«Գրանցված է»

ՀՀ արդարադատության

նախարարության կողմից

29 հոկտեմբերի 2009 թ.

Պետական գրանցման թիվ 05009371

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2007 ԹՎԱԿԱՆԻ ՆՈՅԵՄԲԵՐԻ 16-Ի ԹԻՎ 366-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Ապահովագրության և ապահովագրական գործունեության մասին» Հայաստանի Հանրապետության օրենքի 85-րդ հոդվածի 2-րդ մասը, «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, 20-րդ հոդվածի «ե», «իա» կետերը և «Իրավական ակտերի մասին» Հայաստանի Հանրապետության օրենքի 16-րդ հոդվածը՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2007 թվականի նոյեմբերի 16-ի «Ապահովագրական ընկերությունների հաշվետվությունների ձևերը, դրանցում ներառվող տեղեկատվությունը, ներկայացնելու կարգը և ժամկետները» կանոնակարգ 3/04-ը հաստատելու մասին» թիվ 366-Ն որոշմամբ հաստատված «Ապահովագրական ընկերությունների հաշվետվությունների ձևերը, դրանցում ներառվող տեղեկատվությունը, ներկայացնելու կարգը և ժամկետները» կանոնակարգ 3/04-ում» (այսուհետ` Կանոնակարգ 3/04) կատարել հետևյալ փոփոխությունը և լրացումները.

1) Կանոնակարգ 3/04-ի 2-րդ կետի աղյուսակը լրացնել նոր տողով` հետևյալ բովանդակությամբ.

2) Կանոնակարգ 3/04-ի 6-րդ կետը «տարեկան հաշվետվություններում» բառերից հետո լրացնել «(բացառությամբ՝ թիվ 21 հաշվետվության)» բառերով:

3) Կանոնակարգ 3/04-ի 9-րդ կետը «հունվարի 30-ը» բառերից հետո լրացնել «, բացառությամբ թիվ 21 հաշվետվության, որը Կենտրոնական բանկ է ներկայացվում մինչև ապահովագրության յուրաքանչյուր դասի համար հերթական տարեկան պետական տուրքի վճարման՝ ՀՀ օրենսդրությամբ սահմանված վերջնաժամկետին հաջորդող 10-րդ աշխատանքային օրը (ներառյալ)» բառերով:

4) Կանոնակարգ 3/04-ի երկրորդ 212 կետը փոխարինել 212.1 կետով:

5) Կանոնակարգ 3/04-ը լրացնել նոր 21-րդ գլխով՝ հետևյալ բովանդակությամբ.

«Գ Լ ՈՒ Խ  21

 ՏԱՐԵԿԱՆ ՊԵՏԱԿԱՆ ՏՈՒՐՔԻ ԵՎ ՖԻՆԱՆՍԱԿԱՆ ՀԱՄԱԿԱՐԳԻ ՀԱՇՏԱՐԱՐԻ ԳՐԱՍԵՆՅԱԿԻ ՕԳՏԻՆ ՎՃԱՐՎԱԾ ՊԱՐՏԱԴԻՐ ՎՃԱՐՆԵՐԻ ՎԵՐԱԲԵՐՅԱԼ ԹԻՎ 21 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

222. Թիվ 21 հաշվետվությանը կից Կենտրոնական բանկ են ներկայացվում հաշվետու ժամանակաշրջանի ընթացքում վճարված հերթական տարեկան պետական տուրքի, դրա վճարումն ուշացնելու համար վճարված տույժի (առկայության դեպքում) վճարումը հավաստող փաստաթղթերի (պետական տուրքի վճարման անդորրագիր, վճարման հանձնարարական և այլն) սքան արված տարբերակները:

223. Թիվ 21 հաշվետվության համար հաշվետու ժամանակաշրջան է համարվում ապահովագրության յուրաքանչյուր դասի լիցենզիայի տրամադրման օրվանից մինչև յուրաքանչյուր հաջորդ տարվա նույն օրն ընկած ժամանակահատվածը:

224. Թիվ 21 հաշվետվությունը բաղկացած է 2 աղյուսակից:

225. Հաշվետվության 1-ին աղյուսակում արտացոլվում է հաշվետու ժամանակաշրջանում վճարված և վճարման ենթակա հերթական տարեկան պետական տուրքի վերաբերյալ տեղեկատվություն:

226. Հաշվետվության 1-ին աղյուսակի 1-ին սյունակում նշվում են ապահովագրության այն դասերը, որոնցով ապահովագրական գործունեություն իրականացնելու համար ապահովագրական ընկերությունը հաշվետու ժամանակաշրջանի վերջի դրությամբ ունի լիցենզիա:

227. Հաշվետվության 1-ին աղյուսակի 2-րդ սյունակում նշվում է 1-ին սյունակում նշված ապահովագրության յուրաքանչյուր դասի համար Կենտրոնական բանկի կողմից լիցենզիայի տրամադրման ամսաթիվը` օր/ամիս/տարի ֆորմատով:

228. Հաշվետվության 1-ին աղյուսակի 3-րդ սյունակում նշվում է 1-ին սյունակում նշված ապահովագրության յուրաքանչյուր դասի համար հաշվետու ժամանակաշրջանի ընթացքում հերթական տարեկան պետական տուրքի գծով վճարված գումարը (առանց տույժերի գումարի): Հաշվետու ժամանակաշրջանի ընթացքում ապահովագրական ընկերության կողմից ապահովագրության նույն դասի գծով կատարված առանձին վճարումները պետք է արտացոլել առանձին տողերով, բացառությամբ նույն օրվա ընթացքում նույն ժամանակաշրջանի համար կատարված մեկից ավելի վճարումների, որոնք նշված սյունակում լրացվում են մեկ թվով:

229. Հաշվետվության 1-ին աղյուսակի 4-րդ սյունակում լրացվում է 1-ին սյունակում նշված ապահովագրության յուրաքանչյուր դասի համար նախատեսված հերթական տարեկան պետական տուրքի վճարումը ՀՀ օրենսդրությամբ սահմանված ժամկետներում ամբողջությամբ կամ մասնակի չկատարելու համար հաշվետու ժամանակաշրջանում վճարված տույժի չափը: Հաշվետու ժամանակաշրջանի ընթացքում ապահովագրական ընկերության կողմից ապահովագրության նույն դասի համար հաշվարկված տույժերի գծով կատարված առանձին վճարումները պետք է արտացոլել առանձին տողերով` յուրաքանչյուր վճարված գումարի համար լրացնելով միայն սույն աղյուսակի 1-ին, 5-րդ, 8-րդ և 9-րդ սյունակները, բացառությամբ նույն օրվա ընթացքում ապահովագրության նույն դասի գծով կատարված մեկից ավելի վճարումների, որոնք նշված սյունակում լրացվում են մեկ թվով:

230. Հաշվետվության 1-ին աղյուսակի 5-րդ սյունակում նշվում է հաշվետու ժամանակաշրջանում վճարված պետական տուրքի կամ տույժերի վճարման ամսաթիվը՝ օր/ամիս/տարի ֆորմատով: Այն դեպքում, երբ վճարված պետական տուրքի և տույժերի վճարման ամսաթվերը համընկնում են, ապա այդ գումարները լրացվում են մեկ տողով, հակառակ դեպքում` լրացվում են առանձին տողերով` յուրաքանչյուր վճարված գումարի համար նշելով համապատասխան վճարման ամսաթիվը:

231. Հաշվետվության 1-ին աղյուսակի 6-րդ և 7-րդ սյունակներում համապատասխանաբար լրացվում են այն ժամանակաշրջանի սկիզբը և վերջը, որի համար վճարվել է 3-րդ սյունակում նշված գումարը: Օրինակ, եթե ապահովագրության որևէ դասով գործունեություն իրականացնելու լիցենզիան տրամադրվել է 11.08.2003թ. և ապահովագրական ընկերությունը կատարել է հերթական տարեկան պետական տուրքի վճարում 01.07.2008թ.` հաջորդ տարվա համար, ապա 6-րդ սյունակում կնշվի 11/08/2008, իսկ 7-րդ սյունակում` 11/08/2009: Այն դեպքում, երբ ապահովագրական ընկերությունը մեկ վճարումով իրականացնում է պետական տուրքի վճարում տարբեր ժամանակաշրջանների համար, ապա դրանք պետք է արտացոլել առանձին տողերով` վճարված գումարի յուրաքանչյուր մասի համար լրացնելով համապատասխան ժամանակաշրջանը:

232. Հաշվետվության 1-ին աղյուսակի 8-րդ սյունակում լրացվում է Հայաստանի Հանրապետության բյուջեի համապատասխան հաշվի համարը, որին կատարվել է 3-րդ և (կամ) 4-րդ սյունակներում նշված գումարների վճարումը:

233. Հաշվետվության 1-ին աղյուսակի 9-րդ սյունակում լրացվում է 5-րդ սյունակում նշված օրվա վերջի դրությամբ ապահովագրության տվյալ դասի համար նախատեսված տարեկան պետական տուրքի գծով վճարման ենթակա գումարի ժամկետանց մասի և վճարման ենթակա տույժերի չափը: «Մնացորդը հաշվետու ժամանակաշրջանի վերջի դրությամբ» տողը լրացվում է միայն 9-րդ սյունակի համար, որտեղ նշվում է հաշվետու ժամանակաշրջանի վերջին օրվա դրությամբ ապահովագրության բոլոր դասերի համար նախատեսված պետական տուրքի գումարի ժամկետանց մասի և վճարման ենթակա տույժերի հանրագումարը:

234. Հաշվետվության 2-րդ աղյուսակում արտացոլվում է հաշվետու ժամանակաշրջանում Ֆինանսական համակարգի հաշտարարի գրասենյակի օգտին վճարված և վճարման ենթակա պարտադիր վճարների վերաբերյալ տեղեկատվություն:

235. Հաշվետվության 2-րդ աղյուսակի 1-ին սյունակում նշվում է ապահովագրական ընկերության կողմից Ֆինանսական համակարգի հաշտարարի գրասենյակի օգտին սույն աղյուսակի 3-րդ սյունակում նշված եռամսյակի համար ՀՀ օրենսդրությամբ սահմանված պարտադիր վճարի այն մասը, որը դեռևս չի վճարվել 4-րդ սյունակում նշված օրվա դրությամբ:

236. Հաշվետվության 2-րդ աղյուսակի 2-րդ սյունակում լրացվում են հաշվետու ժամանակաշրջանում ապահովագրական ընկերության կողմից Ֆինանսական համակարգի հաշտարարի գրասենյակի օգտին վճարված պարտադիր վճարները (առանց տոկոսագումարների): Հաշվետու ժամանակաշրջանի ընթացքում ապահովագրական ընկերության կողմից կատարված առանձին վճարումները պետք է արտացոլել առանձին տողերով, բացառությամբ նույն օրվա ընթացքում նույն ժամանակաշրջանի համար կատարված մեկից ավելի վճարումների, որոնք նշված սյունակում լրացվում են մեկ թվով:

237. Հաշվետվության 2-րդ աղյուսակի 3-րդ սյունակում նշվում է տարվա այն եռամսյակը, որի համար վճարվել է 2-րդ սյունակում նշված գումարը: Եռամսյակը նշվում է հետևյալ ֆորմատով` եռամսյակ/տարի (օրինակ` 2/2009): Այն դեպքում, երբ ապահովագրական ընկերությունը մեկ վճարումով իրականացնում է պարտադիր վճարների մուծում տարբեր ժամանակաշրջանների (եռամսյակների) համար, ապա դրանք պետք է արտացոլել առանձին տողերով` վճարված գումարի յուրաքանչյուր մասի համար լրացնելով համապատասխան ժամանակաշրջանը:

238. Հաշվետվության 2-րդ աղյուսակի 4-րդ սյունակում նշվում է հաշվետու ժամանակաշրջանում վճարված պարտադիր վճարների կամ տոկոսագումարների վճարման ամսաթիվը՝ օր/ամիս/տարի ֆորմատով: Այն դեպքում, երբ պարտադիր վճարների և տոկոսագումարների վճարման ամսաթվերը համընկնում են, ապա այդ գումարները լրացվում են մեկ տողի վրա, հակառակ դեպքում` լրացվում են առանձին տողերով` յուրաքանչյուր վճարված գումարի համար նշելով համապատասխան վճարման ամսաթիվը:

239. Հաշվետվության 2-րդ աղյուսակի 5-րդ սյունակում նշվում է սույն աղյուսակի 4-րդ սյունակում նշված օրվա սկզբի դրությամբ` ժամկետանց օրերի համար ՀՀ օրենսդրության համաձայն հաշվեգրված և չվճարված տոկոսագումարների չափը (առկայության դեպքում): Այն դեպքում, երբ 4-րդ սյունակում առկա են նույն ամսաթիվն ունեցող մեկից ավելի տողեր, ապա սույն աղյուսակի 5-րդ, 6-րդ և 8-րդ սյունակները լրացվում են միայն վերջին տողի համար:

240. Հաշվետվության 2-րդ աղյուսակի 6-րդ սյունակում լրացվում է ժամկետանց օրերի համար հաշվեգրված տոկոսագումարների` հաշվետու ժամանակաշրջանում վճարված գումարը: Հաշվետու ժամանակաշրջանում ապահովագրական ընկերության կողմից տոկոսագումարների գծով կատարված առանձին վճարումները պետք է արտացոլել առանձին տողերով (բացառությամբ նույն օրվա ընթացքում կատարված մեկից ավելի վճարումների, որոնք նշված սյունակում լրացվում են մեկ թվով)` յուրաքանչյուր վճարված տոկոսագումարի համար լրացնելով միայն սույն աղյուսակի 4-րդ, 5-րդ, 7-րդ և 8-րդ սյունակները:

241. Հաշվետվության 2-րդ աղյուսակի 7-րդ սյունակում լրացվում է Ֆինանսական համակարգի հաշտարարի գրասենյակի համապատասխան հաշվի համարը, որին կատարվել է սույն աղյուսակի 2-րդ և (կամ) 6-րդ սյունակում նշված գումարների վճարումը:

242. Հաշվետվության 2-րդ աղյուսակի 8-րդ սյունակում լրացվում է սույն աղյուսակի 4-րդ սյունակում նշված օրվա վերջի դրությամբ Ֆինանսական համակարգի հաշտարարի գրասենյակին վճարման ենթակա պարտադիր վճարի ժամկետանց մասի և վճարման ենթակա տոկոսագումարների հանրագումարը: «Մնացորդը հաշվետու ժամանակաշրջանի վերջի դրությամբ» տողը լրացվում է միայն սույն աղյուսակի 8-րդ սյունակի համար, որտեղ նշվում է հաշվետու ժամանակաշրջանի վերջին օրվա դրությամբ Ֆինանսական համակարգի հաշտարարի գրասենյակին վճարման ենթակա պարտադիր վճարի ժամկետանց մասի և վճարման ենթակա տոկոսագումարների չափը:»:

6) Կանոնակարգ 3/04-ը լրացնել նոր Հավելված 21-ով` համաձայն Հավելված 1-ի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Ա. Ջավադյան
2009 թ. սեպտեմբերի 15 ք. Երևան

 

Հավելված 1  Հաստատված է ՀՀ կենտրոնական բանկի խորհրդի 2009 թվականի սեպտեմբերի 8-ի թիվ 265-Ն որոշմամբ

Հավելված 21 ՀՀ կենտրոնական բանկի խորհրդի 2007 թվականի նոյեմբերի 16-ի թիվ 366-Ն որոշմամբ հաստատված կանոնակարգ 3/04-ի

Հ Ա Շ Վ Ե Տ Վ ՈՒ Թ Յ ՈՒ Ն  ԹԻՎ 21

ՏԱՐԵԿԱՆ ՊԵՏԱԿԱՆ ՏՈՒՐՔԻ ԵՎ ՖԻՆԱՆՍԱԿԱՆ ՀԱՄԱԿԱՐԳԻ ՀԱՇՏԱՐԱՐԻ ԳՐԱՍԵՆՅԱԿԻ ՕԳՏԻՆ ՎՃԱՐՎԱԾ ՊԱՐՏԱԴԻՐ ՎՃԱՐՆԵՐԻ ՎԵՐԱԲԵՐՅԱԼ

(տարեկան)

ԱՂՅՈՒՍԱԿ 1. ՏԱՐԵԿԱՆ ՊԵՏԱԿԱՆ ՏՈՒՐՔԻ ՎՃԱՐՄԱՆ ՎԵՐԱԲԵՐՅԱԼ

Ապահովագրական ընկերության անվանում՝ ______________________

                                             Ամսաթիվ՝ ______________________

Ապահովագրական ընկերության վարչության նախագահ՝                                                      (Գործադիր տնօրեն)
Կ. Տ.
Գլխավոր հաշվապահ՝

ԱՂՅՈՒՍԱԿ 2. ՖԻՆԱՆՍԱԿԱՆ ՀԱՄԱԿԱՐԳԻ ՀԱՇՏԱՐԱՐԻ ԳՐԱՍԵՆՅԱԿԻ ՕԳՏԻՆ ՎՃԱՐՎԱԾ ՊԱՐՏԱԴԻՐ ՎՃԱՐՆԵՐԻ ՎԵՐԱԲԵՐՅԱԼ

Ապահովագրական ընկերության անվանում՝ ______________________

                                             Ամսաթիվ՝ ______________________

Ապահովագրական ընկերության վարչության նախագահ՝                                                         (Գործադիր տնօրեն)
Կ. Տ.
Գլխավոր հաշվապահ՝