
Պ. Ղալթախչյան	- ՀՀ տնտեսական մրցակցության պաշտպանության պետական հանձնաժողովի նախագահի տեղակալ
Է. Նանյան	- ՀՀ ազգային անվտանգության ծառայության աշխատող
Ա. Օսիկյան	- ՀՀ կառավարությանն առընթեր պետական եկամուտների կոմիտեի նախագահի տեղակալ
Վ. Արամյան	- ՀՀ ֆինանսների նախարարի տեղակալ
Ս. Պետրոսյան	- ՀՀ սփյուռքի նախարարի տեղակալ
Ա. Պողոսյան	- ՀՀ մշակույթի նախարարի տեղակալ
Ն. Առուստամյան	- ՀՀ արդարադատության նախարարի տեղակալ
Ն. Մկրտչյան	- Հայաստանի Հանրապետությունում «Մայքրոսոֆթ» ընկերության իրավունքների և օրինական շահերի լիազոր ներկայացուցիչ, «ԲիԷսԷյ» ընկերության փորձագետ, իրավախորհրդատու (համաձայնությամբ)
Գ. Բարսեղյան	- «Մայքրոսոֆթ ԱրԷյ» Հայաստանի ներկայացուցչության տնօրեն (համաձայնությամբ)
Ա. Գալոյան	- Հայաստանի Հանրապետության «Արտոնագրային հավատարմատարների ասոցիացիա» հասարակական կազմակերպության նախագահ (համաձայնությամբ)
Ս. Ներսիսյան	- «Հայհեղինակ» հեղինակների իրավունքների պաշտպանության հասարակական կազմակերպության գլխավոր տնօրեն (համաձայնությամբ)
Ա. Ազիզյան	- ՀՀ էկոնոմիկայի նախարարության աշխատակազմի մտավոր սեփականության գործակալության պետ
Լ. Մաքսուդյան	- ՀՀ էկոնոմիկայի նախարարության աշխատակազմի գիտելիքի տնտեսության, նորարարության և ձեռներեցության խթանման վարչության նորարարության, չափագիտության և ստանդարտացման բաժնի պետ, միջգերատեսչական հանձնաժողովի քարտուղար

Հայաստանի Հանրապետության կառավարության աշխատակազմի ղեկավար

Դ. Սարգսյան