ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
17 սեպտեմբերի 2009 թվականի N 1071-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈՒՆԻՍԻ 29-Ի N 867 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2002 թվականի հունիսի 29-ի «Հայաստանի Հանրապետությունում դեղերի արտադրության, դեղատնային գործունեության, բժշկական օգնության և սպասարկման, բժշկական միջին մասնագիտական ու բարձրագույն կրթական ծրագրերի իրականացման լիցենզավորման կարգերը և նշված գործունեությունների իրականացման լիցենզիայի ձևերը հաստատելու մասին» N 867 որոշման մեջ կատարել հետևյալ լրացումներն ու փոփոխությունը`
1) որոշմամբ հաստատված` Հայաստանի Հանրապետությունում դեղատնային գործունեության իրականացման լիցենզավորման կարգում`
ա. 8-րդ կետը լրացնել հետևյալ բովանդակությամբ նոր` 7-րդ ենթակետով.
«7) հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին»,
բ. 9-րդ կետը լրացնել հետևյալ բովանդակությամբ նոր` 3.1-ին ենթակետով.
«3.1. նախորդ օրացուցային տարվա ընթացքում հսկիչ-դրամարկղային մեքենա չկիրառելու հիմքով հայտատուի գործունեությունը 10 և ավելի օրով կասեցված է եղել»,
գ. կարգը լրացնել հետևյալ բովանդակությամբ նոր` 21.1-ին կետով.
«21.1. Դեղատանը կամ դեղատնային կրպակում մանրածախ վաճառքի` կանխիկ դրամով իրականացվող հաշվարկների բոլոր դեպքերում կիրառվում են հսկիչ-դրամարկղային մեքենաներ».
2) դեղատնային գործունեության իրականացման լիցենզիա ստանալու մասին հայտի`
ա. N 1 ձևի 8-րդ կետը լրացնել հետևյալ բովանդակությամբ նոր` 11-րդ ենթակետով.
«11) հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին»,
բ. N 2 ձևի 8-րդ կետը լրացնել հետևյալ բովանդակությամբ նոր` 10-րդ ենթակետով.
«10) հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին».
3) Հայաստանի Հանրապետությունում կազմակերպությունների կամ անհատ ձեռնարկատերերի կողմից բժշկական օգնության և սպասարկման իրականացման լիցենզավորման կարգում`
ա. 6-րդ կետը լրացնել հետևյալ բովանդակությամբ նոր` «ը» և «թ» ենթակետերով.
«ը) հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին,
թ) հիվանդանոցային բուժհաստատությունների դեպքում` տեղեկանք համապատասխան բաժանմունքում լիցենզավորվող բժշկական օգնության և սպասարկման իրականացման համար առկա մահճակալների թվի մասին»,
բ. կարգը լրացնել հետևյալ բովանդակությամբ նոր` 6.1-ին կետով.
«6.1. Հայաստանի Հանրապետությունում կազմակերպությունների և անհատ ձեռնարկատերերի կողմից բժշկական օգնության և սպասարկման ծառայություններ մատուցելիս` կանխիկ դրամով իրականացվող հաշվարկների բոլոր դեպքերում կիրառվում են հսկիչ-դրամարկղային մեքենաներ»,
գ. կարգի 7-րդ կետը շարադրել հետևյալ խմբագրությամբ.
«7. Լիցենզավորված անձը լիցենզավորման ենթակա գործունեության տեսակների իրականացման ժամանակ պարտավոր է պահպանել օրենքով և սույն կարգի 6-րդ կետի «գ» ենթակետով և 6.1-ին կետով ամրագրված պարտադիր պահանջներն ու պայմանները».
4) բժշկական օգնության և սպասարկման լիցենզիա ստանալու մասին հայտի N 1 ձևում նշված` կից ներկայացվող փաստաթղթերի ցանկը լրացնել հետևյալ բովանդակությամբ նոր` 6-րդ և 7-րդ կետերով.
«6. Հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին
7. Հիվանդանոցային բուժհաստատությունների դեպքում` տեղեկանք համապատասխան բաժանմունքում լիցենզավորվող բժշկական օգնության և սպասարկման իրականացման համար առկա մահճակալների թվի մասին».
5) բժշկական օգնության և սպասարկման լիցենզիա ստանալու մասին հայտի N 2 ձևում նշված` կից ներկայացվող փաստաթղթերի ցանկը լրացնել հետևյալ բովանդակությամբ նոր` 5-րդ և 6-րդ կետերով.
«5. Հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին
6. Հիվանդանոցային բուժհաստատությունների դեպքում` տեղեկանք համապատասխան բաժանմունքում լիցենզավորվող բժշկական օգնության և սպասարկման իրականացման համար առկա մահճակալների թվի մասին».
6) Հայաստանի Հանրապետությունում բժշկական միջին մասնագիտական և բարձրագույն կրթական ծրագրերի իրականացման լիցենզավորման կարգում`
ա. կարգը լրացնել հետևյալ բովանդակությամբ նոր` 10.1-ին կետով.
«10.1. Հայաստանի Հանրապետությունում բժշկական միջին մասնագիտական և բարձրագույն կրթական ծրագրեր իրականացնող ուսումնական հաստատություններում կանխիկ դրամով իրականացվող հաշվարկների բոլոր դեպքերում կիրառվում են հսկիչ-դրամարկղային մեքենաներ»,
բ. 11-րդ կետը լրացնել հետևյալ բովանդակությամբ նոր` «զ» ենթակետով.
«զ) հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին»,
գ. 12-րդ կետը լրացնել հետևյալ բովանդակությամբ նոր` «գ.1» ենթակետով.
«գ.1) նախորդ օրացուցային տարվա ընթացքում հսկիչ-դրամարկղային մեքենա չկիրառելու հիմքով հայտատուի գործունեությունը 10 և ավելի օրով կասեցված է եղել».
7) բժշկական միջին մասնագիտական և բարձրագույն կրթական ծրագրերի իրականացման լիցենզիա ստանալու մասին հայտի`
ա. N 1 ձևում նշված` կից ներկայացվող փաստաթղթերի ցանկը լրացնել հետևյալ բովանդակությամբ նոր` 6-րդ կետով.
«6. Հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին».
բ. N 2 ձևում նշված` կից ներկայացվող փաստաթղթերի ցանկը լրացնել հետևյալ բովանդակությամբ նոր` 5-րդ կետով.
«5. Հարկային մարմնի կողմից տրված տեղեկանք գործունեության իրականացման վայրում հսկիչ-դրամարկղային մեքենա գրանցված լինելու մասին»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Տ. Սարգսյան |
|
|